شباب وصبايا ممكن تتفضلوا هون - الصفحة 3

04-17-2016

اقتباس:

المشاركة الأصلية كتبت بواسطة البريئة !

1/ هل في موقف دايما بتتذكريه كان مؤثر في حياتك؟ واذا في شو هو ؟
امم مآ في ببآلي شيء هلأ

2/شو اصعب عمل بتقومي فيه في البيت ؟
اصعب شيء درآسة الأمير

3/ لو كانت زوجة ابنك قاسية مع ابنك من وجهة نظرك ؟ هل ممكن تحرضينه على الزواج من اخرىوتخليه يطلق زوجته الاولى التي تكرهينها ؟
في مثل بيقول ’ ازآ القآضي رآضي نقرتين لعرض الصورة في صفحة مستقلة

ممكن كَ بدآية نبهوو لتصرفآتهآ السيئة لكن ابداً مآ بحرضوو عليهاآ
اساساً مليش علاآقة اناآ

4/ نحن نرى الرجال ...لا يغارون من الرجال ...لا أعلم هل لأنهم رجال والتكوينه الفسيولوجيه ..
أم لأنهم لا يفكرون بهذا الشيء مطلقا وهو (مبدأ الغيره )
نرى في مجتمعنا نساء تغار من نساء ..لدرجة الحسد ...فلماذا الغيره هي التي تسيطر على عقول وقلوب الفتيات على فتيات أخرى !!
هي غيرة أم حب تملك ؟
صح الغيرةة غريزةة بكل انسآن سوآء ذكر او انثى
لكن على اشيآء معينة او من اشيآء معينة
لكن غيرةة البنآت من بعض
هآد دليل على ان النسآء نآقصآت عقل

5/ هل النت في يوم ما خلقلك مشاكل وشو هي ؟
يسس مرةة وحدةة
كتبت اسمي الحقيقي على الفيس بوك
و ولعت معوو زوجي ههههه
بس مرءت على خير و الحمد لله

6/ يقولون أن الحب يعمي الإنسان عن أخطاء حبيبه ...
لكن لو أحببتي إنسان من كل قلبك . ثم تبين لكِ أنه غير صالح , ماذا ستكون ردة فعلك ؟
رح ابقى حبوو و اعمي عيوني عن اغلآطوو
الآ ازآ كآن غير صآلح بمعنى بعيد عن الدين ووو هكذآ

7/ أتعتقدين أن بامكان المرأة أن تحقق ذاتها في الحياة المهنية ؟ ام تفضلي ان تهتم بحياتها العائليه اكثر ؟
المرأةة بتقدر تعمل كتير شغلاآت
لكن مع هيك تقعد ببيتهآ معززةة و مكرمة أفضل لإلهآ

8/ أتشعرين بحاجة ماسة لأن تحاطي بالعطف ؟
اممم مش فآهمة

9/ هل تمنيت ان تكوني رجلا في يوم ولماذا ؟
ابداً ’ و لآ مرةة

10/ متى تكون حواء سبب في بحث آدم عن أمان غيرها ؟؟
الإهمآل ’ وقت تهملوو

11/ ما الذي تخافينه في ومن الرجل ؟
امم مش عآرفة ’ كتير اشيآ
بخآف يكسر قلبي

12/ من هو الرجل الذي لا تستطيع حواء التخلي عنه ؟ولماذا؟
الأب ’ لأن هو ككل شي بعيون بنتوو

ششكراً

الله يخليلك الامير وان شاء بصير بدكتور متل ما بتتمني
شكله زوجك بغار كتير الحمد لله مرقت على خير هههه
شكرا لاجاباتك ووجودك الحلو ميناس
نورتي وانبسطت من مشاركتك بموضوعي

04-17-2016

اقتباس:

المشاركة الأصلية كتبت بواسطة خالد

1/ هل في موقف دايما تتذكره كان مؤثر في حياتك؟ واذا في شو هو ؟
صحيح ..وفاة جدتي الله يرحمها وبعض الشغلات اللي ما بتنتسى
2/نحن نرى الرجال ...لا يغارون من الرجال ...لا أعلم هل لأنهم رجال والتكوينه الفسيولوجيه ..
أم لأنهم لا يفكرون بهذا الشيء مطلقا وهو (مبدأ الغيره )
نرى في مجتمعنا نساء تغار من نساء ..لدرجة الحسد ...فلماذا الغيره هي التي تسيطر على عقول وقلوب الفتيات على فتيات أخرى !!
هي غيرة أم حب تملك ؟
لا فرق بين الغيرة وحب التملك سوى انه لولا حب التملك لما غارت حواء
ام بالنسة للرجال التكوينة الفسيولوجية تعينهم على عدم التفكير بالغيرة لكن هذا لا يدل على عدم وجوده بين الرجال

5/ هل النت في يوم ما خلقلك مشاكل وشو هي ؟
صحيح ...مشاكل كثيرة
مشكلة انتهت عند المباحث ولجان الاصلاح
وشوية كان راح يكون فيها دم ^^
6/ أتعتقد أن بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟
حسب رغبتها ..على ان لا تنسى واجبها المنزلي والاسرة
7/ متى تكون حواء سبب في بحث آدم عن أمان غيرها ؟؟
عندما تتسخط بكثرة وتصبح لا تطاق
8/ يا ترى آدم لو شعر بالتطنيش من حواء شو التصرف يلي ممكن يعمله بالغالب ؟
ما بعرف ..بس عن نفسي بطنش بردوا
9/من هي المرأة التي لا يستطيع آدم التخلي عنها ؟ولماذا؟
المرأة المهتمة فيه وبتحسسه بحنانها وعشقها اله وغيرتها عليه
10/ شو بتعمل لو حواء انجرحت وكنت انت السبب ؟
احاول اعالج الامر فلكل داء دواء والجرح بردوا
11/يقال أن عيون حواء هي أول ما تسحر ادم ما رأيك ؟
ما بعرف اول مرة اسمع فيها لكن عن نفسي اخلاقها ووجنتيها ^^
12/ ما الذي تخافه في ومن المرأة؟
المكر والخبث

يعطيكِ العافية عجبوني الاسئلة

الله يرحمها لجدتك
الحمد لله انه مشاكلك عدت على خير
الله يعافي قلبك خالد
نورت موضوعي بمشاركتك الحلوه
شكرا لالك

04-17-2016

اقتباس:

المشاركة الأصلية كتبت بواسطة حبيب العمر

1/ هل في موقف دايما تتذكره كان مؤثر في حياتك؟ واذا في شو هو ؟
وفاة امي وانا صغير
ووفاة ابوي بين ايدي
الله يرحمهم
2/نحن نرى الرجال ...لا يغارون من الرجال ...لا أعلم هل لأنهم رجال والتكوينه الفسيولوجيه ..
أم لأنهم لا يفكرون بهذا الشيء مطلقا وهو (مبدأ الغيره )
عن نفسي
ما عندي شي ناقص موجود عند غيري اغار منه
نرى في مجتمعنا نساء تغار من نساء ..لدرجة الحسد ...فلماذا الغيره هي التي تسيطر على عقول وقلوب الفتيات على فتيات أخرى !!
هي غيرة أم حب تملك ؟
لا ابدا غيره البنات صفه فيهم
الله خلق حواء هيك
بتحبش حدا احسن منها
تركيبتها الفسيولوجيه هيك
حتى لو شافت بنت لابسه احسن منها بتغار
شي طبيعي بعتقد غيره البنات
5/ هل النت في يوم ما خلقلك مشاكل وشو هي ؟
كل شي ممكن نستعمله غلط بجبنا مشاكل
يعني قال وقلنا وقالت وهيك اشيا تافهه
6/ أتعتقد أن بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟
لو حبت تشتغل هي حره
خاصه لو كان مجالها ضروري
وما بقدر عليه الرجال
لكن انا بفضل تضل ملكه في بيتها
وكل شي بيجي لعندها معززه مكرمه
7/ متى تكون حواء سبب في بحث آدم عن أمان غيرها ؟؟
عند الاهمال وعدم الاهتمام بنفسها ونظافتها
والاهتمام بالاولاد على حساب الزوج
8/ يا ترى آدم لو شعر بالتطنيش من حواء شو التصرف يلي ممكن يعمله بالغالب ؟
حسب مكانتها عندي
مش اي حواء ممكن اعيرها انتباه
لكن عالاغلب طنش بطنش
ملك في التطنيش انا
هههههههه
9/من هي المرأة التي لا يستطيع آدم التخلي عنها ؟ولماذا؟
اختي وامي وزوجتي وبنتي
10/ شو بتعمل لو حواء انجرحت وكنت انت السبب ؟
لو بدون سبب بعتزرلها
لو بسبب بعاتبها وبفهمها غلطها وسبب جرحي لها
11/يقال أن عيون حواء هي أول ما تسحر ادم ما رأيك ؟
اكيد
النظره هي اول الغرام
مش بحكو حب من اول نظره هههههههه
12/ ما الذي تخافه في ومن المرأة؟
بخاف فيها سكوتها
وبخاف منها لما اكذب عليها او اخونها
لاني ما بعرف رده الفعل شو رح تكون

اسئله مختلفه وجميله
شكرا لونلي

الله يرحمهم لوالديك ويطول بعمرك
تسلم مؤيد وجودك الاجمل
حبيت اجاباتك ووجودك
شكرا لالك نورت

04-17-2016

اقتباس:

المشاركة الأصلية كتبت بواسطة m0m3n

اسئله جميلة
ورائعه لونلي

اشكرك عليها
ولي عوده عند تحسن النت

تسلم مؤمن وجودك الاجمل والاروع
بتنور بأي وقت

04-17-2016

اقتباس:

المشاركة الأصلية كتبت بواسطة الملاك البريئ

اسئلة حلوة

برجع بالاجابات بوقت تاني

يعطيك العافية

الله يعافي قلبك ملوكه
ويحلي ايامك
بتنوري باي وقت

04-17-2016

اقتباس:

المشاركة الأصلية كتبت بواسطة ريما غزة

حبيبتي منورة من تاني
واسئلة حلوة
راجعة اكيد

تسلميلي حبيبتي النور نورك
الله يحلي ايامك يا رب
بتنوري باي وقت

04-17-2016

اقتباس:

المشاركة الأصلية كتبت بواسطة hennno

حبيت الاسئلة
راجعةة بالاجابةة

يعطيكي العافية

حبتك العافيه هنوو
الله يعافي قلبك عسوله
بتنوري باي وقت

04-19-2016

اقتباس:

المشاركة الأصلية كتبت بواسطة سمــره

1/ هل في موقف دايما بتتذكريه كان مؤثر في حياتك؟ واذا في شو هو ؟
بصراحه يعني قديش انا إنسانه واضحه بحياتي متل الشمس وقديش عفويه مع اللي قبالي بالحكي بس في شغلات كتير بعتبرها شخصيه اللي بقدرش احكي فيها، يمكن الحكي فيها بوجع القلب، كتير شغلات بشعه صارت بحياتي اللي كلياتون اثرو علي ودايما بأثرو لمن اتذكرون، بكتفي بهالجواب ..

2/شو اصعب عمل بتقومي فيه في البيت ؟
ممكن الشطف

3/ لو كانت زوجة ابنك قاسية مع ابنك من وجهة نظرك ؟ هل ممكن تحرضينه على الزواج من اخرىوتخليه يطلق زوجته الاولى التي تكرهينها ؟
كتير بعدتي بهالسؤال لإني عزابيه ويمكن مطوله لأصير ام ويمكن لاء، بس رح اتخيل واجاوب،
يمكن ابني يكون بحب مرتو فبهالحاله مظنش انو ممكن يقتنع انه يفكر بغيرها حتى لو كانت قاسيه، وانا شخصيا بحبش اللي بتدخل بين اي تنين متزوجين، بس إذا بطلع بإيدي اشي ممكن حاول اعمل كل الاشياء يللي ممكن تحسن من تصرفاتها إلا إذا الاشي زاد عن حدو بظن هوي بحالو مش رح يقبل إنه يستمر معها، بالنهايه القرار برجع إلو واكيد هو مش رح يكون ولد صغير لحتى اي طرف ثالث يتدخل او يقرر عنه، فاتح بيت وواعي وعندو رأي ..

4/ نحن نرى الرجال ...لا يغارون من الرجال ...لا أعلم هل لأنهم رجال والتكوينه الفسيولوجيه ..
أم لأنهم لا يفكرون بهذا الشيء مطلقا وهو (مبدأ الغيره )
نرى في مجتمعنا نساء تغار من نساء ..لدرجة الحسد ...فلماذا الغيره هي التي تسيطر على عقول وقلوب الفتيات على فتيات أخرى !!
هي غيرة أم حب تملك ؟
عندي قناعه إنه الاناث بشكل عام "عقلون صغير" ..

6/ يقولون أن الحب يعمي الإنسان عن أخطاء حبيبه ...
مزبوط ..

لكن لو أحببتي إنسان من كل قلبك . ثم تبين لكِ أنه غير صالح , ماذا ستكون ردة فعلك ؟
ما بعرف إذا بقدر احسّن من تصرفاته لإنه مفش إنسان بقدر يغير طبع الثاني،
عكلن بحاول بس لو شفت إنه مفش امل بهالحاله بفكر اتركه، انفصالنا مش رح يكون نهاية العالم ..

7/ أتعتقدين أن بامكان المرأة أن تحقق ذاتها في الحياة المهنية ؟ ام تفضلي ان تهتم بحياتها العائليه اكثر ؟

بيتها وجوزها وولادها اهم من الشغل، بس يمكن في حاجه للمصاري من ورا حياتها المهنيه،
فا الافضل تهتم لحياتها المهنيه والشخصيه بنفس الوقت بس اهم اشي تعرف تنظم لكل اشي وقته وتخلي بيتها وعيلتها من الاولويات ..

8/ أتشعرين بحاجة ماسة لأن تحاطي بالعطف ؟
عندي اهلي عندي خواتي، بحبوني بهتموا في لإني الصغيري بين اخواتي، دايما بسمعوني بساعدوني، هالاشي بغنيني عن كل الناس وماني بحاحه لحدا الحمد لله ..

9/ هل تمنيت ان تكوني رجلا في يوم ولماذا ؟
لاء ولا مره تمنيت، كتير بحمد اني خلقت بنت ..

10/ متى تكون حواء سبب في بحث آدم عن أمان غيرها ؟؟
وقت الخيانه،
اللي بخون فيوش امان !

11/ ما الذي تخافينه في ومن الرجل ؟

مش عارفه اجاوب، يمكن لإني هالايام مش مرتبطه بحدا،
المفروض اكون عايشه مع آدم لأجاوب ع هيك سؤال ..

12/ من هو الرجل الذي لا تستطيع حواء التخلي عنه ؟ولماذا؟
اللي بيحميها، بغض النظر مين بيكون ..

لونلي كتير حبيت اسئلتك ..

نقرتين لعرض الصورة في صفحة مستقلة

كل انسان عنده اشيا اثرت بحياته وما بحب يحكيها بحترم خصوصيتك اثار
انا عكسك بحب الشطف ههه
حبيت جوابك بخصوص االام وابنها وكمان عمل المرأة بالنهاية اهم شي هي تقدر توفق بين بيتها وعملها
تسلميلي اثار وانا حبيت وجودك واجاباتك
شكرا كتير لالك نورتي

04-19-2016

اقتباس:

المشاركة الأصلية كتبت بواسطة الملاك البريئ

اسئلة حواء*

1/ هل في موقف دايما بتتذكريه كان مؤثر في حياتك؟ واذا في شو هو ؟
موت بابا الله يرحمه
موقف ما بقدر انساه

2/شو اصعب عمل بتقومي فيه في البيت ؟
التعزيل* ولف الورق هههه

3/ لو كانت زوجة ابنك قاسية مع ابنك من وجهة نظرك ؟ هل*ممكن*تحرضينه على الزواج من اخرىوتخليه يطلق زوجته الاولى التي تكرهينها ؟
حتى لو كانت قاسية ما الي اتدخل بحياتهم
يصطفلو
هو ادرى بحياته مني

4/ نحن نرى الرجال ...لا يغارون من الرجال ...لا أعلم هل لأنهم رجال والتكوينه الفسيولوجيه ..

في رجال بغارو من بعض بس بشكل اقل من النساء

أم لأنهم لا يفكرون بهذا الشيء مطلقا وهو (مبدأ الغيره )
نرى في مجتمعنا نساء تغار من نساء ..لدرجة الحسد ...فلماذا الغيره هي التي تسيطر على عقول وقلوب الفتيات على فتيات أخرى !!
هي غيرة أم حب تملك ؟
هاي غريزة بكل نساء الارض
الغيرة
ازا نساء الرسول كانو يغارو من بعض
فما بالك نحنا اللي اقل منهم
الغيرة موجودة كتير بين الصبايا
خاصة باللبس والزواج والامور المالية والجمال

5/ هل النت في يوم ما خلقلك مشاكل وشو هي ؟
اه كتير سببلي مشاكل
بلاها هلأ

6/ يقولون أن الحب يعمي الإنسان عن أخطاء حبيبه ...
لكن لو أحببتي إنسان من كل قلبك . ثم تبين لكِ أنه غير صالح , ماذا ستكون ردة فعلك ؟
اه اعمى
ما بنشوف سلبيات الحبيب او بنشوفها وبنتغاضى عنها
بس ازا اتاكدنا من اخلاقه انه مو منيح يمكن نبتعد بهدوء

7/ أتعتقدين أن بامكان المرأة أن تحقق ذاتها في الحياة المهنية ؟ ام تفضلي ان تهتم بحياتها العائليه اكثر ؟
طبعا بوقتنا هاد تساوت المراة مع الرجل بامور مهنتها
وصار بامكانها توفق ما بين شغلها وحياتها الخاصة العائلية
برايي ما بكون عائق هالشي ادام مستقبلها وتحقيق ذاتها

8/ أتشعرين بحاجة ماسة لأن تحاطي بالعطف ؟
ككلنا بحاجة للعطف والحنان

9/ هل تمنيت ان تكوني رجلا في يوم ولماذا ؟
بصراحة اه هههه
خاصة بمشاوير الافراح بحكي ياريتني رجال
ما بروح عالصالون وبعمل شعره وبقضي اكتر وقته بلبسه ولبس الولاد
هههه
10/ متى تكون حواء سبب في بحث آدم عن أمان غيرها ؟؟
لما تقصر بواجباته
تهمله ما تهتمله

11/ ما الذي تخافينه في ومن الرجل ؟
اهماله وبخله

12/ من هو الرجل الذي لا تستطيع حواء التخلي عنه ؟ولماذا؟
اخوها وابوها وابنها

شكرا لونلي اسئلة حلوة

الله يرحمه لوالدك
ويطول بعمرك يا رب
ذكرتيني بالتعزيل تعالي ساعديني هههه
ضحكتيني ملوكه على انه بتحبي تكوني رجال علشان ما تروحي على الصالون ههههه
حبيت وجودك واجاباتك عسوله
شكرا لالك نورتي

04-19-2016

اقتباس:

المشاركة الأصلية كتبت بواسطة تعب الشوق

انا جيت متل ما وعدتك هههه

اسئلة حواء

1/ هل في موقف دايما بتتذكريه كان مؤثر في حياتك؟ واذا في شو هو ؟
اكتر موقف اثر بحياتي وفات والدتي الله يرحمها لانو كنت انا وهي لحالنا بالبيت ^^

2/شو اصعب عمل بتقومي فيه في البيت ؟
اممم ما في شي معين كلو شغل عادي

3/ لو كانت زوجة ابنك قاسية مع ابنك من وجهة نظرك ؟ هل ممكن تحرضينه على الزواج من اخرىوتخليه يطلق زوجته الاولى التي تكرهينها ؟
يختي وانا شو دخلني
بطيخ ويطبش بعضو نقرتين لعرض الصورة في صفحة مستقلة

4/ نحن نرى الرجال ...لا يغارون من الرجال ...لا أعلم هل لأنهم رجال والتكوينه الفسيولوجيه ..
أم لأنهم لا يفكرون بهذا الشيء مطلقا وهو (مبدأ الغيره )
كيف حكمتي ما بغارو ؟؟!!
بتصور الغيرة فطرة انسانيه ما الها دخل برجل او امرأه
قابيل قتل هابيل لانو غار منو ^^

نرى في مجتمعنا نساء تغار من نساء ..لدرجة الحسد ...فلماذا الغيره هي التي تسيطر على عقول وقلوب الفتيات على فتيات أخرى !!
هي غيرة أم حب تملك ؟
غيرة حواء من حواء شي طبيعي وما بخوف
بحاله انو يوصل لحسد ومرض
وساعتها الله يستر بجد

5/ هل النت في يوم ما خلقلك مشاكل وشو هي ؟
صح / ادمنت النت لدرجة الكل صار يتفلسف علي ههههه
وطبعا حئهم وانا كنت مستاهلةة

6/ يقولون أن الحب يعمي الإنسان عن أخطاء حبيبه ...
لكن لو أحببتي إنسان من كل قلبك . ثم تبين لكِ أنه غير صالح , ماذا ستكون ردة فعلك ؟
دامو اختياري وقله تقدير مني لازم اتحمل النتائج
لهيك انا مع انو الاهل يتدخلوو عند اختيار الشريكك ويسالو وينصحووو ويقوممو بواجباتهم كأهل

7/ أتعتقدين أن بامكان المرأة أن تحقق ذاتها في الحياة المهنية ؟ ام تفضلي ان تهتم بحياتها العائليه اكثر ؟
المرأه اثبتت انها قادرة تكون ناجحةة بكل المجالاات
لهيك لها حرية القرار ان تكون ام فقط او ام وعامله دام هالشي ما بؤثر ع حياتها الزوجيه

8/ أتشعرين بحاجة ماسة لأن تحاطي بالعطف ؟
اكيددد

9/ هل تمنيت ان تكوني رجلا في يوم ولماذا ؟
ابدا / سعيدة كوني انثى ^^

10/ متى تكون حواء سبب في بحث آدم عن أمان غيرها ؟؟
عند اهمالو كزوج وشريكك وكرجل له احتياجاته

11/ ما الذي تخافينه في ومن الرجل ؟
اخاف من الرجل الخيانة

12/ من هو الرجل الذي لا تستطيع حواء التخلي عنه ؟ولماذا؟
هو ادم الزوج الذي يكون بمثابة الاب والاخ والصديق والشريكك والابن برجل واحد ^^

اسئله جدا جميله لونلي

الف عافيةةة

الله يرحمها لوالدتك اسمى ويطول بعمرك يا رب
خليكي بحالك يختي خليهم يطبشوا بعض هههه
انا ما حكمت وما قلت انه كل ادم ما بغار لكن النسبة الاكبر ما بتغار متل ما هالشي موجود بحواء بنسبة كبيره
لهيك انا مع انو الاهل يتدخلوو عند اختيار الشريكك ويسالو وينصحووو ويقوممو بواجباتهم كأهل
حبيت رأيك هون وما في شك انه الهم دور كبير بخصوص هالشي
تسلميلي اسمى وجودك الاحلى والاجمل
نورتي بمشاركتك الحلوه
شكرا لالك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شباب وصبايا	شــام	الـטּـِقآشآتُ الجَّآدة والـפـوَآر..!	40	03-20-2016 08:44 AM
شباب وصبايا ممكن شوي	الملاك البريئ	الـטּـِقآشآتُ الجَّآدة والـפـوَآر..!	15	01-22-2016 01:19 PM
ممكن تتفضلوا وتحكوا رأيكو ، "	رفيقة ٱلقمر	يـوتيوب بنات فلسطين	16	08-05-2015 03:44 PM
شباب صبايا ممكن تتفضلوا..	خواطر الصمت	الـטּـِقآشآتُ الجَّآدة والـפـوَآر..!	28	06-14-2015 11:23 PM
السلام عليكم مرحبا شباب وصبايا	maram.asfoor	مطار بنات فلسطين - ωoเcoмє	54	02-24-2015 03:30 PM