|
هل مساعدة الرجل لزوجته ينقص رجولته أسعد الله أوقاتكم بكل الحب والخير طابت وطاب صباحكم أحبتي في الله أصدقائي وأعزائي وأحبائي الكرام بداية أتمنى لكم السعادة الدائمة والحب والخير موضوعي اليوم لم يأتي بمحض الصدفة ولم يأتي من الفراغ بل لأني دفعت ثمنه باهظاً وأحسست بقيمة المرأة بعدها ومكانتها التي كنت على علم مسبق بها لكن ازدادت وتضاعفت بعدما لامست الألم والوجع والتعب والعناء الذي تتحمله المرأة ولا يشعر به الرجال نعم إنهم الرجال الجاحدون المبخسون المقللون من شئون زوجاتهم ودورها الكبير في سير عملية الحياة هولاء الذين تأخذهم العزة ويدفعم الكبرياء ويظنون سوء الظن بأن مشاركة المرأة باعمال البيت يٌنقص من رجولتهم ويجعلهم متساوون مع المرأة في كل شيء ان ما عانيته اليوم من الأم في الظهر وفي الأطراف وحتى عضلات البطن التي أصابها الألم بعض الشيء جعلني أتحدث عن هذا الموضوع الهام الا وهو مساعدة الرجل لزوجته في أعمال البيت لا أخفي عليكم اليوم جائتني فكرة ان اقوم بكنس وشطف وترتيب المركز بمفردي وشحنت الهمم والبطاريات واخدتني الحمية والعزة لأقوم بهذه الدور والحمد لله تمت المهمة بنجاح ولكن ما شعرت به من ألم ووجع وتعب جعلني أتذكر المرأة وما تقوم به من أعمال شاقة في البيت دون أن يلتفت لها أحد بل وصل الحال بالكثيرين بإتهامها بالتقصير والركض خلف المسلسلات ومتابعة الأفالم ومسلسل مهند ونور قبل فترة كنت مع صديق لي قام بالإتصال بزوجته أمامي وقال لها ألو سخني المي وحضري العشا نص ساعة وهيني جاي وقام بإغلاق الهاتف فنظرت له وقلت له رجال ما شاء الله رجال يا جبل ما يهزك ريح طيب قولها السلام عليكم او مرحبا او كيفك او اي شيء من هالقبيل وبعدها كمل واطلب شو بدك وبالمناسبة هي مخيرة وليست مجبرة على طاعتك وتلبية طلباتك قال لي ها شو بتفكر بتفكرني مرا بتفكرني مرا بروح بغسل المواعين وبجلي وبشطف وبكنس البيت السؤال هل مشاركة الرجل للزوجة في اعمال بيته تنقص رجولته وهل للرجولة اي علاقة بالموضوع ارائكم |
ههههههههههههههه قصي هالموضوع لازم يكرس بالتاريخ قصي بموضوع مع المرأة بعرف انك بتحمللها كل الحب والاحترام بس احيانا بتكون حآمل بقلبك عليهآ م علينآ هالموضوع فعلا كتير مهم وحبيت انك طرحت نقآش عليه كتير من الرجال بشوفوا انه مساعدتهم لزوجاتهم او لامهاتهم بنقص من رجوليتهم مثلا بس الي بفكروا هيك اسمحلي اقلك تفكيرهم تافه وسطحي ولا رح يصيرلك شي ولا لرجوليتك لو ساعدت بشوي ع الاقل من اعمال البيت لانه فعلا المرأة بتتحمل الكتير وبتعمل كتير لحتى تشوف منظر وشكل البيت بالشكل الي انت بتشوفه ولحتى ترجع ع البيت تلاقي كل شي بدك اياه جاهز بالعكس لو سآعدت رح تكبر بنظرها ورح يزيد احترامها لالك اكتر واكتر وانا شخصيا بحترم كتير الشب الي بسآعد واساسا الزواج مشآركة مشآركة بكل شي حتى بشغل البيت شككرا قصي |
سؤال حلو، ويمكن سؤال وجيه، لإني كتير بسمع قصص انه الزلمي بيساعد مرتو عالشطف، وبيجلي عنها الجليات وبيعبي اواعي فالغساله، انا هذا الموضوع كتير بدايقني، لإنه بالنسبه إلي كل اشي بالدنيا في إلو حدود، التعاون اساس العلاقه الناجحه بس مش لدرجة يعمل شغلات هو ما بيفهم فيها بالمره، نقول الطبخ ع سبيل المثال، بالنسبه إلي عادي انه الزلمي يطبخ لإنه في شباب بصيرروا طباخين ومن هالمنطلق بعتبر الموضوع عادي من ناحية الطبخ، اما امور ثاني مثل لمن ابنو الصغير يوسّخ ما بعتقد يقدر يغير لإبنه التحفيظه والمره ما لازم تقبل اصلا ! كتار ممكن يتحججوا ويقولوا "لنفرض مرتو مرضت"، دايما منفرض السلبي ودايما منفكر السلبي، بدون ما نفكر بطريقه ثاني، ليش الدار ما بتكون نظيفه كل الوقت متلا؟ حتى باللحظه اللي بتمرض فيها المره؟ يعني سبحان الله وقت مرضها كل الدار فجأه بتصير وسخه؟ مش لهاي الدرجه، احنا مش عايشين بصحره لحتى كل الغبره تفوت عالدار، احنا من كل اشي دايما منتحجج، وملاحظه صغيري الزلمي يللي بيساعد مرتو عكل اشي، مش رح اقول عندو نقص بالرجوله لإنه ما بيحقلي اشوه سمعته، بيحقلي ما احبش تصرفاتو بس مش من حقي انعتو بنقص برجولته، ورح اكون متأكده من إنه متعلم كل هالاشياء من بيت امه من قبل ما يتزوج مرته، فبالتالي بصير يعتبر موضوع الشغل عادي بالنسبه إلو، إلا بحالات كتير شاذه بضطر فيها الزلمي يساعد مرتو "لمن تعمل سحر" ويصير خاتم باصبعها، انا ذكرت هاي الحاله ما بعرف اذا موجود منها فغزه كونك من غزه قصي، بس موجوده كتير بمجتمعي انا وكتير بدايقني هالموضوع ! لإني بشمئز من الاعمال الشيطانيه وما بعرف القلب بطاوعون. انا عموما مع إنه يساعدها، بس شغله عن شغله بتفرق. شكرا قصي ع الموضوع، واكيد بحكي عن واقع معظم الازواج بمجتمعاتنا. |
اقتباس:
انا عندما أتحامل على حواء لا يعني أنني أنقصها حقوقها وأبخسها مكانتها خواء مهما تحدثنا عنها لن تسعفنا الكلمات لوصفها وستحتار العبارات في رسمها حواء هي أمي وأختي وصديقتي وحبيبتي هي شيء مني شيء لا أستطيع العيش من دونه حواء الرقة وعلامة الجمال الأهم في الحياة حواء هذا الكائن الرقيق والجميل بما يفيض منه من مشاعر وأحاسيس وعواطف وحب حواء زهرة الحياة وربيع العمر وبدونها لا تحلو الحياة في احاديثي السابقة كنت اتحدث عن البعض من حواء وأمقتهم وأقسى عليهم لأنها بأفعالهم وتصرفاتهم يشوهوا صورة المرأة الجميلة ويقتلو الأنوثة التي نعشقها بحواء نرجع للموضوع مرة اخرى b109 ارى انني اتوفق مع رائيك وليس هناك اي إختلاف بيني وبينك ونتفق معاً على أن مساعدة الرجل زوجته في أعمال بيته لا ينقصه رجولته ولا يمت للرجولة بأي صلة بل هي الرجولة بحد ذاتها سرني مرورك ورائيك وحوارك جورية لقلبك |
انت حسيت بالتعب لأنك مش متعود يا عم الحج عارف لو عملت التدريبات دى كل يوم هيبقى جسمك ولا بتوع الجمباز وطبعاً النهاردة على الغدا هتاكل وجبتين زيادة لتعوض الجهد المبذول ههه القصة مش شغل البيت بس ياقصى القصة اننا نحس بيهم نغمرهم بكلمة حلوة بوردة بنظرة مليانة حب وحنان زى المثل اللى ضربته بصاحبك لو قالها وحشتينى قبل ما يطلب تسخين الماى حواء مخلوق سهل ارضاؤه بس احنا نحس بيهم جميل موضوعك اخى |
اقتباس:
سمرة ارائك كثيراً ما تروقني وأنتي اثرتي نقطة بغاية الأهمية وهي ان هناك واجبات وأعمال لا يستطيع أدم القيام بها على اي حال راق لي مرورك هنا واعجبتني واقعيتك الشديدة كوني بخير |
بالعكس ابدا مابينقص من رجولته الرسول كان يساعد زوجاته بالنهاية البيت والاطفال مشتركين انا زوجى جرب يجلى كسرلى نص الجلى جرب يشطف اتزحلقت انا جرب يطعمى ابنو كان حيموت بجد بحكى بس ابدا مو عيب المهم يشارك زوجتو يسلمو قصى |
موضوع حلو قصي مش ضد المساعده بالعكس ازا الرجل فاضي لازم يساعد بس اللي مو لاقي وقت بالمره شو يعمل ؟؟؟، احسن شي يجيب شغاله تساعدها او زوجه تانيه تريحها قصي الله يخليك ويسعك الرجل الله يعينه ضاعت حقوقنا يا راجل المرأه المثاليه لا تقبل لزوجها العمل في الغسيل وتنظيف البيت وترتيبه هههه واساسا لو ساعدناها ما رح نعرف رح ندمر من غير نا نعمر ورح نتعبها اكثر اللي كان يساعد مامته في البيت عادي يساعد مدامته يعني في خبره هههه نحياتي قصي |
بالعكس .. يلي بساعد زوجته بزيد من رجولته .. وغير انو بزيد من الألفة والمحبة بينهم .. المرأة مش رجل آلي تيجي لتشتغل بس .. الرجآل قوآمون على النساء .. انك تساعد زوجتك كزوج او امك كابن هالشي برفع من قدرك ومكانك .. ويلي بعين الله بعينه .. يعني لما ننزنق ويكون شغل كتير علينا واوقات اكون تعبانة بابا بساعدنا انا وماما .. وغير انو لما ماما تكون بدوامها وانا لحالي برتب اخويا برتب معي .. هالشي مش تقليل قيمة بالعكس .. حتى اوقات بابا بقولي اعملي وبساعدك حرام امك بتروح تعبانة وانتي قاعدة ساعدي يعني هالشي كبير كتير وعند ربنا أجره ! وحكيت يلي بعين الله بعينه .. الراجل بيفضل راجل .. والراجل هو يلي بحترم وبقدر وبعين وبساعد .. والهآمل السطحي هو يلي بتأمر بس وما بساعد .. انا هآي وجهة نظري .. ♥ عوآفي لالك موضوع يستحق النقاش ♥ |
| الساعة الآن 06:56 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.