هل انت حقا وفي لمن أحببت ؟؟؟

02-24-2014

كل الاحترام إلك خيا، ياريت لو الشباب بتفكر متلك، لإنه 99 بالميه من شباب اليوم دايرين ع الهبل، مستحيل تلائي حدا جدي، ئديش ظل من 99؟ 1 بالميه؟؟ عنجد وضع مسخره ..
بس في شغله بدي احكيلك ياها اللي هي كتير مهمه، مرات ظروف الانسان بتكون ائوى من الحب، مرات الظروف بتجبرك على إنه تترك، بديش ائول تنسى، لإنه اللي بيحب بنساش، بس ممكن تترك اللي بتحبه، مش لإنك انت بدك هيك، لاء بالمره، بس اوئات ظرفك بتغلب ..
بعدين بدي اسألك سؤال، إذا نئول مثال انا بحب شخص وفجأه تركنا ومصرش نصيب، لازم اعيش حياتي زعلانه ومهمومه؟ اخرتا الحياة بدّا تستمر، مش يمكن الله بعدنا عن بعض لإنه كان بدو يصيبنا مكروه؟
كل اشي ممكن ..
يعني اللي ئصدته، إذا انا تركت حبيبي، هدا بئلش إنه اعيش حياتي وحيده، بالعكس لازم اتعرف واخالط الناس واكون اجتماعيه، لمن اتعرف ع الناس نفسيتي يمكن بترتاح شوي وبتتغير للاحسن،
بس حبي إلو رح يظل عايش فالئلب ومستحيل يموت او يتغير، بس إنه حياة وبدّا تستمر، يمكن رح يجيني نصيب كتير منيح، وئتها ارفضه؟ طب ليه؟
كتير انبسطت بموضوعك، فرجيتنا ئديش في وفا جواتك، وفآ لكل إنسان بتحبه، وعنجد بهنيك ..

هل انت حقا وفي لمن أحببت ؟؟؟

مدخل في الجامعة جلست انا وزملائي بعيداً عن الدارسة اصبحنا نناقش امورنا الحياتية و لكن رغم جلوسنا ف كلٌ منهم لم يستغني عن الفيس لحظة واحدة في لعبة بنلعبها