|
سؤال بسيط ؟ خططر ببالي سؤال وحبيت اسألكم ايااه . ؛ بس قبل ما اسألكم ، انتوا هون بالمنتدى من زماان كثير وأغلبكم بعرفوا بعض وبينهم علاقاات اخوية قوية ما شاء الله . وطبعا بالمنتدى بدخل كتير نااس وبكونوا جميلين وأذواقهم راقيية وكل الي هون هيك ♡ وطبعا كل عضو فينا بصير يتخيل الاعضااء بطريقته ويرسم شخصيته بإيده وع هوا تخيله رح يعجب بفلان ويتقرب من فلان ، واعضااء كثيرة بنحبوا من رقييهم وجمال اخلااقهم وكل هاد من غير ما حدا يششوف حدا . ، . وبصراحةة شايف تَقرب أغلب الأعضضاء للأعضاء الملفتين او المسؤولين .. اكثر من تقربهم للأعضاء إلي كل همهم ينزلوا مواضيع وردود . سؤالي هو . هل ممكن انوا تتغير نظرتكم لأي عضضو لو شفتو صورته وشخصيته او حتى لو تقابلته معه وجها لوجه ؟ . ، ي ريت يكون جوابكم بعيد عن المجاملاات .♡ ، |
شو خص شكله او صورته بطريقة تعاملي معه طالما انه الشخص تعامل معي باحترام وكانت مواقفه حلوة معي ليش لاغير معاملتي معه واكيد هون جمعتنا كتير مواقف حلوة مع الاعضاء لو انا شفت صورتها او صورته اغير موقفي او معاملتي تجاها !؟ هالشي م بفرق عندي انا لاني انا بتعامل مع الشخص كشخص وكيآن مش كشكل انا هيك فهمت سؤالك م بعرف لو انت قاصد شي تاني شككرا مورفين |
أنا بشوف الشكل مش مهم أساسا هو كيف كان بيعاملني بإحترآم وطبعآ أنا كمان إزا شفتو حقيقة مش هيتغر الإحترام بينا ولا ينقص هيك بشوف تسلم مورفين ع السؤال :137: |
قصدك انو الاغلب بتقربو من المراقبين والادارة اكتر من الاعضاء الازرق وغيرهم هيك فهمت من سؤالك لا مالك انا مثلا بحب تواجد كم عضو ازرق ومميز واصفر ما الهم علاقة لا باشراف ولا بشي بالنسبة للشكل انا بعرف كم عضو شخصيا سواء صورة او واقع بس من قبل ما بنيت علاقتي معهم ع اساس ازا شفت صورتو وطلع مش متل م هو ببالي ابطل احكي معو واتجنبو يمكن هيك قصدت احكيلك سر طريقة الردود والاسلوب عندي اهم من اي شكل سواء الشخص يطلع وسيم ولا عادي او بشع يمكن مثلا صوتو حلو وخلقتو غير تماما مش شرط نربط كلشي ببعضها |
هلأ انا بلنسبالي م سبق بتزكر تخيلت شكل عضو هون تقريباً بربط شخصيته برمزياته وبلنسبة لسؤالك هجاوب بصراحة اى ممكن تتغير نظرتي هلأ بتعامل معهم واخدت فكرة عنهم اوك من كتاباتهم وكلامهم ولكن بلنسبالي في اشخاص بس شوف شكلهم من اول نظرة م برتاحلهم والعكس صحيح "هلشي بعيد كل البعد عن الجمال وهلشي ، كل حدا عندو شي حلو فيه " نحنا منتعامل من ورى شاشة يعني في ناس كتير عندها انفصام وناس ع طبيعتها مو متل هون و..الخ بتمنى كون قدرت وصل اجابتي ع سؤالك بطريقه صح يعطيك العافيه |
انا ع نفسي بعرف اشكال ناس كتيير هون ومن الاول ما دخلني بشكل حدا، مش بس حكي هاد بس جد انا بتهمني طريقة التعامل ،، ومجرد ما يكون تعامله حلو ومنيح مع الكل بشوفه حلو وبجنن هههه وبالنسبة انه بتقربو للادارة والمشرفين وهيك، لا مافي هيك اشي لانو اصلا احنا بنعرف بعض من ايام م كان زرق ^^ اي وهيك شكراً عالسؤال |
اقتباس:
اقتباس:
اقتباس:
اقتباس:
اقتباس:
للأماانة اجوبتكم كيف كنت متوقعهاا ، وتفكيركم ببين قديش انتو ناضجيين وواعيين بهالمجتمع ..؛ هلا احنا هون تعاملنا مع اشخااص قبل ما نشوفها لهيك عارفين طينتهم وكيف ما يكون شكل الشخص ما رح يأثر على العلاقةة ، . الانسسان بطبيعته بحكم ع الشخص من المظهر قبل ما يتعمق بالشخص ويعرف معدنه من جوا . وانا ما بنكر اني بيوم من الاياام كنت لما بدي ابني علاقة مع شخص كنت اختارها ع حسب الشكل ، عيناك قدري حكت جملةة انو يمكن وقت تشوف الشخص ما ترتحله ويمكن العكس وهالشغلةة ف كل انسسان . ، بخصوص موضوع المسؤولين والاعضااء ما هيك قصدت ابدا ً . انا كل قصدي انو الي هون بهتموا بالمتميزين والملفتيين اكثر .يسعدكم ربي ويرضى عنكم ♡ |
انا بتعامل مع الجميع بنفس القدر وما بترك ولا موضوع لحدا يمكن منحابي شوي القدماء او الي الهم رتب بسبب اخلاصهم ومجهودهم لسنين وعشان منعرفهم من زمان والهم قدر كبير من المحبه لكن بشكل عام منتعامل مع الجميع بمحبه وصدق هادا واجبنا لانه الاعضاء هم جنة المكان وبدونهم ما النا لزوم هون شكرا الك للسؤال مورفين |
مشآن كون وآضح معك وصريح وبعيد عن المجاملات كبدآية بالنسبة لموضوع إنه في بين الاعضاء علاقات قوية فهذا شي أكيد بسبب الفترة الطويلة مثل ما حكيت والتعامل الراقي والعشرة باختصار أمآ بالنسبة للنقطة الثانية وهي إنه بتصير تتخيل الاعضاء فبصرآحة بعمري ما تخيلت حدا كشخصي ,, ولا بهمني أعرف شو شكله مشان اقدر اتعامل ,, لأنه احنا هون بالعالم الرقمي بيحكمنا التعامل والاسلوب والثقافة والمحبة , , والتبادل في الطرح والافكار وإثراء الاخرين والاستفادة من خبراتهم وما بنكر أكيد التسلية واللعب والمسابقات وجو المرح اللي بيخلق جو أخوي حلو هون كلنا ملاحظينه وبنحبه أما بالنسبة لأنه تتغير نظرتي لشخص مشان شكله فهالشي مرفوض نهائيا ً لمجرد الشكل يعني كمثال انا بعرف خليل (مستعار ) بالمنتدى وعلاقتي فيه اخوية ومحبة وصداقة وبيوم شفته وكان شكله مثلا مش كثير بدي اغير رأي فيه وبصداقته ؟؟ ! بصراحة مستغرب السؤال ,, وحتى الجواب بالنسبة الي ما فيه نقاش وهو أكيد لأ أمآ بخصوص تقرب الاعضاء من الاعضاء الملفتيين والادارة فهالشي انا معك فيه ولكن بطريقتي وليس كما أوحى سؤالك للقاريء وهو التمميز والتفرقة وهنا اوضح بأن هذا ما اوحى به سؤالك ولم اقل ما تقصده . انا كشخص بشارك مع كثير اعضاء سواء كانوا ادارة او ملفتيين او مميزين بمواضيعهم او حتى بردودهم او شخصيآتهم والتي تعرفنا عليها من خلال تعاملنا معهم بالمنتدى كمثال عندك اعضاء كل دخوله للمنتدى هو مشان ينزل موضوع فقط وطبعا كل الاحترام اله والمحبة وعندك عضو اخر بينزل موضوع وبيشارك بالردود على المواضيع الاخرى وبيناقش وعندك اخرين بالاضافة لكل ما سبق بيكون شخص مرح ومحبوب وبيدخل القلب زي ما بيحكوها فبالطبيعي الشخص اللي بده العزلة بلاقيها ويلي بده الاجتماعية برضوا موجودة وبصراحة بهالمنتدى ما شفت انه في اي تفرقة بين اي عضو واخر يعني اي شخص بيسجل بنفس اليوم الكل بيتجاوب معه وبيشارك معه ,, اما بالنسبة الي فانا بشارك الجميع سواء كان ادارة او مشرفين او اعضاء جدد او قدماء بمحبة وعفوية ولكن كل شخص هنا لديه أشخاص مميزين بسبب العشرة والالفة والصداقة يلي إنوجدت في الفترات الماضية وبرجع بنوه انه هالشي ما بيمنع من المشاركة مع الجميع ,, والتعامل معهم بمحبة وصداقة بتمنى تكون وجهة نظري واضحة ,, وبعتذر على الاطالة ويسعد مسآك وكل أوقآتك دمت بخير ! |
وبصراحةة شايف تَقرب أغلب الأعضضاء للأعضاء الملفتين او المسؤولين .. اكثر من تقربهم للأعضاء إلي كل همهم ينزلوا مواضيع وردود . طبيعي هاد الشي و انآ مع هالحكي الشخص الملفت هو اللي رح اتقرب منو الرسآم حكآهآ بأسلوب تآني لكن نفس المعنى يعني انآ برتآح بالألعآب مثلاً طبيعي رح يلفتني شخص بشآرك بالألعآب و رح اتقرب و اشآرك معو كوني ارتحت له بالتالي شخص بس بنزل موضوع و برد ع المشآركآت و بطلع او حتى بشآرك بموآضيع معينة او نظرتي لشخصيتو هاد مش ملفت بالنسبة لي ’ لهيك مآ بتقرب منو كل انسآن عندو نقآط هي اللي بتشدو نآحية الآخرين يعني اشيآء معينة اللي بتلفت نظرو نفس الشي الإدآرة ’ اللي بحسو بشبهني او ملفت بأشيآء بتعيني بتقرب منو لكن المنعزل البعيد عن الكل ’ هاد كيف بدي اتقرب و اشآرك معو .؟ كمآن ممكن يعني ذآت الشخص هو اللي بحدد الأعضآء يتقربوآ منو او لأ سؤالي هو . هل ممكن انوا تتغير نظرتكم لأي عضضو لو شفتو صورته وشخصيته او حتى لو تقابلته معه وجها لوجه ؟ . اه بتتغير ’ مش لأن الشكل حلو او لأ لأن المقآبلآت شخصياً رح بتعزز الصدآقة او بتثبت العلآقة لكن لو بتقصد انو صديقتي تكون مش حلوة لآ ابداً مستحيل الصدآقة تتأثر عشآن الشكل |
انا شخصيا بجذبني الاسلوب وطريقه التعامل بغض النظر عن الشكل في كم عضو بلاقي منهم ذوق اوهتمام اكيد رح اذكرهم بكل مكان بالمنتدى بنسال فيه وهاذ الاشي ما الو علاقه بالاعضاء الجدد او القدامى بشكرك على الطرح |
ليش لتتغير نظرتي للعضو اذا شفت شكله اساس تعاملي مع الكل هو الاحترام ومعاملتي للجميع متساويه ما عندي تفرقه بين عضو او مراقب نحنا عم نتعامل مع الاشخاص من خلال شاشه وبنحكم عليهم من تعاملهم واسلوبهم ورقيهم وافكارهم بنظري اي علاقه مبنيه ع الاحترام ما بغيرها شي الا اذا انتقلت هالعلاقه للواقع ولقيت هالانسان ما بستحق هون نظرتي لاله ممكن تتغير بغض النظر شو شكله لها الانسان يسلمو مورفين ع سؤالك |
حكون واضحةة انا من ٢٠١٤ بالمنتدى تمام؟ ولا مرة سعيت لاشوف شكل حداا وما بعتبر هالشي ضروري بالنهايه احنا بنتعامل من ورا شاششة وكيبورد لكن يلي بصير انو مع الوقت بتاخد انطباع عن هالشخص من خلال الردود ومن خلال مواقف مريت فيها مع حدا معين ما بهمني شو هو برات المنتدى بشع او حلو او او او طالما ردردو بمحلها وحضورو ملفت وعامل جو ومتواجد وبحترمني اهم شي كافي انو حطو ع راسي بالنسبه للرتب سدقني كلهم مجرد الوان وما بتفرق واكبر مثال انت و ومحمد ونيكوتين وقصي اربع اعضاء بلا رتب لكن يمكن الاكتر شعبيه هون يعطيكك العافيةةة مورفين كتير حبيت سؤالك وبتمنى كون وصلت فكرتي |
اقتباس:
يسسعدك ربي ويجزيك كل خير ♡ |
اقتباس:
أمآ بالنسبة للنقطة الثانية وهي إنه بتصير تتخيل الاعضاء فبصرآحة بعمري ما تخيلت حدا كشخصي ,, ولا بهمني أعرف شو شكله مشان اقدر اتعامل ,, اخوي خلينا نحكي بالعقل شوي لما تكون علاقتك هون قوية مع حداا وحاطط صورة لشخصية معروفةة تلقائيا اول ما تفكر فيه بالمنتدى او غيره رح مخك يتخيل الصوورة وهالشي طبيعي ف مشش غلط او الواحد يتخيل أي عضو هوون . أما بالنسبة لأنه تتغير نظرتي لشخص مشان شكله فهالشي مرفوض نهائيا ً لمجرد الشكل يعني كمثال انا بعرف خليل (مستعار ) بالمنتدى وعلاقتي فيه اخوية ومحبة وصداقة وبيوم شفته وكان شكله مثلا مش كثير بدي اغير رأي فيه وبصداقته ؟؟ ! بصراحة مستغرب السؤال ,, وحتى الجواب بالنسبة الي ما فيه نقاش وهو أكيد لأ انت كإنك نفعلت ما بعرف ليش احيانا بنكون ماشيين بالشارع و بنشوف اشخاص ما بنعرفهم وبنرتحلهم ، واشخاص ما بنطيق ننظرلهم مرة تانيةة صح ؟ . كثيير قصص صداقةة وعلاقات حب صارت من ورى شاشةة وبعد ما صارت ع الواقع نتهت..لانو بالنهاية القلب وما يهووى . انا معك بالحكي الي حكيته بس كمان كثيير عالم شايفين غير هيك . يسسعدك ربي ويرضى عنك ♡__________________ |
اقتباس:
انتي ما في منك ♡ . ، لخصتي كثيير حكي ما نحكى . ، |
اقتباس:
نورت ♡ |
اقتباس:
عيني عليكي انتي . ♡ شُكراً لإنك هون |
اقتباس:
بحترم جداً رأيك وخصوصا انو ما بتهتمي كيف شكل الشخص طالما هو فارض احترامه واخلاقه ع الكل . بس بخصوص الرتب والألوان انا ما قصدت انو الاعضاء الي لونهم ازرق مُهملين .. بالعكس انا شايف متلك كتير اعضاء لونهم ازرق الهم وزن مثل المسؤولين .. . نورتي |
مورفين انا بداية أٌحب أشكرك لإيثارتك هذا الموضوع الجميل والمهم في الحقيقة انا اتعامل مع اشخاص من خلف شاشة استطيع الحكم عليهم من خلال طبيعة ردودهم وأفكارهم وطريقة تفكيرهم والصور مهما كانت جميلة ام رديئة لا تهمني فالإنسان بجوهره ومبادئه وأخلاقه وليس بشكله وصوره انا كنت أتمنى ان يكون السؤال بصيغة أخرى هل الردود على اي موضوع او حتى سرعة الرد والاجابة تعتمد على الشخص ومكانته حينها كنت سأجيبك بكل صراحة ان هذا الأمر موجود وشائع واشعر اننا في ساحة او معركة حرب كل شخص له مجموعته واعضائه على أي حال أشكرك مورفين على هذا النقاش الراقي كن بخير |
اقتباس:
الله يسسعدك اخوي .. وفعلاً مثل ما حكيت لو نحكم ع سرعةة الردود بنلاقي انو في تمييز واضح طبعا مش من الكل . أنرت♡ |
يا راجل صباح الخير اسمعني للكلام انطباع خيالي والشكل انطباع واقعي يعني الصوره لمن تشوفها رح تغير المشاعر سواء سلبي او ايجابي يعني في ناس لو تشوفها بتتمنى تحتضنها وتبوسها وفي ناس بتجيبك سابع ارض هههه وأما المسؤولين بتقربو وعلاقات اقوى صحيح والتعامل مع بعضهم بيكون اكثر مش زي اي عضو ثاني واللي بيقول غير هيك يناقشني واللي حاب يتأكد يفوت بعضويه جديده بالسر رح تشوف الفرق مورفين صباحك سعاده |
اقتباس:
شكراً ع صراحتك اخوي نورتت ♡ |
مفهمتش السؤال ههههههههه |
اقتباس:
مش مشكلةةة شدي حيلك وان شاء الله يطلع معك شي . ههههه |
اقتباس:
بس بالغالب لما شخص بيتجنب شخص بكون بحالتين الأولى إما هالشخص كاسر عينو وشالل أملو والتانية أما فاكك من هالدواوين ومش سائل ع حدا وبالغالب م في متل النوعية التانية :74: ولما شخص بيحب شخص وبيتعامل معه ع طول الأولى إما هالشخص معجب فيه كتير وبحبو جد والتانية منافق وكزاب وبزبط وضعو مش أكثر وبالغالب م في متل النوعية الاولى ad1 يعني هيك أغلب تعامل الناس سوا مش بس بالأعضاء بمنتدى + الأهم من هاد كله انو نحنا هنا بمكان افتراضي يعني كلو ع بعضو مش مستاهل وبالنسبة للإدارة ليه بحبوهم بلعكس انا بحس تعامل الاعضاء مع بعض اقوى من الادارة وكل شخص بكون مع للي شبهو ع الأغلب وللي برتاحلوو وبالنسبة للوجهه للي من الله يمحلاه بس كل الناس بتحب الجمال برضو أشد حيلي أكثر من هيك ولا الأولى ع الصف ؟ |
اقتباس:
ما شاء الله دخلتي المواضيع ببعض بعرفش ليش . بحترم وجهة نظرك ورأيك ، . * لا مش الاولى بس رح حطلك نجمةة . يسعدك ربي |
اقتباس:
|
اقتباس:
مبسوط منك كثير هههه |
| الساعة الآن 09:50 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.