منتديات بنات فلسطين - لغة العيون🙆

" لغة العيون "
عنا مثل شعبي بقول : ( حط عينك بعيني )
لو نفكر ليه أجدادنا قالوا هيك ، منلاقي إنو من القديم و قبل حتى ما يبدأ علم لغة الجسد الإنسان اكتشف إنو العيون بتحكي . و بمجرد ما تجي عيني بعينك بقدر اقرأ كتير بدون حتى ما نحكي ولا حرف .
-
الدراسات بتقول إنو نسبة 80% من التواصل بين البشر هو تواصل #غير_لفظي
و أهم و أصعب نوع من التواصل فيهم هو الاتصال البصري لصعوبة التحكم بنظراتنا . -
من خلال الدراسات و البحوث و التجارب توصل العلماء لمجموعة من القواعد يلي بتاخد نسبة عالية من التفسير لقراءة لغة العيون . مع احتمال إنو ممكن ما تكون دقيقة 100% لأن ببعض الأحيان نظراتنا ما بتتبع للقواعد و إنما تتبع للموقف يلي منكون فيه .
و من أهم هي #القواعد و أكثرها شيوعاً و دقة :
١ - نظرة الشخص للأسفل : بتدل على شعوره بالأسف و الذنب أو شعوره بالخجل .
^
٢ - نظرو الشخص لليمين : تدل على محاولته لتذكر الأحداث التي مر بها فعلاً .
أما نظرته لليسار فهي محاولة لتأليف كذبة .
^
٣ - نظرة الشخص المباشرة إلى #عيونك : تدل على التركيز و الثقة بالنفس .
إذا كانت نظرته إلى #شفتيك : فهو مهتم بك عاطفياً .
و في دراسة علمية بتقول إنو في سائل بتفرزه الغدد في العيون و بتصير بتلمع لما نكون نحن واقعين بغرام الشخص يلي عم نحاكيه .
أما إذا كانت نظرته إلى #جبينك : فهو بيعتقد إنك شخص أحمق و مو مقتنع بالكلام يلي بتحكيه . ^
٤ - نظرة الشخص للبعيد ؛ بتدل على ملل من حديثك و عدم ثقة فيه .
^
٥ - بالنسبة للرمش بالعيون بسرعة : هاد بدل على توتر الشخص و انفعاله .
^
٦ - إحدى الدراسات بتأكد إنو حدقة العين تتسع عندما يشعر الشخص بالسعادة . عندما ينظر إلى شخص جميل أو إلى الطعام أو استماعه للموسيقا .
و تضيق حدقة العين عند شعوره بالغضب أو الحزن .
^
^
^
طيب أنت كشخص حابب تكون غامض في #حيله بسيطة إنك تجعل عيونك تحوم حول الشخص و ليست ثابتة . و هذا سيسهل عليك التواصل وجهاً لوجه دون خوف من إنو الشخص يلي مقابلك يكشفك من نظراتك . ^
^