ضيف برنامج 50 سؤال المدير العام / امير القلوب

08-09-2016

بعتذر عن عدم اكمال فقراتى امبارح
لسبب ...
..

بنبدا نكمل هلئ الفقرة الاخيرة

وهى بعنوان(وجه رسالة لكل عضو)

في البداية الى الفخر والشرف بانو في هالمكان موجود الاعضاء الي ذكرتيهم جميعا سواء بهالرسالة او اعلاه وكل الاعضاء الاخرين الموجودين هون فكلهم مصدر فخر وعزة حقيقة ولنا الفخر الكبير انو هم معنا

ولو شو ماحكيت ماراح اوفي اي حد حقه بتاتا

1- الوطن والغربة

عهدت عليك الصدق وجمال روح كتير كبير فاستمر علي هذا الشي وانت من الناس الي انا بفتخر كتير بمعرفتها وبعتبرك حدن مقرب مني كذالك

كن بخير

2- مـْلہكُہة آنٌآ

عرفتك مميزة و عرفت نشاطك وحضورك واناقة وجودك هون من خلال مشاركاتك ومواضيعك وافكارك الجميلة فكوني كما انتي دايما
واخر موقف ايضا حصل اثبتلي بانك اصيلة وبتحبي هالمكان كتير كتير فكنتي بتستحقي الشكر والثناء عليه وبتمنى بانو تبقي موجودة معنا لاخر نفس

3- @شــام

انتي من اوائل الناس الي اول ماجيت هون كانو تقريبا مانهم متقبلين وجودي الا انو مع الايام تقبلتي بهالشي فلاحظت فيكي وبوجودك رونق خاص مانو موجود عند الكثيرين وانك مزاجية تماما واصيلة وانك قلبك صافي كتير لهيك انتي مكسب لهاد المكان ولاي مكان بتكوني فيه

كوني بخير خيتي

4-رفيقة القمر

رفيقة رغم انها حضرت فترة وجيزة هون وبداية 2016 تقريبا الا انها تركت بصمات كتير جميلة وكبيرة بهالمكان ولازالت مابتتوانى للحظة وحدة انها تقدم الاكثر فالاكثر وفيكي كتير امور بتدل ع انك حمل مسؤولية وعطاء وتميز وبتمنى تستمري ع هالشي لو شو ماصار واكيد انتي تركتي بصمات وحتتركي اكثر من ذالك

ربي يسعدك ويوفقك

5-ريما غزة

الك لمستك وحضورك واناقة لوجودك هون لكن الفترات الي بتغيبيها بتمنى بانو تزال وتستمري بشكل دائم دوم فاحنا بنستحق يانو تعطينا من وقتك شي اكبر من الوقت الحالي

بتمنالك التوفيق خيتي

6-سمايل ننوش

من الشخصيات المؤثرة هون لكن وجودها قل تماما الا انها تركت بصمة وبتمنى الها التوفيق

7-وسام الملك

من اروع الناس الي عرفتهم وشفتهم وتعرفت عليهم بهالمكان بتمنالك الشفاء العاجل وترجع تاني بقوتك واناقتك وجمال حضورك وتكون بينا متل ماكنت وافضل ياعيني

8-أنثى ملائكية

لما بدنا نحكي عن شعلة من النشاط واناقة في الردود والاستمرار في العطاء فلازم نذكر الثلاثي الجميل الي بيبدء بـ انثى ملائكية و عزتي و ملكة فهم تركو بصمة كتير كبيرة بهالمكان بنشاطهم ورح يستمرو فيه علي ماهم عليه وافضل كذالك فبتمنالهم كل كل التوفيق وبتمنى مانفقدهم ابدا بهالمكان

9- @غُرورْ ✿

غرور من اول ماجات لهالمكان كانت ولازالت متميزة .. في كثير من المواقف اثبتت اثبات قاطع بانها تعشق هالمكان وانه الاصالة تنبع نبع فيها وانها مميزة جدا عن الكثيرين .. عندها جمال حضور واناقة وجود كتير كبيرة وجميلة والنا الفخر كل الفخر بانو هي في الطواقم الرقابية بهالمكان وقايمة ع ادائها بكل الخصائص الي بتملكها ..
وصدقا انا اخر موقف صار تذكريه كان بالنسبة لي فرحة كبيرة بردت فعلكـ وانبسطت كتير فيه واعرفت بانو لو انا بيوم من الايام ماكنت هون وحد حكا شي رح يكون فيه ناس كـ الاداريين وامثالك وامثال الكثيرين هون يدافعو عن هالمكان ويحملو عرينه
بتمنى استمرارية وجودك هون لاخر نفس بهالمكان وبتمنالك كل التوفيق خيتي

10- @همسه احساس

من اكثر الناس الي تفاجئت بهم صراحة بهالمكان في الاونة الاخيرة هي همسة .. كانت مخفية خلال الفترة الماضية ونشاطها خافت الا انه بالاونى الاخيرة كانت شعلة من النشاط والاناقة في التواجد والتميز وماقصرت ابدا ابدا بحق المكان والاعضاء فكانت ولازالت تستحق منا كل الشكر والتقدير علي جهودها وبتوقع بانه يكون لها بصمات كتير كبيرة بهالمكان هي والكثيرين من هون

اعجبتني روح التحدي والاصرار عندكـ علي التفوق والتميز وبتمنى تستمري علي هالشي بشكل دائم

بتمنالك التوفيق خيتي

ختاما : كل من يتواجد وتواجد بهالمكان بتمناله التوفيق في قادم الاوقات وباذن الله نستمر كـ يد واحدة واسرة واحدة لنصل الى قمة القمم باذن الله عزوجل

كونو بخير جميعا

وبالختام شكرا كتير ملكة الاحساس علي اناقة هالفكرة وجمال طرحها و ع انك استضفتيني كـ اول ضيف بهالبرنامج والى الشرف الكبير اكيد

تحياتي

ضيف برنامج 50 سؤال المدير العام / امير القلوب

السلام عليكم ورحمة الله وبركاتة مرحباا يا احلى اعضاء منتدى بنات وشباب فلسطين طبعا متل ما حكينا رح نستضيف اليوم عضو ليكون ضيفنا بهالبرنامج ولنتعرف عليه اكتر