|
هل التنسيق الأمني خيانه ؟؟ التنسيق الأمني عبارة عن جريمة وطنية بحق الشعب الفلسطيني . . مأساة عظيمة أن يتحول الفلسطيني إلى حارس على أبواب مملكة الصهاينة https://fbcdn-sphotos-b-a.akamaihd.n...15460010_n.jpg تلفزيون فلسطين يبث برنامج عن الأرتباط العسكري (( التنسيق الأمني )) ويستضيف مسئول الارتباط العسكري لتمرير خيانتهم وتلميعهم بين الشعب أجمل مافي الموضوع مسئول الارتباط بناشد المواطنين في الضفة ان يتواصلوا معهم لمنع أي اعتقال أو انتهاك بحق الشعب الفلسطيني . وعن مهام الارتباط تحدث قائلا .. لولا الارتباط و التنسيق الأمني لاقتحمت القوات الصهيونية الضفة ليل نهار :57: ايها الاخ المناضل في رام الله اما تعلم ان التنسيق مع المقاومة شرف و انتماء و التنسيق مع العدو خيانة و ولاء عباس للصهاينة: نأسف منكم؛ https://fbcdn-sphotos-h-a.akamaihd.n...93920798_n.jpg نادوا الرئيس عباس بالله يشوف اذا كان هاد بشر ولا مش بشر ..؟؟! خليه يفهمني على اساس ايش يقاس اذا كان الانسان الفلسطيني من ضمن بني البشر ولا لأ لا يدافع عن الخائن الا المستفيد من الخيانه ! https://fbcdn-sphotos-g-a.akamaihd.n...84055952_n.jpg https://fbcdn-sphotos-g-a.akamaihd.n...48219091_n.jpg https://fbcdn-sphotos-h-a.akamaihd.n...018f0880ac8448 https://scontent-a-mxp.xx.fbcdn.net/...03521415_n.jpg هاذا احد الشلاليط https://fbcdn-sphotos-f-a.akamaihd.n...21485175_n.jpg شهيد رام الله ،، محمد محمود اسماعيل الطريفي في الوداع الأخير https://fbcdn-sphotos-d-a.akamaihd.n...30270414_n.jpg واخيرا خلي العالم كله يحكم مين المجرم ومين الضحيه طز في حقوق اﻹنسان ! طز في اﻷمم المتحدة ! طز في الجامعة العربية ! طز في من يعترف فيهم ! طز بحكاام العرب كلهم ! أمام صمود هذا الطفل البطل...!!! سامحوني على الصورة https://fbcdn-sphotos-h-a.akamaihd.n...07479579_n.jpg |
من سلب أرضنا وقتل شبابنا وأطفالنا عار علينا أن نتفاوض معه يقولون هده سياسة من الرئيس سحقا لهده السياسه فيجب عليه أن يمنع جنود العدو من دخول الضفة لانها تحت سيطرة الاجهزة الامنيه ويجب على الاجهزة الامنية ان ترد هدا العدو فاما أن نحيا بكرامة واما أن نموت شهداء |
حسبي الله ونعم الوكيل ان شاء الله مايتهنون بحياتهم ومايشوفون الهناء صبرا جميلا وان الله مع الصابرين ححزنتني ككثير الصور بس مابقول الا حسبي الله ونعم الوكيل أين أححمد ياسين وأبو عمار الله يرحمهم نصرا قريبا لأخواننا في فلسطين وسوريا تسلم كثير اخي مؤيد تحياتي:111: |
أبلغوا سيادة الرئيس أبلغوه أن زنازين الطغاة لا تزال تصدح بصرخات أسرانا .. أبلغوه بأن عددهم عدد أنفاس الحنين أسماؤهم من الألف إلى الياء .. بكل حروف الهجاء ! أبلغوا سيادة الرئيس بأنه حينما وصف التنسيق بأنه مقدس < تعسف > بل العودة إلى صفد هي الحق الأحق وإن سيادته تعفّف .. أبلغوا سيادة الرئيس بأن أولى لكَ فأولى .. أخبروا سيادة الرئيس بأن بطاقات الـ vip لن تكن يوما تذاكر الى الجنة أخبروا سيادة الرئيس بأن أرض فلسطين حق و نحن أهل الحق أبلغوه بأن أحضان أبناء شعبك أحن و أدفى أخبروه بأن كتب التاريخ لا تنسى لا ترحم أخبروا سيادة الرئيس بأن أسرانا هم مشاعل حريتنا أخبروه أن وطننا نحمله أينما ذهبنا و كل الأرض بعيدا عنه منفى أبلغوه أن لا عطر أجمل من رائحة ياسمين فلسطين أخبروه أن لا دفئ يساوي محبة الناس التي كانت في بلادي فلسطين أخبروه أن وطننا يروي ترابه دم يحميه و أخيرا أخبروه بأن وطننا فلسطين سيظل أعظم وطن عرفه التاريخ فـ فلسطين وطن يسكننا و نسكن فيه |
اذا بدك تحط خطوط على التنسيق الأمني بجميع تعاريفه .. انا احكيلك انا وانت وغيرنااا قعدين بنلحس الرمل اللي في الشاارع ما راح تمشي حياتنا بغزة ولا الضفة غير من خلال التنسيق المعابر و الحواجز ومشاويرنا و اكلنا وشربنا واقتصاادناا و ادويتناا و الاسمنت والغاز وكل شيء بيجي على خاطرك تحت تصرف اسرائيل حتى المريض اذا بدوا يتعالج بدو تنسيق لو يحنا لنا دولة بنعتمد فيها على نفسنا كان ما نسقناا بتاتاً و ما راح نحتااج بالنسبة للمقاومة بالضفة الرئيس جرب الحكم بغزة والضفة غزة كانت محل للمقاومة وكانت المقااومة في ظل السلطة شغالة بمعنى شغالة العمليات الاستشهادية اللي كلنا بنشتاااق لهاا اليوم وكانت تهز تل ابيب هز ..كانت في ظل السلطة لكن اللي حصل مع السلطة بغزة كان لزووم ان تحاقظ على وجودها بالضفة وان لا يتكرر ما حدث لها بغزة يعني هذا ما جينناه على انفسنا الرئيس نزل الانتخابات و كان صريح مع الشعب في حملته الانتخابية انا مع المقاومة السلمية وبدون سلاح وانا مع المفااوضاات والسلام ...والشعب انتخبه الرئيس هو الوحيد في قيادات الشعب الحالي رأيه ثابت ولم يتغير بتاتاً بالنسبة للشلاليط الثلاث كان واجب على رئيس يعترف بوجود دولة اخرى ان يحكي مثل هيك حكي ... واذا بدك تنظر من مقاام السياسة وان الرئيس هو مسؤول عن شعب باكمله و كل كلمه يحكيهاا يعتبره العالم هو كلام الشعب شو بدك منه يحكي للعالم نحن نبارك تلك العملية الفذة و عملية الخطف هي اللغة الوحيدة لكي نخرج اسراناااا جربنا خطف شاليط ماذا جنيناه كم شهيد وجريح و معتقل خلال فترة اسر شاليط وحصلت عملية التبادل جل المحررين تم اعتقالهم من جديد شوو استفدنااااااااااااااااا ابو مازن سياسي كبير و بعرف شو بيعمل وكل كلمة بحكيها بعرف شو معناتهااا وهتعرفوا هالحكي لما الله يريد .. وارجو كل الرجاء من نفسي اولا الى كل شخص يسال نفسه سؤال شو عمل للقضية الفلسطينية ؟؟ ويقارن عمله مع عمل أي شخصية قيادية سواء ابو مازن وابو العبد وابوخالد وابو الوليد و(ابو عمار والشيخ احمد ياسين والرنتيسي ) الله يرحمهم و غيرهم .... شو قدمت ..شو عملت ؟؟ احكيلكم غير طق الحنك و الطعن في افعال غيرناا ونحن لا نسوى ظفرة في رجل كل واحد ذكرته بالاعلى .. ارجو من يريد التكلم في ظهر احد من القيادات ..احكيه امامه عندك مقر الرئاسة وتكلم يا اخي وعبر عن رأيك امامه ؟؟ واخيرا بشبه الرئيس دائماً بالعنكبوت بنشر خيوطه و عند لحظة معينة يريدهاا يصطاد فريسته ودعوا الاياام تشهد على ذلك ... واذكركم بقوله تعالى " وعسى ان تكرهوا شيئاً وهو خير لكم " نقطة وسطر جديد .. متأسف على الإطالة.. تقبلوا وجهة نظري |
زهرة المدائن بارك الله فيك اختي كلامك ما عليه نقاش ان الله يملي للظالم حتى اذا اخذه لم يفلته والصهاينه ظالمين وقتله ومجرمين لما يقتلو ويسجنو ما حدا بدين اعمالهم ولا حتى اقرب الناس النا للاسف ولكن لما نخطف كم خنزير الكل وقف بدو يدافع عنهم ويرجعهم لاهلهم وكانه العالم كله يكيل بمكيالين شكرا الك |
كن بلسما مشكور جدا الك لردك القوي احنا وربنا معنا اقوى من كل جبروت على وجه الارض فمن كان الله معه فمن ضده ؟ ومن كان الله ضده فمن معه ؟ اشكرك |
اخي خالد انت اكيد بعقلك ولا بتحلم انت غيرت كتير من مبادئك اخي الانسان موقف وانت موقفك مضعضع مره هون ومره هون افهم من كلامك انه الرئيس عباس مع المقاومه من تحت لتحت ههههههههههههه شكرا الك ولرسالتك وصلت اخي |
صح التنسيق الامني هاد اكبر كزب وخيآنة.. واذا على عبآس اصلاً هو حكاها متنآزل يرجع على بلده من بعد هالكلمة ضل زلمة هو ...!! النآ الله..وحسبي الله ونعم الوكيل.. |
تنسيق امني لنصبح حماة للصهاينة ..ىخر منتج للسلطة وفي ناس بتصفق لهالاشي وين كان التنسيق الامني وقوات عباس لما المستوطنين الانذال بيهاجموا الناس في الخليل وين كان عباس لما المعتقلات الصهيونية ملآنة بالأسرى من الاطفال والمراهقين؟؟ وجايين بيبكوا على الشلاليط التلاتة يا حرام لأنهم من المراهقين!!! ناسيين انهم بالاساس مجندين وهالصورة يمكن اكبر تعبير http://2.bp.blogspot.com/-b1V8Xs5D5T...%8A%D9%86..jpg http://saraya.ps/uploads/General/130613083228XyXS.jpg http://1.bp.blogspot.com/_Xl9sgzAjlG...s_armes_AP.jpg هاد هو التنسيق الامني المطلوب نحمي هؤلاء الصهاينة مشان يصبوا الموت حمم على رؤوس اخوتنا في غزة وفي كل الضفة ... جزيل الشكر الك اخي مؤيد واذا كان للتنسيق الامني فائدة زي ما بروجوا اله المؤيدين فهو من ناحية أخرى (خيانة مقنعة) رأيي المتواضع جزيل الشكر الك اخي. |
اقتباس:
بعقلي اخي وين الحق بجري وراء لكن صدق المولى "لكن اكثر الناس لا يعقلون "" العاطفة لن تجدي نفعا وللمرة الاخيرة احكيها للجميغ من انت حتى تتبع اقوال اتلك القيادات ؟؟ اروني ماذا فعلتم لفلسطين حتى تتفوه بذلك الكلام وتسبوه وتشتموا |
اقتباس:
مين شتم ولا حدا بتهيالك اخي ارجع للكلام الكل ما بدو تنسيق امني وهادا حق لكل فلسطيني ما حدا غلط على شخصيه الرئيس احنا منحكي انه غلطان في التنسيق مع العدو ولا نسيت انه اسرائيل عدو لفلسطين بترجاك لا توجع قلبي خلص وصلت رسالتك لو كان هاذا الطفل قريب الك او ابنك اكيد بكون الك راي اخر ورح تكفر بكل المبادئ المزيفه https://fbcdn-sphotos-h-a.akamaihd.n...07479579_n.jpg |
الاخت صمت المحابر كل الشكر اختي لمرورك وتعليقك |
الاخت لالا شكرا لكلامك الطيب ولمرورك الرائع |
لي عودة للموضوع لاضع رأي لي يختلف عن اراء بعض الردود الوطن والغربه |
كل واحد خائن وقاتل وعميل الله ينتقم منه كل من سلب وقتل ودمر كل من رمل ويتم الله ينتقم منو وحسبي الله ونعم الوكيل فيه والله والولاء والاخلاص والانتماء مات من الناس مات من قلوبعن شو ظايل بعد ما البشر بتجسس ع المسلمين وبوصل الاخبار للعدو لقد سمعت ان الذين يفتشون البيوت هم جواسيس ....ولقد قال اغلب الناس انهم عرفو ذالك ان الجنود يلبسون احذية مختلف عن الجواسيس حتى يتم التعرف عليهم شكرا لك مؤيد |
التنسيق الامني مع القرده والخنازير خيانه عظمى عندما استولى المذكور عباس على رئاسه السلطه وهو الان بدون اي حقيبه ومتسلبط على الشعب الفلسطيني بأجهزته الامنيه التي تنسق مع الصهاينه عند اي عمليه صهيونيه لاعتقال الكوادر داخل الضفه ليبعثروا الصهاينه كما يريدون وهو يعلم ايضا سابقا عن اي اقتحام ومعروف ذلك عند الجميع داخل وخارج الوطن وتلقى الاجهزه الامنيه مختبئه كألأرانب لخروج الصهاينه من مهمتهم وان المدعوا عباس ايضا يتبادل الادوار الخبيثه وخيانته العظمى مع الصهاينه الذين يحتلون ارضنا وقدسنا وسماء وطننا وحتى ملح بحرنا لضرب المقاومه الباسله ان كانت بالضفه او غزه ومن يعتقد بأن التنسيق مع الصهاينه من بعض المغفلون فهو خائن وواهم لدينه ووطنه امام الله ورسوله وامام شعبه وهو من الخبيث وليس من اهل الوطن الطيببين وان اعتقال وقتل المجاهدين متوافق عليه ايضا لان عند دخول الاجهزه العميله للصهاينه تغادر الشوارع ولا يراها اي احدا وهي الدفاع عن الصهاينه لنقول لعباس وبعض زمرته الامنيه الخائنه ارحل عن هذا الوطن لان هذة الارض المباركه ارض فلسطين وقف اسلامي لا يحق لاحدا لا لعباس او غيره ان يتنازل عن شبر منها ثوابت الشعب الفلسطيني ثابته وهي خطوط حمراء ان امبراطورية الفساد من السلطة المقالة والتوجة لدول العالم للتسول وكأن الشعب اصبح لاجئا بوطنة ولا يسعى لتحرير بلادة و اعطى عباس الصهاينة الفرص لكي تعتقل وتقتل كما تشاء بالتنسيق معهم في مناطق السلطة ذاتها واعتقالهم عندما كنت اتكلم عن هذة السلطه العميله كان البعض ينتقدني ويتهمني بالتعصب فلا غبار على ذلك لكن ان كان من اجل الوطن واهله من الان وصاعدا فسموني كما شئتم بألمتهور مشكور اخي حبيب العمر على نقل الخبر الوطن والغربه |
:37::37: اقتباس:
الكلمه قبل الاخيره بأختصار لماذا تتغنى بهؤلاء الخونه وكل يوم يبشرونا لعمالتهم للصهاينه وهم ابعد من ارض فسطين المقدسه بسنوات ضوئيه وهم اتوا لنا بأشياء مشبوهه فكفانا خداعا وكل من لا يؤيد هؤلاء برأيك عدو لهم ان كان الامر كذلك فأنا اول عدو لهم من اجل ارض الوطن لا يوجد ثوره مضيئة الا عندما يصبح وقودها دماء الشهداء فنحن شعب لا يستحق الا الكرامه والعزه كنت اتنمى ان تميز بين الجلاد الصهيوني وعملائه والضحيه اعمل لاخرتك بما يرضي الله بالعباده وقتل الابرياء واعتقالهم لا يرضى الله ورسوله لكل زمان رجال امنؤا بالله ورسوله عليه الصلاه والسلام وليسوا هؤلاء الطغاه من السلطه الحاكمه التي تنسق مع الصهاينه وزعماء الفتن في الارض ومن ولاهم ويقف على ابواب قصورهم الفانيه ان عباس وعصابته المجرمه المتخلفة تحت شعارات السلام منذ اكثر من 20 عاما ومسميات هنا وهناك كأمثال عصابات المافيا يزرعون الفتن ويحمون المستعمرات والصهاينه ويقتلون ويعتقلون ابناء الوطن تحت حجج واهمه وبالتنسيق الامني بعيده عن تحرير الوطن :121: الوطن والغربه |
لما الواحد فينا يكون قاعد مع اهلو وبضو قمر ما بلاقي حد منهم لما بتكون الصبح قاعد مع ابوك واخوانك وبالليل بيجو وبيعتقلوهم والله العليم امتى بيطلعو كلهم كذابين |
يا عمي هلكتونا في التنسيق الامنيوعباس خاين والسلطه خاينه بس حماس في غزة شريفه الي بتسجن الي بطلق صواريخ وبطلق الرصاص عليهم كلو خاين يا عمي السياسه تياسه الجهتين مستفدين واحنا الي رايحه علينا |
https://fbcdn-sphotos-h-a.akamaihd.n...07479579_n.jpg هذة الصوره من الاف الصور سأهديها الى عباس وزمرته الامنيه ليروها ان لم يرهوها من قبل لينظر ماذا يفعلون الصهاينه بأطفال الوطن لقد ماتت انسانيه هذه السلطه بالاتفاق الامني مع الصهاينه امام مرأه الشعب الذي يريد تحرير ارضه باعوا شرفهم بدراهم خسيسه ليبنوا فيها قصورهم في تل ابيب وواشنطن الوطن والغربه |
اقتباس:
:37: الوطن والغربه |
اقتباس:
الكل رايح بس الدفاع عن والوطن رح يظل لحتى تنال فلسطين بلدي السلام والحرية |
اقتباس:
انا حكيت ابعدوا كثيرا عن العواطف لانهااا تعمي اعين الناس اعرفوه معنى التنسيق الامني وبعدين تحدثوه عنه الطفل شو دخل السلطة باللي صار معه هي صورة توجع القلب وهذا همجية العدو الصهيوني ولا تنسى ايضا هنااك ناس اتقطعت رجليهم هلال الحسم اللي عملته حماس وما كان في مانع انه نحط ايدنا بيد بعض ونرجع نتوحد حكموا عقولكم قبل التفوووه باي كلمة مو ضروري تحكيلنا شو عملت ؟؟؟ فقط قارن نفسك به و بكل مصداقية وضميره واعرف الاجابة اي قائد سياسي نحن اخسىء وادنى ان نتكلم عنه |
اقتباس:
شكرا على التعليق |
لا حول ولا قوة الا بالله ومن متى الحياة اعز من الدين بالنسبه لأخي طالب الهندسه احنا عايشين لأن لسه ما اجت ساعتنا وبفضل الله وحده فقط مش بفضل تنسيق صهيوني او معابر وكلام فاضي سامحني لكن كلامك مستفز مش عارف انت باي منطق كنت تحكي وانا اسف بس منطقك غلط وبالنسبه لعباس ما بعتقد انه مع المقاومه لكن حسبي الله ونعم الوكيل على كل ظالم وبتمنى انك تراجع حساباتك اخي بمبدأك بعيد عن فتح وحماس والجهاد حدد موقفك بناء على هويتك مسلم - عربي - فلسطيني مش فتحاوي او حمساوي او جهداوي الله ينصرنا ويهدينا ويشيل الغشاوه عن عيونا وقلوبنا اولا تحيتي |
اقتباس:
منا من يدافع بسلاحه او بماله او بدعائه ومن منا ايضا من يقف بصف شعبه بقلمه ليوصل للعالم ما يجري على ارض واقعنا اصبحت الشيشه اشرف من هؤلاء الخونه وسرقه قوت الشعب وطعامهم مغموس بدم ابرياء مواطنينا الشعب يدين التنسيق مع الصهاينه من لا يستطيع ان يحاور بتنسيق الكلمات فليبقى حياديا او الافضل ان لا يدافع عن هؤلاء العملاء لمصالح ذاتيه او ان يصمت لا احد من شعبنا بالمستقبل القريب سيقف مع السلطه ونهايتها مرتبطه مع نهايه الصهاينه وباقي الانظمه العربيه الفاسده التي تنهار امام شعوبها ونحن لسنا بعيدين عن هذه الثورات للشعوب المناضله الوطن والغربه |
اقتباس من طالب هندسه انا حكيت ابعدوا كثيرا عن العواطف لانهااا تعمي اعين الناس اعرفوه معنى التنسيق الامني وبعدين تحدثوه عنه يا راجل انت مخلي عقلك بالبيت وجاي تناقش التنسيق الحياتي هادا ما حدا حكى عليه منحكي عن التنسيق الامني افهم يااااا الامني الي بعطي العدو اخبار عن المقاومين وبسحب السلاح من المقاومه وبمنع اي مقاوه للاحتلال في الضفه افهم العنوان لا تتحاذق هون الطفل شو دخل السلطة باللي صار معه هي صورة توجع القلب وهذا همجية العدو الصهيوني الصوره انا حطيتها لانه عباس حكى انه المخطوفين بشر وهادا الطفل مش من البشر ؟ ولا تنسى ايضا هنااك ناس اتقطعت رجليهم هلال الحسم اللي عملته حماس وما كان في مانع انه نحط ايدنا بيد بعض ونرجع نتوحد ومين حكالك بدافع عن حماس انا؟ لا حماس ولا فتح بتعنيني شي انا انسان وطني فلسطيني وبميز بالصح من الخطا وبعرف انه الكل الخطا حكموا عقولكم قبل التفوووه باي كلمة انت حكم مخك وشغله منيح لانه تايه ما عندك شي تحكيه مو ضروري تحكيلنا شو عملت ؟؟؟ ولا رح احكيلك انا لو عملت شي بعمله من اجل الوطن فقط قارن نفسك به و بكل مصداقية وضميره واعرف الاجابة اقارن نفسي في مين هههههههههه ما بتشرف اقارن نفسي فيه اي قائد سياسي نحن اخسىء وادنى ان نتكلم عنه تكلم عن نفسك لو سمحت انت ممكن تكون اخسى بس باقي الشعب مناضل رافع راسه فوق وافضل من كل متامر وبائع للوطن |
السلام عليكم ورحمة الله وبركاته بما أنك تطرقت لموضوع التنسيق الأمنى كان يجب عليك أن تذكر جميع الأطراف إذا السلطة الفلسطينية لها تنسيق أمني مع إسرائيل فحماس في غزة أيضاً لها تنسيق أمني مع إسرائيل شاهد الصور http://im67.gulfup.com/k4qeSS.jpg http://im67.gulfup.com/ItNXUN.jpg كيف وصلت حماس إلى هذه المناطق أليس هذا ما يُسمى تنسيق أمني ؟ إبنة زير داخلية سلطة غزة فتحي حماد تم نقلها بطائرة خاصة من الأراضي الإسرائيلية إلى الأردن أليس هذا تنسيق أمني مع إسرائيل ؟ كان حريٌ بك أن تتطرق إلى الأطراف الآخرى الأمر الآخر الذى تطرق إليه طالب هندسة إسرائيل تتحكم في كل شئ سواء في الضفة أو في قطاع غزة الإقتصاد والمعابر والحواجز والحالات المرضية والسفر والتنقل كيف لنا أن تتغاظى النظر عن كل ذلك أنا ضد التنسيق الأمني لكن علينا ألا نتغافل عن تلك الأمور التى ذكرتها لك نأتي إلى أسلوب التخوين ياسر عرفات في 1993وقع اتقافية اوسلو كان مجملها الإعتراف بإسرائيل وإعطائها الحق الكامل في العيش بأمان وسلام أليس ياسر عرفات خائن من منظوركم ؟ شكراً لنقاشك يعطيك الف عافية |
اخوانى طبعا احنا ما بتقدر نعيش بدون عواطف وهمجية العدو صعب انو حدا فينا يقبل فيها بس فى خطوات احنا لازم نتبعها وبكل دقة مشان نقدر نتصدى لهدا العدو وما بينفع هيك على كل موضوع نتجادل وما نوصل لحل كيف بدنا نتصدى للعدو وننتصر عليه واحنا مش متفقين باى شى بنلوم على العدو الى بيقتل فينا وبأطفالنا واحنا بنرتكب بحق بعضنا أفظع الجرائم العدو بيسعى يضربنا ببعض واحنا مو منتبهين لهدا الشى طيب ادا زالت السلطة شو بدو يصير بالبلد راح تعم الفوضى وبيكفى الى احنا فيه الأجهزة الامنية الها دور كبير أكيد انها تفرض نفسها وتتصدى لهدا العدو الغاصب بمتل هاى الاحدات التصدى للعدو ومقاومته شرف كبير لكل فلسطينى كمان خطاب الرئيس اله دور كبير فى توحيد الشعب او انقسامه كان أولى بالرئيس يكون حكيم بهيك موقف لان هدا الموقف بيتطلب الحكمة وهى أفضل أكيد من سياسة فاشله |
اقتباس:
ما بعرف ليش ب تنكروا شيء حقيقي وحاصل المعابر و الحواجز والرواتب والكهربااا والمية و قيس على ذلك كثير وكتيرر كله بيد اسرائيل حتى اموالنا وتعاملنا بالاموال صارت بالشيكل ... بأي منطق ؟؟ بمنطق العقل والحقيقة المرة اللي بنشوفها بعنينااا اذا الرواتب اذا تاخرت شهر بتقووم الناس وما بتقعد طيب لما تنقطع بالمرة شوو بدها تعمل ؟؟ التنسيق الأمني؟؟؟ ابو مازن حكى انه في تنسيق امني و الاجهزة الامنية والصحافة والاعلام الاسرائيلي اثنى عليه ايضاً طيب ممكن على االأرض شو التنسيق اللي حصل ؟؟ هل اللاجهزة الامنية اعتقلت ناس وسلموهم للاسرائيل ..اكتشفوا اسلحة وذخائر للمقاومة وانفاق وحكوهاا لليهود لحتى الآن انت وغيرك ما بعرف شو تعريف التنسيق الامني غير انه العمالة فقط زي ما بتسموه انا مسلم عربي فلسطيني وما بمنع انه احكي الحقيقة اللي بتحصل واذا كان رأي مخالف لأرائكم صرت كافر اسرائيلي يهودي ..... يحنا شعب ضعيف ومغلوب على امره ومش قد قوة وبطش اسرائيل ..لو يحنا قدهاا لكان رفضنا الهدن اللي صارت دائما فكروا بمبدأ العقلانية والواقع ..بعيداً عن العواطف الجياشة التي تؤدي الى المهالك ولااراء الغير واقعية بالنسبة للفصائل واذا بدك تدور على أي الفصائل انتمي ..لفلسطين سياسيا و لاكبر الفصائل ردع عسكريا نقطة وسطر جديد |
اقتباس:
خليك بالشيشة النصر من عند الله صحيح لكن بدها مسببات حتى يكون النصر شعب متوحد غير فصائلي ..شعب مدرب وايمانه قوي ..شعب واقعي بعيد عن الأقوال وانما في الافعال مقدمين |
اقتباس:
يعني منطقتناا قريبة من الحدود وفي شرطة موجودة تحافظ على امن اسرائيل وممنوع اطلاق الصواريخ ويتم اعتقال من قام بالاطلاق هذا ما بيتسمى تنسيق امني عند حماس ثانياً : ما بحب الناس اللي بتاخد اقوال الناس وبتحكي دليل انه السلطة سلمت مقاومين لدى اسرائيل ...هات لي اسماء ؟؟ بس ما تحكيلي ما عندي سحب السلاح ..دولة وحابه تحافظ على امنها ..ايه دولة ممنوع فيها اسلحة غير مرخصة السلطة جربت غزة و كل بيت كان فيه السلاح وبالاخر شوو عملواا فيهااا ؟؟ وما بنكر شي اسمه مقاومة بالضفة من قناص الخليل الى مقاومي جنين ...في فصائل موجودة معها السلاح واولها القساام والسلطة قادرة تسحبهم ؟؟؟ يعني المخطوفين جن لسمح الله وانا مش داري وبعدين شفته وسمعته حكى عن الطفل انه مش بشر نغمات سمعناه تكرارا ومراراً ..فقط لاساءة سمعت من هو افضل واشجع مناا الحمد لله محكم دماغي وعقلي قبل التفوه بأي كلمة وكل كلمة بحكيها بعرف شو معناتهاا انتوا حكيتوا انه في تنسيق امني واعتقال للمقاومين وتسليمه للاسرائيل ...اعطيني اساامي شر البلية ما يضحك ما بحب اتكلم عن نفسي حتى لو عملت للوطن اشياء واشياء بضل خسيئ امامهم هذا عن نفسي وما في مانع احكيها اني خسيء باع الوطن ...معلش بكم باعه ؟؟؟ وشو اللي باعه ؟؟؟ حقيقة الفكرة اللي اخدته انكم مغيبين فعلاً تحكووه اللي بتحيكيه الناس اللي بتحكيه بعض القيادات الحاقدة اللي بهمها مصلحتها وبس ... يا سيدي عندك الحدود واسرائيل ...حرر لنا الارض وجيبهااا ورجينا مراجلكم؟؟؟ |
واخيراً حتى لا يطول النقاش الذي لا طآله منه أو فائدة و خروج البعض عن مسمى الحوار والأحترام اقول فعلاً سحقا ثم سحقاً ثم سحقاً لاناس لايقدمون لاوطانهم سوا الكلام الكثير والثرثرة ووتتبع الاخرين وعن الافعال تحت السرائر متخفين و 24 ساعة على النت قاعدين ومع الدردشات مو خالصين و على المباريات ميتين و على الحب والغرام فايعين وبالاخر بدهم يحرورا فلسطين اااااااااااااااااااااااااااخ حسبي الله ونعم الوكيل |
يا جماعة سيبوكم من هالشعب وهالسلطةانما لا تعمى الأبصار انما تعمى ابصار القلوب واحد بيجيب فلوس من الأمريكان واليهود ماسكينو من ايدو الي بتوجعو عشان يقدر يمشي الناس والشعب والدولة الي بيسعى وراها والتاني نظام شحدة من قطر وتركيا ومش عارف مين وبالأخير التنين بيصبو في صالح اليهود لاحظ مؤخرا ما يحدث عند هذا وذاك التنين عندهم تنسيق واحد معلن ومن زمان والتاني بدوش يدمر الي كان يبني عليه فخلى التنسيق سري يعني التنين بيطاطو الروس سلام عليكو |
اقتباس:
الشكر الك لهاذا النقاش الراقي |
|
كان نفسي اناقش بدون تحيز لكن كالعاده انقلب النقاش فتح وحماس مش فلسطيني لفلسطيني مع ان دينا الإسلامي وجد ليتمم مكارم الأخلاق وإلغاء القبليه والتعصب والسمو بالذات والروح النقيه الإسلاميه لكن للأسف الى الأن نحن متعصبون قبليون متقسمون على ورق وعلى الواقع سامحوني يا شباب انا طبعا ضد التنسيق الأمني مهما كانت الأسباب ومع هيك انا كمان ضد اللي حصل من حماس يوم الحسم مثل ما بيقولو انا ضد اي حركه ومع اي واحد بيحكي انا مليش تنظيم لكن انا فلسطيني ورح اوقف بوجه العدوان وبكرر اسفي لكن لما يصير النقاش بين فلسطينيين بشارك معكم اما نقاش بين فتح وحماس ما بيهمني اشارك فيه لكن رأي بشكل عام عن التنسيق بالنسبه الي مرفووض مرفوووووووض تماما وشكرا |
أولاً شكراً مؤيد على طرحك ثانياً مع أني ما بحب أدخل في هذه الموضيع لأن الكل متعصب لأرييه السلطة الفلسطيني من يوم ما عات من الشتات وهي تتعامل مع الأحتلال كأنهم جيش واحد وكثيراً ما كان الأحتلال يقصف مواقعهم وفي كثير من الظروف عناصر السلطة تساعد جيش الأحتلال على القبض على عناصر من المقاومة وليس هناك دافع يجبرك على التعاون مع عدوك قاتل أخيكَ ورداً على هل كان حباً مؤيد طرح الموضوع حتى نناقش وليس علشان نعمل مقارن بين حماس وفتح الأثنين أصبحو في نفس الكفة يسعو لحكم ومش معناه أنُ حماس تعمل تنسيق مع اليهود حكومة الضفة تعمل تسيق هي الأخرى ومش كل شيء تغلط فيه حكومة الضفة تأتي بمثله على حكومة حماس يا أخي ألي بيطرح الموضوع فلسيطيني لا ينتمي لأي تنظيم هو لازم أكون حماس علشان أهاجم عناصر فتح أو العكس وكمان مرة بشكرك مؤيد تحياتي |
اقتباس:
كلامي كان واضح من أول سطر في ردي ذكرت بما أنك تطرقت إلى موضوع التنسيق الأمني كان يجدر ذكر كل الأطراف وإذا قرأت ردي أنا كتبت إني ضد التنسيق الأمني سواء كان هذا في الضفة أو في غزة ومن قال لك أني إتهمت صاحب الموضوع بالحزبية هو ليس في قطاع غزة كي يشاهد ما وضعته أنا وما تحدثت عنه لذلك لم أتهمه بالحزبية أنا وضحت له أن حماس أيضاً تعمل تنسيق أمني مع إسرائيل ووضعت له صور توضح ذلك وذكرت له حاثة حصلت بالرغم من أنه لم يقتنع هو لا يعرف أن حماس في غزة تلاحق المجاهدين ومطلقي الصورايخ كما يحدث في الضفة لذلك كما ذكرت أنت أن الأثنين في كفة واحدة كان يجدر ذكر الطرفين وليس طرف دون الآخر تلك هي المسألة وليس الأمر حزبي بالنسبة لي أو أني مع طرف دون الآخر كما ظهر ذلك في كلامك |
| الساعة الآن 09:56 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.