لغة المحتل
 

يسعد يومكم انا اليوم شفت شي ما عجبني صراحة
في الاستوديو موجودة معي بنت فلسطينية من غزة كمان لاجئة بتعرف على البيانو
و اليوم اتفاجأة لانو لقيتها كاتبة بلغة المحتل و انا اكثر شي بكرهو انو احكي بلغتهم او اكتبها حتى لو تنكسر أيدي و ما اكتبها
اه انا بفهمها و تبينها لأنو بيحكو اعرفو لغة قومكم كي تعرفو مكرهم بس مو شايفين انو مبالغين بعض الأشخاص
هنن في الأصل بيكرهو المحتلين و فنفس الوقت بيحكو و يكتبو بلغتهم
انا بعرف انو كل واحد مر بس هيا بنت بلدي بكدرش شوفها عم تغوص بعالمهم
شو رأيكم ؟؟

اه بالضبط لغة الصهاينة

هاد تفكيرك انتي اختي اما بالنسبة لوحدة خرجت من بلادها شو فكرك رح تكون بتشعر
ممكن تجاوبني ؟؟
لانو انا محتاجة حدا يحكيلي و يرشدني و يقنعني

هاد الشي مو غلط ولا حرام
الرسول صلى الله عليه وسلم أمر زيد بن ثابت انو يتعلم السيريانية
يعني كتعليم مو حرام
بس انها تصير تتعود تكتب وتحكي بلغتهم وهي مو مجبورة يعني منا عايشة بالئدس او بفلسطين عموما حتى تكون مجبورة
هاد الشي هي بتعملو ومن اختيارا بالنسبة ئلي مرفوووض
وكمان فيه طمس للغة العربية يلي هي بالأول والاخر أعظم لغات العالم
وأرقاها وبيكفى انها لغة القران الكريم
ممنونتك

هاد هو الكلام يلي كان بدي ياه من الصبح و كنت بدور عليه كلامك صحيح مئة بالمئة
و بنسبة الك اختي بريئة انا بحترم رأيك كثير و شكرًا لحسن نقاشك الرائع

شوفي اختي
لا مانع من تعلم لغة الاعداء
انا اتقن اللغه العبريه بطلاقه
كتابة وحديثا متل الانجليزيه
وكان الها دور كبير معي
وقت الاجتياح لمدينه نابلس في 2002
كنت من ضمن الشباب المتطوعين للاغائه الطبيه
اما خارج الوطن شو رح تستفيد منها الاخت الي ذكرتيها
اعتقد حسب نيتها هي بتحب اللغه العبريه
ولا بتتعلمها لشي تاني
ما حدا بعرف النيات الا رب العالمين
من عرف لغة قوم امن شرهم
صدق رسول الله

اه معك حق اخي هيا بتنفع داخل الوطن بس هاي شو إلها نفع خارجو

كلامك اقنعني شكرا

كتير من الي بشوفهم بيكتبو عبري بيكونو ماخدينها ك موضة
هادا شي بيساعد ع تحطيم الوطنية الموجودة فينا تدريجيا

تعلمنا للغة العبرية بالذات لازم يكون مقتصر لانها لغة عدونا فقط
مش لانو عنا لغات و بس

و انها غزاوية و تكتب عبري ف ما تحكمي من نظرتك للموضوع
احكمي من نظرة البنت نفسها للموضوع
ممكن تكون بتتعلمها لهدف حقيقي
و ممكن لانو بدها تحقق شي براسها و بدها تعملو

بس مافي غلط بكل الاحوال انها تكتب و تحكي باللغة العبرية
بشرط انها ما تستعيض فيها عن اللغة العربية


يسلمو ع سؤالك خيتوو

مَنَ تَعَلَمَ لَغَةٍ قَوًّمَ أمَنَ مَكَرَهَمَ وًّفَهَمَ خَبَاَيَاَهَمَ وًّاَلَإنَسَاَنَ اَلَذيَ يَتَعَلَمَ أيَ لَغَةٍ أجَنَبَيَةٍ
يَصَبَحَ اَنَسَاَنَاََ اَخَرَ وًّاَلَتَاَرَيَخَ وًّأحَدَاَثَهَ خَيَرَ دَلَيَلَ عَلَىَّ هَذاَ فَقَدَ أشَاَرَ أحَدَ اَلَمَؤَرَخَيَنَ
اَلَإنَجَلَيَزَّ وًّهَوًّ يَتَحَدَثَ عَنَ حَرَبَ اَلَثَمَاَنَيَ وًّأرَبَعَيَنَ أنَ أهَمَ أسَبَاَبَ هَزَّيَمَةٍ اَلَعَرَبَ هَيَ
عَدَمَ مَعَرَفَةٍ بَاَلَلَغَةٍ اَلَعَبَرَيَةٍ وًّاَلَثَقَاَفَةٍ اَلَيَهَوًّدَيَةٍ فَيَ حَيَنَ أنَ اَلَيَهَوًّدَ يَتَقَنَوًّنَ اَلَلَغَةٍ اَلَعَرَبَيَةٍ
وًّيَعَرَفَوًّنَ اَلَثَقَاَفَةٍ اَلَعَرَبَيَةٍ وًّعَاَدَاَتَ وًّتَقَاَلَيَدَ اَلَعَرَبَ وًّسَخَرَوًّاَ كَلَ هَذاَ لَمَصَلَحَتَهَمَ اَلَشَخَصَيَةٍ
وًّخَصَوًّصَاًَ مَنَ اَلَيَهَوًّدَ اَلَلَذيَنَ كَاَنَوًّاَ يَعَيَشَوًّنَ فَيَ اَلَبَلَدَاَنَ اَلَعَرَبَيَةٍ وًّقَدَ
اَسَتَطَاَعَوًّاَ اَسَتَغَلَاَلَهَاَ لَصَاَلَحَهَمَ لَذلَكَ كَاَنَ اَلَنَصَرَ حَلَيَفَهَمَ فَيَ مَعَظَمَ اَلَحَرَوًّبَ اَلَتَيَ
خَاََضَوًّهَاَ مَعَ اَلَعَرَبَ وًّلَكَنَيَ وًّبَرَغَمَ هَذاَ لَاَ أحَبَذ فَكَرَةٍ تَعَلَمَهَاَ لَغَيَرَ اَلَمَوًّجَوًّدَيَنَ عَلَىَّ أرََضَ
فَلَسَطَيَنَ
تَحَيَاَتَيَ لَشَخَصَكَ اَلَمَوًّقَرَ

شكرًا لك اخي على كلامك الحكيم و الذي يوضح موقفي
اسعدني تواجدك

و انت اخي dark

اطلالتك مميزة
و كلامك في محله و أعجبني كثير ردك