|
أنا حكيت ما بحب الملوخية والبامية مش بحبهم :o |
اوبااا يلا معلش فهمت غلط مع انهم زاكيات هههه |
هل تعلم اني من رام الله هل تعلم اني هلا وحيد بعد وفاة امي هل تعلم من مدمني قهوة هل تعلم اني بشتغل محاسب هل تعلم اكلتي مفضلة مقلوبة وملوخية هل تعلم لوني مفضل بني هل تعلم ببحب هدوء وبحر هل تعلم من محبي كوكب الشرق ام كلثوم هل تعلم حلمي ازور تركيا هل تعلم اني من محبي هل منتدى يسلمو اسمى على هل موضوع حلو |
- بحب النوم - م بحب البامية والملوخية والزهرة - لوني المفضل الأسود - بحب كرة القدم كتير - مشوربي الساخن المفضل القهوة والنس ، أما البارد الليمون بالنعنع و الببسي - الي اسمين بنادوني فيون - أول مرة كتبت كان بسنة 2012 وهاد يلي اجى ببالي ^^ يسلمو ملك عالموضوع :81: |
منور ابن بلدي والله يرحم الوالدة ي رب نورت ابو ايمن |
الله يسلمك ظل بجد نورتي |
بعصب بسرعةة . . على الرغم انو مش مبين علي . . أحياناً بحكي بسرعةة الضوء والي بحكي معه ما بفهم ولا كلمةة :74: . غايب عن البيت من فترة 47 يوم . . ما بدخن . وأكثر واحد بشرب ققهوة بالعيلةة . . ما برتب خزانتي أبداً . :74: . بلعب بليستيشن . . بالياردو . . وشدة :74: .. حاليا بنام ع ل 10 . . على الرغم من إني كنت انام الصبح :74: . . أنا من جنين . بكفي اليوم :74: |
كتير مشغوله هالايام اشتئت لناس كتير عزيزين علي رغم كل شي انا كتير ضحوكة :96: عندي حاسه سادسه رهيبه كمان بكفي لليوم هههههه |
بموت ع الدربكه او ع الطبله متل ما بيحكولها، عندي خبره من وانا صغيري، واذا مكنتش معي بئوم ادء وادربك ع البراد ع الباب ع الكرسي ع الطاوله هوس مش طبيعي =/ دايما بتمنكر ئبل ما انام، لانه الليل دايما هداوه مش متل النهار .. ولا حفيد بناديلي خالتي اثار او عمتي اثار، بحسوني صغيري من كتر ما بحبون وبلعب معون، مع اني مش صغيري هههه .. كل يوم بعمل ئهوه لأهلي .. غيرت رقم بلفوني 6 مرات .. كان عندي اكتر من 3 فيسات .. وئت المناسبات انا بمشط خواتي وبمكيجون .. بموت ع الغناني الطربيه والمواويل .. انا بعالم المنتديات من 2007 .. عندي جهاز كبير عادي ولابتوب وبلفونين وايباد وتابلت صغير .. حلو كتير الموضوع منرجع ان شاء الله هههه يسعدك ملك :137: |
هههههههه بترئصي ع الدربكة ؟؟ ناطرتك سمرة ورداتي |
ههههههههههههه لاء مش برئص عزا، بدربك ع الدربكه يعني بدء عليها، يعني الطبله إذا بتكون ئدامي بحملا وببلش ادء، والله منا عارفي اشرحلك =/ بتمنى تكوني فهمتي :37: |
ولي فهمت بس بتخوث ههههههه |
هل اتعلم اني من االجزائر هل تعلم اني احب شاروخن:6: هل تعلم ان حلمي ان اصير سيدة اعمال هل تعلم ان عندي اختي التوؤم تبعي هل تعلم ااني حابة روح على الهند منشان شوف شاروخان هل تعلم اني احب فسطين هل تعلم اني مهووسة باللاافلام الهندية هل تعلم اني احب القصص الخرافية والخيالية هل تعلم اني احب كل ممثلي بوليوود هل تعلم اني احب افلام الاكشن طبعا الهندية هه |
وهل تعلمي انك مجنونة حنان ههههه نورتي ي عسل |
هل تعلم اني بردان كثير هل تعلم اني جوعان هل تعلم اني ما بحب حد يزعل مني هل تعلم اني رايح اشتقلكم كثير هل تعلم انو لكل انسان الو عندب بصمة حلوة هل تعلم من كثر الزهق فاتح على النت مسرحية الواد سيد الشغال هل تعلم اني رايح اودعكم |
هل تعلم انس انو كل انسان بعيش بمرحله بحس فيها متل ما عم تحس هلاءلهيك ما تتسرع وتاخد قرار وترجع تندم عليه تم معلمي؟؟ |
الحياة تجارب واحنا بنتعلم منها |
عصبيةة موت بحبش المكيآاج ابدآ و م بحطه إلآ نادرآ -_- بس تولع ماما هههه اكتشفت حبي ل الكتآبه وانا ب الصف السآبع يعني من عشر سنين بعشق المعكرونة و بكره الكبده -_- بثق بسهولة وبسرعة بالنآس عفوية جدا جدا م بقدر خبي شو حاسه او اتصنع الحكي بحكي كتير كتير وبعمل صداع للي قدآمي هههه خيآلة بحب عيش ب عآلم الخيآل مشآكسة بحب اعمل مقآلب كتير بسيطة جدآ ابسط شي بخليني مبسوطة |
انا انسانه بسيطه ما بحب الكذب والنفاق وما بحب اتعامل مع اشخاص بحملوا هالصفات معي دورة اسعاف متقدمه 330 ساعه بحب اشارك في الاعمال التطوعيه في اوقات فراغي اشتغلت كمتطوعه على سيارة الاسعاف لفتره وكانت تجربه حلوة وعملت كمان مهرج طبي اكتر من مرة في مستشفى في تل هشومير لاطفال غزه يلي معهم سرطان عندي صداع نصفي احيانا بستمر لـ 3 ايام وما بكون متحمله اسمع اي صوت تحملت المسؤوليه في سن صغيره عشت بأمريكا سنتين انا عايشه لحالي مع بابا وماما في بيت كبير والي اخ متزوج وعايش بأمريكا جريئة بحب المغامرات والسفر بدرس ادب انجليزي مع انه هادا التخصص ما كنت بدي اياه كنت حابة ادرس علم وراثه لكن ما زبط معي بعد وفاة اختي الله برحمها انصدمت وقعدت اسبوع ما احكي ما كنت مصدقه انها ماتت يمكن تلاقوا هالشي غريب انا ما بحس بالجوع ممكن انسى حالي وما اكل واقعد ايام بلا اكل لحتى يغمى علي عندي سياره وبسوق ومن كم شهر عملت حادث فقدت الوعي اول ما طلعت من البيت وسقت الحمد لله ما كان في حد قدامي طلعت منها سليمه لكن السياره اضررت كتير خفت بعدها اسوق لكن من جديد رجعت عادي موضوع حلو اسمى دايما متميزه بمواضيعك |
نورتي نبض انتي حلوة بكل ما فيكي ي عسل يسعد مساكي |
لونلي هيرت حبيت الجوانب الي حكتيهم بشخصيتك ولعلمك كتير في شبه بيني وبينك لدرجة ما عم تتصوريها الا الشي الي بخص الاكل طبعا ههههه نورتي ي عسل |
تسلمي حبيبتي النور نورك بسعدني أسمى انه في تشابه بشخصيتنا ما بعتقد انه في حد بشبهني بقصة الاكل هههههههه صارلي يومين ما اكلت ومو جاي عبالي بستنى يغمى علي هههه |
انا ما فيني اصبر ع الجوع وخصوصا وجبه الفطور هههه وانتي بنصحك تهتمي باكلك كمان هالشي مو منيح لصحتك ولو هلاء ما في مضاعفات بس هالشي مستقبلا راح يأثر عليكي تعالي اعشيكي هههههه |
تسلمي اسمى ما بتقصري بس يكون عندك شي بفتح الشهيه ههههههه |
وربي اليوم عملت اكله اخدتها من النت بس مش عارفة شو اسمها لانهم مو حاكينن ههههه بس طلعت شي بتجنن وزاكيه ضل شوي تعالي اسخنلك صحن ههههههه |
معدله خلص جهزي الاكل انا جايه هههههه انا اليوم عملت الاكل بنفسي قلت يمكن افتح شهيتي على الاكل لكن ع الفاضي ما في فايده هههههههه |
بتشرفي هههههه |
موضوع رائع جدا . عجبني جدا . انا بشكل مبدأي رح اكتب حقائق بسيطة عني . وبعدها بنشوف الوضع .. الي رجعة بالحقائق . |
1- الاغاني هي "الصديق" الاصدق والاعمق بالنسبة الي على مر العمر , واي شخص ممكن يكتشف شخصيتي من الاغاني الي بستمع الها . 2- في الحياة الواقعية ف انا صاحب الروح المرحة القادر على اضحاك الجميع . 3- بمتلك قدرة على الردود العكسية السريعة "أي انو لو حد حاول اهانتي بكلامه ف بقدر احول الاهانة اله بنفس اللحظة وبسرعة جدا" . 4- انا مهمل جدا بشخصيتي وشكلي العام , ما عمري كويت اي شيء من ملابسي , احيانا بلبس اللبسة لمدة طويلة جدا ... الخ 5- صبور جدا لدرجة انني اتقبل الاهانة ببعض الاوقات "تفهما" لوضع ما . 6- امتلك نزعة وطنية قوية جدا , لكني اخفيها وانا اجهل السبب .. 7- احتفظ بعادات "طفولية جدا" لحد الان و تسبب الحرج الي لانها غير مناسبة لعمري بتاتا .. 8- اتمنى و احاول ان اجد و اربي ذئب . 9- عندي نوع من القرف من الحشرات . 10- لما اشوف طفل بالشارع , بعمل اله حركات طفولية و بخرج اله لساني و احيانا بنسى نفسي وانا بعمل هيك .. |
اشتغلت تطوع ب جمعية فجر ل الأغاثة هناك تعرفت ع رفيق اعتبرته اكتر من اخ " أحمد " بس استشهد ب الحرب عملنا احتفالات ل أطفال الفصام والحالات النفسية وكنت كتير مبسوطة وانا بتعامل مع الأطفال ب وقت الحرب أتصل علي مدير الجميعة ل أنزل معهم ل توزيع مساعدات و نزلت و كنت هأموت انا و الفريق بس ربنا سترها من فتره عملت حادث وم اهتميت بس هلأ أكتشفت انو الحادث سبب كتير أذي إلي و عم أتعالج بحب السهر كتير بس ل حالي مش مع حدا بحس منتصف الليل فتره في اقعد مع حالي وراجع حالي لو حبيت شي بتعلق فيه ل درجة كبيرة و صعب جدا علي افقده بغار كتير على الناس يلي بحبها و بكفي ^^ |
- افضل وجبةة الي الوجبات السريعةة - اغلب لبسي فيه اللون الاسود - لما بشوف طفل وعم يلعب بنسى حالي وبلعب معو ويمكن نتقاتل سوا :64: - بحب الفضةة أكتر من الذهب - بالمدرسة درست فرع علمي - انولدت بيوم كان مطر كتير ، وكان في ضرب نار " مطر من السما ومن الارض " بكفي لليوم ^^ |
وانا ف البيت بضل قاعد بغرفتي وما بطلع منها الا وقت الأكل وهكزا :64: . اذا قعدت مع اهلي ما بحكي معهم الا إذا هم حكوا معي :74: . .بضل أقضم اضافري وبتزيد هالعادة وانا احضر مباراة . . إذا شربت القهوة بكاسة من كرتون بعجب عليها بسناني :74: . . سريع بالأكل . . بعشق الزرافةة . . وما حدا يسألني عن السبب :74: . فضولي جدا . . ومع هيك لو حدا حكالي انو عاوزني بموضوع وبطل يحكي بنسى بسرعةة .. وبطنش . . مستفز . . وبجاكر كثير :74: . . النهايةة :74: |
-انآ هاديةة وفضولية وطفولية شويتين وبخجل بسرعة.. -بغني بشكل ملفت متل ما كانو يقولولي بس بطلت اغني من لما توفى صديق الي.. -أقل شي بيبسطني وأقل شي بيزعلني. . -بحب صدام حسين كتير وهتلر:$ مهملة بحالي كتير اوقآت. . -لما ازعل بلبس اواعي وآسعة وما بعرف ليه.. -ما بقدر أتخلى عن القهوة بيومي.. وبسس هيكآ. :$ |
انا بعاني من الجيوب الانفيه من شي 3سنين كل سنه ﻻزم اخد ابرة مشان اخفف من حدة الالتهاب عندي حساسيه من الحيوانات وخاصة البسس بحب كتير الحليب وخاصة بارد /وكمان الايس تي انا من النوع الي كتير بهتم بمنظري الخارجي ممكن اغير لبستي باليوم مرتين والاكسسوارات عشقي بكفي لليوم |
اقتباس:
انا موجود بين السطور . هذي العادة موجودة فيا بشكل كبير جدا . اي شيء بلاستيك بستعمله بقعد اعجب ليه و اتلفه وبعدها ارميه :$ |
هههههه الحمد لله انها طلعت مش بس عندي :74: |
مرحباآ حلوو الموضوع .. حبيتوو مع اني مآ بحب احكي عن حقآئق بحيآتي لكن أحيآناً الإنسآن بيحتآج ليحكي اي شي او يفضفض عن اشيآ بيعملهاآ و عآيش فيهاآ حبيت كتير نقآط من مشآركآت الأعضآء اللي قبلي في اشياآ اناآ بعملهاآ و في اشياآ ضحكتني و اشيآ غريبة هههه ازآ كآن عندي الجرأةة أو ازآ حسيت اني حآبي احكي رح تكون لياآ عودةة رح كون متآبعة تحيآتي ملك .~ |
هل تعلمي إني بشرب سجاير لي اكثر من سنة ولسى ما أدمنت عليهم هل تعلمي إني الاخ الأصغر لسبع شباب وكلهم متزوجين إلا أنا هل تعلمي إني مالي أخوات للأسف هل تعلمي إني عم لأكثر من 15 طفل صلو ع النبي هل تعلمي إني عندي على اللاب أكثر من 40 الف صورة لكن ما بحب أشاركهم مع حد هل تعلمي إنو عندي أكثر م 20 زجاجة عطر فاضية في الخزانة ستة فيهم وما بستخدم إلا وحدة هل تعلمي إني أناني وما بحب حد يستعمل أغراضي الشخصية نهاياً هل تعلمي إنو في حياتي ما دخلت منتزه لي عودة لو شفت حالي فاضي :p |
هل تعلم شوكوﻻتي المفضله turku بموت بالسيريلاك هههه بتابع اطفال وخاصة السنافر (بحضرو كل يوم ) |
بـآكـو هل تعلم ِ آن صديقتي الوحيده من آيآم المدرسةة وهلأ معي بالجآمعه إسمهآ جود ♥ يخليلي يآككي يــآ صآحبيبتي مآ بحب أضل ئآعدةةههههه يعني لمآ روح عند بيت سيدو بضل وآئفةة و بسمع منهم نفس الموشح شو جآي يوم وئفة عرفة ههههه بس اتزكر كمآن بـآكو |
| الساعة الآن 05:08 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.