|
لو سمحتم ؟؟ يسعد اوقاتكم جميعا" ما رح طول بالكلام لاني مش قادرة اكتب كتير اللي عندو وصفة لوجع الضهر يحكيلي اياها او علاجاو اي شي لاني ما عم نام من هالوجع ولا بئدر اشتغل شغل البيت منو ف ياريت تشوفولي حل وعلاج لاني تعبت واللهي العظيم عم اتوجع ولادكتور فادني وكل واحد بحكي شكل عن التاني ومن شوي أعدت اعيط من كتر الوجع حتى المسكن ما الو فايدة |
سلامتك حبيبتي اولا ما إلك غير دكتور مختص وتانية انا نزلت موضوع عن علاج الالم الظهر ألف سلامة عليك حبوبتي |
رحت والله ع تلات دكاترة وكل واحد تشخيصه بيختلف عن التاني هلأ بشوفو الموضوع يسلمو |
رحت والله ع تلات دكاترة وكل واحد تشخيصه بيختلف عن التاني هلأ بشوفو الموضوع يسلمو |
سلامتك اول شيء ومعافية يا رب شوفي انا ححكيكل شغلات ممكن تكون اسباب الوجع لاني بعاني نوعا ما من وجع بالظهر من يومين تقريباً اول شيء والسبب الأول شكلك بتقعدي عالللاب كتير وظهرك بكون منحني ومش مستقيم السبب يمكن عندك التهابات وبدك تعملي تحاليل مشان تتأكدي من هيك شيء والله يشفيكي يا ملاك لا تنسي تدفعي الكشفية عالباب ^ ^ |
الف سلامة عليكي .. ان شاء الله تقومي السلامة .. |
الف سلامة عليكى ملاك اكيد لازمك تىاجعى دكتور وتعملى صورة للضهر وتحاليل وكل شى ببين وانساءالله ربنا يجيب الخير ربنا يئومك بالسلامة |
اكيد في سبب اما بتوقفي كتير باليوم او لما تنامي ما بتتكوني مرتاحه يعني وضعيه النوم غلط في ادويه بتخفف الوجع لكن ما بنصحك فيها بتأثر عالكلى ريحي حالك ولا توقفي كتير ونومتك تكون مريحه والف سلامه عليكي |
اقتباس:
كل استعاملي عالجوال وهاد ما بأثر دكتور حكالي معك شد عضل الله اعلم برضو وبالنسبة للكشفية بدفع المهم اروق واتحسن دفعت كتير ما وقفت عالمصاري |
الف سلامه عليكي حبيبتي المفروض تعملي سي تي لضهرك لحتى تتاكدي انة ما فيك دسك عندك بس كحل مؤقت استعملي مشد للضهر هادا ممكن يخفف وجعك شوي معافايه |
سلامتها البريئه من بعض تخصصاتي الطب هههه اكتر اسباب وجع الضهر هو الاحذيه بنصحك تشتري احديه طبيه وتبعدي عن الكعب المسمار وازا لا بد في كعب عالي في نوعيات طبيه عاليه وبتكون مريحه للقدم جربي لفتره طويله وامشي قدر الإمكان بلا حداء وخاصه على التراب والرمل ما عّم امزح وكمان هاي الوصفة للي ما بيتوجع من شان المستقبل |
حبيبة قلبي ريحي حالك و مآ تتعبي كتير على فكرةة نحنآ جيل معنآ هشآشة عظآم ههههه فشش مرِوّة يسسلم عمركك قيصر مش انآ المريضة هههههه |
أسف. يالبريئه اتنيناتكم متشابهين وخلايله ويسلمك. ربنا انتي والملاك |
اقتباس:
ما تشوف الوجع |
اقتباس:
وشخصوها دكتورين واحدحكالي شدبالعضل والتاني التهاب مفاصل كلهم كزابين |
اقتباس:
والله اخدت مسكنات للضهر ومضادات عالفاضي في منو كلامك بس اللي عندها بيت صعب تريح حالها |
اقتباس:
والدكتور اكدلي فش ديسك واستعملت المشد لفترة وكمان الاربة بالمي السخنة رح ارجع استعملهم |
اقتباس:
شكلك متفق مع زوجي بهالشي هههه من شوي حكالي لا تلبسي كعب لانو هو سبب الوجع انشالله اقدر البس واطي بس بقدرش |
اقتباس:
الله يفرجها بس |
سلامتك ملاك طبعا انا قرات انو فحوصك تمام وماطلع شي والحمدلله لهيك اول شي بدك تعرفي متى بزيد الالم معك ووقتو متى اكتر ليل نهار وقت مابنحمل شي او بعد مانفوق من النوم وعلى اساسو ممكن نغير من طريقتنا واسلوبنا تاني شي بدك تتبعي وسائل وقائية متل مانشيل تقيل مانعمل اي انحناء مؤذي وتلبسي حذاء طبي وتنتبهي لموضوع مرتبة النوم في منها بيكون طبي وجد بتلعب دور كبير . تالت شي بدك تستعملي مهدئات ومراهم مسكنة وتستخدمي كمادات دافئة كمان بنصح تاخدي فيتامينات خاصة فيتمينات الفئة b6,b12 والف سلامة عليك |
عم اخد المسكنات ...بالليل بزيد الوجع لانه الجسم بكون مرتخي رح شوف الفيتامين اللي كتبتو واجربو يسلمو لالك @السماء |
| الساعة الآن 06:24 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.