|
ولا يهمك حبيبة قلبي بانتظارك |
صباح الخير والورد انا قبل شوي صحيت مسكت التلفون ورنيت ع حبيبي بعدها قمت عملت فنحان نسكافيه وشوكولاته وبسكوت مع معاناة كبيرة انو عرفت انام ليلة امس من حرقة المعدة بسبب الحمل |
☆أسمي ☆ تمارة ☆عمري ☆ 21 سنة ☆دراستي ☆ مخلصة توجيهي ☆هوايتي ☆ السباحة ...قراءة رواييات ..تحضير الاكل والحلويات ☆الحالة ☆ متزوجة وولدي قادم بأذن الله ☆ ☆لقبي ☆ أم أحمد ☆اختياري للقب هون ☆ لانو بعبر عني |
انا فتاة تحب المجازفة ومعرفة المتخبي ههههه يعني بتقدرو تحكو المحقق كونان ههههن |
وين تشجيعكم خلص زعلت انا ههه |
تزعليش ي ام احمد انا موجوده يؤ يؤ يؤ كلو ولآ زعلكك آحلآ تمارة وربي العمر كلوو لعييييييييييييييييونكك يعيني عليها الرومانسيةةة سلآمت قلبكك يحبي ما عليك شر |
طفولتي بتزكر كنت شقية شوي ههه صار معاي موقفين وانا صغيرة ما بنساهن بحياتي كلها مرة وانا بالغرفة النوم ما شفت الا الخزانة واقعة وطبقت ع البابين وما عرفت كيف بدي اطلع قعدت ابكي كثير كثير اجا بابا وماما صارو يهدو في ويحكولي هلاء بنطلعك ما تخافي واخوتي يعيطو علي والموقف التاني كنت العب مع بنت خالي سباق كنا نازلين ركاض من نزلة قوية كان الوقت الظهر وقت الغدا وقاعدين عند دار سيدي بحضرو بالغدى وقاعدين بنتسابق انا وياها ما شفت حالي ولا انا ضاربة ب تنك المي هاد التنك يلي بعبو فيه مي وببعوه للبيوت يلي بدها مي ضرية بالحلقة ياي بتتوصل بين التنك ومكان لسواقة نفتح صباحي من الحاجب لجوات ذاني يومها بين العضم يلي بصباحي وعند عيني صرت اصيح واعيط اجو ركاض اهلي وخوالي وماما ونقلوني ع المستشفى ماما فكرت راحت عيني بس الله ستر متزكرة الدكتور من منظر الجرح حكالهم مابقدر اعملهي شي تا اهلي نقلوني لمستشفى تانية وقطب الجرح 36 قطبة قعدة تقريب 10 ايام بالميتشفى وبعدها روحت للبيت كانت امي فحالة محرجة جدا ربي يعوض امي الجنة على كلشي عملتو مشاني هيك خلصن المغامرات هههه |
في كان اليوم عنا حفلة بنحكيلها تعليلة بتكون قبل عرس الشب يلي بدو يتزوج عملنا حفلة وعبينا الحلوة ف لكياس تاعاتهن وكانت سهرة حلوة مع الاقارب وروحت قبل شوي وتعشيت سندوش فلافل من زمااان جاي ع بالي ما بيرضى لا زوجي ولا دار حماي يخلوني اوكل سندش قال بيحكولي كلشي شي في فائدة لحمة او جاج او سمك وبعدها بخلص هاليوم ع خير وتصبحو ع خير وسعادة احللام سعيدة |
|
|
| الساعة الآن 01:55 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.