|
طفولةة يلاا رح ابلش القصةة *,* جزء 1 كل واحد طفولتو فيه شي ما بنسا , ومستحيل ينتسا , حتى كل الهبل الي فيها , ضرب المعلمين النا , ههههه القسمة الطويلة ! مين منا ما حكا انها بتشبه اشارة قناة سيبستون ؟ طيب فيه حدا منا ما بعرف سالي وما بكا معها ؟ ما حدا فينا صح !! طيب ماشي ليه لما نكبر فيه منا ناس بتنسا كل هاد , بتنسا كل طفولة او براءة كانت بطفولتنا وبتصير احقر منها م فيه ! بتزكر اول مرة قملت فيها كانت بنت عمي عم تلعب معي بالتراب , كنا بنحطه بسطل وبنرميه ع راسنا , لصف تاسع وانا هيك عايشة احلى حياة , لاني وحيدة اهلي وما عندهم غيري بس فجأة كل شي اتغير , يمكن لانه كل هالدلال راح يروح لغيري ؟ انا يلي بعرفه انه ماما بعدي مرضت وما قدرت تخلف مرة تانية ! وعاشت هي وبابا قصة حب , خلته ما يحب بعدها اصلا وماما لهلا احلى من اي بنت اصغر منها بعشر سنين , بس اوقات الانسان بتغير بيوم وليلة , بغير كلشي فيه حتى افكارو ونظرتو للعالم ......... بابا فجأة صار بده ياني اتعود ع اخي ! اخي الي ما شفته ببطن امي , ولا طلعت انا وماما ع السوق لنجيب اغراضه , وما نقيت اسمه انا يم فجأة من يوم وليلة بتجيبلي ولد عمره تلت سنين وبتقلي هاد اخوكي ؟ المفروض انا اتحمل هالصدمة ! المفروض امسكه واحضنه واحكيله وين كنت ؟ اتعود كيف بده يحكي اسمي ويتعود علي ! ويفوت ع غرفتي ويقتحم هدوء بيتنا بصوت صراخه مشان اي شي تافه ؟ وقديش كان صوت صراخه عالي , ولا احلى شي انه لهلا بخاف ينام لحاله , ماما اكيد ما راح تتقبله , صار المفروض ينام جمبي صح ؟ يا الله كيف هيك انا بدي اتعود عليك يا جود , طيب ماشي ...... جود اقعد نام هون , بتطلع فيني ببرائة , يافا بدك انام لحالي اليوم ؟ اه ليه انت دايما كنت تنام جمب حدا يعني ! صفن فيني وحكالي لا ما كنت انام جمب حدا لانه ما كنت اعرف انه فيه الي حدا بس هلا انا الي انتي ! انكسرت , حسيت حالي مسؤولة عنه , ما بعرف كيف ضميتو , حكتله اه انا الك لا تخاف , حكالي طيب خليني انام جمبك ! حضنتو ولا هو بده سمسم , بتعرفو سمسم ؟ هاد دبدوبي الي عاش معي 16 سنة ههههههه ما عمره حدا مسكه غير ماما لما كانت بدها ياني اصحا تيجي تشيله من ايدي انا اقوم متل المجنونة ! اكككمل ؟؟ |
جزء 2 المهم اعطيته ياه , ونام , قام بنص الليل صحاني بده مي , طيب ماشي يا جود اتفضل هي مي ! لما ماما اجت تاني يوم تصحيني انصدمت انه كان جمبي , حكتلي يافا كيف بتنامي جمبه ؟ حكتلها ما قبل ينام لحاله ! سكتت ...... حكتلها ماما كيف اجا عنا هاد , هو جد اخوي ؟ كمان سكتت , اتطلعت فيها وحكتلها ماشي خليكم خبوا عني كل شي كاني لسا صغيرة ! اصلا عادي احلى يصير عندي اخ صغير ماما ابتسمت شوي , حكتلها بتحبيه ؟ حكتلي ما حدا بكره طفل صغير ! بس بضل ..... وسكتت , معقول هو ابن حرام ؟ او يتيم ؟ او ضايع من اهله ! ما اجا ببالي الشي الي سمعته من بابا وماما , كانوا بتخانقوا بالهمس , لانهم ما عمرهم اتخانقوا قدامي اصلا ! كان بقلها انا كان نفسي بولد , وهي بتبكي وبتقله انت وعدتني ما تحب بنت غيري ! حكالها انا ما حبيتها انا تزوجتها ع سنة الله ورسوله , البنت هلا برحمة ربنا ما بنفع تدعي عليها , سامحيني , وسامحيها ! ماما حكتله انا ما راح اسامحك , الولد هاد شو ذنبو يعيش من دون ام ؟ حكالها بابا انه امه مرضت بالسرطان وتوفت ما لقيت احن منك تربيه ! ماما سكتت وانا انصدمت , دخلت ع الغرفة اتطلعت بـــ بابا وماما عرفوا اني سمعتهم ! بعدين حكتلهم كنتو ناوين تخبروني ؟ بابا حكالي يافا هاد اخوكي وانا ابوه ديري بالك عليه , حكيت لبابا الا انا اول ما شفتو حلو عرفت انه اخوي لانه بشبهني بابا ضحك وقلي بس اوعي يصير لسانه طويل متلك , ضحكت معه وطلعت بسرعة لانه كان جود بنادي علي وببكي اكيد صحي من النوم ! نزلت لقيته عاملها ع حاله , وع تختي ! اضربه ؟ بلشت بدي اصرخ ! اجا بابا بقلي انا اسف بس هو لما يخاف هيك بصير فيه بابا طلب مني اوعدو اني ما ازعل جود لانه يتيم الام , سكتت وحكتله حاضر قمت نظفته وعزلت غرفتي كلها وهو قعد يساعدني ! لا هو كان يخرب باغراضي -.- ويقلي يافا هاي حورة ؟ اه حومرة هاي ! حطيلي مكاكير !!! مناكير اسمه ههههههههه واحطله مناكير ! حسيته اختي الصغيرة ! مزكاه كان جدا بريئ اكككمل ؟؟؟ |
ههههههه كملي |
هههههه حاضر |
بدوون ما تسألي وليي ... أكييد كملييي ههههههه |
جزء 3 صار متلي بحب يسمع ماجدة الرومي ! واحطله اغاني ويرقص , بس كنت امرض الاقي فوق راسي بقلي يافا يييي عليتي حرارة ! ولما تسأله لما تكبر شو راح تصير ؟ بقلك دكتور ابرة ! يا الله محلا الاطفال بس لهلا ماما مش متقبلته وما بدها ياه ! هي ما كانت تبين هالشي قدامنا بس كنت احس لما يبكي ما تقوم تشووفو , حتى كنت ما اسدق اروح من المدرسة لاشوفو , وخلي ينام متاخر مشان لما اكون بالمدرسة يضل نايم ويصحا ع وقت جيتي , مرقت سنتين وهلا هو روضة , بدي احطه بروضتو ولما اروح اروحو معي , كل يوم لما كان يروح يجي يقلي عن اصغر التفاصيل الي صارت معه ! كان يضل كل يوم يقلي عن صاحبتو الي هناك , اسمها كان فجر , كنت اقله جود اسمها مو حلو , يهمسلي ويحكي لو تشوفيها بتكيفي عليها ولك ! هههههههههههه كيف الصغار بحسو , حكتله خلص بكرا لما اجي اروحك فرجيني ياها , قلي ولك هي اخوها بيجي بروحها قبل ل انتي تيجي ب نص ساعة ! انا هلا توجيهي , وبدرس , وجود فوق راسي وما بسكت , عم اعمله الارقام وبدرس ثقافة عامه ! يجي يقلي شو حفظتي من الهاشميون , حكتله ولا شي هات بوسة بقلك , يجي يقلي هاي ضمة كمان بس انجحي مشان اشوف الجامعه كان يدخل حاله بكلشي بخصني باليوم التاني كنا مبلشين تجريبي , لهيك روحت لاجيب جود بكير بس الصدمة اني ما لقيته بالروضة ولما سألت المعلمة عنه حكتلي هو المفروض يكون بستناكي هون ! ما بعرف وين راح , لا اراديا صرخت فيها وحكتلها كيف يعني ما بتعرفي وين راح احكيلي ! سكتت وحكت يلا ندور عليه , كان فيه دكانة جمب الروضة وفيها بنت صغيرة مع شب ! حكتلي المعلمة هاي فجر اساليها عنه ! لما شفت وجهها نسسيت جود يا الله اية من الجمال , لا ويسعد قلب اخوها محلاه ! بقلها انا اخت جود بسرعة عرفتني بتقلي انتي يافا حكتلها اه بقلها وين جود بتقلي هيو جوا بده يجيب شي زاكي ويجي ! بس اجا جود حكتله اول مرة واخر مرة بتطلع من هون قبل لاجي ولا اخو فجر بقلي انا الي طلعتهم وكل يوم بشتريله وبرجعه لا تخافي عليه ,,, يما محلاه يما , حكتله شكرا ورحت اجا قلي اخوكي كتير امور ... اكككمل ؟؟؟ |
اقتباس:
ههههههه تيب |
لما قلي هيك ما بعرف شو صارلي ههههههه المشكلة هو ما قلي #بحبك ! بس قلي اخوكي امور وانا صرت زي الهبلة , وجهي احمر , ضل ماشي معنا للبيت وطلعوا ساكنين بالشارع الي قدامنا , حتى انه اسمه سيف , فديت قلبه بس ... المهم روحت ع البيت ومسكت جود من دانه وطلعت فيه ع الغرفة , سألته بما انه فجر اخوها هالقد امور ومزوق ليش ما بتعرفني عليه ؟ هو سكت وصار يضحك , قمت انا درست وهو ع اساس بحفظ الخمسة كعكة ول 6 بتسلم ! يا الله شو مزعج بس مش مشكلة لازم اتحمله الي مصلحة معه هههههه قمت ادرس وقال شو حطيت اسم سيف ع الكتاب وانه يعني انا هسا بلشت اعشق العشق الممنوع زي البنات الهبايل ! قام سيف قصدي جود بقلي بدي انام ! , حطيته بحضني ونام وانا كملت دراسة لامتحان بكرا ! وخلصت دراسة ع الفجر ورحت ع الامتحان وانا مسطلة وكنت بس بدي انام جيت روحتو ولقيته مع فجر وسيف اول ما اجيت جود النوري بصوت عالي بحكي لسيف : عمو سيف : اختي طول امبارح وهي بتقلي بما انه فجر اخوها امور وهيك حلو ليه ما عرفتكم ع بعض من زمان ! عمو اتعرف عليها هي امورة صح عندها سمسم وبنام جمبها كل يوم بس عادي واه هي بتوكل كتير ماما بتقلها دايما انحفي ! انا وقتها كنت نعسانة بس هيك صحيت فجأة , صحيت وانا نفسي امسك جود واولع فيه ! لا وسيف بتطلع وبضحك وما بدي يبين انه هو فارط ضحك هيك , وجهي صار الوان مش بس لون واحد , خف عقلي يا الله يا جود شو عملت ! اجا سيف بقلي كيفك , حكتله منيحه , بعدين جيت بدي اقله انه هاد جود كزاب بس هو حكا قبلي اخوكي كتير دمو خفيف انا سكتت وحكتله اه وبده دبح كمان .... هو ضحك , دخلنا ع الدكان واشتريت اشياء كتير ولا سيف بقلي شكلك جد بتاكلي كتير ! ضحكت وحكتله لا والله بس لانه توجيهي وامتحانات وهيك , هو سكت وصار يضحك وقلي الحساب علي , حكتله لا بس هو هيك صار نشمي وما رضي قال ادفع ! واول ما روحنا ع البيت جود بحكي لامي انه سيف اخو صاحبتي دفع عن يافا ي شيييييييييييييييييييييييخ !!!! اكككمل ؟؟؟ |
لك كملي دبه هههه |
ههههههه حاضر |
جزء 5 المهم , امي اصلا شكاكة , بلشت تحقق ! مين هاد ؟ وكيف يدفع عنك ؟ وكيف انت تقبلي ! غمزت جود ليقلها انه هاد معه بالروضة وانه انا الي اشتريت اله ولفجر ولسيف ! اجا جود بحكيلها خالتو لا لا انا بمزح معاكي , راحت امي ضربتو كف ! بتقله مينن انت لتمزح معي وتخترع كلام ؟ انا انصدمت , وجود بلش يبكي ! كيف ماما ضربتو وليش وشو السبب ,لهلا ماما بتكرهو ؟ طلع وسكر ع حاله الباب , ما كان بدي بابا يرجع من شغل ويعرف انه جود انضرب لانه راح يعملنا مشكلة ! ضليت وراه ليفتح الباب وما فتح ! جود بجبلك شوكلاتة جود انت بتحب السوس مو ؟ وهو يبكي بحرقة من ورا الباب وما قبل يفتح , رحت حكتله ازا بتفتح بنطلع عند فجر , راح فتحلي الباب وهو ببكي وبقلي جد بنروح ؟ انا صرت اضحك وحكتله اه بكرا , اجا حضني وحكالي ليه ضربتني ولله ما كان قصدي ازعلها ! انا حكتله ولك سامحها هي مش قصدها اجا قلي لو عندي ام ما حدا بسترجي يعمل فيني هيك! حضنتو بقوة وحكتله لا تحكي هيك انا امك , وقعدت ابكي معه , اجا بابا علينا بقلي مالكم وجود ليه ببكي , حكتله ما فيه شي بس مشتاقين لبعض اليوم التاني كنت واعدة السيد جود انه احكي لسيف نلتقي بالحديقة ويجيب فجر ويلعبو سوا ! يا الله بحكي بعقلي هلا الشب بفكرني بحبه ;( والله انها فضيحة ! جيت ما بدي احكي ولا جود اجا بقلي قدامهم ولك يلا احكيلهم السر احكيلهم ! فجر بتحكي لجود اه يلا احكو لسيف ! طلعوا فجر وجود متفقين , يا هملالي , ولا انا جيت بدي احكي ولا فجر سبقتني بتحكي لاخوها بدلع بدي اليوم نروح ع الحديقة لانه جود ويافا حيكونو هناك ! حضنها وقلها بنروح ليه لا ! واتفقنا نلتقي وروحت ع البيت وانا بالي مشغول شو لازم البس ! اكككمل ؟؟؟ |
كملي ولي |
جزء 6 المهم , ضليت ساعة وانا بغير لبسة ! كل شوي احكي لجود حلو هيك ؟ ولا هاي احلا ؟ وهو منمدج معي وبقلي حطي حطي مناكير هههههه المهم جيت بدي اطلع ولا امي بتقلي وين رايحين ؟ لما شافها جود اتخبا وراي وحكتلها بدي اروح العبه بالحديقة وادرس شوي ..... حكتلي طيب لا تتأخري , واحنا ماشيين جود بقلي منيح انك ما حكتيلها اني بدي اشوف فجر ككان ما قبلت , ضحكت عليه وحكتله يا ازعر الكزب عيب بس انا مجبورة هلا مشانك بس قلي بتعرفي انا مستحيل الاقي اخت متلك ..... سكتت ومشينا وصلنا هناك لقيت جود بتعمل باي النا وسيف ماسك موبايلو وقاعد , بس وصلنا قام وحكالي اهلا وسهلا , قعد ع الكرسي , وحكالي اقعدي , وقعدت ضليت ساكتة اجا سيف حكا لجود انت هلا زلمة وبدك تدير بالك ع فجر اوعك تضيع منك , جود قله ولو , حسيت جود متغير بحاول يثبت وجودو ورجولتو قدام سيف مشان يحبو ! المهم , قعدنا وسيف بلش يسألني عن دراستي وهيك سألته انت كم عمرك ؟ قلي 23 سنة , اتخرجت جامعة من سنة وهلا بشتغل بشركة ! حكتله وهالشركة بتسمحلك تطلع وقت ما بدك ؟ قلي اه ما هي شركة ابوي ! فكرتو بمزح بس طلعت جد شركة ابوه , قعد يسألني شو نفسك تدخلي بالجامعة وهيك وحكتله انو نفسي ادرس صحافة واعلام , قلي ليه بتحبي تكتبي انتي ؟ حكيتله اه ! بقلي فيه حدا بشوف ! حكيتله لا ! قلي طيب فرجيني , حكيتله المرة الجاي , قلي طيب اوعك تنسي , سكتنا وفجأة سمعنا صوت صراخ ..... اكككمل ؟؟؟ |
كملييي |
جزء 7 قبل الاخير *-* لما سمعنا صوت الصراخ قلبي قبض ! ما بعرف شو صار , بس هالصوت بشبه صوت جود , قمت بصرخ بحكي لسيف مال جود ! ولا هو بقلي اهدي , راح سيف ليشوف وانا ببكي , رجع لقيته حامله ع ايد وكل ايده دم , وفجر وراه بتقله ما مات صح ؟ انا ما قدرت اتحمل اغمى علي بسرعة ! ما صحيت غير بالمستشفى وجود ع التخت الي جمبي وسيف وفجر قاعدين جمبي , صرت ابكي بقله ايش صار ؟ ولا اجا سيف قلي ما صار شي , بس جود وقع والحمد لله اجت ع خير ! حكيتله شو صارله ! قلي انه ايده انكسرت وكمان راسو انفتح وقطبوه 6 قطب ! انا صرت ابكي , حكالي اهدي هو منيح اليوم بروح ع البيت وبتناموا جمب سمسم ابتسمتله بعدين حكيتله كم ساعة ؟ قلي سبعة , حكيتله يييييييي احنا من ل 3 طالعين هلا ماما بتكون ماتت خوف علينا فعلا لما رنيتلها كانت بتبكي وبابا مش تارك حدا غيير سائله عنا اجت هي وبابا ع المستشفى , بس اجت ما ركضت لعندي ! راحت لعند جود وقعدت تتفقد فيه وتبكي , حضنته وحكتله ابني , يا روحي شو صرلك جود بقلها انتي امي صح ؟ بابا ضحك عليهم , وبعدين حكا شو فيه سيف قله عن الي صار , حكيت لسيف هلا اهلك بكونو بدورو ع فجر ! حكالي حكيتلهم انها معي , لما روحنا ع البيت ماما قعدت تسالني ع اساس سيف روضة ؟ رايحة تلتقي فيه هناك ! ضحكت وحكيتلها ما التقيت فيه فجر نادته لانه الحديقة جمب بيتهم كانت سكتت مع انه كان مبين عليها مو مسدقتني ! وطلبت جود ينام عندها اليوم , لما دخلت غرفتي لحالي حسيت بفراغ يا الله هاتو جود اكككمل ؟؟؟ |
كملي |
جزء 8 والاخيييير *-* #بحبكالمهم بلشنا وزاري , وجود عطل عن الروضة وبطلت اشوف سيف انشغلت شوي لانه كان عندي امتحانات بس لما عطلت صرت افكر فيه كتير , كل يوم صرت اروح ع الحديقة مع جود , هو بده فجر , وانا بدي سيفي المهم باخر يوم اجت فجر بس لحالها ! كنا صارلنا شهر و 10 ايام مش شايفينهم لما اجت انا فرحت فكرت سيف معها , بس ما اجا , ضلت تلعب مع جود وقبل لنروح حكيتلها وين سيف ؟ حكتلي بالشغل ! حكيتلها طيب ماشي , واحنا مروحين جود بقلي , فجر ضلت تحكيلي انه سيف بحكي لامه انه اخت جود صاحب فجر كتير امورة اخطبيلي ياها ! انا اتطلعت فيه بنص الشارع صرخت بقله احلف ؟ احلف ! صار يضحك قلي بمزح معاكي , انا اعطيته شلوط وكملنا مشي كان نفسي اخنقه بس حرام فك الجبصين عن ايده جديد , المهم , طلعت النتائج , ونجحت , ولا موبايلي برن كان رقم غريب ! رديت واذ به سيف *.* طبعا حكيت مين معي ؟ حكالي سيف حكيتله مين سيف ! حسيته انحرج هههههههه ولا بقلي انا اخوها لفجر , حكيتله اممممم اه تزكرتك اهلين , بقلي كيف نجحتي ؟ حكيتله اه , حكينا شوي وبعدها سألته من وين جايب رقمي ! ضحك وحكالي وقت ما وقع جود رنيت من موبايلك ع رقمي واخدتو , انتي ما كنتي صاحية اصلا انا حكيتله اه بس عيب تمسك موبايلي من دون اذن , قلي كله موبايل ابو لوكس يعني ما عليه صور , صراحة افحمني ! هههههههه المهم حكيتله ماشي حكالي بنفع بكرا اشوفك بالحديقة ؟ حكيتله وفجر معك ؟ قلي لا لحالنا , حكيتله بحاول , قلي بعرف انك جاي انا ع 4 بكون هناك , انا رحت ع الاربعة ونص ولقيته بستنا طلع جايبلي معاه هدية نجاحي , اه كانت باقة ورد التوليب مع بعض الخزامى وكمان الياسممين وعباد الشمس وورد احمر وكمان زهري ههههههه المهم انا ما بفهم بالورود كتير بس نفسي حدا يهديني ورد "مروة" ما علينا اكملكو , قعدنا نحكي وهيك وباركلي وحكيتله ليه مغلب حالك قلي غلبتك راحة ! بعدين صفن فيني قلي بدي احكي معاكي بموضوع حكيتله اي اتفضل ! قلي انا هلا بدي اسافر ست شهور ولما ارجع بتكوني خلصتي امتحانات حكيتله اه , قلي انا ي بنت الناس بدي ياكي بالحلال , وارجع والاقيكي ونخطب , انا صفنت ! قلتله انت صدمتني وانا ما بقدر اعطيك قرار قلي ما بدي منك قرار انا بعد ست شهور راح ارنلك ونلتقي بنفس المكان وقتها بتحكيلي رأيك , بس بدي اقلك انا وبدي ياكي ع سنة الله ورسوله ! ما طلبت منك لا نحكي بالسر ولا نلتقي بالسر ! المهم سكتت وقلي خلص بدي اروح وراح , بعدها ضليت مشغولة , بامتحاناتي , وهيك ونجحت وما صار احداث بس لما كنت اروح واشوف فجر بالروضة لحالها وما اشوف سيف كنت انخنق واكتشتفت انه جد انا بحبه ! المهم بعد ست شهور رن موبايلي وكان سيف , اجا وحكينا وانا وافقت وخطبنا , وفجر وجود قاعدين فوق راسنا دايما ! وبالعرس هي لبست بدلة عروسة وهو بدلة عريس ! وقاعدين جنبنا ع لوج وما فيه صورة الا وطلعو فيها ! حتى انهم بقوا بدهم اغنية الهم لحالهم ! يا الله بس خليهم يروحو بدي بس صورة الي واله لحالنا ئي رأيكم ، ان شاء الله تكون عجبتكم *.* |
ولييي قصتك هاي بجد ؟؟ |
ولگ لا سرقتها من بيج ع الفيس هههههههههه |
ولييييى يلااا .. !! متت ضحك أناا ههههههههههه |
خلصت ولي ههههههه |
هههههه وك بفكر قصتك يخرب بيت هبلك ههههه بس حلووه |
گان نزلتها بابداعات هههههه اي حلوة گتير نورتي شهد http://www.bntpal.com/vb/img/bntpal_1427832140_481.gif |
قال وبحكي نيااالك ع هيك اخ ههههه بس لا ي ريت لوكان عندي متلو |
عندي خالد وعمرو اربع سنين اشقى من جود هههههه اليوم روحت من الشغل لاقيته مخرب الي سماعات الجوال بقله ليش حكالي عشان تسمعيش لحالك واسمع معك ههههههه |
ههههههههههههههههههههههههه وفجر وجود قاعدين فوق راسنا دايما ! وبالعرس هي لبست بدلة عروسة وهو بدلة عريس ! وقاعدين جنبنا ع لوج وما فيه صورة الا وطلعو فيها ! حتى انهم بقوا بدهم اغنية الهم لحالهم ! يآآآ ويليي هااي شو ضحكت عليها هههههههههههههههههه يسلموو ي وردتنآآ خليتيني أغيير جو وليي هبووولة |
هههههه غيري غيري واانا فرطت ضحگ حبيتها گبشات |
ههههههه ربي يخليلك اياهم بس حلوين فجر وجود |
امين يا رب اي زاگيين |
| الساعة الآن 02:28 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.