قصة عبرة

#1 01-10-2014

السلام عليكم ورحمة الله وبركاته
اخواتى وابنائى بدى احكيلكم قصة حصلت معى لما كنت بالمدرسة
هاى القصة بدى اياها تكون درس الكم جميعا
ما راح احكى القصة كامله لانها طويله
راح احكى منها مقتطفات
لما كنت بالصف التانى التانوى
انا كنت كتير وطنيه وكان امنيتى انضم لصفوف المقاومة
فى بنت صديقتى حكت الى انو قريبها طلع من السجن وهو بالتنظيم
وانا ما صدقت حكيت الها تحكيله بدى انضم للمقاومة
وهى بدورها حكت اله
ولما قابلت هدا الشاب بتنسيق منها
طلب منى صور متل صور الهوية حكى مشان يبعتوهم للمنظمة
وانا تصورت واعطيته الصور
وبالاستوديو تصورت صورة كامله الى
هو بيعرف صاحب الاستوديو
وبمرور الايام صرت هالوقت بتوجيهى
وانا لازلت اقابله وكان يحكى الى عن المقاومة وفلسطين والاحتلال
وفى يوم من الايام فرجانى صورتى الى انا اتصورتها لوحدى
بس الصورة ما كانت الى وحدى
كان مدبلج الصورة
وحاط صورته براس قلب جنبها
انا صورتى كانت كاملة ولبسى كمان كامل
بس صورته بنفس الصورة معى
من اول ما شفت الصورة عرفت انه عميل
ما خفت منه
وحكيت اله
هدا الشى ما بيخوفنى
حينها عرفت انه عميل
لان هاى اعمال الجواسيس وطرقهم لاسقاط البنات
حكيت اله اعمل شو ما بدك انا مو خايفه
فحكى الى هاتى كتب توجيهى لانه هو الى اعطانى اياهم
رحت ع بيتنا واخدت كتب توجيهى ورميتهم بوجهه
وحكيت لاهلى كل شى
هاى القصه خاصة وحقيقية
وحكيتها حتى نوخد الحدر والعبرة ونكون حريصين

تحياتى للجميع

المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء

rwm ufvm

قصة عبرة

السلام عليكم ورحمة الله وبركاته اخواتى وابنائى بدى احكيلكم قصة حصلت معى لما كنت بالمدرسة هاى القصة بدى اياها تكون درس الكم جميعا ما راح احكى القصة كامله لانها طويله