منتديات بنات فلسطين - 3> شباب يتحدون البنات في النعومة

الانسان النظيف هو اللي نظيف بعئله وئلبه بغض النظر ان كان شب او بنت،
اما اذا بدنا نيجي نحكي عن المظهر الخارجي هون صار موضوع تاني،
فش انسان بحبش يكون مرتب ونظيف، والبنطلون مئشط والشعرات وائفات هاي موضه جديده، هاي الاشياء مكنتش موجوده زمان، وهدا ان دل ع اشي دل ع إنه ئديش المجتمع العربي صار يمشي ورا المجتمع الغربي الاجانب،
لإنه كل هاي الاشياء مكنتش موجوده عند العرب بالمره، بس مع التطور كل اشي بتغير،
البيئه ممكن تكون سبب، يعني اذا الاهل عئلاتون كتير منفتحه وعندون حريه اكتر من اللازم معناتو شو بدنا نتوقع من اولادون وبناتون؟ سيعتا اشي طبيعي البنات بدّا تروح وين مبدّا والشب يلبس بنطلون مئشط وينظف جسمه ويوئف شعراته طالما بكونوا عايشين بحريه زايده عن حدّا،
بس بحب احكيلك شغله كتير مهمه، مش كل واحد بعيد عن هاي الشغلات والمظاهر معناتو بكون نظيف او قديس او شريف،
كتير اوئات بتلائي هاي الناس اللي بتحب تهتم بحالها بتلائيهون افهم واحسن من كتير ناس اللي بعيدين عن هاي المظاهر واللبس والحياة،
يعني اعطيكي مثال كل واحد متدين صار متدين؟ يمكن يكون اكبر كافر، ونفس الاشي هدول اللي بهتموا بحالون اكتر من اللازم في منون مناح وفي منون عاطلين،
متل ما حكيت من ئبل النظافه هي نظافة ئلب وعئل بغض النظر كيف عايش الواحد او كيف طبيعة حياته، وإحنا لحتى نتأكد لازم نحتك فيهون بالاول وبعدين منحكم عليهون ..
واذا كانت كل هاي المظاهر والاهتمام غلط، معناتو في الله، هو اللي بيحاسب الناس مش إحنا ..
يسلمو ع السؤال :) ..