|
قصة الحب عبر الانترنت من 7 اجزاء قصة الحب عبر الانترنت من 7 اجزاء الجزء الاول كانت اماني بنت لساتها صغيرة ومتعرفة ع عالم النت جديد كانت كل كم يوم تضيف حدا جديد وتحكي معه وتنزل عندها اشياء هبل ومواقف تصير معها وكانت تنبسط كتير بس ييجيها لايكات وكومنتات من الشباب والبنات وتنبسط بس يكونو كتار كانت عامله اكاونت ب اسم سوسو مش باسمها الحقيقي وكانت تحكي للكل انا اسمي سلام ،،، الشباب يلي كانت تحكي معهم كانو يضلو يطلبو رقمها وهي تحكي لا بحجة انه هي ما بتحكي مع شباب ع التلفون بس بالحقيقه هي اصلا ما كان عندها تلفون وكانت تخاف تحكيلهم لانه كانت تحكي لو عرفو اني ما معي تلفون بحكو عني متخلفه ورجعيه يتبع |
الحب عبر الانترنت االجزء الثاني ,, ،، كان في شب واحد وثقت فيه وحكتله انه هي اسمها الحقيقي اماني وحكتله كل شي عنها وعلمها كيف بتقدر من الايميل يحكو مع بعض ع السماعات ويسمعو صوت بعض وكانت احيانا تحكي معه هو يضل يحكي وهي تضلها ساكته وترد عليه بالكتابه وتصير تبعتله احمد:يلا عاد يا اماني ولك احكي سمعيني صوتك ،، بدي آكلك انا يعني اماني : يا خلص اسكت ما بدي احكي احمد: ههههههههه مهبلك ما انتي هلا بتحكي يختي والله عمرك ما بتعقلي وبتكبري اماني: هههههههههه اصلا عادي بعدين انا بس حكيت لانه يصحلك تسمع صوتي احمد : يختي ليش شو كاينه اصلا يلا المعامله مع الله بكرا بتشوفي كيف بدي اصير مشهور وتصيري تتمني تحكي معي اماني : ليش يخوي ناوي تصير رقاصه مشهورة هههههه ويكملو حكي كل يوم ع هالحاله اماني كانت كل فترة تضيف حدا وتتعرف عليه وتحبه وتتعلق فيه كانت هبله تفكر انها بتحبه بس هي ما كانت تحب عنجد كانت تحب بس الفكرة بس هي واحمد كانو ماخدين بعض خوان وما كانو يفكر ببعض غير هيك (احمد مش البطل ع فكرة مجرد شخصيه عابرة ) بعد فترة صاحبة اماني خلتها تعمل لايك ل بيج مجاكرة بين شباب وبنات واماني مكيفه عليه كانت كل يوم تضلها تدخل وتتزانخ ع الشباب وكانت تحكي وتمزح مع الكل بس الغريب بالموضوع انها ما كانت تضيف حدا منهم مع انه كانت تضيف شباب حبطرش بس همو ما كانت تقبلهم كان في شب مسمي حالهdark man ما كانت تعرف اسمه بس كانو كتييييير يحكو ع البيج ويتهبلو بالاخر عمللها ادد وهو الوحيد يلي قبلته منهم وصارو كل يوم يحكو Dark man:شو مرحبا ست سوسو ام لسان سوسو: انا ام لسان الله يسامحك ولا لاني مش هبلة متل البنات صرت ام لسان Dark man: هههههههههه ومالك بتردحي يختي بمزح معك سوسو : هههههه ماشي ما علينا ،، صحيح ايش اسمك انت ولة ؟ مطلع عيني بالبيج ونازلين جكر ببعض وما بعرف اسمك Dark man:اسمي زيد ،، بعرف اصلا اسمي مش حلو ( طبعا قاعد بحكيلها هيك عشان تحكيله لااا ولك اسمك حلو وهو يستحي قال ) سوسو : (طلعت فاهميتله ) اه فعلا معك حق مش حلو اسمك هههههههههه Dark man: لااا بالله اسمي احلى منك اصلا قال مش حلو قال سوسو : ما انت مش هيك بدك ولا مفكرني متل البنات اللي عندك بدي احكيلك لا بجنن والله ومش عارفة شو Dark man:ول عليكي مقواكي ههههههههه خلص ما علينا اه ست سوسو ما حكيتيلي شو اسمك انت ولا اسمك مسجل بالهويه اسم مش حلوو ههههه يتبع لو عجبتكم بكمل باقي الاجزاء |
شكرا لك ولجهودك ياريت خيو مؤيد تكمل القصة لانو انا عجبتني وحاب اشوف الاجزاء الباقية تحياتي لك |
حلوة كثير كمل اخي |
شو بدكم انزل الاجزاء ورا بعض:75: |
اكيد لاء خد راحتك و انتا بتكتب |
طبعا كمل يا مؤيد عجبتني القصة بس مش ورا بعض عشان يكون في تشويق بالقصة برأيي حتكون عبرة لإلنا هالقصة واكيد بتشكرك ع المجهود مؤيد |
حكآية أكثر من رآئعة رآقت لي جداً سَ أكون متآبعة للنهآية أكيد ألف شكر مؤيد ~ |
والله كتيير حلووة وواقعية يلا نزل الباقي |
شكرا الكم حلو انها عجبتكم خاصه الصبايا ان شاء الله تاخدو منها عبره هلا بنزل الجزء الثالث |
الجزء الثالث سوسو : اه بلشنا نخفف دم ،، ﻻ انا اسمي سﻼم (مع انه اسمها الحقيقي اماني ) وبعرف اصﻼ اسمي حلو i dont care: سﻼم ! يﻼ ماشي حالو حلو سﻼم : يصحلك ولة وكملو حكي ومزح وسهرو للصبح وهم يحكو وسلام الي هي اماني كانت تحكي كل شي عنها غلط وﻻ معلومه حكتها عنها صحيحه وبلشو يوم ع يوم يتعلقو ببعض ويحبو بعض بدون ما يعترفو وكانت كل يوم تخاف من اليوم يلي رح تحكيله انه كل اشي بتعرفه عني غلط زيد عمل اكاونت جديد ب اسمه ورجع ضاف عليه سﻼم سﻼم : اه وشو غيرت بروفايلك سيد زيد مبروك ،، بس مش ناوي تنضفه من البنات يعني ، انا عشانك والله زيد : ههههههههه ما تكوني غيرانه ولة سﻼم سﻼم : ﻻاا بالله شو اغار انت حر اصﻼ زيد : طيب ما انتي عندك شباب وهاد احمد يلي دايما تحكيلي متل اخوي والي سنتين بعرفه وابصر شو سﻼم : ﻻ انت بتعرف انه عنجد متل اخوي ومستحيل اعمله ريموف لو شو ما يصير ، والشباب انت عارف اني ما بحكي مع حدا زيد : خلص انتي حرة بﻼ نعمل مشاكل هﻼ * كانو التنين حاسين انهم بحبو بعض بس ما حدا مبلش ب اول خطوة حتى اجا يوم كانو سهرانين مع بعض بالليل ومبسوطين كتير ويهدوا بعض اغاني زيد: سﻼم بدي اسمعك اغنيه مني الك ب كل حرف فيها سﻼم : اوك سمعنا نشوف نتسلى ( هون سﻼم قلبها صار يدق بسرعه حست انه اﻻغنيه رح تكون حب ) زيد :خدي اسمعي سمعها اغنيه فراق ههههههه غابت سﻼم 3 دقايق بتسمع اﻻغنيه سﻼم : والله انك حيوان يا زنخ واركب الحنتور بتسمعني ماشي يﻼ باي ﻻ ترجع تحكي معي يا نهفة امك زيد : هههههههههههههههههه مالك وله والله يمزح معك خدي جد هاي والله والله الك وركزي ب كل كلمه سﻼم غابت وسمعتها انصدمت من اﻻغنيه وحست قلبها بده يطلع من مكانه كانت اﻻغنيه ل وائل جسار بحبك مش حقول تاني سﻼم : متاكد انها الي ب كل كلماتها زيد : سﻼم ! سﻼم : احكيلي متاكد زيد : سﻼم ! سﻼم : ايييه جاوبني خلص ،،، ونعم نعم ايش بدك زيد : بحبك ! سﻼم انصدمت وحست نار بتطلع من قلبها شعور اول مرة بتحسه بطنها يوجعها قلبها مش مستقر حست احساس اول مرة بتحسه سﻼم : ايش حكيت زيد : بحبك والله ، حبيتك وبموت فيكي وتعلقت فيكي كل يوم بحبك اكتر واكتر صفنت سﻼم شوي سﻼم بتحبه وكانت تستنى بهاللحظه وكانت تتمنى تسمع هالكلمه منه واخيرا سمعتها يتبع |
وين الحبّيبه ييجو يقرأو القصه:10: |
حلوة القصة خاصة انها واقعية وفيها عبرة اكيد اكمل وانا من متابعينك |
بانتظار الجزء الرابع ع نار قصدي ع حطب هههه |
ههه كتير حلوةة مابدي احكي خيالية لانوالحب بيعمل بانتظار الجزء الرابع^^ |
ليش بتحكو عنها خياليه هاي اكتر القصص واقعيه انا بتحدى اي عضو بالمنتدى ما صارت معه هيك امور ولو بعض اجزاء القصه:30: شكرا للمتابعه ومبسوط لانها عجبتكم |
الحب عبر الانترنت " http://www.tafretjoz.com/wp-content/....com-42729.jpg الجزء الرابع ,,, سلام : بس انت ما عمرك شفتني وولا سمعت صوتي زيد : المهم اني بحبك وواثق فيكي وعارفك ما بتكزبي علي ووحيات الله الشكل ما بهمني،، هي سلام بنت كتير امورة وزيد كمان هي شافته وشكله عجبها وامور العله كانت انه ما في اشي عنها صح وانجنت بس حكالها انتي ما بتكزبي وانا واثق فيكي سلام : زيد انا كزبت عليك ! زيد : بعرف انتي اسمك اماني وساكنه ب .... وانتي بنت اماني : ????????? زيد : لا تستغربي بحكيلك بموت فيكي وبعرف كل شي عنك ضلت اماني تحاول معه تعرف من وين عرف وما رضي يحكيلها مرت الايام وكل يوم يتعلقو ببعض اكتر واكتر واكتر كان فيهم علة وحده كل ما يتطاوشو يقلبو ع بعض ويصيرو يقاهرو بعض وكل واحد يصير مع التاني لئيم كتير بس لما يتصالحو يرجعو مع بعض بجننو كانو الكل يحسدهم ع حبهم ويحكو يا ريت عنا متل هالحب زيد : لين يعني انا إمتى بدي اشوفك لساتها زيد ببعت بالحكي هاد ولا وصلته صورة منها فتحها شاف بنت بتجنن كتير حلوة سمرا وعيونها خضر زيد : شو وله مين هالمزة صاحبتك؟ عرفيني عليها ههههههه اماني :هاي انا زيد : اي يلا عاد بلا كزب مين هالمزة اماني : والله انها انا زيد : ولك يسعد الله طول هالوقت بحكي مع هاي وانا مش عارف اماني : خلص يا خجلتني لحتى اجا اول عيد حب بمر عليهم كانت اماني ساكنه ب اربد وزيد ب عمان رن عليها ردت بحكيلها انتي وين حكتله وين انا هيني مروحه من المدرسه حكالها طيب انا بدي اشوفك ! حكتله شو تشوفني لا ما بدي خافت كتير اماني من الفكرة ما عمرها شافت شب وقعدت معه زيد : اماني مالك جاي من رام الله بدي اشوفك انا اماني : يا الله يا زيد يعني هيك بتحطني بهالموقف ليه ما حكيتلي زيد :اليوم عيد الحب وحبيت افاجئك خلص يا عمري لا تكسري ب خاطري خليني اشوفك حتى لو من بعيد اماني فكرت وحكت بشوفه من بعيد ل بعيد بس كانت مستحيه لانه مش جايبتله هديه لانها ما كانت تعرف انه حيجي بس اماني كان عندها سنسال دايما لابسته فكرت تعطيه اياه يتبع |
لأ مش خيالية بالمرة بالعكس زي ما حكيت مؤيد بلشت تحلو انا مش حستني الباقي لبكرة هها صار عندي فضول اعرف ايش صار |
مؤيد دخليك ماآ تتأخر عليناآ بِ الأجزآء ,, مش عآرفي ليه هالحكآية أثرت فيّ كتير مع إني لسى ماآ كملتهاآ |
لا مؤيد مو خيالية مثل ما حكينا هي واقعية وبتصير كثير نزل الجزء الي بعدوو بسرعة صار عندي فضول وما بستنى هه |
في عندي تعليق بسيط لفت إنتبآهي كانت اماني ساكنه ب اربد وزيد ب عمان هيدول عآيشين بالأردن و هالحكآية هناك زيد : اماني مالك جاي من رام الله بدي اشوفك انا هو وين عآيش بِ الزبط ؟؟ |
عدلي عليها اختي البريئه هي في اربد وهو في عمان ما بعرف يمكن صار غلط في الكتابه |
روعه |
وجودك اروع اختي احاسيس خجوله |
الحب عبر الانترنت الجزء الخامس اماني : خلص تعال بس من هلا بحكيلك من بعيد ل بعيد زيد : ماشي ماشي المهم اشوفك لبست بسرعه ولبست احلى اواعي عندها وكان قلبها بدق اجاها زيد عند بيتها طلعت ل برا بسرعه وع حظها ما كان في حدا بالبيت بس شافته انهبلت بجنن طول وجسم وشخصيه وضحكته بتسحر سحر رن عليها وهي واقفه قدامه زيد : شو يا روح زيد شو يا عمر زيد ما بدك تقربي شوي اماني استحت كتير وصار وجها احمر وزيد واقف من بعيد بتفرج عليها وبضحك ع هبلها اماني : لا خليني هون بخاف حدا يشوفني زيد : يا عمره ل زيد بس تعالي شوي والله شوي اماني : ماشي بس ما بطول ثواني برجع راحت ل عنده وقفو مع بعض يمكن دقيقتين حسوهم وكانهم ثانيتين زيد : بحبك يا قلبي يا حبيبتي والله بموت ع التراب اللي بتمشي عليه اماني : مستحيه وبتحكيله امانه خلص خليني اروح زيد : والله ما تروحي الا حتى تسمعيني كلمة بحبك اماني : طيب طيب بحبك بس خليني اروح زيد : لا بالله شو مش هيك استحت وتطلعت عليه وعيونها بلمعو ووجها احمر احمر اماني : بحبك يا عمري يا روحي انا زيد : يا الله ما احلاها منك يا الله شو نفسي تضلي معي العمر كله اماني : حبيبي خلص بدي اروح زيد راح ل سيارته وطلع منها كيس احمر كبير استحت اماني لانه مش جايبتله هديه وهو عارف انه هي مش جايبه لانه اصلا ما بتعرف انه هو جاي اجت شلحت السنسال ولبسته اياه اماني : امانه تضلك لابسه وبس تشوفه تزكرني وتزكر شو اني بحبك زيد : رح احطه بين عيوني وما رح اشلحه لو شو ما يصير مرت الايام وزيد ولين بجننو مع بعض حتى اجا اليوم يلي ام لين عرفت عن لين ومنعتها من انها تحكي مع زيد وحكتلها لو بحبك بستناكي حتى تخلصي توجيهي وتفوتي الجامعه واخدت منها التلفون يلي كان معها بالسر وفصلو خط النت زيد ما كان يعرف اشي عنها كان يحاول يوصل ل بنات بعرفوها بس ما كان يطلع ب نتيجه اماني ما قدرت تحكيله استناني وما قدرت تحكيله شو سبب انها تختفي هيك زيد كان مفكر انها تركته وما بدها اياه وحقد عليها مع انه بعده بحبها وبموت فيها بس زيد كان عنده كرامه بشوفها اهم من قلبه وحبه خلصت اماني توجيهي ورجعو النت اول اشي عملته فتحت الفيس طلع زيد باعتلها مسجات كتير وبلاخر باعتلها انتي هيك بدك وانتي يلي وصلتينا ل هون انتي تخليتي عني وانا رح اتخلى عنك وكان عامللها ريموف كان في بنت اسمها لمى اماني كانت تغار منها كتير وكان يضله زيد يحكي لاماني يا عمري لا تغاري هاي البنت جمعيه مستحيل افكر فيها اكتشفت اماني انهم بحبو بعض يتبع |
بتعرف انو فتت بالأجواء وبتخيل فيهم ئاعدة بتجنن اينتا السادس اه بس مين لين هي اماني نفسها انا اعتبرتها, صح |
انا تغلبت بالاجزاء في اجزاء غلبتني مو موجوده ولا بموقع متل الجزء التالت ايون هي نفسها مره اماني ومره لين حسب الناشرفي اخر جزئين بعدل عليهم لانهم بالملف عندي |
انا بديت اتخيل المواقف مندمجة بالجو بانتظار الجزء الي بعده |
اوك الليله بنزل الجزء قبل الاخير شكرا لتفاعلكم |
الحب عبر الانترنت الجزء السادس وما قبل الاخير ,,, حاولت اماني تبعت ل زيد بس زيد كان مسكر كل الطرق عليها وحكالها انا خلص هلا بحب لمى اماني انهارت وانصدمت وما كانت تسدق واختفت من حياته شهر ل حد ما طلعت النتائج وبعتلها ع الفيس بوك زيد : ان شاء الله الف مبروك المعدل اماني انصدمت انه لساته متابع اخبارها وعرف معدلها من غير ما يسالها اماني : الله يبارك فيك يا رب ، بس كيف عرفت زيد: متل ما عرفت اسمك وكل شي عنك ما بتصعب علي اعرف معدلك اماني انبسطت وحست انه لساته بفكر فيها رجعو يوم ع يوم يحكو مع بعض اكتر واكتر ل حد ما رجعو حكو ل بعض بحبك وكانو ح يرجعو وخلص اماني كانت متعرفه ع شب وهالشب بحبها بس هي ما بتحبه بس بتحكي معه حتى تعبي فراغ زيد وكانت خايفه تحكي ل زيد عنه ، بعد ما كانو حيرجعو وخلص زيد شاف الشب بكتب عندها كلام حب ودخل ع بروفايله وشاف اماني بتعمله كومنتات كتير وفي منهم بتحكيله بحبك مع انه هي ما كانت حاسه ب هالكلمه بس كانت تحكيها حتى تعبي فراغ زيد عصب كتير وانجن بس شاف هالحكي زيد :يآ اماني شو هاي يلي ع بروفايل حبيبك ! اماني : مين حبيبي ؟ زيد :تفضلي شوفي حضرتك يلي بدك ترجعيلي وبعدك بتحبيني ،بعتلها زيد لنك الشب اماني انجنت بس شافته وعرفت انه عرف وضلت تحلفله وتبررله وتحكيله والله اني ما بحبه وتحكي وتحكي وزيد مش راضي يسمع زيد : انتي ب عمرك ما رح تبطلي حراكتك الطفوليه الهبلة وبعمرك ما رح تعرفي تحبي ولساتها لين بتكتبله وتبتعت اجا عمللها بلوك حاولت تحكي معه من اكاونتات تانيه بس هو ما كان يقبل يرد انجرح منها كتير مرت الايام ودخلت اماني الجامعه كانت تحكي مع صاحب زيد ع امل انه يرجعهم ل بعض بس ما كان في امل زيد رجع حب وحده جديده غير لمى اسمها مريم وما كان يحبها برضو كان بده يسد فراغ لحتى بيوم اماني بالليل اشتاقتله ب شكل رهيب وكانت حافظه رقمه ومستحيل تنساه اجت كتبت الرقم ورنت مع انه الساعه كانت 2 بس رنت اجا رد عليها زيد : الو اماني ساكته وما بترد زيد : الو مين معي ؟؟؟؟ اماني : مرحبا زيد زيد قلبه صار يدق بسرعه عرفها من اول كلمه كانت كلمة زيد تطلع منها غير عن الكل بس ما حكالها انه عرفها زيد: اهلا اختي مين معي ؟ اماني : انا اماني ! زيد : مين اماني بس سمعت سؤاله صارت تعيط وتحكيله مين اماني ! انا حبيبتك انا اماني يلي كنت تحكيلي انتي حياتي وعمري زيد انجن لانه كان عنده يموت ولا تنزل منها دمعه بس مسك حاله وتزكر كم مره تركته وكم كان يعاني ب كل مرة يتبع |
ناطرةة الجزء الاخير حكاية مشوقة جداً |
بانتظار الجزء الاخير |
شكرا لمتابعتكم بكره ان شاء الله الجزء الاخير |
الحب عبر الانترنت الجزء السابع ( والاخيييييير ) http://4.bp.blogspot.com/-VDw-0qqIO6...a8d98ad986.jpg مسك حاله وحكالها : خلص لا تبكي ما في حدا بستاهل كيفك انتي وشو اخبارك حكتله انا مشتاقتلك يا زيد سكت زيد وما رد عليها زيد : شو كيف الجامعه ممشيه فيها اماني : زيد لا تضلك تغير الموضوع زيد انا كتير بحبك مش قادرة اشيلك من بالي زيد : اماني انتي جايه بعد سنه بدك اياني ارجعلك بعد مكالمه وحده انتي عملتي فيي اشياء كتير وكسرتي قلبي مرتين ومستحيل اسمحلك تكسريه كمان مرة وبعدين انا هلا بحب وحده وما بدي اتركها كان زيد جواته بموت وهالحكي هاد مش من قلبه وما في بقلبه غير اماني بس بده يكسر قلبها متل ما كسرت قلبه اماني سمعت هالكلام وصارت تبكي وتحكيله انت الي مش ل غيري زيد ما تحمل يسمعها بتبكي حكالها افصلي الخط هلا بدي ابعتلك نكمل حكي ع الفيس كان بده يحكو ع الفيس بوك حتى ما يضعف قدام صوتها اماني : لا ما بدي انت بدك نحكي ع الفيس بوك كتابه حتى تقدر تصير لئيم براحتك لا ما بدي اروح وافصل زيد : اماني افصلي خلص اماني سكتت وحست ب صوته انه ما بده يكملو ع التلفون رضيت وحكتله ماشي فصلو الخط وراحو ع النت زيد : اسمعي يا اماني انتي بنت حبيتك زمان وما زبط معنا نكمل مع بعض لازم تنسيني متل ما انا نسيتك كان زيد يكتب هالكلام ودموعه بتنزل ع ايديه قلبه بنحرق عليها بس مش قادر يتنازل كرامته عنده اهم اماني بتقرا كلامه وبتبكي ومش مصدقه انت ليه هيك صاير انت لساتك بتحبني ليه هيك بتعمل زيد : اماني انا ما بحبك وحكيتلك انا هلا مع بنت تانيه خلص لازم تطلعي من حياتي وتنسيني اماني ما تحملت كلامه ما بدها ترمي حالها عليه اكتر من هيك كانت تكتب كل حرف وتبكي مليون دمعه اماني : زيد انا لساتني بحبك وانت لساتك بتحبني بس كرامتك وموقفك هاد رح يدمرني ويدمرك زيد : مش شغلة كرامه انا بحكيلك يلي بقلبي ويلا انا لازم اروح مع السلامه اماني : الله معك يا زيد والتنين ما نامو الليله وضلو يبكو ولساتهم ل هلا بحبو بعض بس ما حدا منهم عامل اشي وما حدا منهم عنده استعداد يتنازل ولساتها ل هلا بتدخل ع بروفايله وبتشوف صوره وب كل صورة بكون لابس السنسال يلي اعطته اياه بس التنين ضيعو بعض ب تصرفاتهم ---------- النهاية مسائكم سعيد وشكرا لمتابعتكم وتباً للحب والي بحبو شو رأيكم بالقصة ؟؟؟؟ |
تباً للحب و للي بحبو حكآية جميلة جذبتني ليهاآ بشكل غريب رآقت لي جداً و تستحق التقييم و ال 5 نجوم تحيتي ~ |
لا معقول خلصت بتوجع كتير شو هاد بس م كنت متمنية انها تخلص هيك وبسرعة كانت النهاية موش حلو ة لكن استمتعت بقرائتها وانت تعبت بالنقل مؤيد شكرا كتييير لإلك ولتعبك خد هالوردة مني :81: |
الشكر الك اختي ولمتابعتكوممنونك للتقييم القصد من نشر القصه هو توعية البنات خاصه والشباب عامه انه ما في شي اسمه حب عالانترنت بينجح مع الافتراض انه الحب بكون صادق من الطرفين و لكن نهايته دائما موجعه بس سؤالي للجميع هل القصه واقعيه وحصلت مع كثير من البشر ؟ هل حريه البنت للجلوس عالانترنت بعطيها حق انها تخون اهلها وتحب شباب من وراهم انا رايي بعد تجارب عديده الحب عن طريق النت ما هو الا تفريغ مشاعر وهروب من واقع معين وانا متاكد انه كلا الطرفين بكونو عارفين انه نهايه هادا الحب هو الفشل رغم ذلك بستمرو بالمحاولات دون كلل ولا ملل ههههههههه |
هههههههه لا كتييير بتصير انا بحب دائما اتجنب هالشي بس هالقصة انا شايفها تشجيع مش توعية هههها يعني انت فوتنا بالجو وبحلاوة الجو بس كتيير بنتشكرك ع نقلك مؤيد |
هل القصه واقعيه وحصلت مع كثير من البشر ؟ ليك مؤيد الحكآية نوعاً ماآ وآقعية لكن مش بِ التفآصيل هآي البعض منهاآ اكيد بيحصل هل حريه البنت للجلوس عالانترنت بعطيها حق انها تخون اهلها وتحبب شباب من وراهم ؟ و الله يآ مؤيد توقع كل شي مبآرح السآعة 12 و بعد نص الليل إتصل شب عَ الرآديو بيحكي للمذيع في 9 بنآت في البلد " في الخليل " لوحدهم و ما معهم رجآل أو أي حد و شآكك يكونوآ إسرآئيليين و بيخططوآ لشي بعد السؤآل و التحري عنهم طلعو نآزلين يشتروآ إشيآ زآكية من السوبر مآركت شفت لحد وين وصلناآ :/ |
انا من الاول اتوقعت هالنهاية لانه ما في شي اسمه حب الانترنت وبالنهاية تبا للحب شو بوجع وبجرح وبكسر بخاطر الواحد شكرا مؤيد على القصة |
| الساعة الآن 09:49 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.