|
|
اقتباس:
وصل و مش رح خبر حد ههههههـ |
اقتباس:
يآلهوي عليكِ كنآ نحكي عن وسيم طلعني اشطر بطرح الأسئلة ههههههآ لكن صدقاً اسئلة مدهشة و وآقعية و مختلفة سمره طرحك للأسئلة ليه غآية و ان شآء الله ابو الزين بيفيدك تحيآتي لكِ ~ |
أبو الزين و سمره بدآية نقآش جميل و ممتع اسئلة و أجوبة أكتر من رآئعة سمرةة حبيبتي ابقي متل مآ انتي احكي عآمية و اكتبي الـ ق ..... ئ ابقي مختلفة و ماآ تكوني نسخة عن بآقي العضوآت متآبعة اناآ ~ |
سمرة رأيكِ أسعدني وهو وسام أضعه على صدري ربي يسعدكِ الذوق أنتِ منبعه وأكيد بفتخر مثلكِ يكون مثل أخت ومع أني لا أحب التواجد في قسم النقاش لكن من عيوني أنتظريني في موضوع وأشكرك كل المتابعين لنا لروحكم الفل |
اقتباس:
قبل ما أقرأ أسألتكِ سأحاول أكون صريح للغاية لي عودة بالأجوبة وبعض الأسألة |
موفق عشق الروح سمرة اسئلتك روعة متلك جد عجبتني تحياتي |
يللي برجع لورا بتطلع ع الماضي وايام زمان بتفاجئ بسبب الفرء الكبير بين حياة اليوم وحياة زمان، مع إنه ايام زمان برضه كان يصير فيها مشاكل كتير، بس مستحيل تكون متل بشاعة مشاكل اليوم، ليه حسب رأيك؟ حسب رأيي أنه كان معضم الناس قلوبهم صافية وعايشين على الفطرة وأحلامهم بسيطة هي أن يكون وهو وأسرته بخير أما الأن فختلف الأمر بعد التطور وغلاء أساليب المعيشة والتداخل الأجتماعي أصبح هناك مشاكل ونزاعات بين الأشخاص في الأسرة والمجتمع وأصبح الكل يعيش على أن يحقق أحلامه حتى لو كانت على حساب الأخرين على العكس تماماً في الماضي كان كل القرية كالأسرة الواحدة ومن ناحية أخر لم يكن هذ التعداد السكاني بهذه الحجم الأن زيادة عدد السكاني بكثر والسبب الرئيسي هو التدخل الغربي في مجتمعاتنا لأنه كلنا قرأنا التاريخ منذُ الأزل أوروبا خلافات على العكس في الوطن العربي خلافات بسيطة نقلهم فكرهم لنا وهذه يكفي "الحريه"، ليش الناس فاهمه الحريه غلط؟ بتطلعوا عليها نظره سلبيه؟ وكإنها اشي سلبي او حرام، حسب رايك شو السبب؟ ولو اجاك انسان وطلب منك تشرحله ايش مفهوم الحريه، شو بتجاوبه؟ الحرية عدت أنواع هناك حرية على الصعيد الشخصي وهي الحرية الشخصية في التعبير وهذه الحرية تقف عندما تبداً حرية الشخص الأخر بمعنى نهاجم الأخرين بأساليب غير متحرمة ونقول حرية أما الحرية التي يكاد يصبح كل المجتمع فاهما بالغلط هي حرية العادة واللبس والمعاملات وصرحة هذه عند الشباب والشاباة أيضاً تجد الشباب والشاباة يقلدُ الغرب بكل شيء لبس أسلوب معيشي حضارة والكثير من الأشياء وتناسُ الدين الأسلامي وعلى ماذا حثنا ولو قرأنا تاريخنا سنجد أننا أصل الحضارات الجميلة ومع الأسف الأن تحت بند الحرية أصبحنا فقط كالمرأه للكثير من الأشياء التافهة والحرية أيضاً أن تحب لأخيك ما تحب لنفسك من كلام ومصير بمعنى أن لا تكون عنصري وتكون مصلحة فوق مصلحة الجميع أو مضاد لهم "ما الحب إلا للحبيب الاول"، لمن تيجي تسأل أي انسان عن الحب، رح يجاوبك بهالجمله، مع إنه اللي منشوفه هو العكس، منلائي الواحد بئدر يحب مره تاني واذا بدو مره ثالثه كمان، طالما بئدر يحب اكتر من مره، لكان ليش الناس بتآمن بهالجمله ع الفاضي؟ اللي مش لازم يآمنوا فيها اصلا؟ تناقض .. كثير بنسمع هذه الجملة الأنسان لا يستطيع أن ينسى أي علاقة بسهولة أو لا ينساها من أصله لأنها تبقى عالقة في القلب ذكرياتها منها المؤلم والمفرح ومع مرور الزمن قد تصبح مجرد بسمة هذه الذكرة لكن هذه لا يمنع من دخول تجارب أخرى لكن بعض البشر قد يكون غير متفاؤل ويكتفي بعلاقة وحدة باءت بالفشل ويبقى عايش على ذكرياتها وهناك من تقف حياتها على الحب الأول وبصراحة دائما الحب الأول يكون في مرحة المراهقة يكون فيه حب وشديد وجراحه مؤلمة بعد مرور سنين لا تجد منهُ شيءً بنت فقدت عذريتها، بس الاشي صار معها غصبن عنها، بس لمن تفتح الموضوع بالمجتمع ئدام الناس رح يئولوا "مستاهله، كان فيها تمنع هالشغله تصير"، ما بيفهموا إنه الاشي صار غصب، وهي بالاصل مخطرش ببالها إنه يصير معها هيك، لإنها من الاساس شريفه وبنت عالم وناس، فبهالحاله بتفكر تعمل عمليه جراحيه لترجع عذريتها، برأيك هل بيحئلها تعمل هالعمليه وتتزوج في حال شب تئدملها لسبب إنه اللي صار معها بالماضي غصبن عنها؟ او إنه تئضي حياتها تنحرم من الحياة الزوجيه وحلم الامومه لسبب "حكي الناس والمجتمع"؟ سؤالكِ مش واضح هناك لو كان أغتصاب سوف تُظلم في المجتمع وأنا مع تعمل عملية جراحية لترجع عذريتها أما أذا كانت في علاقة مع شب وتفاجئت بحدوث هذه فهنا يكون الأمر مختلف تكون هي من جلبت العار لنفسه بأختيارها الخاطئ والمُسلم به أن الأنسان ليس معصوم المن الخطئ الكل يخطئ لكن هذه خطأ ليس بالهين في كل الحالات أنا لا أمانع من أنها تعمل عملة لتعيد عذريتها "غنج ومياعة البنات" بنات بغيروا تصرفاتون وحكياتون وبحكوا بلهجات تانيه لهدف يغروا الشباب او لحتى يلائوا عريس ويتزوجوا، برأيك شو بمنعون يكونوا ع طبيعتون بدون ما يغيروا بلهجتون الاصليه وبدون ما يتصرفوا بدلاعه؟ وانت كشب كيف بتطلع ع هيك بنات؟ بتنبسط؟ صراحة أنا حكاية مياعة البنات وغنج بتعصبني وما بحب حد يحكي معي بهذه الأسلوب أما حكاية تغيير اللهجة الشباب هذه ليست حرية كما تعتقد الفتاة هي قلة أدب ومن ناحية أخرى أنعادم الثقة بالنفس ما عندها ثقة في عاداتها وتقاليدها ولهجتها وبتبحث عن بعض اللهجات والأساليب الأخرة لتكلمل شخصيتها الناقص ومريضة بعض الشيء نظرتي أستحقر هيك بنات وأشفق عليها ليش الشب لمن يشوف بنت ع ماشيه الموضه، دغري بئول "هاي فلتانه وشاذه" ليه هالنظره السلبيه؟! ليش اغلبيه الناس بحكموا ع البنت من شكلها؟ ما بيخطر ببال الشب انه هالبنت اللي لابسه ع الموضه ممكن تكون اشرف من الف بنت محتشمه؟ ما احنا ع اساس دايما منئول "مش كل البنات واحد" .. أنا مع الموضة ألي بيكون حدودها الدين الأسلامي أما حكاية مهاجمة البنات التي تلبس على الموضة ما في بنت بتلبس شيء مُحرم وهي أصلها مأدبة وتنتظر من الناس شكرها وحسن الضن بها الموضة التي تكون في الحدود الأسلامية والمجتمع يستهدف الفتيات والشباب بحكاية اللبس والموضة لكن البنات أكثر صحيح لأنه ضعيفة في المجتمع هناك سبب كمان أن أصبح مجتمعنا غير مثقف ينظر لشكل الشيء لا لجوهر وأكيد مش كل البنات واحد أنا أنظر لأسلوب تفكير البنت وأنظر أيضاً لملابسها ولو ما كانت في الأطار الأسلامي أحتمال أهاجمها مثل باقي المجتمع البنات والنسوان بالمجتمع العربي دايما بيعملوا فعاليات وحفلات واجتماعات ومحاضرات عن "مساواه بين الشب والبنت"، إنه البنت بحئلها تكون متل الشب، مع إنه مستحيل يكون مساواه، لإنون ما بيشبهوا بعض، الشب اشي والبنت اشي تاني، برأيك شو سبب كل اهتمام البنات بهالشغلات اللي مفش منها امل؟ وبرأيك هل ممكن يجي يوم ويكون مساواه تامه؟ لإنه فش اشي مستحيل .. الحضارة الأسلامي هي أفضل حضارة أكرمة المرأة وأعطتها حقوقه في كل شيء ويرجع تهميش دور المرأة في المجتمع إلى أبتعادنا عن الدين الأسلامي في الحكم والسير المجتمع عند الرجال والنساء هذه الكلام برأيي في بعض البلدان قد تأتي هذه المحاضرات وجلسات التوعية إلى زيادة نسبة تأثيرة المرأة في المجتمع ولماذا تقوم المرأة بهذه الجلسات هذه فطرة عند الكل يجب أن يدافع عن نفسه ويعزز موقفه في المجتمع وـأن يكون لهُ مكانه مرموقه ويعمل لها بكامل قواه "اشخاص عندون مشاكل معينه، او خلئوا بوضع خاص"، وبالذات الناس اللي عندون مشكله سمع وبلبسوا سماعات في الدان، مش مهم ليش حددت هالمشكله بالذات، بس بدي اعرف إنه ليش الناس بتطلع ع هالاشخاص نظرات شفئه؟ ومرات نظرات سلبيه او استهزاء؟ وكإنه عندون نئص بعئلاتون، مع إنه هالناس ممكن يكون طبيعين اكتر من الناس اللي معندنش مشاكل سمع، وممكن يحئئوا انجازات كبيره اللي الانسان الطبيعي مستحيل يحئئها .. بشكل عام الكل يرى نفسه أفضل من غيره ولا هذه لا يقاص على أصحاب الأحتياجات الخاصة فقط لا على الأشخاص العاديين تجد الكل يستهزء على الأخر وحكاية كيف ينظرُ إلى مثل هذه الحالات هذه يرجع إلى كيفية التربية والمنشأ ويجب أن يتحرم هذه الطائفة من الناس أكثر من غيره ليعرف النعمة التي هو فيها من كامل خلقي لكن للأسف القليل من يشكر صراحة كانت أسألة ومواضيع نقاشية جميلة أستمتعتُ بها أتمنا أن أكون موفق في الاجوبة لأنها كانت بكل صراحة ومصدقية |
اسئلة رائعة واجابات اروع استمتعت كثيرا بمتابعة نقاشكم بس حابة اعلق ع موضوع لبس البنات ع الموضة ازا سمحتولي بتحكو البنت الي بتلبس ع الموضة الناس بطلعو عليها بنظرة مو حلوة انا كتير بشوف بنات بلبسو الجلباب الشرعي وربي بكون اديئ من البلوزة او الجينز او عباية ئصتها بتكون ملفتة صحيح احنا دينا بنص ع الالتزام والحجاب بس مو ضروري نحكم ع البنت من لبسها بتصور هيك ظلم ..يعني ازا ﻻبسة جينز وبلوزة بنت عاطلة؟؟ طيب ولي ﻻبسة عباية مفتوحة وشفافة او ئصتها ديئة وجسمها مرسوم رسم من تحتها هاي ملتزمة؟؟؟ ع الاقل الي ﻻبسة الجينز واضحة مع نفسها اسفة للمداخلة تحياتي |
اقتباس:
ردي كان واضح وعادل أيضاً أنا مع الموضة التي يقررها الدين الأسلامي وفتاة لا تلتزم باللبس الديني كيف سيكون لها الأمن على مجتمع وأسرة شكراً لكِ على المداخلة ملك روحي سعيد بمتابعتكِ |
سمرة صراحة لا أجيد أسلوب طرح الأسألة لكن أنا مؤمن بشيء أن كل شخص يوجه سؤال يحب أن يجاوب على هذه السؤال سأنتظركِ تجاوبي على أسألتكِ التي طرحتيها لنقاش ومن جهة أخر تقولي رأيكِ بكل صراحة في أجوبتي أما بالنسبة لأسألتي قد أكون أطوائي بعض الشيء ولا يعرفني الكثير ما رأيكِ في الأنطوائي الأنعزال عن الجميع وعدم التعرف على الأخرين هنا وهناك في شخص هنا وصفني بالغرور وأخر بالتكبر ما رأيكِ هو غرور أم أنعزالي أفضل وهل أنتِ تفضلي أي الأنوع من هذه؟ سأكتفي بهذه إلى هنا ولي عودة |
اقتباس:
صدقاً اجآبآت موفقة و رآئعة عشق الروح قد هيك أسئلة و ابداً ماآ كنت شآكة بِ هالشي اجوبته صريحة و مقنعة بشكل عوآفي ليك و متآبعة اناآ ~ |
إجـآبـآت رائعـةة جدا كـلآكمـآ مثقفيـن وتجيدآن الرد المقنـع بـلآ شكـ متـآبعــةة .. : :6: |
جد اسئلة واجابات مقنة وبتصير كتير بواقعنا متابعة بصمت |
اقتباس:
البريئه، يسعدلي صباحك، وتسلميلي، انا مئصدتش اكون مختلفه، لإني اصلا مش مختلفه بما إنه ئسم من الاعضاء بحكوا نفس لهجتي مع العلم إنون مش من عرب 48، انبسطت وبنفس الوئت استغربت، المفروض يحكوا لهجتون الاصليه، ما ئصدتش اكون غير هدا بالنسبه إلي غرور، وانا إنسانه بسيطه ولا مره بشوف حالي لا سمح الله، لإني ماني احسن من حدا، بس هاي طبيعة لهجتي المفروض غيري يتئبلها، إذا بتتعرفوا ع اشخاص من عرب 48 رح تلائوهن بحكوا متلي، هيك لهجتنا بالشمال، مع إني بحترم آراء المنزعجين بس ما فيني اغيرها للاسف، يسعدك خيتا، ومنوره :137: .. |
انا بجد مستمتع بالاسئله والاجوبه صراحه شخصين في منتهى الابداع بتمنى تعطوهم كمان يوم او تنين لنشوف اسئله احلا واجوبه احلا واحلا يا لروعه النقاس بين المتألقين |
حبيب العمر لا كفاية يوم واحد طلعت روحي وأنا بجاوب على هدول بس |
اقتباس:
متأسفه ع التأخير، وجع الروح، مبروك تغيير اللقب بالاول :137:، انبسطت كتير بأجوبتك وبصراحتك، بتنم ع إنك ئديش إنسان مفهوميتك كبيره بالحياة، لإني حبيتون ومقنعين، يسعدك خيا :137: .. بالنسبه لسؤالك، الانطوائيه كتير ناس فاهمينها غلط، اي شخص بيشوفوه انطوائي دغري بئولوا "هدا حاله نفسيه"، ما بيخطر ببالون إنه هني السبب، الناس والمجتمع هني سبب عزلته، لإنه ما في حدا يفهم عليه واغلبية الناس مصالح ومجتمعنا معروف بالنفاق، فكيف ما بدو يكون انطوائي بهالحاله؟ خصوصا بهالمجتمع اللي وصلنالو انا بالنسبه إلي يكون الشخص انطوائي ولا يئرب ع ناس ما بتستحئ إنه يكون معها، ومن ناحه تانيه لازم الواحد يعمل اللي بيريحه، اذا الانطوائيه بتريحه خلص خليه هيك حتى لو كان الاشي مش مرغوب عند غيره .. وبالنسبه للاشخاص اللي بحكوا عنك مغرور او انطوائي لإنه بكل بساطه "اللي ما بيعرفك بيجهلك"، مش ضروري تهتم بآراء غيرك، انت بتحترم آرائون اكيد بس مش مضطر تغير من اسلوبك لترضيهون او تقنعون انك مش مغرور طالما ما بعرفوك شخصياً، يللي بيريحك اعمله، دايما امشي ع هالمبدأ بحياتك، بتعيش مرتاح اكتر، حكي الغير لا بيئدم ولا بيأخر، المهم انت شخصياً تكون مقتنع بحالك ورضيان .. وبالنسبه للاسئلتي، كنت حابه انت تسألني اسئله الصراحه، بس اذا مستصعب تسألني مش مشكله رح اجاوب ع اسئلتي، يسعدك خيا :137: .. |
لما عرفت انو ملك روحي ح تختار ابو الزين انا اخترت سمرة لسبب بسيط اني بعرف الشخصيتين منيح و انو التركيبة العقلية لهل شخصيتيتن مختلفة اختلاف جذري ورح يطلع منهون نقاش حلو و ممتع وطويل و لحد هلا اثبتوا اختلافون كنت بانتظار اسئلة ابو الزين :) استمروا :136: |
و يشتد الحوار .. نقاش اعجبني كان ممتع للغاية وجميل شكرآ على جهودكم .. والمتابعة من الاعضاء الرائعين ان انتهى كل منكما من الحوار بأمكانكم كل كل واحد اختيار من يحل بدل منه في القفص جاري المتابعه |
اقتباس:
كلامكِ عين العقل ومصدره شخصية مثقة وأنا أيضاً كنت سعيد بجوابكِ الجميل والصريح لا أنا حابب أعرف رأيكِ في المواضيع إلي طرحتيهم لنقاش واكيد سوف أعود بوابل من النقاشات |
عندي كم مسألة لنقاش ليكِ يا سمرة أول وحدة في طلعتي وللأسف بشوف كثير بنات لابس ملابس غير محتشمة شو سبب هذه برأيكِ ثانياً أصبحت خيانة الصديق مُعتادة وكثير في هذه الأيام وللأسف قد تكون للأسباب تافه برأيكِ هل هذه صحيح ولماذا سمرة كيف تحكمي على الشخص الذي أمامكِ من شكله جوره أسلوبه من شو بالضبط لو كنتي في موقع حكومي وقالو لكِ ضعي حل للمعاكسات الشبابي ما هو حلكِ االزواج التقليدي وكيف حاله في مجتمعنا موضوع جميل لنقاش ما رأيكِ في الزواج التقليدِي وزواج الأقارب أيضاً أتمنا أن تكون مسألي خفيفة عليكِ لروحكِ الفل سمرة |
اقتباس:
كنا موفقين بجمع سمرة وابو زين بغرفة النقاش شخصيتين مختلفتين تماما الحوار كتير حلو بينهم انا شخصيا مبسوطة لاختيار ابو زين مع انو هو معصب مني لاني اخترتو جاري المتابعة |
يللي برجع لورا بتطلع ع الماضي وايام زمان بتفاجئ بسبب الفرء الكبير بين حياة اليوم وحياة زمان، مع إنه ايام زمان برضه كان يصير فيها مشاكل كتير، بس مستحيل تكون متل بشاعة مشاكل اليوم، ليه حسب رأيك؟ التطور بالمجتمع إلو تأثير كبير، لإنه من زمان مكنش فيه تطورات بالمره وزمان كانت الحياة بسيطه كتير، واللي خلاني ائول التطور، لإنه لو كان التطور ايجابي كان مصارتش هالمشاكل البشعه، بس للاسف كل يوم بصير مشاكل ابشع، معناتو السبب هو التطور، وسبب تاني حسب رأيي الشخصي إنه الحياة ئربت تنتهي يعني بئصد يوم القيامه، من كتر ما في اشياء بشعه وشاذه بهالدنيا، إن كان مشاكل بالمجتمع او بالسياسه او بالعالم، وخصوصا إنه ما عاد حدا يحب حدا ولا حدا يتمنى الخير لحدا، صار كره وحقد ونميمه وفساد مش طبيعي، والله اعلم .. "الحريه"، ليش الناس فاهمه الحريه غلط؟ بتطلعوا عليها نظره سلبيه؟ وكإنها اشي سلبي او حرام، حسب رايك شو السبب؟ ولو اجاك انسان وطلب منك تشرحله ايش مفهوم الحريه، شو بتجاوبه؟ الحريه بالنسبه إلي اشي عادي، مش سلبيه متل ما الناس مفكري، طالما الانسان بتكون نيته منيحه ومستحيل يغلط، لهالسبب بيتعلئ بنية الانسان، إن كانت نيته عاطله اشي طبيعي رح يستغل الحريه باشياء مش منيحه وشاذه، وبرضه الاهل إلون دور كبير، حسب كيف بيفهموا اولادون مفهوم الحريه من وهني صغار، وانا شخصيا بفضل الانسان يعيش بحريه ليفهم الحياة اكتر، لإنه التشدد والتعئيد هو يللي بجيب المشاكل بكل بساطه، مثال، بنت عايشه بجو معدوم من الحريه، ممنوع تعملي هيك وممنوع تسوي هيك، كيف بداش تغلط؟! لإنه بكل بساطه رح يكون عندا حب استطلاع، والحب الاستطلاع اشي مهم بحياة الانسان، لحتى يكون خبره بحياته ويجرب كل اشي ويفهم كل اشي لازم يعيش بحريه، والاهم النيه تكون نظيفه .. "ما الحب إلا للحبيب الاول"، لمن تيجي تسأل أي انسان عن الحب، رح يجاوبك بهالجمله، مع إنه اللي منشوفه هو العكس، منلائي الواحد بئدر يحب مره تاني واذا بدو مره ثالثه كمان، طالما بئدر يحب اكتر من مره، لكان ليش الناس بتآمن بهالجمله ع الفاضي؟ اللي مش لازم يآمنوا فيها اصلا؟ تناقض .. السبب لإنه الشخص بكنش عارف إنه بيئدر يعيش تجربه حب جديده بحياته، لإنه بكون متمسك بالحب الاول، فالبدايه رح يئول حبي الاول هو الاخير، بس مع الايام رح يحس إنه الحياة لازم تستمر وانه ما بصير يضل معلئ فالماضي، وخصوصا بعد ما يعيش ئصة حب جديده، رح يحس بهالاشي، وتتغير نظرته .. بنت فقدت عذريتها، بس الاشي صار معها غصبن عنها، بس لمن تفتح الموضوع بالمجتمع ئدام الناس رح يئولوا "مستاهله، كان فيها تمنع هالشغله تصير"، ما بيفهموا إنه الاشي صار غصب، وهي بالاصل مخطرش ببالها إنه يصير معها هيك، لإنها من الاساس شريفه وبنت عالم وناس، فبهالحاله بتفكر تعمل عمليه جراحيه لترجع عذريتها، برأيك هل بيحئلها تعمل هالعمليه وتتزوج في حال شب تئدملها لسبب إنه اللي صار معها بالماضي غصبن عنها؟ او إنه تئضي حياتها تنحرم من الحياة الزوجيه وحلم الامومه لسبب "حكي الناس والمجتمع"؟ من حئ البنت تعمل عمليه طالما الشغله صارت معها غصبن عنها، تحرم حالها من الحياة بسبب واحد ضحك عليها؟! يعني هو يعيش مبسوط وهي تئضي حياتها محبوسه فالبيت؟! حرام الظلم، بس الاهم من هدا كله انه اهلها لازم يكونوا متفهمين الموضوع، لإنه اغلبية العرب "طرش" اعذرني على هالكلمه، لدرجه إنه في منون دغري بئتل بنته ئتل موت او بطخها، ع اساس المشكله هيك انحلت؟ ما هيك جاب الفضايح لبيته .. "غنج ومياعة البنات" بنات بغيروا تصرفاتون وحكياتون وبحكوا بلهجات تانيه لهدف يغروا الشباب او لحتى يلائوا عريس ويتزوجوا، برأيك شو بمنعون يكونوا ع طبيعتون بدون ما يغيروا بلهجتون الاصليه وبدون ما يتصرفوا بدلاعه؟ وانت كشب كيف بتطلع ع هيك بنات؟ بتنبسط؟ لإنه البنات بكل بساطه "مسكينه" ههههه، خصوصا يللي بتكون مفكري انه الجيزه من اهم الاشياء بالحياه، بتجهل إنه مش ضروري الانسان يتزوج وبتجهل إنه كتار اشخاص عايشين عزابيه ومرتاحين اكتر من المتزوجين، للاسف الاهل والبيئه هني السبب، الام يللي بتشد ع حالا عشان بنتا تتزوج او بتخاف انه "تعنس"، فكيف بنتها بداش تتصرف بهالطريئه؟ او اذا البنت عايشه ببيئه معئده غير شكل، بكون نفسا تتحرر وتطلع وتعمل اللي بدا اياه، هدا ممكن يكون سبب، لحتى تلائي عريس .. ليش الشب لمن يشوف بنت ع ماشيه الموضه، دغري بئول "هاي فلتانه وشاذه" ليه هالنظره السلبيه؟! ليش اغلبيه الناس بحكموا ع البنت من شكلها؟ ما بيخطر ببال الشب انه هالبنت اللي لابسه ع الموضه ممكن تكون اشرف من الف بنت محتشمه؟ ما احنا ع اساس دايما منئول "مش كل البنات واحد" .. انا سالت هالسؤال لإنه كتير بنات عنا بالشمال محتشمات بس هني فلتانات للاسف، ما بعرف اذا بئية البلاد متلنا، حبيت وضح إنه مش كل بنت محتشمه تفكروها "قديسه" او "شريفه وبتخاف الله"، اغلبية المحتشمين ممكن يكونوا اكبر كفار، ما تنغروا بالشكل .. البنات والنسوان بالمجتمع العربي دايما بيعملوا فعاليات وحفلات واجتماعات ومحاضرات عن "مساواه بين الشب والبنت"، إنه البنت بحئلها تكون متل الشب، مع إنه مستحيل يكون مساواه، لإنون ما بيشبهوا بعض، الشب اشي والبنت اشي تاني، برأيك شو سبب كل اهتمام البنات بهالشغلات اللي مفش منها امل؟ وبرأيك هل ممكن يجي يوم ويكون مساواه تامه؟ لإنه فش اشي مستحيل .. مع إنه مفش اشي مستحيل، بس ما بظن يجي يوم ويكون مساواه بين الشب والبنت، لإنه بكل بساطه ربنا خلئ الشب مختلف عن البنت، مختلفين بالمره، في شغلات بيعملها الشب مستحيل تعملها البنت، والعكس برضه .. "اشخاص عندون مشاكل معينه، او خلئوا بوضع خاص"، وبالذات الناس اللي عندون مشكله سمع وبلبسوا سماعات في الدان، مش مهم ليش حددت هالمشكله بالذات، بس بدي اعرف إنه ليش الناس بتطلع ع هالاشخاص نظرات شفئه؟ ومرات نظرات سلبيه او استهزاء؟ وكإنه عندون نئص بعئلاتون، مع إنه هالناس ممكن يكون طبيعين اكتر من الناس اللي معندنش مشاكل سمع، وممكن يحئئوا انجازات كبيره اللي الانسان الطبيعي مستحيل يحئئها .. سالت هالسؤال لإنه اختي عندها مشاكل سمع، بس مرات بتتدايئ من نظرات الناس، مع إنها خلصت جامعه واسا عم تكمل لتاخد الشهاده التانيه، واهلي دايما بدعموها وحدها كل الوئت وانا دايما بئويها، وهي طبيعيه اكتر من الطبيعيين، بس مشكلتها إنها بتسمعش منيح، مشكله بسيطه، بس المجتمع جارح .. |
أجوبة جميلة ومقنعة وجميل فيها أنها بكل مصدقية الله يشف أختكِ وأكيد صبرها على هذه الشيء لها ثواب فيه أسعدني أسلوبكِ في الأجابة بأنتظاركِ في الأجابة عن الأسألة وطرح مسأل نقاشية جديد |
يعجبني ما يدور هنا من نقاشات , متابع لكم ,, |
وللأسف بشوف كثير بنات لابس ملابس غير محتشمة شو سبب هذه برأيكِ لإنه اهلها راضيين بكل بساطه، البنت ولا مره بتعمل شغله من غير رضا اهلها، إذا كانت غير محتشمه بس لابسه عادي، هون بالنسبه الي هي مش عم تعمل اشي غلط لا سمح الله، اما اذا كان لبسها شاذ غير شكل هون اختلف الموضوع، لإنه في اشي اسمه زوء، لازم الانسان يكون زوء برات البيت، عيب تكون شاذه، الحئ على اهلها برضه، يعني بإختصار اي شغله بتعملها البنت ان كانت شغله منيحه او مش منيحه كله بيرجع للاهل .. ثانياً أصبحت خيانة الصديق مُعتادة وكثير في هذه الأيام وللأسف قد تكون للأسباب تافه برأيكِ هل هذه صحيح ولماذا فش اشي اسمه خيانه بسبب تافه، لإنه الخيانه مش هوينه، كتير صعبه، لإنه كان ممكن هالصديق يعمل شغلات تانيه بدل الخيانه صح؟ بس طالما خان صديقو معناتو بكون في ئصه كبيره بيناتون .. سمرة كيف تحكمي على الشخص الذي أمامكِ من شكله جوره أسلوبه من شو بالضبط انا بحكمش ع الشكل ولا مره، ممكن اشوف انسان ع الموضه وشكله غريب يكون افهم من الف واحد محتشم، يعني انا ما بنغر بالشكل، لإنه اهم اشي بالانسان هو "الئلب" إذا كان جواته إنسان نظيف وئلبه طيب سيعتا شو بدي بشكلو الخارجي؟ لو كنتي في موقع حكومي وقالو لكِ ضعي حل للمعاكسات الشبابي ما هو حلكِ اعطوهن يفهموا المعنى الصحيح للحريه، الشباب ما بتعاكس بدون سبب، خصوصا اللي بكونوا عايشين بظروف صعبه او متشدده، فكيف ما بدهون يعاكسوا؟ لو عايشين في بيئه منفتحه نوعا ما، في بيئه فاهمه الحياة صح، كان مستحيل يتحركشوا فالبنات، والبنت اللي بتكون مرتبه وحلوه مش ضروري تكون لابسه منشان الشباب، يمكن تكون متعوده ع الاناقه حتى في بيت اهلها، فشو ذنبها هون؟ االزواج التقليدي وكيف حاله في مجتمعنا موضوع جميل لنقاش ما رأيكِ في الزواج التقليدِي وزواج الأقارب أيضاً مع إني بفضل زواج الحب، تنين ما بعرفوا بعض واتزوجوا زواج تقليدي، شو بيضمن إنه رح يكون حب بيناتون بالحياة الزوجيه؟ يمكن الشب يكون متفائل انه رح يحبوا بعض هو ومرته بالمستئبل، بس برضه لازم يعمل حساباته انه مش كل اشي ممكن يصير، لهيك زواج الحب ناجح اكتر، اما زواج الاقارب انا ضد، لإنه الاولاد بيخلئوا عندون مشاكل او بخلئوا بوضع خاص .. يسلمو ع الاسئله، انبسطت فيهون وحبيتون، انا مش رح اسألك لإني تعبتك شكلي ههههه، كتير انبسطت اختاروني معك، وبشكر وسيم بالذات لإنه هو اللي اختارني، وبشكر القبطان ع هيك موضوع، لإنه بيساعدنا لنفهم طبيعة افكار كل عضو، وبالنسبه لاختيار الاعضاء، رح اختار بنت عشني بنت وانت تختار شب، شو رايك؟ او تختار العضو اللي بدك ياه بنت او شب، بتفرئش معاي، فيك تختار وانا بختار من بعدك خيا، يسعد الكل :137: .. |
حِِلو كتيير النقَاش والموضوعات المطروحة بينكُم والاجابات المقنعَة،، متَابعَة لكُمْ.. ^^ |
أولاًَ أشكرك كل ما راقه أسلوبنا في النقاش أسعدني ذالك لكم جميل الشكر وباقات الورد نورتُ |
سمرة ردي على حبيب العمر كان مزحة أو ما شابه أكيد أستمتعت وأستمتع بأٍسألتكِ وراقتني أكثر أجوبتكِ الممتعى والمثقفة مصدرها شخصكِ الكريم مليء بالمصدقية أشكركِ كان حوار رائع معكِ لروحكِ الفل أما موضوع الأختيار سأتركه لصاحب الموضوع أفضل |
اعجبني الموضوع |
نقاش جميل يدور هنا بأسلوب راقي و مقنع شكرآ لمن شارك و ابدع .. و لمن تابع و شجع اختيار الاعضاء الجدد هو لكم يا وجع الروح و سمره الان بامكانكم اختيار من يحل مكانكم . وهذا افضل كي لا يتعلق الامر بشخص و نستعمل روح الجماعة والتعاون في حلقة النقاش جاري المتابعة ... |
طالما وجع الروح ما رح يختار، معناتو انا رح اختار، بختار وبرجع، شوي .. |
متأسفه ع التأخير :137:، رح اختار دارك ديفل واحلام مجنونه، وان شاء الله بنبسطوا، واكيد رح نتعرف ع طريئة افكارون اكتر، رح ابعتلون رسائل .. |
اولا , بيسعدني اكون من بين الاعضاء المناقشين هون , و بيشرفني اختيارك الي خيتو سمرة , تانيا , اختيارك للعضوة احلام مجنونة رائع جدا , لي عودة بالاجابة عن الاسئلة ان شاء الله , |
حوار رائع بين شخصين اروع انسان يعيش في مجتمع متدين وانسانه تعيش في مجتمع عنصري لكن يجمعهما الدم والوطن والهدف انا بحيي اختي سمره رغم وجودها مع الصهاينه انها تكون على هاذا الوعي والوطنيه والفهم لكن في شي ما عجبني او بدي توضيح عليه اكثر اقتباس من بعض اجوبتها انا سالت هالسؤال لإنه كتير بنات عنا بالشمال محتشمات بس هني فلتانات للاسف، ما بعرف اذا بئية البلاد متلنا، حبيت وضح إنه مش كل بنت محتشمه تفكروها "قديسه" او "شريفه وبتخاف الله"، اغلبية المحتشمين ممكن يكونوا اكبر كفار، ما تنغروا بالشكل .. لا اناقش انه مش كل محتشمه شريفه ولا كل بنت تلبس عالموضه مش شريفه لكن لا اوافق الراي ان اغلبيه المحتشمات ممكن يكونو اكبر كفار انتي هيك بتفقدينا الثقه بالمتحجبات الحجاب هو فرض من الله ولو كان البعض القليل يتستر خلف الحجاب لكن هناك الاف الالاف من المتحجبات في قمه الشرف ونرفع لهم القبعات احتراما وتقديرا لسعيهم لرضى الله ورسوله فقط احببت ان اوضح واريد توضيح من الاخت سمره عدا ذلك النقاش كان رائع وراقي |
اقتباس:
يسلمو ع المداخله، مع إنها اجت متأخره بس انبسطت، واكيد رح افهمك ئصدي لإنك ما فهمتني بالزبط، خيا انا محكيتش الحجاب غلط لا سمح الله، يا ريت تفهم ئصدي، انا سبئ وحكيت انه اغلب الشباب بنغروا بالشكل الخارجي، يعني لمن تشوفوا اي بنت محتشمه بتنبسطوا لانها محافظه ع دينها، بس ما بيخطر ببالكوا إنها من جوا تكون مش نظيفه، وتطلع بنت "فلتانه" وبلا اخلاق، انا بعرف انك اتدايئت من كلامي، الاشي بدايئ بس للاسف هدا اللي بصير وكتار ناس بتجهل هالاشي، والواحد بجاوب من حسب خبرته بالحياة، يعني انا جاوبت من كتر ما بصير ئصص، ئصص شفتا مش بس سمعتا، والشغله الاهم انه انا مئصدتش عن كل البنات، لإنه مش كلياتون واحد، وانا حددت بنات الشمال عرب 48 يعني بالمناطئ اللي انا ساكنه فيها، بس اكيد بكل مدينه عربيه بالعالم رح يكون في بنات متل هيك مش بس عنا، يعني كانت نصيحتي انكوا ما تنغروا بالشكل بالمره، لحتى تحكموا ع الانسان، ما تحكموا من شكله، احتكوا فيه، عاشروه، جربوه لفتره معينه، من بعدا بتحكموا عليه وبتعرفوا شو نيته، شو جواته إن كان انسان نظيف او لاء، بتمنى انك ئدرت اوضحلك ئصدي، يسعدك خيا :137: .. |
رح اطرح موضوع جريء عن بعض المفاهيم بمجتمعنا رح يكون فيه نقاش كبير بس طولو بالكون عليي حتى خلص فحصي :72: وبانتظار احلام مجنونة و شيطان الظلام :p |
احلآم مجنونة و دارك ديفل موفقين و متآبعة اناآ ~ |
مارايك بالعضو المقابل..؟ اخت وصديقة عزيزة , بسيطة و تفكيرها عميق جدا , ما رأيك بنفسك كعضو في المنتدى..؟ كسول جدا و مشاركاتي قليلة و شبه معدومة ,, هل أنت راضي على ما قدمته إلى حد الآن..؟ لا هل إستفدت من المنتدى أكثر أم أفدت أكثر..؟ استفدت من المنتدى اكتر , اكثر موضوع اعجبك للعضو المقابل..؟ مدونتها , موقف صارلك مع العضو المقابل..؟ لما سجلت بموقع التمبلر , اكثر صفه تعجبك فيه..؟ تفكيرها الناضج , صفه ماتحبها فيه..؟ مافي لحد الان , اطلب منه اي طلب مثل ينزل موضوع باي قسم تختاره اويرد على اي موضوع انت تختاره..؟ تشوف مدونتي الخاصة و تبدي رايها فيها , اول موضوع قرائته له..؟ ما بتزكر بالزبط , نصيحه تقدمهاله.؟ تبقى على ما هي عليه ,, بيت شعر تهديه له..؟ مافي ببالي شي ببالي حاليا , شو أكثر قسم تشارك فيه بالمنتدى..؟ التسلية ’ ثرثرة و هذيان حرف ,, لو طلبوا منك تغير شي في ملفك الشخصي , شو تغير..؟ ملفي ؟ رح اغير الستايل , كم مرة قلت أوووووووووووف خلاص بطلع من المنتدى نهائيا..؟ ولا مرة , من العضو إللي مباشرة لما تدخل المنتدى تشوف/ه إذا كان متواجد أم لا..؟ مافي تحديد , لكن بالاكتر الاخت سمرة , كلمه اخيره تقولها بيسعدني تواجدي بهالمكان و الموضوع هادا , بنتظر رد احلام مجنونة وبعدها بحط اسئلتي , |
| الساعة الآن 05:31 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.