| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
مشكلة بحاجة لحل او رأي عالأقل
مش* عارفة من وين بدي بلش المشكلة بلشت بال2010 وقتها كان البنت والولد زغار كتير بحاجة لام واب مع بعض، *بهاد الوقت كانو الام والاب كل واحد عايش ببيت
 |
| | LinkBack | أدوات الموضوع | انواع عرض الموضوع |
|
#1
03-11-2016
| |||||||||||||||
| |||||||||||||||
مشكلة بحاجة لحل او رأي عالأقل مش* عارفة من وين بدي بلش المشكلة بلشت بال2010 وقتها كان البنت والولد زغار كتير بحاجة لام واب مع بعض، *بهاد الوقت كانو الام والاب كل واحد عايش ببيت وببلد كمان بحكم الانفصال عاشو وقتها وتربو باكتر من حضن ما بين حضن الام وحضن الاب ومن بعدها حضن زوجة العم والست وبالاخير مرت الاب تولدت عندهم عقدة نفسية بعدم وجود الطرفين ، انا من جهة والاب بحكم شغله من جهة تانية. * كان بس يجو لعندي يضلو يبكو لاني ما كنت شوفهم الا كل فترة وينامو بس ليلة وبس يروحو يضلو يبكو لانهم م بدهم يروحو لعند مرت الاب الظالمة هالشي ولد عندهم عقدة لهلأ انا ماني ادرة اتعامل معهم النقص اللي حسو فيو وهم زغار عم عوضو باخوهم الزغير هلأ لهيك طلع اخوهم اقوى منهم بالشخصية ومتحكم بالكل انا خايفة كون ظلمتهم لاني ما قدرت اوفرلهم كلشي بطفولتهم لانه ما كان طالع بايدي شي البنت كبرت وما زال البكا عقدتها لهلأ والولد الكبير عصبية لا تطاق لدرجة التكسير وهو بعمر عشر سنين شخصيتهم مضعضعة لحد هاد الوقت وماني عارفة شو اعمل معهم حتى البنت نكدها مو طبيعي بجيها بكلمة حلوة ما بتجاوب معي وقليل لتشارك البنات باللعب بتحب تضل بالبيت كتير انا مزعوجة بجد من وضعهم هاد دلعي لعبود ما اجى من فراغ لاني عم عوضه الشي اللي انحرموا منو اخوتو بصغرهم حتى اتعلق فيني كتير ولهلأ ما بنام الا بجمبي خايفة كون انا السبب بكلشي بمر عليهم من شخصيتهم م بعرف والله شو الطريقة لحتى رجع ثقتهم بحالهم وتقوى شخصيتهم هلأ ما في شي ناقص عليهم بس النقص اللي مر عليهم عم برافئهم بشخصيتهم المهزوزة احكولي انا الغلطانة ولا الاب ولا الظروف السبب؟؟وشو اعمل بحاجة لآراءكم وحكمكم المصدر: منتديات بنات فلسطين - من قسم: الـטּـِقآشآتُ الجَّآدة والـפـوَآر..! la;gm fph[m gpg h, vHd uhgHrg  |
|
03-11-2016
| #2 | |
 
 | 
حاولي تعوضيهم عن كلشي نحرمو منو من هما صغار واتعاملي معهم بهدوء حتي لو انو كان عصبي يلي حصل انتي مالك ذنب فيه خالص كل واحد فينا بمر احيان بامور لكن مع الايام بتغير وبفهم واكيد هما نفس الاشي ربنا يحميهم لالك وتشوفيهم وهما عرسان | |
| |
|
03-11-2016
| #3 | |
 
|
مو انتي الغلطانة بشيء .! انتي حاولتي تعملي اكتر شي بتقدري عليه . لكن ك نصيحة فيكي تقرأي كتب عن الامومة و عن كيف تعاملي المشاكل الي بيمرو فيها الاطفال . برأيي انو عرفي وين الامور الي بيحبوها و تحاولي تكتري من وجودها حببيهم بالحياة اول شيء . شو بيحبو و شو ما بيحبو اعطيهم من الي بيبحبوه و قللي من الي ما بيحبوه ابعديهم عن اجواء المشاكل مهما كان شكلها حتى لو خفيفة لا بد من بعض الصرامة بالتعامل لكن ما تكون شديدة . حاولي اكتشفي جزء من شخصيتهم الداخلية الامور الي بتأثر فيهم مواهبهم مراكز القوة فيهم و انسي الجزء السلبي فيهم لما يكونو مناح وطيبين شو الامور الي بتلفتهم و بتلهيهم ان كانت رسم او تلفزيون حتى او مهما كانت الامور . حاولي استغليها لتنشئي من ضعفهم قوة مضادة لمشاكلهم . ولا بد من انه كل شخص يمر بفترات عصيبة بحياته حتى ولو كانت طولة جدا لكن مهما كان كل هادي الاشياء حتعطي درس تخلي الشخص يتغير بشخصيته و يستوعب الامور الي حتيجي . عوديهم ع الصلاة . من هلقيت عوديهم ع الصلاة وعلى الدين الصحيح بعيد عن الدين السياسي . الدين الاسلامي المجرد . بالخلق والعمل الحسن اعطيهم الامل دايما و ابدا بهادي الامور حتى ولو كان الامل بعيد مافي حياة بدون امل .. | |
 |
|
03-11-2016
| #4 | ||
 
| اقتباس:
والكل بدلل فيهم سواء انا او اهلهم او اهلي الدلال لوحده ما عم يكفيهم بجد ما عم اعرف شو بدهم حاولت كتير والكل بحاول وبالاخر بطلع انا ما بعرف ربي منيح وما بعرف اتعامل بهدوء مرات بحس حالي فاشلة ك أم | ||
| |
|
03-11-2016
| #5 | |
 
|
اطفالك بحاجة لاستشارة من طبيب نفسييمكن هو الاقدر ع حل مشكلتك كونك حاسة انو في فعللا مشكله والتوجه لدكتور نفسي صار شي عادي متلو متل دكتور الاسنان ^^ هيكك رايي انا وما فيني اتفلسف واعطيكي حلول بتمنى لالك ولاوﻻدك الافضل يسعد مساكي الملاكك | |
| |
|
03-11-2016
| #6 | |
.
|
مشكلة انو في حال انفصال زوجين عن بعضهم بكونو الاولاد الضحية ازا الاولا هلا مو عندك عند مرت ابوهم اكيد راح يظلو في هذه المشكلة اما از الاولاد عندك هلا خليكي جنبهم ابعديهم عن كل شي في مشاكل حسسيهم باالامومة ولا تحرميهم من ابوهم لانو ازا حرمتيهم بدو يظل عندهم مشكلة قضي معظم وقتك معهم كلنا اختى بنمر في هيك مشاكل بجوز لو شوفي بلاوي ناس بتهون بلوتك اختي والله يخليلك اياهم ويبعد عنكم كل مكرو يارب | |
| |
|
03-11-2016
| #7 | ||
| اقتباس:
ومتابعتهم ومعودتهم عليها بس المشاكل اللي مرو فيها اثرت فيهم بشكل كبير وخلتهم يفقدو ثقتهم بنفسهم عم حاول بشتى الطرق اني رجع علاقتهم بنفسهم اكتر ويعتمدو على حالهم | ||
| |
|
03-11-2016
| #8 | |
| حنين لرائحة زمن مضى ツ
| اكيد اللي صار معك قدر إنو هيك الله كان كاتبلكوا، بس كمان كان لازم تفكري وتعملي حساب لقدام بقصد بالوقت يللي كانوا فيه ولادك صغار، مفكرتيش بإنو ممكن يوصلوا للوضع يللي هني فيه اليوم؟ ابنك عصبي لإنو مكنش في معانله منيحه معو وحرمانو من اشياء كان يحبها بكون عم بنتقم من كل الاشياء يللي مر فيها، يعني العصبيه ممكن تفشلو خلقو، وممكن يكون اتعلم هالاشي منكوا، من عصبيتكوا وقت الخناقات .. وبنتك نفس الاشي، لإنها انحرمت من اشياء كتير ومكنتش عايشه بالبيئه اللازمه .. من اليوم حاولي توفريلون الجو المناسب .. *بطلي انتي عصبيه عشان يبطل ابنك عصبيه .. *دايما احكي مع ولادك كلام حلو، ودايما اسمعيون واعطيون الفرصه يعبروا حتى لو كنتي مش فاضيه او كان بإيدك شغله اسمعيون للاخر، "مطرح ما تخليون يعبروا هالاشي بخلي عندون ثقه" .. *اعطيون الفرصه يلعبوا شو مبدون، ولحتى ميكسروش وميخربوش الدار او اثاث الدار، اعملي زاوي او محل فالبيت اللي يكون بعيد عن اثاث دارك واللي يقدروا يلعبوا فيو ايش مبدون، ما تتحكمي فيون وتمنعيون من شغلات هني بحبوها، وبنفس الوقت اعرفي وين تعطيون يللي بدن ياه وكيف وايمتا .. *لمن يطلبوا شغله بتقدريش تعطيون اياها رح يصيروا يبكوا او يصيحوا ويعصبوا، وقتها اعطيون اشي بشبه الاشي يللي بدن ياه، يعني بديل .. *ما تعوديهنش ع الاسراف إنو كل اشي بدن ياه تعطيون ياه، ما تحرميون بس عن عقل، لإنه رح يصير يتمردوا وخصوصا ابنك رح يصير عصبي اكتر واكتر لمن تقوليلو لاء .. *ابنك لمن ميردش، تصحيش قبالو، لإنو بالصياح المشاكل بتنحلش .. *جبيلون هدايا او حتى مصاري، يعني متلن بنتك او ابنك نجح بالامتحان اعطيه 5 شيكل هالاشي بقوي شخصيته، بصير يقول انا عملت اشي عظيم لحتى امي عطتني مصاري وتقوى شخصيته .. *تخافيش ع ولادك اكتر من اللازم، كتر الخوفر رح يأثر ويضعف شخصياتون لمن هني يضلوا يحسوا إنك خايفي عليون اكتر من اللازم .. *راقبي ولادك شو بحضروا عالتفزيون عشان ما تخليون يحضروا شغلات فيها قتل او عصبيه وصياح .. *بالنسبه لبنتك لحتى تتقرب من البنات، العبي معاها انتي مع البنات، لمن تكوني معها ومع البنات ان كان بنات الحاره او بنات العيله او بنات صفها، هالاشي بساعدها لتتقرب من البنات، هاي كبدايه "لفتره معينه" .. *خليها تلعب معاهون لحالها من بعد متكوني لعبتي معها ومع البنات "شي فتره"، بس كوني انتي حدها عم تتفرجي عليها .. *اعزمي بنات صفها عالبيت لعندها، او بنات العيله الصغار، هيك رح تصير تفهم شو يعني "مجموعه" وتحس بالرفقه والصحبه وتقدر تختلط معون اكتر .. *خديها ع محلات فيها ولاد صغيري، متل المراجيح، وتكوني انتي معها موجوده، هالاشي بساعدها لتختلط مع الصغار وتكون اجتماعيه مع الوقت .. *حاولي كل مشوار بتروحي عليه تاخدي ولادك معك حتى لو كان مشوار بسيط او قصير، إذا بتروحيش ع محل فش حدا رح يدق بابك وهالاشي بأثر ع ولادك ويضلو منعزلين وبحاله نفسيه .. *اعطيها تعمل شغلات لكبار، متلا لمن تفوتي ع دكانه، بدل ما تدفعي انتي، اعطيها هي تدفع المصاري للبياع يللي اكبر منها بكتير، هون رح تفهم شو يعني اخد وعطا مع الناس لحتى تصير تحب تطلع وتخالط الناس .. *و لمن تكوني عم تحكي مع شي مره او جاره بالسوق، لمن تخلصي حكي خلي بنتك تقول مع السلامه، الاشي كتير بساعد .. *لمن تكوني عم تطبخي، خليون يساعدوكي بشغلات بسيطه، هيك رح يحسوا إنون قوايا وإنو عندون مسؤوليه وبقوي شخصيتون وثقتون بنفسون .. بعرف اني حكيت كتير، بس شفقت عالوضع يللي انتي فيه وحبيت اساعدك وحاولت قد ما بقدر، وبس اعرفي شغله إنه وضع ولادك بدو وقت كتير لحتى يتغير للأحسن، واتذكري يللي بدو شغله بدو يتعب عليها لإنو بحصلش ع شو مبدو بالهوين، وإذا حلولي ما بتساعد فيكي تتوجي لأخصائيه اطفال ودكتوره نفسيه، وان شاء الله خير، اتكلي ع الله .. | |
| |
|
03-11-2016
| #9 | ||
| اقتباس:
بس مش طبيب مرشدة اجتماعية الها خبرة بهيك ظروف يمكن تساعدني لحل هاي المشكلة | ||
| |
|
03-11-2016
| #10 | ||
| اقتباس:
وبنام معهم طبعا اكيد هم بكونو الضحية بمشاكلنا وبتأثرو فيها بحياتهم اي بعرف بلاوي الناس اصعب بكتير الحمد لله على كل حال | ||
| |
|
« سؤآل ☺
|
ممككن رأيككم ؟! »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مصرع مسن بحادث سير في غزة | خالد | الأפֿـُبآر والـأפـدَآث | 5 | 03-02-2016 05:20 PM |
| بداية لامنتهية .. | رفيقة ٱلقمر | همس القوافي , النثر و الخواطر | 8 | 10-16-2015 12:04 AM |
| بداية الرجوع للكتابة! | جهاد | ابداعات أعضاء بنات فلسطين الشعرية والنثرية | 16 | 09-09-2014 10:10 AM |
| قصة بداية صنع الاحذيه | حبيب العمر | قصص أدبية , روايات , حكايات , تاريخ الأدب والأدباء | 9 | 03-05-2014 08:28 PM |
| : انا بحاجة الى عﻼقة | آسطورة..! | النكت والطرائف | 9 | 07-24-2013 03:37 PM |
الساعة الآن 12:42 PM
