| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
مش قادر اوقف ضحك يا جماعه هههههههههه
وحده كاتبه عالفيس دايما بشوف بالأفلام كيف البطلة بتروح بتتخبى للبطل ورا الباب و بس يدخل هو عالغرفة ، تطلعلو من ورا الباب ع أساس تنقزو و
 |
| | LinkBack | أدوات الموضوع | انواع عرض الموضوع |
|
#1
05-20-2016
| ||||||||||||||
| ||||||||||||||
مش قادر اوقف ضحك يا جماعه هههههههههه وحده كاتبه عالفيس دايما بشوف بالأفلام كيف البطلة بتروح بتتخبى للبطل ورا الباب و بس يدخل هو عالغرفة ، تطلعلو من ورا الباب ع أساس تنقزو و تعملو مقلب و يروح هو يمسكها و يحملها و يصير يلف فيها و يصيرو يضحكو و التصوير بطيء و مبسوطين و طايرين و قلوب الحب طالعة من عنيهم ، و بعدين يرميها عالتخت و من كتر ما تختهم ريش و ناعم هي تغطس جواتو و تختفي بين المخدات .. أنا يعني شو ناقصني ؟ هي عندي زوج ، و هيني أنا بعمل حالي زيها هاي البطلة شو بتفرق عني ؟ رحت أول اشي ، طلت قميصو الأبيض من خزانتو ، و لبستو زي ما بالأفلام ، عشان قال أبين كيوت و إني لابسة اشي واسع و هيك و رحت رفعت شعراتي كعكة ، و ساعة و أنا احط حباسات و بكل و أبلو مي ، لحد ما مسكت الكعكة ، لإني صرلي زمان مو مشطتو فماسك مع بعضو زي مكانس القش تاعون زمان .. حلو التشبيه هههههههه المهم كان زوجي نايم و غافي عالكنباي بالصالون ، رحت انا الكيوت الناعمة ، اجيت من بعيد و نطيت ع طرف الكنباي الي هو نايم عليها ، كان كل قصدي بس اخلي ينقز و هيك ، بس بالغلط لما نطيت أخطأت التصويب و وقعت كلي ع راسو ! و بعدين قلبت عالأرض بين الكنباي و الطربيزة ، الله رحمني ما انكسرت رقبتو للزلمة ! طبعا هو من الضربة الي اجتو قام زي المجنون ! أنا رحت صرت أستجمع قوتي زي الي بطلع من جورة و شردت منو عالغرفة ، هو قام و ركض وراي ، أنا كل فكري إنو احنا حاليا قاعدين بنعمل زي الأفلام ، و هو لاحقني يكمل المزحة معي .. و أنا بركض زي العاهة عالغرفة خبط اصبع رجلي الصغير بحفة طاولة رحت من الوجع شقلبت عالأرض و صرت أرقص زومبا عالشقلوب ، اجا هو تعرقل فيني و وقع برضو ، و اجا صباحو بزاوية الباب أنا لسا قال مفكرة حالي كيوت و نغشة و قمت أكمل ركض و بضحك زي الي معها حالة خاصة ، المهم خلص وصلت غرفة النوم و فش مجال اهرب ! اجا زوجي زي الثور الهايج و عنيه حمر و بشد ع سنانو ! حملني و رماني عالتخت ، من حم الرمية خبط راسي بخشبة التخت صرت اولول و من كتر ما فرشة تختنا و الخشبة واحد ، صابني تهتك مفاصل ، تجعلكت كل ملامح جسمي بعدين نزل فيني شلويت و كفوف عالتصوير السريع ، هون استوعبت انا انها هاي قتلة مو مزح و وناسة و ريش بعدين الله يحميه انتبه اني لابسة قميصو ! لما شافني لابستو انجن بزيادة لإنو لسا هسا جايبو من الكوى و بدو يلبسو باجتماع بكرا بالشغل ، راح نزل فيني بوكسات و مسكني من كعكتي و مسح فيني الغرفة لحد ما طلعت الكعكة بإيدو ! و صفا راسي زي فوهة البركان و بس بعدين هدي و راح يحضر اخبار و محكاش معي إلا بعد ما بلشت رقبتو تتحسن و بلش يقدر يحركها بعد كم شهر تحشيش عالاخر هاي الي كتبته اكيد ماخده مخدرات ههههههههههههههههههه المصدر: منتديات بنات فلسطين - من قسم: النكت والطرائف la rh]v h,rt qp; dh [lhui iiiiiiiiii  |
|
05-20-2016
| #2 | |
  
 |
ههههههه ههههههههههههههههه عنجد مووووتني من الضحك بس عنجد ليش عند الاجانب هيك واحنا حرام تعمل هيك لانو البركان لينفجر بوجها هههههن شكرا لك | |
| |
|
05-20-2016
| #3 | |
 careless :|
|
ههههههههههههههْ .. تِستآهلْ المَجنونهْ يِسلموْ مُؤيدْ .. بِجدْ ظَريفةةْ | |
| |
|
05-20-2016
| #4 | |
|
ههههههههههههههههههههههههههه هههههههههههههههههههههه من احشش وادحك ما قرئت هههههههههههههههههه كتير نهفة يسلمو دياتك اخ مؤيد | |
| |
|
05-20-2016
| #5 | |
 
|
هيههي ') و يللي بئئهركك بتححككو ككونننو متتل الآجآنب  ططآي منتتو ملآككمينن مععنـآا  خخلينآ آبككي ففي ههدوء ححآسسهه نههآيتي ح يككونن متل نههآيتههآ لهيكك من هلـآ نآهه ممو ككيوت ننوشش = جععففر و ففي قوهه  يسسلمو ححبيب الععممر عع النهففهه ') وردهه | |
| |
|
05-20-2016
| #6 | ||
| اقتباس:
ههههههههههه كما بتعرفي شو بصير معك بعدين هههههههههه نورتي ابتسامه | ||
| |
|
05-20-2016
| #7 | ||
| اقتباس:
هههههههه نورتِ خيتي | ||
| |
|
05-20-2016
| #8 | ||
| اقتباس:
دوم خيتي تضحكي نورتي غاردينيا زمان عنك يا طيبه | ||
| |
|
05-20-2016
| #9 | ||
| اقتباس:
ههههههههه بتحبي من ورايا هههههههه الله يبعتلك واحد متل محمد علي كلاي يورجيكي نجوم الضهر هههههههه دوم الضحكه ننوش نورتِ | ||
| |
|
05-21-2016
| #10 | |
 
|
مفكرة إلآ عندنآ بالجزئر مآ عندنآ رومنسية  طلعت المشكلة دولية وعربية كمآن  تعآلوآ نستورد شوية رومآنسية من الخآرج عن جد هذي القصة فكرتني بمثل شعبي عندنآ بيقول جآءت تزينهآ بالكحل فعمتهآ علأخر الله يكون معنآ  شكرآ على نهفة حلوة دمت بسعآدة  | |
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أكبر 7 محششين في العرب هههههههههه | احلام مجنونة | استراحة الألعاب | 15 | 10-20-2018 09:52 PM |
| يا هيك الرجآل يا بلآش هههههههههه | حبيب العمر | النكت والطرائف | 30 | 11-22-2015 11:39 PM |
| يا جماعه ادعولنا | فيٓرِوزُ | على الحب نلتقي " التهاني والتبريكات " | 11 | 03-07-2015 09:55 AM |
| هاد ظلم يا عرب والله ظلم هههههههههه | وردة من ذهب | النكت والطرائف | 6 | 01-07-2015 08:00 PM |
| عائلة كسلانة .. شوفوا شو آخر الكسل هههههههههه | فقدان ملطوش | النكت والطرائف | 10 | 03-26-2014 01:42 PM |
الساعة الآن 07:19 AM
