صور من عرس اختي ..

#1 07-13-2015

يسعد مساكوا، كيف الحال؟
مبيرح ويوم الجمعه كان عرس اختي اتزوجت لبلد اسمها دالية الكرمل يللي جنب حيفا،
وكان العرس كتير حلو وحضّرنالو من اسبوع وحابه افرجيكوا كيف كانت الاجواء عنا،
وان شاء الله تنبسطوا بالصور والعقبه للجميع ان شاء الله ..

عدن وساره وحلا خوات بنات اختي، هاي يوم من ايام السهره كنا كل يوم نسهر من الاحد للخميس

ولاد خواتي واخوتي كمان من ايام السهره قبل العرس ..

هاي بنت اخوي كل ما اقلها اعملي لايك بتعملي لايكات تنين مش واحد

ولا اخوي وخواتي مع لايكات، بعرفش شو قصتون مع اللايك =/

حتى وقت الشغل لايك والله إنو جيل اليوم فعلا هههه،
صَبَا بنت اختي وقت شطفنا كل بيتنا قبل العرس ..

شباب العيله هههه، مفكرين حالون كبار عنجد،
من اليمين ابراهيم ابن اختي وبعدين فتيان ابن خوي وبعدين طليع ابن اختي الكبيره وبعدين سعد ابن خوي الكبير

عدن وعهود، عدن بنت اختي وعهود بنت خوي، حبوا يلبسوا زي بعض بسهره من السهرات قبل العرس ..

هون ابوي لمن عمل قهوه مُره قبل العرس وجهزها ليوم العرس وهاي شغلة الزلام دايما لإنون بيفهموا بالقهوه المُره تاعت الاعراس ..

عمل قهوه بكل هالاباريق للعرس كإنو عملانها صعب للقهوه المره هذا يللي لاحظته لإنه بتاخذ وقت كتير "نوعا ما" مع الواحد لإنه لازم يكون في الها طعمه معينه ..

هاي من يوم التزايين زيننا كلنا مع بعضنا وكان يوم سبت من الاسبوع اللي مرق
كنا نتعب من الصغار مفكرين حالون فنانين واصلا خربوا كل التزايين وكنا نتعب منون =/

هالورد الصغير هاي كانت فكرتي، حلوه الفكره صح؟

ساره بنت كتير شطوره واكتر وحده عاقله بالاحفاد، شو بطلب منها دغري بترد وبتسمع الكلمه ..

وكان اضويه بتضوي بالليل يللي مبينين فوق، عنجد كان اشي حلو ..
هذا تراكتور لأبوي عشنو فلاح بس طبعا نزلناه ع الارض وقت اجا يوم الجمعه لإنه هون كان العشا ..

اخوي الكبير وجوز اختي كانوا يحضروا عالطاوله "كبه" اكله مشهوره عند الدروز،
وكنا نعمل اكل لكل العيله كل يوم من الاحد للخميس ..

وواحد من الايام عملنا جاج مسلوق مع بهارات وفطاريش وزتون ورز

ويوم جاج مقلي مع رز وسلطه عربيه

ويوم كباب مع سلطات ملفوف ومكابيس

ويوم ورق دوالي

وهون بلش العرس كان يوم جمعه، وكان تحضير للعشا بالليل
وكان العشا تحت الدار يعني تحت بيتنا عشان لإنه وسيع كتير وبيوسع وكل مناسبه بتصير منعمل تحت الدار وكانوا شباب ونسوان العيله يشتغلوا ..

وهون كان التحلاي بعد العشا
هون للنسوان

وهون كان للزلام

ساره وحلا بنات اختي من يوم العرس يوم الجمعه
هاي ساره يللي حطيت مره صور لعيد ميلادها إذا لسه متذكرين

نرمين وملك بنات خوي من يوم العرس يوم الجمعه

عهود اللي لابسه بنت خوي وعدن اللي لابسه احمر بنت اختي من يوم الجمعه

هذا اخوي الثاني الغالي مع ولاده من يوم السبت مبيرح، دايما بلبس نفس اواعي ولاده
بس ولا مبين عليه كبير لإنه عمرو 43
حبيبي اخوي ابو الشُكُر

هاي امل من يوم السبت بنت اخوي يللي بالصوره اللي فوقها

ساره القمره ست البنات بنت اختي من يوم السبت مبيرح

وهاي خالتي الغاليه علينا ام حمودي مسلمه من سخنين،
هي وزوجها صحاب هني واهلي من الروح للروح وصرلون اكتر من عشر سنين بعرفوا بعض ودايما بتيجي لعنا مش بس فالمناسبات متل الاخوه،
وزوجها طباخ وهو يللي طبخ يوم الجمعه وقت العشا ودايما منجيبو ع عراسنا، ولا يمكن نجيب غيرو يللي بيحب يعرف اسمه عشنو طباخ مشهور ومعروف بالشمال عمي "علي الداور ابو حمودي طربيه" من سخنين ..

وهون لمن اجو اهل العريس واخذوا اختي مبيرح بحسب العادات عنا ..

وهيك خلص العرس،
كان اسبوع متعب بس انبسطنا كتير وكيفنا كتير،
بتمنى تكونوا انبسطتوا بالصور، والعقبه للجميع ان شاء الله ..

المصدر: منتديات بنات فلسطين - من قسم: عـدسـة الأعضاء

w,v lk uvs hojd >>

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية حب من أيام الطفولة \بقلم اختي	آسطورة..!	قصص أدبية , روايات , حكايات , تاريخ الأدب والأدباء	98	04-20-2015 01:44 AM
الى اختي مستخدمة الانترنت	maram.asfoor	▪« قطوُفٌ دَآטּـيَة ]≈●	12	02-14-2015 10:25 PM
اريج الشوق مبروك اختي	وطــن	على الحب نلتقي " التهاني والتبريكات "	32	01-17-2015 05:32 AM
احبي انوثتكِ/ اكسسوارات جميلة	♥ ♥ روحي وروحك♥ ♥	حـواء وأنـاقتها	17	09-02-2014 10:36 PM
انا الذي نظر الأعمى إلى ادبي	جـُ الحٌزن ـود	الــشعـر والـشعـراء	5	07-14-2014 09:54 PM

صور من عرس اختي ..

يسعد مساكوا، كيف الحال؟ مبيرح ويوم الجمعه كان عرس اختي اتزوجت لبلد اسمها دالية الكرمل يللي جنب حيفا، وكان العرس كتير حلو وحضّرنالو من اسبوع وحابه افرجيكوا كيف