| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
رأئيي في الشاب الغزاوي ^ ^
رأيي في الشخص الغزاوي , ولا حدا يقولي كلامك غلط , خليني اكمل كلامي * اول اشي بيفهم في الطب وبيشخص المرض وبيوصفلك الدوا وبيفهم في الكهرباء
 |
| | LinkBack | أدوات الموضوع | انواع عرض الموضوع |
|
#1
01-09-2014
| ||||||||||||
| ||||||||||||
رأئيي في الشاب الغزاوي ^ ^ رأيي في الشخص الغزاوي , ولا حدا يقولي كلامك غلط , خليني اكمل كلامي * اول اشي بيفهم في الطب وبيشخص المرض وبيوصفلك الدوا وبيفهم في الكهرباء وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد . * بيحط الريموت كونترول في كيس نايلون حتى ما يتغبر ولا يضيع ولا يتوسخ . * أكثر إنسان عنده عضلات على قد ما أولاده أكلو منه قتل . * بس يقعد يتفرج على التلفزيون بيضل ينقل من محطة لمحطة كل دقيقة . * بيوقف يتكلم على الباب نص ساعة بعد إنتهاء الزيارة والسلام . * في خزانة المطبخ عنده عشرين مرطبان مربى فاضي منشان اذا احتاج يستخدمها ومازال مُصِر على جمع المزيد. *ييجي بعد الموعد بساعة وربع دون ان يعتذر. * يتكلم بصوت عالي في المكالمة الدولية منشان التاني يسمعه . * بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة. * بيحتفظ بأكياس محلات اللبس والأحذية وورق الهدايا تحت فرشة التخت لسنوات . *عنده صينية مكسرات مقسمة لتلات او أربع أقسام منشان المزاج لكن لايستخدمها ابدا. *بيشتري قبل الإفطار في رمضان مواد استهلاكية متوفرة عنده في البيت . *الشيشة والفحم والمعسل اشي اساسي في البيت . * أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) . * بيطفي سيجارتو بفنجان القهوة مع انو في منفضة على الطاولة . * دايما بدور على الاشي الكويس والرخيص وابن الناس وبموت في اشي اسمه " لقـــطة او شروة " * بفهم بالسياسة ورأيو دايما هو المزبوط وكل العالم خونة والقضية باعوها وقبضو حقها. * دائما يعيش ضمن الحلم ولا يقبل بان يخرج مما يحلم. * دايما عامل حاله أكثر واحد عنده كرامه في العالم. * دايما بوصي اولاده " اوعى الناس تضحك عليك .. واكيد طول انهاره بذل اولاده وبقولهم شوف ابن فلان احسن منك وعامل مقارنة بينهم وجايب لولاده احباط. * بتفوت عنده في المطبخ راح تلاقي " تنكة زيت زيتون" , " نص علبة جبنة " , " تنكة زتون غير المرتبانات اللي فيها زتون " بالاضافة للاعشاب هاي " زعتر نوعين عالاقل , ميرامية , وانواع متفرقة من الاعشاب " لكي يمارس الطب فيها على البشر. * اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو ودائما بيفتخر فيها وبيفتخر في قرنين الفلفل اللي بيحطهم عليها وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل الاماكن , يعني ممكن يفطر او يتعشى او يتغدى عليها كلو بصير مع قلاية البندورة لامستحيل ابدا, طبعا بالاضافة للاكلات الاخرى زي المجدرة , شوربة العدس وطبعا بيحاول يفهم اولاده دايما على السفرة قديش هي مفيدة واذا واحد رد عليه وقلو اللحمة يابه كمان مفيده بظربه قتله وبقوله قوم عن السفرة على اساس انه طارده من على سدر منسف. * "قتلة الاولاد ماقبل النوم" هي بمثابة قصة ماقبل النوم عند الشعوب الاخرى لان القتل قبل النوم هو اسهل وسيلة فعالة للنوم السريع علشان هيك بس يكبرو اولاده بتمسحو وببطلو يحسو بالقتل اللي بياكلوه وطبعا لازم هو ومرتو يفتخرو قدام الناس ويحكو عن القتلة اللي الاب طعماها لابنو والمصيبة انو الابن بكون بسمع ومبسوط انهم بحكو عنو . * كل مايشوف محل شغال كويس بصير يحسب للمحل قديش بطلع في الشهر واكيد تراوده " في احلام اليقضه " فكرة انو بدو يفتح محل وبدو يعمل مشروع كل ماشاف واحد صار معاه شوية مصاري وبضل طول عمره يحلم ويفكر قي هالاشي ولكن تبقي كلها في احلام اليقضة تتوارثها الاجيال جيل بعد جيل * طبعا في المجلس دائما بتكلم عن الفرص اللي صحتلو زي قطعة الارض اللي نعرضت عليه قبل عشر سنين وكان سعر المتر دينار وهالوقت سعر المتر 5000 دينار ولسة في كتييييير ايش رائيكم بدون تكلفة وبمنتهى المصداقية دعونا نكون صادقين مع أنفسنا وما حد حيتشمت فينا من الصبايا بالعكس الإعتراف بالخطأ والنب فضيلة المصدر: منتديات بنات فلسطين - من قسم: الـטּـِقآشآتُ الجَّآدة والـפـوَآر..! vHzdd td hgahf hgy.h,d ^  |
|
01-09-2014
| #2 | |
 جُلَنار ♥! 
 | والله يا سيدي .. مو بس الغزاوي .. بالضفة في من هالماركات .. لو كتبت الفلسطيني ..ببصملك بالعشرة ..!!! ^_* بالنسبة الي ﻻ تعليق ﻻنو واقع .. ") بشكرك لصراحتك .. بس في سؤال .. كنو ابوك معذبك وانت صغير ضرب ما قبل النوم ..!!؟؟ *) وانت بتنبسط لما يحكو للجيران عنك   يسلمو ..  | |
| |
|
01-09-2014
| #3 | |
 إِذْكُرُونِي بِالخَيّرْ
|
راح ابصم بالعششرة كل المواصفات موجودة بالغزازوة بششكل عام وراح ابصم الك انو موضوعك تحفة وعجبنى كتير يسلموو هالديات وربى يعطيك العافية | |
| |
|
01-09-2014
| #4 | |
 
| ههههههههههههههههههـ ليكـ اخي .. هالحكي منتشر بكل فلسطين و الدليل عندي .. * بيحط الريموت كونترول في كيس نايلون حتى ما يتغبر ولا يضيع ولا يتوسخ . بيعملوا الشغلة هاي عنا مشان ما ينكسر ههههههههههـ * بيحتفظ بأكياس محلات اللبس والأحذية وورق الهدايا تحت فرشة التخت لسنوات . هاي شغلة امي ههههههههـ آل بيلزمو * أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) . وهاد حكي ابوي ههههههههههــ يسلمو الكـ اشيا بتجنن تحياتي لروحكـ ;\ ;\ | |
| |
|
01-09-2014
| #5 | |
|
هاي اشياء واقعية وبتتكرر كتير مش بس بغزة متل ما حكوا في عنا بالضفة كمان يعطيك العافية عالحكي الحلو ويسلمو عالجراة | |
| |
|
01-09-2014
| #6 | |
 بّـرشّـلَوِنٌيّةة يّ خٌ ـآلَ 
|
ببصملگ پآلمية انو هآآي حرگآآت شپآأب الخليل والضفة يعني مو بس في غزة في گل فلسطين خصوصا ئصة الارقيله و النش والاگيااس والريموت گنترول ههههههه :::::://:///:::::: پس پآاالنهاية اهنئگ على جرئتگ يسلمو... ^^ :$ تحيآااتي | |
•
صَصَمِتِي تَعَ‘ـبْ دِنيـَآ ، ع‘ــجزْ فِيـهَآ ـآلگـٍلآمْ ! • رواية حب من أيام الطفولة \بقلم اختي • هذيان حروف وثرثرة قلم |
|
01-09-2014
| #7 | ||
| اقتباس:
هههههههههه يا شماتة الأبلة ظاظا فينا بنبسطو البنات لما يكون الطخ حامي عالشباب وبخصوص سؤالك بجد لا لاني كنت دلوعة البابا ^ ^ | ||
| |
|
01-09-2014
| #8 | |
| . .  .
|
هههههههه والله في من هالنمــر بفلسطيــن كلها  ببصمــلك وآقعيــــة بمعنى الكلمــة ~ ! . . . مشكــور ^__^ تحياتي . | |
| |
|
01-09-2014
| #9 | |
| اللهم أحسن خاتمتي طوق الياسمين
|
الاعتراف بالحق فضيلة من شيم الرجال ...  انتم اللي حكيتواا اتحملوووا رد الصبايا هههه اشكرك اخي علي شجاعتك وطرحك الصريح .... هاد واقع الشباب بفلسطين ... ....... ماننحرم من جديدك دمت بخير | |
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الشعب الغزاوي عايش جكر | بنات فلسطين | النكت والطرائف | 12 | 07-19-2014 01:44 PM |
| شوفو الغزاوي شو بده يعمل بالدجاجه | بنات فلسطين | النكت والطرائف | 7 | 07-16-2014 02:09 PM |
| ارب ايدل الغزاوي | بنات فلسطين | النكت والطرائف | 3 | 06-08-2013 01:36 AM |
| دعاء الشاب الغزاوي هالايام | بنات فلسطين | النكت والطرائف | 5 | 05-05-2013 11:00 AM |
| قصه لن يفهمها الا الشعب الغزاوي | بنات فلسطين | النكت والطرائف | 10 | 03-30-2013 05:15 PM |
الساعة الآن 12:04 PM
