منتديات بنات فلسطين

منتديات بنات فلسطين (http://www.bntpal.com/vb/)
-   زوايا عامة (http://www.bntpal.com/vb/f3/)
-   -   سيبو الناس بحالها !!! (http://www.bntpal.com/vb/t16259/)

حبيب العمر 03-09-2014 12:40 AM

سيبو الناس بحالها !!!
 
https://fbcdn-sphotos-b-a.akamaihd.n...67585794_n.jpg


سيبو الناس بحالها !!!

عادي جداً إنو البنت إلي ضحكتها عاليّه مع صحباتها او بالجامعه
مخنوقه من البيت و عندها مشاكل لـَ فوق راسها
و طالعه بس عشان تشوف صحباتها و تغيّر جوّ,
مش ضروري تكون وقحه و قليلة تربايه.
سيبوها فحالها.


الشب إلي دايما حاط سمّاعات و بيسمع أغاني
, عادي جداً إنو ما إلو صحاب او لسّا ما بيعرف حدا,
مش ضروري يكون معقد أو مريض نفسي,
ما إلكم دخل فيه.


البنت إلي بتحط 4 كيلو مكياج,
مش ضروري تكون بنت ليل
او حابه هل إشي,
عادي جداً, ثقتها بـِ نفسها مهزوزه,
أهلها ما سمّعوها كلمه حلوه بحياتهم,
البنت من جوّا مهزوزه,
سيبوها بحالها.


الشب إلي بيلبس سنسال
مش ضروري "مش زلمه" و "مايع"
عادي جداً إنو السنسال او الإسواره من حدا عزيز عليه,
من بنت, او حدا تحت التراب, او حدا مسافر, غايب,
سيبوهم بـِ حالهم.


هدفي من الكلام إلي فوق مش تبرير لـِ بعض الأفعال,
بس إختلاف وجهات النظر ممكن يقلب المعادله,
بكفي نحكم على الناس بس من المنظر,


اول سنه إلي جامعه السماعات و الأغاني
كانت صديقتي الوحيده,
كنت غريب و جديد على الجامعه و على العالم,
بلاها كان طقّيت.


في سنسال إلو على رقبتي 6 سنين,
من أول صديق طفوله إلي
تربينا سوا
و مش رح أرجع أشوفو للشب.


بكفي نحكم على الناس, سيبو الناس بحالها !!!


https://fbcdn-sphotos-e-a.akamaihd.n...04208910_n.jpg

تْـۄلَيْـنّ 03-09-2014 12:47 AM

ربنا يصلح الحال للجميع
اشكرك على الموضوع
يعطيك العافية
دمت بخير

حبيب العمر 03-09-2014 01:06 AM

شكرا لمرورك ملاك الروح
لا تحرمينا طلتك الحلوه

البريئة ! 03-09-2014 08:48 AM





نوعاً ماآ القصد من كلآمك صح
عزيزي
شكراً لِ طرحك ~

أنثى متمردة 03-09-2014 09:01 AM

صحيح حبيب العمر سيبوا الناس بحالها شى اكيد
بس يا اخى فى سلوك بيكون مرفوض ومو مقبول أخلاقيا ودينيا
والاخلاق اهم شى
وكل تصرف من اى شخص بيدل على شخصيته
وكل انسان لازم يكون عنده ثقة بالنفس وقوة شخصيه
وهيك سلوك ما لازم يصدر منه
ادا كان مو ضرورى نهتم لنضرة المجتمع النا
فيجب علينا ان ننظر الى انفسنا وموقفنا من هيك تصرفات غير مقبوله بالتاكيد

crystal 03-09-2014 12:05 PM

كلام رآئع وفي وجهآت نظر مختلفه
لكن اعتقد وجهة نظر الميك اب ع وجهه البنت
بس مشان ما سمعت كلمه حلوه من اهلها :\ مادخلت لرآسي

ع العموم فكرة العئد والاسوآره والسمآعات شي طبيعي
ومعك حق فيهم احسنت الكلام والاختيآر
رآق لــي #وجهةة نظر ,

قربگ ليِ حيِآة 03-09-2014 12:13 PM

كلام في قمة الرووعة
بس لمين بتحكي
فئة قليلة جدااا بتفكر متلك
وانا بتمنى الكل يفكر هيك ويحسن الظن بغيرو
يسلم دياتك ع الطرح

فقدان ملطوش 03-09-2014 12:14 PM

الشب إلي بيلبس سنسال
مش ضروري "مش زلمه" و "مايع"
عادي جداً إنو السنسال او الإسواره من حدا عزيز عليه,
من بنت, او حدا تحت التراب, او حدا مسافر, غايب,
سيبوهم بـِ حالهم.



خخخخخخخخخخخخخخخخخخخخخخخخ
يا اخي عادي جدا لما تكون عايش
في الغرب في لندن ولا في الهونغ
بس ثقافتنا مش هيك ولا بتسمح النا نعمل هيك
يا اخي انتا حر بس ماتقول عادي جدآ
عادي جدآ بالسبة لالك
التشبه في النساء حراااااااااااااااام
لو لابس سبحة ع رقبتك حرام
اكيد انتا حر بس ماتكون انو مقتنع انو عادي وانتا لابسو
انا معك بقصة الحرية ماشي تماموز
بس مش تقولي عادي

سيبوا الناس في حالها
موضوع حلو
بس ماعجبتني قصة عادي فيه
انا بحكي يلي على لساني
مو شرط اجاملك

عوافي الك

تقبل مروري
تحياتي

حبيب العمر 03-09-2014 12:55 PM

البريئه شكرا لمرورك وتعليقك

حبيب العمر 03-09-2014 12:57 PM

انتثى متمرده
انا قلت ما برر الافعال
ولكن لا ناخذ الناس حسب مظاهرهم
اعطيكي مثل
ليس كل بنت محجبه مؤدبه
وليس كا لبت بتحط مكياج او بتلبس بنطلون بنت قليله ادب
اشكرك لمرورك وتعليقك


الساعة الآن 09:16 AM

Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.