كمل القصة ع زوؤك وابدع!!!
 

السلام عليكم

فكرة جديدة وحصريه لمنتدى بنات فلسطين
ومتل ما عودتكم

افكار راح تجيب اخرتكم ههههه

المهم
الفكرة كالتالي:

راح بلش قصة بجملة او تنتين

والعضو الي بعدي يكمل من عندو بكمان بجملتين...وهكذا

لنألف قصة بأقلامنا

الله يستر كيف راح تطلع!!

راح بلش:

كان يا ما كان
يا سادة يا كرام

عيلة مكونة من الام والاب وبنت وولد
شاءت الاقدار وماتت الام
;
;
;
كملوها معي
بتمنى تتفاعلو



تحياتي

فكرة حلوة يا ملك
ينقل للقسم المناسب

حبيبتي ملاك تسلميلي
شاركي معي لافعل الفكرة
وبكون ممنونتك

مشكورة

بيوم بعد ما ضرب الزلمة منسف
وقاعد بأرجل قرر انو يتجوز
؛
؛

فكرة جميلة ومميزه
انتقاء رائع ،

بعد ما قرر يتجوز راح لآمه
وحكالها تشوف عروسة الو

امو يا حرام ع باب الله
بس جارتها ام العبد بتعجبك
؛
؛

وآم العبد بتكون مثل آمو ربته من وهو صغير
راحت آمه وحكت آلها عن بنتهآ

بس بنت ام العبد كبيرة بالعمر

والزلمة نفسو خضرة
بدو بنت زغيرة هههههههههه

حكى لآمه انه بده بنت صغيرة
وحاولت امه وابوه يقنعوه فيهآ

بس ع الفاضي
المهم بيوم ركب سيارتو الفايت ونزل السوق
وع الطريق شاف طلبو
؛
؛

وضلوآ لآحق هالبنت
لحتى عرف وين سآكنة
وطار ع آمو يحكيلهآ ،

فات ع امو متل المسروع

يما يما
وجدتها وجدتها ههههههههههه
صرخت فيه امو وحكتلو
ولك شو مالك ي مسخم

قلهآ

لقيتهآ يمآ لقيتهآ
البنت الي بدي آياها
وبدي تروحي اليوم
ع السريع

تخطبيهآ الي ،

حكتلو ولك انت مجنون
مفكر الشغلة سلق بيض
اصبر لنسال عن اصلها وفصلها
؛
؛

وفعلا سالو عن البنت

البنت منيحة بس مطلقة وعندها كمان ولد وبنت
؛
؛

اتحدى كل الصعوبات وعاند اهلو وصمم يتزوجها فلم هندي هاد

وفعلا اتجوزها
بس هي ما حبت وﻻدو
؛
؛

وصارت كتتيير مشاكل بينهم وكانت رح توصل للطلاق ..

كانت ما تطعم الوﻻد كورن فلكس
وﻻ اندومي ههههههه

ههههههههه
وهو ما كان يحب اولادها ابدا ما كان يرضي يشتريلهم ايباد

والوﻻد كان بنفسهم بلاي ستايشن

بس ما جابولهم هههههههه

ههههههههههه
وكمان كان جاي عبالهم تلفزيون بغرفتهم بس دار سيدهم جابولهم
المهم انحلت المشاكل بينهم

المهم كبرو الولاد
و البنت اليتيمة طلعت احلى من بنت مرت ابوها

صارت مرت ابوها تكرها وتحاول اتزوجها اي واحد ما عليه القيمة وبلش حقد مرت الاب

واخوها يا حرام بحاول يدافع عنها


وابوها دان من طين ودان من عجين

مرة البنت الحلوة شافها شب اعجب بادبها واخلاقها وجمالا ولحقا الشب طلع علية االقيمة طلب دكتور بالمستشفي

بنت مرت ابوها عرفت عنو وراحت لامها تحكيلها

طبعا اللئيمة طمعت بالعريس هههههه

ههههههههههه حاولت توخدو الئيمة بس هو كان انسان مستقيم وبدو اختها واتقدملها

مرت ابوها لما عرفت انو جاي بعتت بنت جوزها تزور ستها

وفرجتو بنتها البشعة ههههههههههههه

شو هالقصه العجيبه الغريبه هههههههههههههههه
لا من الاخر :34:

الشب فات بصدمه وشعر وحس انه البنت مش طبيعيه وبتشبهش اللي شافها اول مره

شكلي فاشله
كملوا
:12:

بعد ما فات بصدمة قرر ما يرجع للبنت لانها ما طلعت زي ما بدو بعد ما طلع من بيت البنت لقيتو البنت الي شافها اول مرةة خبطت فيه وقعت جوالو

جوالو كان ايفون 5
طبعا هو عصب لانو مكلفة هديك الحسبة سبها ولعن ابوها هههههههههههههههههههههههههه

ولما اطلعت عليه عشان تعتذر شافا وعرفها وصار يطلع فيها وما عرف شو يحكي وهي نفس الشي

ورجع يحكي مع ابوها
حكالو راح يجيبلها بيت وسيارة ودهب
بس ابوها رفض
لانو مرتو اللئيمة بتضل تززززن ع راسو ههههه

حاول يحكي معها بس بالاول ما رضيت وبعد محاولات رضيت تحكي واتفقو يهربو مع بعض

وفعلا البنت اخدت قرار انو تهرب
بس رجعت فكرت بسمعه ابوها واخوها

راحت تشكي لاخوها
اخوها كمان كان يكره مرت ابوه
حكالها بروح معك

ابوها ومرتو فقدوهم بالبيت
وبلشو يولولو هههههه
طبعا مرت ابوهم كيفت
والابو ركب سيارتو وراح يدور عليهم