|
سيبو الناس بحالها !!! https://fbcdn-sphotos-b-a.akamaihd.n...67585794_n.jpg سيبو الناس بحالها !!! عادي جداً إنو البنت إلي ضحكتها عاليّه مع صحباتها او بالجامعه مخنوقه من البيت و عندها مشاكل لـَ فوق راسها و طالعه بس عشان تشوف صحباتها و تغيّر جوّ, مش ضروري تكون وقحه و قليلة تربايه. سيبوها فحالها. الشب إلي دايما حاط سمّاعات و بيسمع أغاني , عادي جداً إنو ما إلو صحاب او لسّا ما بيعرف حدا, مش ضروري يكون معقد أو مريض نفسي, ما إلكم دخل فيه. البنت إلي بتحط 4 كيلو مكياج, مش ضروري تكون بنت ليل او حابه هل إشي, عادي جداً, ثقتها بـِ نفسها مهزوزه, أهلها ما سمّعوها كلمه حلوه بحياتهم, البنت من جوّا مهزوزه, سيبوها بحالها. الشب إلي بيلبس سنسال مش ضروري "مش زلمه" و "مايع" عادي جداً إنو السنسال او الإسواره من حدا عزيز عليه, من بنت, او حدا تحت التراب, او حدا مسافر, غايب, سيبوهم بـِ حالهم. هدفي من الكلام إلي فوق مش تبرير لـِ بعض الأفعال, بس إختلاف وجهات النظر ممكن يقلب المعادله, بكفي نحكم على الناس بس من المنظر, اول سنه إلي جامعه السماعات و الأغاني كانت صديقتي الوحيده, كنت غريب و جديد على الجامعه و على العالم, بلاها كان طقّيت. في سنسال إلو على رقبتي 6 سنين, من أول صديق طفوله إلي تربينا سوا و مش رح أرجع أشوفو للشب. بكفي نحكم على الناس, سيبو الناس بحالها !!! https://fbcdn-sphotos-e-a.akamaihd.n...04208910_n.jpg |
ربنا يصلح الحال للجميع اشكرك على الموضوع يعطيك العافية دمت بخير |
شكرا لمرورك ملاك الروح لا تحرمينا طلتك الحلوه |
نوعاً ماآ القصد من كلآمك صح عزيزي شكراً لِ طرحك ~ |
صحيح حبيب العمر سيبوا الناس بحالها شى اكيد بس يا اخى فى سلوك بيكون مرفوض ومو مقبول أخلاقيا ودينيا والاخلاق اهم شى وكل تصرف من اى شخص بيدل على شخصيته وكل انسان لازم يكون عنده ثقة بالنفس وقوة شخصيه وهيك سلوك ما لازم يصدر منه ادا كان مو ضرورى نهتم لنضرة المجتمع النا فيجب علينا ان ننظر الى انفسنا وموقفنا من هيك تصرفات غير مقبوله بالتاكيد |
كلام رآئع وفي وجهآت نظر مختلفه لكن اعتقد وجهة نظر الميك اب ع وجهه البنت بس مشان ما سمعت كلمه حلوه من اهلها :\ مادخلت لرآسي ع العموم فكرة العئد والاسوآره والسمآعات شي طبيعي ومعك حق فيهم احسنت الكلام والاختيآر رآق لــي #وجهةة نظر , |
كلام في قمة الرووعة بس لمين بتحكي فئة قليلة جدااا بتفكر متلك وانا بتمنى الكل يفكر هيك ويحسن الظن بغيرو يسلم دياتك ع الطرح |
الشب إلي بيلبس سنسال مش ضروري "مش زلمه" و "مايع" عادي جداً إنو السنسال او الإسواره من حدا عزيز عليه, من بنت, او حدا تحت التراب, او حدا مسافر, غايب, سيبوهم بـِ حالهم. خخخخخخخخخخخخخخخخخخخخخخخخ يا اخي عادي جدا لما تكون عايش في الغرب في لندن ولا في الهونغ بس ثقافتنا مش هيك ولا بتسمح النا نعمل هيك يا اخي انتا حر بس ماتقول عادي جدآ عادي جدآ بالسبة لالك التشبه في النساء حراااااااااااااااام لو لابس سبحة ع رقبتك حرام اكيد انتا حر بس ماتكون انو مقتنع انو عادي وانتا لابسو انا معك بقصة الحرية ماشي تماموز بس مش تقولي عادي سيبوا الناس في حالها موضوع حلو بس ماعجبتني قصة عادي فيه انا بحكي يلي على لساني مو شرط اجاملك عوافي الك تقبل مروري تحياتي |
البريئه شكرا لمرورك وتعليقك |
انتثى متمرده انا قلت ما برر الافعال ولكن لا ناخذ الناس حسب مظاهرهم اعطيكي مثل ليس كل بنت محجبه مؤدبه وليس كا لبت بتحط مكياج او بتلبس بنطلون بنت قليله ادب اشكرك لمرورك وتعليقك |
جست سمايل اشكرك للمرور الجميل وتفهم فكره الموضوع |
بكفي نحكم على الناس, سيبو الناس بحالها !!! ماعندي تعليق صدقت أخي واقع وعم نعيشه ادراجك مميز ومعبر ماننحرم جديدك |
كرستال انتي ما بتعرفي نوايا العالم حتى تحكمي عليهم بمظهرهم حتى لو ما عجبنا تصرفهم لا نحتقرهم نحكي كلمه حلوه الهم اشكرك للمرور |
اخي ملطوش انت بتحكي انه عنا عادات وتقاليد وهادا عيب انا معك ما بررت انا ضد كل شي غلط الهدف انه يمكن الانسان هادا يكون من جواته نضيف في ناس كتير مظاهرهم تدين وادب واخلاق وهو من جواته قلبه اسود وحسود وما بحب حدا يعني الاصل في الموضوع والهدف منه انه سيب الناس بحالهم هما ادرى بمصلحتهم مو انت ولاا انا الي منحكم عليهم حتى المجتمع الي احنا منتخبى وراه هو مرات بظلم البنت والشب شو اجبلك جرائم بتصير ال شووو هادا ضد المجتمع مش احنا الي منقرر كل انسان شو يعمل وشو يلبس لايمتى بدنا نضل محكومين لنظرة الناس حتى لو كانت غلط فكرتك وصلتني وتفهمتها اكيد اخي شكرا لوجودك حبي |
اشكرك اخت رقه قلب لمرورك وتعليقك |
اولا يعطيك العافيه موضوع جميل جدا اختلف في الكلمات معك لكن لا اختلف بالمضمون والعنوان سبوا الناس بحالها يعني وجهة نظري الي تحط ميك اب الخ يجيب الكلام لنفسه لكن في اشياء اهم من هيك لازم نسيب الناس في حالها تحياتي لروحك |
يعطيك الف عافيه علي مجهودك في أنتظار المزيد والمزيد من عطائك ومواضيعك الرائعه والجميله ودائما في إبداع مستمر حفظك الله .. |
الله يسعدك ع هيك طرح بيفش الخلئ، عنجد كتير حبيته، لانه بحكي عن طبيعة العرب كيف تصرفاتون وعئلاتون، بعرفش ايمتا بدّون يتغيروا من ناحية افكار، لإنه دايما يتطلعوا ع كل اشي من ناحه سلبيه .. |
اقتباس:
يخوي انا معك انو من جوا نضيف ومحترم ماتغير موضوعك اانتا هيك بتفوت ع شي تاني انو الانسان مو مظهرووا ايل برا يعني مو محترم فاهمك بس برضو انتا شايف صح هيك يعني انا مش بدي اقنعمك ولا شي بس بحكيلك انو غلط وانتا حر بعد هيك لا اكيد انا ضد كلام الناس كلو وانا من النوع يلي بسمع كلام الناس وبتركهم يحكوا ايل بدهم ياه وبعمل يلي براسي بس في شغلات خطأ بجد بتكووني مشكوور خيو ع مووضعك بتمنى تتقبل مروري تحياتي |
مُتصَفح ثَرِي ..! يُكتنَز فِي طَيآتِه أَجمَل الْحرُوف وأَرقِآُهآ كُل الْشكْر لَك لآحَرَّمْنا وَجُوْدِك وَحَرْفُك دَآَم الْآِبُدآع يُعَآنِق رُوْحِك.. |
اشكرك اختي شرقيه لمرورك الكريم |
اختي سمره اشكر حضورك الرائع |
سمو الاميره اميره بمرورك اشكرك لطلتك الحلوه |
| الساعة الآن 01:14 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.