المشاركة الأصلية كتبت بواسطة أيّلول.

جوزي فيه عادة بيحط صوره ع الواتس والفيس
بيقيم صورة وبيحط صورة ..فرحان بحاله ...المهم فقت الصبح بعد ما تيسر على شغله ..شربت قهوتي على رواق ..فتحت الفيس وبلشت اتصفح ..لاحظت انو جوزي مغير صورة الغلاف تبعه ...بس النت كان بطيئ عندي والصورة ما فتحت ..قلت لحالي يا بنت علقيله وخليكي اول وحدة ...مشان تعرف العالم قديش بحبه ...والله ما كذبت خبر ...وعلقتله (ما تبلى يا روحي منور الفيس بطلتك ..من شابه اباه ما ظلم ...) وكبست زر النشر .....طبعا انا كتبتله من شابه اباه ما ظلم قلت باكسب بياض الوجه قدام حماتي وعمي ...مالكون بطول السيرة سكرت ...وقمت بدي بلش بغراض البيت ..وفجاة خلال عشر ثواني رن تلفوني ..لقيت جوزي قلت هاد اكيد متصل مشان يتشكرني ويتغزل فيني من عند الصبح على هالتعليق الحلو والله ما كذبت خبر رديت وبلشت اهلين بالروح والقلب ..رد عليه تروح روحك ويوقف قلبك على هالتعليق ..انا هون صرت شي خمسين لون قلتله وليش بقا ما عجبك التعليق قلي مبلا التعليق والصورة بيشبهوكي معك تلات ثواتي بتمسحي تعليقك وبتحظري حالك من حالك 🤤 والله ما كذبت خبر فتحت وفتحت الصورة معي وياريتني ما فتحت لقيت جوزي محدث صورة الملف الشخصي ومنزل صورة لفقمة البحر ..ولاجل الحظ التعليق تبعي جاب تلاتين لايك خلال تلاتين ثانية .وانا بهاد الوقت اجتني تلاتين جلطة مع شلل رباعي نصفي ..محيت التعليق ولغيت الفيس ..وكملت شغل البيت ...وكمان ساعة زمان بيرن التلفون حماتي عالخط ...رديت عليها وعملت حالي مالي عاملة شي ..وهي حرام حاكتني بلطف وقالتلي تعالي اتغدي عنا اليوم عاملين سمك قلتلها باتشرف حماتي بس شو خاطر على بالكون السمك لسا الجمعة الماضية عملتوها ...قالتلي اي والله الفقمة اللي عندي واللي عندك مشتهين عليه بتعرفي انتي الفقمات بيحبوا السمك 😭..لا تتاخري ...انا اجتني سكتة قلبية هالمرة وقلتلها امرك ماما ...وانا هلق عم اكتبلكون قصتي وانا عند حماتي ..وخلصنا غدا وكل شوي عمي وجوزي بيتسطحوا على الارض بيقلدوا الفقمة وبيصفقوا بايديهون وانا كل ماله عم يرتفع ضغطي وينزل سكري ...شو اعمل ...الله يمضي هالليلة على خير.