حبيت الموضوع، تصرف خوك إن دل ع إشي، دل ع ضعف شخصيته ومن ناحه تانيه ئديش بيعمل حساب للناس،
وخوك متصرفش هيك ع الفاضي، اتصرف هيك لإنه عارف المجتمع إتغير، مجتمع يللي ملان الناس فيه اشكال والوان، متل ما في ناس بسيطه اللي بتحب تضحك وتمزح،
في ناس اللي هني طبقه راقيه هدولي وئت اتشوفون بالمجتمع بتلائيهون كتير مؤدبين يمكن فعلا مؤدبين او بيعملوا حالون، ويمكن هدا اللي بخلي خوك يحكيلك "اسكت فضحتنا"،
لإنه مش كل الناس شخصياتون بسيطه بحبوا الضحك كل الوئت، وهدا بئلش إنه نغير من تصرفاتنا او طبعنا كرمال الناس ينبسطوا،
يعني طول ما انت مش عامل اشي غلط معناتا مفش ولا اي مشكله فالموضوع، بالعكس تصرفك ان دل ع اشي، دل ع ئديش انت ع طبيعتك، شخصيتك فالبيت هي نفسا برات البيت،
وهدا اشي كتير مميز، لإنه اغلب الناس لمن يطلعوا من البيت بغيروا تصرفاتون وبيعملوا حالون حدا تاني ..
وبرأيي البراءه دايما موجوده مفش إلها سن معين، لإنه مهما كبر الانسان بالعمر رح يظل في جواته طفل صغير ..
اسئلتك دايما حلوه ..