|
مين خسران العضو أو المنتدى ؟؟ شفت موضوع بتسال فيه الاخت " ملك روحي " أيمت بتفكر تترك المنتدى ؟ وحسيت من بعض الاراء انو في ناس مفكرة المنتدى واقف عليهون وبنفس الوقت في ناس شايفين انو المنتدى ماشي فيهون و بلاهون لهيك خطرلي اطرح هالسؤال برأيك لما تترك المنتدى .. مين خسران انت او المنتدى ؟ مع توضيح ارائكم لو سمحتو لي عودة لمتابعة آرائكم :136: |
للأسف أنت الخسران مش المنتدى لو المنتدى بيخسر كان اتقفل زمان المنتدى له حوالي 3 سنين موجود أعضاء كثير بيكونوا موجودين وبيختفوا فجأة لكن هل المنتدى خسر ووقف بالعكس بييجي غيرهم ويمكن احسن منهم وبيستمر المنتدى الحقيقة اللي لازم يفهمها الكل أن المنتدى ما بيوقف على أحد إذا الحياة نفسها ما بتوقف على أحد المنتدى هيوقف على أحد أي عضو لو طلع من المنتدى المنتدى هيستمر وهيجي عضو غيره أنا شخصياً على الرغم من أني أول عضو في المنتدى أو العضو اللي عملت المنتدى لو هالوقت إنسحبت مثلاً أو اختفيت المنتدى هيستمر وهيظل موجود على الرغم من إني أنا اللي أنشأته أو أوجدته لكن لو انا اختفيت المنتدى ما هيختفي ما هيوقف عليا رغم اني السبب في وجوده مفارقة غريبة صح ؟ يعطيك العافية |
اناآ اللي بخسر لأن مش رح تقفلوو المكآن بعدي لكن رح يجي مين يملى مكآني حبيت السؤآل |
المنتدى خسران وسيم لما تكون الادارة مش ناجحة هتلاقي الاعضاء تلقائيا بروحوا شوية شويةة والمنتديآت قائمة ع الاعضاء لولا وجودهم م بكون المنتدى وفي ادارة بتفكر انو مهما عملت الاعضاء هيضلوا متمسكين بالمنتدى صح المنتدى مش بوقف ع عضو بس عضو ورا عضو م راح يضل حدا خاصةة لو كانت الادارة كاتمة ع نفس الاعضاء وبتعرف شو ي وسيم مرة انحكت الي كلمة عن المنتدى هون بس انحكت ضحكت على الي حكاها هلأ عرفت انو كلامه صح شكرا الك |
اقتباس:
نفسي أمنحك وسام أزمة المنتدى راح أحكيلك شغلة افهميها منيح عشان أضل أحبك بدك تلكي في كل الدنيا خدي راحتك الا المنتدى لاتتعدي عليه بلاش أفخخه فيكِ بديش أحكي كتير بس بدي أقلك حاجة المنتدى لو كان فيه عضوين بشاركوا اسمه منتدى ومافي أي موقع موجود بالنت فاضي يعني الشغلة مش بالعدد والمنتدى مابقف ع عضو ولا عشرة تركوه والمنتدى مابخسر العضو هو اللي بخسر وبخسر كتير كمان بخسر علم وفايدة وثقافة ومعرفة وبخسر ناس وبخسر معارف المنتدى عكسه كل يوم بزيد ولو انتي ماعجبك وضع المنتدى بجي غيرك بعجبه أول ماانعمل المنتدى كانوا أعضائه حسب مابذكر كنهم 12 أو 13 وكنا يامحلانا فيه ومكيفين لما كتر العدد صار التذمر والمشاكل وياويلك أشوفك بتتعدي ع المنتدى مرة تانية :18: يعطيك العافية ع نقاشك كماني المزاج وردي لك |
انا بذكر حكيت بالرد جواب لسؤال ملك عمرك فكرت تترك المنتدى جاوبت انه كتير اوقات فكرت اترك مو لانه المنتدى واقف علي ولا لاني يعني فهمان زماني اكيد لا كان جوابي انه لظروف الشخص ممكن يترك وما يرجع لكن كمان ما لازم نستهتر بقيمه الاعضاء الي فيه لولاهم ولولا تعبهم وسهرهم وتفانيهم وحصرياتهم ما كان هالمنتدى بهاي الاهميه لانه كل عضو هو حجر اساس وحجر على حجر ببنو قصر واسحب حجر من القصر بختل توازنه ما بوقع لكن ما بكون جميل المظهر الا بكامل العدد خاصه الاعضاء المهمين جواب نهائي بدون استعانه بصديق المنتدى والعضو خسرانين شكرا زميل :90: |
مآ في أحد خسرآن المنتدى فيه أكثر من ألف عضو فلن يخسر عندمآ عضوآ وآحدآ يرحل والعضو عندمآ يترك المنتدى عن ظروف شخصية أقوى ربمآ مسؤوليآت كبيرة إذآ سيرحل بقنآعة تآمة. فلن يخسر فهو يدرك تمآما المقصد من فعله المهم في النهآية أتمنى من الله أن يجمعنآ ويديم محبتنآ في مآ يرضيه وإذآ إفترقنآ يومآ أتمنى من الله أن يكون فرآقآ طيب ونبقى ندعوا لبعضنآ في ظهر غيب سؤآل جيد كمآني متآبعة هنآ :124: |
نآهه مع التعآدل هيهي adn72 ') مو المنتدى بخسسر و لـآ العضضو بخخسسر ☺ ')) ريأل بخسسر ههيههي :146: ككمآني آحكيلكك إششي اهه ؟ ') لـو عضضو تركك نآهه بححبو ح أزععل عليهه ششآن خسسرت صحبيبتي ؟ ') بسس إنو المنتدى يخخرب ششآن ععضو كلـآ ؟ ') لهيكك دآيمآ بحككي مو فينآ نحككي عضو وآحد يلي بخلي المنتدى ححلو و هيكك $ ') ممكن نآهه غغيب asdw1 تخيل ننوش هيهي وميخرب ععآدي :p يسلمو ككمآني حبيتو السؤال اوكآإ ☺ ')) وردهه |
شوف الجهتين يمكن يخسرو على حسب العضو اللي قدم للمنتدى ممكن يخسر المنتدى عضو هو وقلتو هون ما رح تفرق عالمنتدى لو ترك انه حيخسر بالعكس مرات ترك اعضاء ما الهم لزوم مكسب للمنتدى خصوصا اللي ما قدمو شي حتى لو كان اللي قدموه ردود الردود الها قيمة طبعا على حسب الرد مش على صاحبها اعضاء عملو تصاميم وشغلات وتنسيقات للمنتدى هاي خسارة لانه مش كل الاعضاء قدراتهم بتكون متل بعض انت بتقول مش راح يخسر ازا عضو ترك متل ما حكا احمد وانه ما رح يتوقف على عضو هو ممكن هالشي ازا وجود العضو متل عدمه بس بهاي الحالة اعضاء مثقفة وواعية تطلع من هون بهالحالة كمان بيخسر المنتدى لانه مش كل الناس حتجي تسجل هون بعدو تكون مثقفة وعلى علم ووعي ولما الادارة ما تهتم بالاعضاء وقتها تلقائيا حتخسر اعضاء |
راح احكيلكك شي المنتدى تعريفو شو ؟ ملتقى ثقافي اجتماعي سياسي ... الخ ملتقى للاعضاء والاعضاء هم انت وانا وهو وهي الاساس لاي منتدى هم اعضاء يحبوه ويحسو بالمسؤؤليه تجاهو انا ما راح احكي عن اي عضو عادي سجل وبحح بعد يومين ﻻء .. راح احكي عن عضو اشتغل وتعب بالمنتدى واعتبرو متل بيتو هاد النوع اكيد خسارة للمنتدى بس شو خسارة العضو نفسو ؟ اكيد منا المعلومة لسبب بسيط انو المعلومة بكل مكان موجودة سواء بمواقع تانيه او بالجرائد او بالمجلات او او ... راح يخسر اصحاب وعالم حبهم وجو حلو اتعود عليه بس لفت نزري رد هل كان حبا وهلا فهمت سبب الاهمال والمبررات الي بتحطها الادارة لنفسها لاهمال العضو واعتبارو تحصيل حاصل بس بحب احكيلو صح الاعضاء بتروح وبتيجي بس في اعضاء ما بتكررو وبنضل نتزكرهم بعد غيابهمم وكتار الامثلةة وفي أعضاء فاتو وطلعو وما حدا حس فيهم بسؤالي للاعضاء ايمتا ممكن اترك المنتدى انا ما جاوبت بس هلا فيني احكي لما حس انو وجودي وعدمو منو عامل فرء ساعتها راح ضب غراضي وبححححح يسلمو كماني للسؤال ارق التحايااا |
اقتباس:
رايي من رايك :136: |
اقتباس:
شكرا لرأيك :136: |
اقتباس:
أنا اول شي حابب قول انو كلامي ما ضروري يكون صحيح ولكن عم ناقش برأيي ووجهة نظري فقط . . شوفي زميلة انا ما عندي شك بفشل الإدارة بس انت طلعتي عن الموضوع بنظري لانو حصرتي سبب خروجك بالادارة وهلا صرنا كلنا منعرف انو انت اذا خرجتي السبب واحد ووحيد هو الادارة ثانيا رح ناقشك من وجهة نظرك " سوء الادارة سبب لخروج العضو " صحيح هالكلام بس ما فيكي بعد كل هالوقت تلومي الادارة حضرتك بتعرفي من البداية انو هي سياسة الادارة الموضحة بشكل شفاف و دقيق بقوانين المنتدى والاعضاء اللي وافقو على هالقوانين كل هالوقت ما فيهون اليوم يلوموا الإدارة لانو العقد شريعة المتعاقدين وشكرا الك :136: |
المنتدي عبارة عن اعضاءْ يقومون بطرح المواضيع التفاعليه حتي يستفيدُ الزائر قبل العضو الطارح لهذه المواضيعْ وان كان المنتدي خالٍ من الاعضاءْ فالمنتدي عافَ عليه الزمنْ وسلاماً عليهِ وعلى الحائطْ ما فيه فايدة يعني باختصار العضو هو اللى بمشي المنتدي والخسران المنتدي مو العضو انا ما بخسر اى اشي لانه ما بقبض ولا بصرف منه |
[quote=خَآنَتْكِي عَيْنَآكِي;2010888 يعطيك العافية ع نقاشك كماني المزاج وردي لك[/quote] يا ريت طرحتي رأيك انت ما ناقشتيني انت فقط ناقشتي رأي الزميلة وتين :136: |
اقتباس:
بخصوص كلامكك صح انا لما سجلت شفت الادارة وحبيتها وحبيت تعاملها مع الاعضاء .. لكن الادارة تغيرت :) والله يا مؤمن لو انك اخويا من ابويا وامي م بعزك هالقد ومؤمن عند ابسط مشكلة بروح اله سواء الها علاقة بالمنتدى او حتى حياتي ... وانت ي احمد صح علاقتي فيه رسمية بس بعمره م قل احترام حدا ولا عمره جرحني قدام حدا ممكن لما اغلط بشي ببعت الي ع الخاص وبحل المشكلة مش بحكي قدام الكل وبقل احترامي وهالشي بحترمه جدا باحمد ... اما الادارة الجديدة فلآ تعليق ابدا .. :) بتمنى تكون وصلت فكرتي الك وسيم |
اقتباس:
صدقا قرات 3 ردود فقط وما قصدت حدا معين ثانيا الاستهتار بجهد الاعضاء موضوع آخر معقول سؤالي لهلدرجة عام و شامل ؟ سؤالي كان اذا عضو ترك المنتدى مين خسران العضو او المنتدى ؟ يعني بغض النظر عن جهدو و اذا كان حاطط مليون مشاركة او 100 مشاركة عم ناقش الحالة بشكل عام ماني عم ناقش وضع اشخاص محددين عندون عدد كبير من المشاركات :136: |
اقتباس:
لكن العضو ولو خرج برضاه التام " خسر أصدقاء - خسر جو عام من الإلفة نعود عليه " على اقل تقدير شكرا لرأيك :136: |
اقتباس:
المنتدى ثابت و نحن المتحركون :136: |
العقد شريعة المتعاقدين حبيتها للجملة |
اقتباس:
الفخ يلي بميز الاعضاء من حيث عدد المشاركات او المواضيع او الردود والا كان اعضاء مهمين متل زميلنا الوطن و الغربة ما الو قيمة و في اعضاء اخرين 2- بالنسبة للفخ يلي بيدفعنا نصنف الاعضاء من حيث " القدرة " نواقيع و غيرها في كتير اعضاء تركو المنتدى كانو يعملو شي كتير مرتب متل عازف الاهات او مستر عبود و في تنين كمان نسيت أسمائون و هدول كلون مو على ايامك تركو المنتدى رغم تميزن و مع هالشي المنتدى استمر و ما تاثر بالعكس صار افضل باعضاء غيرون أعضاء بيتميز بثقافتون متل " الاخت عطر الأندلس رحمها الله - هدوء - شموخ انسان - داليا " وكتار غيرون كانو من افتتاح المنتدى شعلة بالذكاء و الوعي و الثقافة و داليا كانت قلم أدبي متميز بالاضافة الى ثقافتها راحو واجا بعدون نبض و انت و ملك روحي و الباقين و المنتدى باقي و ما تأثر موضوع اهتمام الادارة ما دخلني فيه شكرا الك :136: |
اقتباس:
ليش ما ناخد حالات واقعية ؟ انت متميزة أكتر من "رفيعة الشأن" ؟ لا .. ومع هالشي راحت رفيعة الشأن و المنتدى ما تأثر فيها لانو اجيتي حضرتك انت و غيرك عبيتو مكانها ما تفكريني عم اقصدك انا بس عم اطرح امثلة اذا رحتي انت رح نسكر المنتدى ؟ رح يخف تواجد الأعضاء ؟ لا .. شايف كتير اداريين مثقفين و مميزين حابين يترقو وشايف كتير أعضاء عاديين عم يشتغلو و حابين يصيرو مشرفين متل ما صرتو انتو بعد ما تركو الاعضاء القدامي اللي كانو جدا مميزين واجيتو انتو عبيتو أماكنون . . اما من ناحية انو الملتقى مكان بيجتمعو فيه الاعضاء ف هاد أكبر دليل انو خروج عضو ما رح يأثر فيه . . ثانيا برجع بقلك انا ضد تصنيف الاعضاء من حيث المشاركات و التقييم و الردود لانو هالردود و المشاركات و التقييمات و الألقاب ما رح تفيدك لما تتركي المنتدى . . موضوع اهمال الادارة مو موضوعي وشكرا لرأيك :136: |
اقتباس:
وخروج عضو ما بأثر على المنتدى ككل انا من ناحيتي بخسر نقاشات و اصدقاء و جو أخوي و تفاعل و على الأقل تسلايتي بآخر الليل شكرا لمرورك :136: |
اقتباس:
ثانيا فهمت قصدك بس قصدك خارج عن موضوعي صراحة الا اذا حبيتي من خلالو توصلي رسالة و أكيد وصلت مو بس منك منك و من كل الأعضاء لان كل رد دخلتو فيه الإدارة و هذا يعبر عن سخط الرأي العام شكرا لوجودك :136: |
سلام عليكم في البداية يعطيك العافية علي هالموضوع وحاب اترك تعليقي كـ عضو ... اساس اي منتدي بالكون اعضاءه + زواره ! كان فيه اعضاء بيكون فيه نشاط وحيوية اما لو ماكان فيه اعضاء فمانو منتدي اصلا بيكون مزهارية ! لهيك المنتدي بعتمد اعتماد كلي علي الاعضاء والحيوية والنشاط تبعهم .. لكن لما يكون المنتدي كـ بنات فلسطين اوك فيه ناس لاسباب خاصة بتترك وبتعمل لكن القافلة بتسير ومابتوقف الموقع ع حد الا لو كان هالحد مؤثر جدا جدا في المنتدي واعضاءه .. اما تعليقي كـ ادارة .. مابختلف 2 ع انو انا مقصر تماما والسبب بيرجع لانو انا لما شريت المنتدي كنت متفرغ عكس ما انا هلقيت جامعي وبعطي دورات وباخد دورات ويادوب باليوم اشوف الكهربة ساعتين او النت ! لكن بالنهاية مصلحة المنتدي من مصلحتي لانو بالاول وبالاخير بهمني نجاحه مش تدميره والي بيظن او بعتقد لمجرد اعتقاد انو انا بسوي شي بتهدم المنتدي فهوا غلطان لانو انا باحترامي بدفع مصاري عليه شهريا وسنويا ولو بدي اهدمه بسكره احسنلي من دفع المصاري وكمان انا شريته لاطوره وهاد مش اول منتدي ولكنه اخر منتدي الي هاد والي بدو يفهمو الموجودين كتير منيح .. انا بنادم عدل بحبش لا الف ولا ادور المشرفين والاداريين والاعضاء ع راسي من فوق فوق فوق .. لكن ياجماعة من اول ما اجيت ع هالمكان حكيت بالنسبالي القوانين والالتزام فيها اهم من اي شي ! سوي شو مابدك لكن انو تخل بالكلام والقوانين المكتوبة حتي لو كنت مين ماكنت لازم التصرف يكون زيك زي غيركـ لهيك ماعندي امتيازات ولا حد احسن من حد ولا بفضل واحد ع تاني .. وغير هيك انو لما تكون انت مسؤول عن شي لازم تضلك ع هالشي نفسو مش تعمل نفسك وزير ! وبالنسبالي الي مابدو يلتزم بكلام انحكا فمابلزمنا يكون موجود بينا وزي ما الك زي ماعليك وبس تحياتي |
يسعد مساك، من وجهة نظري فش حدا بخسر لا المنتدى ولا العضو، لإنه تنيناتون بكسبوا، العضو بكسب محبة الجميع، بكسب إستفاده ومعلومات عامه من المواضيع، وبكسب صداقات ومعارف، والمنتدى بكسب وجود اعضاء وإداره مميزين ووجود مواضيع ومسابقات وفعاليات مميزه .. فا وين الخساره فالموضوع؟ :137: |
ُ ً المنتدىُ لاُ بيخسرُ ..ً والعضوُ كمآُنُ مابيخسرُ ..ً اينُ ماتجدُ راحتكُ ابقىً ..ً |
أشترك مع أختى / غرور فيما كتبتهُ المنتدىُ لاُ بيخسرُ ..ً والعضوُ كمآُنُ مابيخسرُ ..ً اينُ ماتجدُ راحتكُ ابقىً . |
موضوعك حلو وتصدق زمان بدي اجاوب وانشغلت اعتذر مين خسران بنظري العضو اكيد لانه المنتدي ما يقف علي اعضاء عادي كل يوم في اعضاء وزوار والمنتدي في تقدم انا كنت ادارية بمنتديات اخري وتركتها وقفت قفلت طبعا لا ممكن تتاثر بغياب الشخص لما يكون مكانته عالية واسم له وزن غير هيك المنتدي بضل فاتح وما بيقف علي عضو راح كمان الادارة كتير تغيرت للاحسن وكتير عم نشوف منها تفاعل وتشجيع وتحفيزات بجد هما قربوا منا كتير وكل مشكلة او اي كلمة غير لائقة بكونوا موجودين علطول للتغير للاحسن وفرصة اشكر الاخوة مؤمن والاخ هل كان حبا والاخ خميس علي وجوده هالمنتدي الحلو يلي عرفنا علي اخوة واخوات وصار في محبة وترابط بيننا شكرا منتدانا والله يديمك لنا شكرا زميل :136: |
تمام زملاء بظن وجهات النظر جميعها وصلت بشكل واضح سواء من ناحية الأعضاء او الادارة الجميل ما في كلامك أمير القلوب انو بدك الجميع من ضمنون اصحاب الأسماء الملونة الالتزام بالقوانين مشان ما حدا يفكر حالو وزير العدالة حلوة شكرا الكون جميعا :136: |
| الساعة الآن 07:56 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.