نآرين في لقآء صححفي ~

فدييتكم , أسعدني وجودكم ♥
والإستضافة أسعدتني أكثر ^^
♥
فقرة التــعريف
اسم النك نيم للعـضو ؟
نآرين ♥
الاسم الحقيقي؟
واذا ما تحب تقول اسمك في هاي الفقرة عادي
نور ^^
تاريخ الميلاد؟
7 / 8 / 97
الاقامه؟
غزة ( المدينة التي لم أحبها يوماً ^^ )
العمر؟
21 year
التحصيل الدراسي؟
بكالوريس علم نفس _ الإسلامية
.............
فقرة المنـــتدى
ماذا يعني لك منتدى(بنات فلسطين)؟
اممم , كتيير أشيااء ♥
ما صارلي كتير هون , بس كتير بحب أفوت ووقت أغيب بيكون عندي ضغط بدراستي وشغلي ^^
وبيضل أهم شيء إنو غيرلي الروتين القديم كلو وحبييتو وبرتاح كتير بس أفوت هون , والأهم إنو كتيير حلو والجو هون لطيف بمعنى الكلمة والأشخاص جداً معرفتهم جميلة وبينحبوا بلا إستثناء ♥
اقرب صديق لك في المنتدى؟
ما بعتقد إني كونت أصدقاء بهاي السرعة , بعدي لسا بتعرف وكتير مبسوطة بهاي المعرفة ^^
" أنا من طبيعة الأشخاص الي ما بيصاحبوا بسرعة كبيرة , لكن معارفي وناسي كتار وغالين على قلبي " , ربنا يحفظهم ♥
لماذا اخترت هذا الاسم؟
هههههههه , إسم العمر , أهلي وصحباتي ما بيعترفوا إني نور خاالص و أغلب ناسي بينادوني فيه ,
وبابا ساعات بيحكيلي إنتي نار مش نور ( وقت العصبية بس ي حبايب ^^ )
أي قسم تدخل اليه باستمرار؟
فديتني ما بسيب شئ من شري , عطول بتمشى بالمنتدى وبفوت ع كل شي ههاهها ^^
كلمه بحق المدير ؟
big boss ♥
جهد جبار بصراحة وحاجة فخمة من الأخر , عااش ^^
كلمه تود ان تقولها الى أي عضو بالمنتدى؟
99% من أطباء العالم بينصحوا بمحبتي ^^
* اللهم إني بلغت اللهم فإشهد هههاها *
بحب وجودكم بلا إستثناء ♥
هل تعرف احد قريب لك من المنتدى؟
هاي حلوة , لسا ما راجعت دفتر العيلة ^^
إحنا هنا حبايب وقرايب حضرتك ♥
عضو عاجبك توقيعه؟
واللهي كتيير كتاار , ما رح أعدد بس غاالباً هنا الرمزيات والتواقيع كتيير حلوين ♥
عضو مثقف؟
إممم , الشخص الي تناقشت معو فترة وانبسطت بكمية الرقي في أفكارو هو قصي ♥
والمايسترو من جديد ^^
وطبعا ما بنكر مؤيد كتيير بيروقني في بعض المواضيع ^^
والصبايا حاجة فخمة وبينحبوا ♥♥♥
عضو تتابع مواضيعه بأستمرار؟
ما حدآ , لأني صعب أتواجد بإستمرار ^^
عضو تعجبك ردوده؟
جميعهم ♥
عضو تواجده بيسعدك ؟
جميعهم * بنبسط جداً وقت نشاط المنتدى * ^^
اعطي الألقاب التالية لعضو:
حضرتك عايزة تورطيني وخلاص ^^
روح بنات فلسطين :
أنا ^^
ملك\ة بنات فلسطين:
أنا كمان ^^
قمر بنات فلسطين:
ده أنا بردو ^^
شمعة بنات فلسطين:
يا لهوي ع جمالك , ده أنا بردو ^^
ههههههههه ♥
( أنا بعتبر كل شخص هون هو روح المكان وهو الملك وهو القمر والنجوم وهو الشمعة والنور الحلو بردو ^^)
جمال المنتدى يكتمل بوجودكم جميعاً ♥
...............
فقرة الحــب
يا لهوي على سنيني السودا ^^
كلو بما يرضي الله ♥
هل انت مغرم؟
أي حَربٍ تتحدّثين عنها ... ^^
هل الرومانسية للأنثى فقط ام الرجل له جانب منها؟
لكلاهما , لا تكتمل ذروة الحب إلا بشغف المشاعر للرجل قبل الأنثى ♥
بعض الرجال يفوق الآنثى بجمال وشغف مشاعره ، وتترجم بإهتمامه وتعامله اللبق والرومانسي مع الآنثى ^^
♥
هل انت عاشق؟
هل لديكِ حلٌ لقضيتنا ... ♥
هل تفدي بروحك لمن تحب؟
ياااه , ما أبدعنا في الكلام , قد نوهم بالجنة ونحن في قعر جهنم من الحب ^^
أحدهم يستحق ذلك , فليكن ♥
ما الفرق بين الإعجاب والحب بالنسبة لك؟
الإعجاب / الحدث المتكرر كل يوم لجمال , لشخصية , لفكر , لجسم , لأناقة , لإهتمام , إلخ ^^
الحب / الحدث الأعمق لأحدهم في داخلي , لا يتكرر سوى مرة واحدة في العمر ♥
( غير ذلك يُعد تعود على إستهلاك المشاعر ^^ )
هل تعتبر بهذا الزمن الحب حقيقي؟
الحب الحقيقي كنور الشمس لا يغيب في أي زمن يختفي قليلاً ويعلن ظهوره بشكل أقوى ♥
هل تضحي من اجل من تحب؟
ليكن الحب أبدي والتضحية لا تلقي لها بالاً ^^
♥
هل الحب يستحق التضحية ؟
الحب بينور القلوب كتيير ومن هادا النور هتضحي للأبد ^^
هل يمكن أن يكره الأنسان الشخص بعد أن أحبه؟
يستحيل ^^
أيهما أخلص في الحب ادم ام حواء؟
حواء في الحب أعمق وأطهر , لا يمكن لحواء الكذب والخداع في الحب ♥
كلمه تود ان تقولها الى من تحب؟
أفعالي وإهتمامي بيقول الكلام كلو ♥ ^^
( ما شاءالله , معرفتش حاالي هههههااهاا )
................
علاقاتكـــ
اقرب شخص لك من؟
صديقي القريب البعيد ( ربنا يجمعني فيه ♥ )
علاقتك مع امك؟
ماما أختي وصحبيتي وحبيبتي ونوري الأول في الدنيا ♥
ربنا يحفظها من كل شر ♥
علاقتك مع اباك؟
بابا حنية الدنيا كلها بقلبو , بحبو كتيير وما في زلمة بكل الدنيا رح يدلني متلو , ويعطيني حريتي , حبيبي ♥
ربنا يديملي هيبتو ويخليه لقلبي ♥
ومن الأقرب اليك؟
ماما , حنوووونة قد الدنيا ( عطول بتقلي أنا وياكي خوات مو بنت وإمها ♥ )
هل انت غيور من احد؟
أنا ست إخوتي وبنتهم الوحيدة ( والي بدي إياه حاضر )
ما فيه حد حرزان لأغار منو ♥
هل انت تغار على احد؟
طبعاً ♥
علاقاتك بأصدقائكَ؟
صحباتي خواتي وحبيباتي لأنو ما عندي خوات ♥
نظرة الناس اليكــ؟
هاي ما فيا أحكيها أنا , الناس تختلف وجهات نظرهم ^^
بس الحمد لله ع طول بفوت القلوب ( فديتني ♥)
هههاههاا
هل تندم على علاقتك مع احد الأشخاص؟
لا أبداً , لأنو ببساطة الناس أنواع
الطيبة والمنيحة رح تضل تحبك وتدعمك وحبها ينورلك دربك
والسيئة رح تضل تتعلم منهم وتنجح بس لتوجع قلبهم أكتر ^^
................
فقرة اسود وابيض (اجب بضد او مع)والسبب
مفيش رمادي حضرتك ^^
هل انت مع او ضد تعدد الزوجات؟
ضد وبشششدة / لأنو ببساطة بحتقر الرجال الي ما بيكمل المشوار مع زوجتو وبيتركها بنص الطريق وبيطلع ع غيرها ^^
هاي أسمها بالغزاوي فرااغة عيين ^^
يحق للرجل الزواج في حالة الموت _ الإنفصال , فقط :")
هل انت مع او ضد المرأه تطالب بحقوقها؟
مع / المرأة القوية هي التي تعترف بذاتها وتطالب بحقوقها ♥
هل انت مع او ضد التطور المستمر ؟
مع / الناس وصلت القمر ببلاد الغرب وإحنا وضعنا بغزة من سيئ لأسوأ , من حقنا إنو عايشين وعايشين نعيش كبني البشر ^^
هل انت مع او ضد النت؟
هههههههههههههه مووتتت
♥♥
هل انت مع او ضد حب النت؟
مع وبنفس الوقت ضد ^^
مع في حال إتزان المشاعر والعقلانية في الحب ♥
ضد في حال الحب الأعمى والتنازل عن المبادئ الي بنشوفو هلأ ^^
هل انت مع او ضد دخول المرأة في السياسة؟
مع / فديتها المرأة توصلت لمنصب وزير في دول عظمى ♥
هل انت مع او ضد الاختلاط؟
مع بحدود / الفكر الحر جزء من الشخصية الناجحة ♥
هل انت مع او ضد مقولة "الغاية تبرر الوسيلة" ؟
مع / بأخذ الإعتبار ما الوسيلة المستخدمة ^^
................
فقرة الـــقناع
هذه الفقره يتم فيها الع ـضو بارتداء القناع والاجابه من وراء القناع أي
ليس من شخصية الع ـضو
( هههههه , حبييبت الفكرة ♥ )
لو قتلت تقتل من؟
الغبااااء والناس الغبية والتافهة والناس الي بتتدخل بكل شي , مستتفزيين بشكل سيئ :ـ(
( كأني تحمست ههههه )
لو احببت تحب من؟
نفسي ♥
هل انت صريح؟
جداً
هل تحب نفسك؟
فوق ما تتخيل ♥
هل انت مغرور؟
يُقال ذلك ♥
هل تحب الالم لغيرك؟
من الشخصيات الي بتخفف الألم بكل الطرق
الحمد لله ♥
هل تعلم بأن جميع الناس يكرهوك؟
مين الي حكى إني بحب الناس ^^
هههاههها
هل تعلم ان جميع الناس يحسدوك؟
" كلا إن معي ربي سيهدين " ♥
................
مواقف مررت بها
تحدث لنا عن :
موقف مضحك؟
واااال , حياتي كلها ضحك ♥
أخر موقف صار في الجامعة ^^
يوم الأربعاء فوتنا المحاضرة متأخرين إنا وصحباتي والدكتوور حااجة قررف وثقل دم متتخيلووش , فوتنا زي المحترمين دقينا الباب ودخلنا عطول بدنا نقعد عشان ما يتفلسف , إلا واحد بينادي نوور* أنا وقتها قولت يعدمك إياها نور * وصحباتي صارو يضحكوا بصوت عالي على كلمتي , حكالي اطلعي عليا انتي والدكتورات الي معك ، حكتلو نعم ي دكتور حكالي خوديهم وخودي حالك وبرااا, وانا ربنا حط عليا الضحك وصحبيتي أسما كيف تسكت لا يمكن ’ مش من أخلاقها ‘ حكتلو أنا أصلا ما كنت بدي أجي ولا البنات , الدكتور وقتها شهق وصرخ وحكالها طيب اطلعي واسحبي المادة واستني خدي معك البنات
واحناا مووتنا ضححك وروحنا سحبنا المسااق وأفطرنا وروحنا ^^
موقف حزين؟
موت عمي المفاجئ من أصعب مواقف حياتي :"(
ربنا يرحمو ويجمعنا فيه بالجنة ♥
موقف مفاجئ؟
ميما والإستضافة الجميلة هاي ♥
غضتني يإسمك إييه , خضتني ي شييخ ههااهاا
موقف أسعدك لدرجة البكاء؟
نجاحي في التوجيهي بمعدل إمتياز ♥♥♥
والحمد لله شفائي التام من تسمم الدم لفترة طويلة ورجوعي لحياتي الطبيعية , الحمدلله والشكر ♥
.........


يااااه وأخيراً خلصت ♥
كتيير إنبسطت واستمتعت وإتذكرت أشياء كتييرة كنت نسياها بصراحة ^^
شكراً ميما من القلب ♥
دمتِ بخير ♥