|
ليش الخجل من التراث ناقشيني بصراحة صباحكم ورد وفل... مسائكم فل وياسمين حابة اتناقش بهالموضوع... ليش بنستحي من تراثنا القديم يعني في كتير بنات هون بيستحوا يحكي انهم بعملو اشي كانوا يعملو اجدادنا لأكون صريحة معكم انا هلا امي بتخبز رح تستغربوا كتير بس ليش ما نفتخر بهاد الشي يعني عندكم الغرب بيشوفوا عادتنا احنا وتقاليدنا والاشياء الي كانوا يعملوها زمان اشي رائع كتير وبفتخروا فيه مع انو احنا يلي لازم نفتخر فيه ...!! يعني حابة احكيلكم انا من قرية جنوب نابلس وهون بالمنتدى بيستحوا انهم يحكو انهم قرويين ليه لازم تفتخري انك قروية وترفعي كل اشي قديم وبتحكي انا بعملو انا بحيكلكم بصراحة انا امي بتخبز بس مافي عنا اي نوع من الدواب لهيك انا بفتخر انو امي متمسك بهاد الشي ولسه بتتعامل مع التراث.... يعني هون عنا نسبة كبيرة الامهات بيخبزوا والبنات بيخجلو يحكوا ليه يعني افتخري انك فلسطينية وهيك تراثك بيعمل ........!!!! المناقشة اوالسؤال ايش بتعملو من الي كانوا يعملوا اجدادنا امك بتخبز وايش كمان بتعمل.....؟؟ حابة اشوف وجهات نظر مختلفة؟ |
طرحك حلو يااطياف صح كلامك البعض بيخجلو من الى ذكرتيه اعلاه بس انا العكس تماما مافى شى يخلينى اخجل من اصلى او تراث اجدادنا الى افضل من هلاء بكتير بالعكس بفتخر بالمخيم الى ساكنة فيه وبفتخر انى فلاحة ومن بلدة بشيت وهلاء ماما بتخبر وفاضل لالها 3 ارغفة هههههه وردى واكثر |
مممممممم موضوع بيستحق الطرح جد ليش الناس بيستحو بالعكس هاد تراثنا ولازم نفتخر فيه ونتمسك فيه كمان بالنسبه الي اكتر شي الناس بيخجلو منو لهجتهم وكلامهم ال بس يطلعو من البيت وئدام الناس بيغيرو لهجتهم واصلا اختلاف اللهجات بيعني اختلاف الثقافات دمتم بود دموع الورد |
انا بصراحة ما بخجل ابدا هاد تراثنا وهويتنا ما فيه اي شي بخجل وانا بفتخر بلهجتي و تراثي وافعالي ومن المنطقة الي انا منها كمان امي خلصت خبز من ساعة ليش امهاتكم متأخرين ؟؟ |
اقتباس:
كويس انك مش منهم لانو هاد بيقلل من احترامنا لفلسطين يا عيني عليكي رائعة وهيك البنات يا بله ههههه لا انا امي لسه من شوية بلشت حبيبتي اسعدني مرورك |
اقتباس:
فعلا كمان اللهجة ليش نستحي منها وللعلم فقط .... في ناس كتير بتحكي كيف نحرر فلسطين ليش انتي بنت وما بتعرفي تجاهدي مثلا اعتزي لتراثك وتمسكي فيه وافتخري اشكرك عالمرور حبي انرتي |
اقتباس:
فعلا انا بدي الكل يكونوا هيك ووبدي شي يلي بتكتبن يكون بجد حقيقة وما تستحي من شي ههههه اممم مابعرف امي بتحب بهاد الوقت تخبز يعطيك ويعطيها العافية لأمك بشكرك حبيبتي عالمرور |
انا ما بخجل من تراثي لانو التراث هو هويتنا بين البلاد انا امي بتخبز عادي واهلي لساتهم بيتدفو بالشتوية عالنار ما بحبو الدفايات انا فلاح ابن فلاح مشكورة اطياف تحياتي |
اقتباس:
وانا احمد كمان اهلي بيوقدو نار عادي كمان بفتخر بهاد الشي بدي اكبر عدد بيعترفوا بأشياء يعملوها من التراث العفو..!! انرت تحياتي |
مممم اولـاً يسلمو عَ النقاش صراحة تراثنا حلو و ردودكم احلى ابداً مش خجل لكن للـأسف بس وعيت على هالدني كانو اهلي تاركين كل هالـإشيا هاي في يوم امي مرضت تركت العجين و بطلت تخبز و من يومها و والدي بيشتري الخبز من الفرن في الشتا بشغلو صوبة الغاز طبعاً لهجتنا ما بتتغير لكن فيني شارك بشغلة من طرف اهل زوجي بيخبزو عَ الحطب بيجلو عَ الـأرض بيولعوا نار بالشتا في عندهم غرفة خارج البيت بيطبخوا فيا اظن بكفي يسلمو يا عسسل ~ |
اقتباس:
سلامتها لامك وعادي في ناس هيك وناس هيك وفخرالنا بضل اها لازم الكل يفتخر بتراثو والكل يتأكد انو مش عيب اشكر غاليتي |
صح كلامك في ناس بتخجل بس انا ما بحب اخجل من تراث الفلسطيني لان من ايام اجدنا |
اقتباس:
للأسف انو في ناس هيك... ورح يضل تراثنا لنموت... اشكرك عزيزتي |
السلام عليكم ورحمة الله وبركاته بدايةٌ وكما يُقال " من لا تاريخ له ، لا مستقبل له " تراثنا وعداتنا وتقاليدنا هي رمز أصلتنا وهي عمق وجودنا على هذه الأرض وهذا بشكل عام بخصوص أن بعض الأشخاص يخجلون من بعض الأفعال القديمة التى كان يفعلها أجدادنا ربما السبب يعود إلى أن الزمن يتغير والعالم ككل من حولنا يتطور وينهض وبعض الأفعال القديمة ربما في ظن البعض لا يلائم فعلها في الوقت الحاضر ولكن هنا نرجع إلى نقطة التاريخ والعمق والأصالة بإختصار أعزائي الأمم والشعوب تبحث عن ماضيها وتحاول أن تصنع لها حضارة وتاريخ لماذا نحن نحاول طمس هذا التاريخ بحجة التطور والمستقبل بالمناسبة أنا بدوي لاجئ من بئر السبع شكراً لنقاشك |
مممم أنا ما بسميها خجل أنا بسميها قلة أصل يمكن يلي بتخجل من اصلها و من امها واهلها يكونو هما أضل منها أنا بفتخر بأهلي وأصلي حتى لو كانو بسيطين وعئد حالهم بس هما الأصل يلي بلاه ما بكون النا تاريخ ولا اصل يسلمووو عالنقاش الرائع |
مممممممم شـوفي في كتير بنـآت بيستحـو من ترآثهـم متل ماحكيـتي , بس بعتقـد مـو الكـل يعني بالنسبـة الـي آنـآ كتير بعتـز بترآثنـآ وبفتـخر بـآشيـآء كتير متل لغتـي , لبسـي متلا انا بنـت محجبـة والحمدلله بس لو تيجي لبعض البنـآت بحكولك مستحيل البس هيك شي وهاد اسمو تخلف وانتي معقدة ومن هالحكي بس نحنا بمجتمعنا الحجاب آصبـح ترآث واصبـح شئ ضـروري عنـد البعـض , الي بـدي آوصـلك اياه آنـو آنـآ بنت بتفتخـر بترآثهـآ كتير ويسلمـو على موضـوعك الرآئـع متـلك :111: |
اقتباس:
اها فعلا قي بنات كتير بيستحوا من هالشي ومن لحجاب فعلا الحجاب اهم شي.. هيك بدي اياكي وبدي الجميع يفتخربالهشي اشكرك غاليتي عالمرور |
كتير حبيت الموضوع اطياف، الناس بتستحي يمكن لإنه الحياة اتغيرت كتير وصار تطور مش طبيعي وانا مش عارفه لوين بدو يوصل هالتطور والتكنولوجيا؟! وع فكره مش كل انسان مش عايش متل حياة سيدو وستو معناتو بستحي، يمكن هو حابب يظل عايش متل حياة زمان بس بغدرش لانه بكون خايف من ردات فعل الناس، لإنه رح يكون مختلف عن الكل ورح بكون عارف انه الكل رح يتطلعوا عليه وياخدوا عنه نظره او سلبيه وايجابيه، وهدا بحد ذاته ضعف شخصيه، بالعكس لازم يكيف في احلى منا يكون مميز؟ مثل حديئة الورد، لمن نمرء من جنب وردات بيض مش رح نلائيهون هجنه انو نكيف واو وهيك لانو كلون متل بعضون بس لمن نلائي بالنص ورده حمره لحالها سيعتا دغري رح نتطلع عليها لانها مختلفه وهيك الواحد لازم يفكر بهالطريئه .. بالنسبه لسؤالك انا امي بتخبز خبز عادي وخبز رئيئ وبوي فلاح برعى غنم من زمان وعنا اراضي زتون كتير وتراكتور ودايما بحرث وبزرع، وهيك شغلات .. |
اقتباس:
مدير الغالي... عبارتك عجبتني .." من لا تاريخ له لا مستقبل له " بس لازم احنا مع التطور المحافظ على الاصول... العفو .... اشكرك انرت |
اقتباس:
غالتي... غلط كبير يلي الاغلب بعملوها هالايام الخجل من التراث غاليتي دمتي وام قلمك الراقي |
في الحقيقة الغرب يتفوق علينا في أمور كثيرة ومجالات عديدة لأنهم لا يعانون من داء إسمه العظمة والكبرياء يعشقون البساطة وولغتهم التلقائية والعفوية وما يتكلمونه هو ما تحمله قلوبهم بدون تكلف أو تصنع أو غرور لا يخجلون من عاداتهم ولا ينسون تقاليدهم وتجدينهم يتغنون بها لدرجة كبيرة جداً اما نحن فللأسف نفوسنا المريضة لا تحتمل عن نفسي أنا الآن مهندس في السابق لا سيما أثناء دراستي في المدرسة عملت كبائع وعملت في محل للملابس ولم اترك مجالاً إلا وعملت به أشكرك لنقاشك الهادف أرق التحيات |
اقتباس:
بس عنا بالغرب هاد الشي ... ااحنا عنا هون كتير ناس بتخجل من التراث لهيك انا بدي كل الناس تفهم التراث مش خجل هالشي... اشكرك عزيزي عالمرور الراقي |
| الساعة الآن 02:51 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.