فوائد انك تكون "Single" 😂💔
 

فوائد انك تكون "Single" :


١- بتنام و بتفيق متى ما بدك ، بدون ما حدا يصحيك من عز نومتك بنص الليل يحكيلك اشتقتلك ، بالله اشتقتلي ؟؟ طيب انا شو بدز يرجع ينيمني اه ؟؟ شو قال رومانسية قال ،
٢- متخيل انه شحن تلفونك بطول ، يوم كامل بقعد بدون شحن ، ما بتحتاج تشتري باور بانك وتكلف حالك.


٣- بتكراش على اي حدا حتى لو شفته صدفة ، بدون ما تحس بتأنيب الضمير ، عادي وبحالة السنجل يُمكن تعدد الكراشات بنفس الوقت.


٤- مافي مشاكل ، مافي بروبلم ، مافي نكد ، يعني مافي داعي تنزل كل دقيقتين اغنيه دمار على السناب شات ، ملحوقة باللهم قوة على الفيسبوك والواتس و بعد يومين بتتغير الحالات لبحبك كثير يا اميري ، اضطراب بالشخصية بصير معك !!


٥- بتصير اجتماعي و بتتعرف على اهلك اكثر ، بتتخلى عن المئة عام من العزلة و بتصير مشارك بكل اشي بالعيلة و بتحب قرايبك ، لدرجة انك بتصير تعمل جمعيات معهم وعادي.


٦- دايمًا بتتصدق ، لانك دايمًا مبتسم والابتسامة صدقة ، مافي حدا مطين عليك عيشتك و بتكون صاحي مكندر.


٧- بتتجنبي امراض السكر والضغط والجلطات المبكره ، بسبب مراقبتك الدائمة لصفحاته ولايكاته و كومنتاته و كل اشي بحياته ، بترتاحي من الموت المبكر.


٨- بصير معك فائض بالسيولة المالية و بتصير الناس تتدين منك ، اه مهو لا في هدايا ولا مناسبات ولا كل طلعه لبسة جديدة و عزايم.


٩- دايمًا مركز بكل المواضيع العائلية وبتتجنب البهادل المفاجأة من اهلك بسبب سرحانك الدائم والمتواصل.


١٠- مافي داعي لحفظ التواريخ ، اعياد الميلاد ، اول يوم حكتلك بحبك فيه ، اول يوم شفتك فيه ، اول رساله بعثتلي اياها ، ، اول فلونزا وانت جنبي ، بتحس حالك توجيهي بتقدم بامتحان ثقافة عامة !!


انظر الى الجانب الإيجابي بحياتك واقعد واسكت ، ما تهلكنا بجفافك العاطفي💙🌎😂✋

هههههههه وجهة نظر برضو

عوافي ي عسل

ههههههه والله بقرأ ف الحكي وبضحك
لانو مريت بكل هالأمور بفترة من الزمن ^^


يسعدك ربي

شو الكراشات ههههعع ما فهمتها

اغلبها معك معك معك
في شغلات مش موجودة ما بتصير معي وفي منها اه صح