لآ آستطيع آلبوح بقلم آنفآس آلحب

المشاركة الأصلية كتبت بواسطة حبيب العمر

صدقيني وما بدي دافع عن حدا
كل الي حكو عنك مزاجيه او متسرعه او عصبيه
هما معذورين لانهم شافو انسانه بسرعه بتم استفزازها
وما بعرفو جواتك ولا حسو بحزنك ولا بمعاناتك
كل انسان مر باوقات صعبه ويمكن اصعب منك
الفرق انه في ناس بتقدر تداري وما تبوح
وفي ناس قلبهم طيب متلك بتلاقي الفضفضه
هي السبيل لترتاح
كل الكلام الي حكيتيه
بدل على جواتك الجميل
ما عندك لا خبث ولا حقد ولا ضغينه لاي حدا
لهيك ما بتقدري تدافعي عن حالك بتلجأي للتبرير
رح انصحك نصيحه بما انك حكيتي جمله من اهم الجمل
انه احنا منعرف بعض من ورا شاشه كيبورد
لا تهتمي لرأي حدا وحكيتلك هاالشي عده مرات
لانه بكل تأكيد ما حدا بتوجع بدل منك
ولا حدا باخد عنك حزنك ولا معاناتك
الشخص الي بحكي معك وبنصحك هلأ
مر بايام سوده جحيم ما زلت احمل بعض الام من الماضي
لكن انا بقدر اتحكم في نفسي واسعدها
وما اخلي حدا يعرف جواتي الا الي بدي ياه يعرف
اخر شي بحكيلك ياه
الحياه ما بتقف على رأي فلان وعلان
انتي بس الي بتقدري تبعدي الماضي والحزن عنك
وتتطلعي للمستقبل بعيون حلوه
معتمده على الله وحكمته
وما اصابك لم يكن ليخطأك
وما اخطأك لم يكن ليصيبك
كله بامر الله
اسعدك الله خيتي منوش
وابعد عنكِ الهم والغم وسوء ظن الناس بكِ