|
"حبيب العمر" حبيبب العمر انسان ما في معرفه شخصيه بيني وبينه بس ئدرت افهم شخصيته من مشاركاته، حبيب انسان انسان مش ئليل من كتر ما مر بتجارب بحياته، عنده خبره بالحياة، وبحسه ذكي بيعرف كيف يجذب غيره ويلفت نظر غيره لمن يكون حابب يقنع انسان معين او يوصل لانسان معين، بحسه انسان صعب بس يللي بيتعمق بشخصيته وبيفهم عئلاته وطبعه سيعتا مش رح يستصعب اشي، وبحسه محبوب خصوصا من جهة الجنس اللطيف يعني بظن انه معجباته كتار فالواقع، مش غلط الاشي، حلو الانسان يكون محبوب، يعني لقبه "حبيب العمر" عكس شخصيته كتير، انسان خدوم، بحب يساعد غيره، متأكده انه انساني لمن تتعامل معه شخصيا بالواقع، حساس يعني بزعل بسرعه وبدو وئت ليرضى ومش اي اشي برضيه، ونفس الاشي بالزوء، مش اي بعجبه ان كان اشياء او بشر .. شب ضحوك ومزيح كتير، وروحه حلوه، بحبش النكد والزعل، بحاول دايما يعيش كل لحظه بحياته لحتى متمرئش سدى .. بتمنالك حياة حلوه ملانه نجاح :137: .. / راجعه :137: |
الله يسعدك سمره كلام جميل في حقي ما كنت اتوقع حدا يحللني بهاي الطريقه هههههههههههه يمكن جبتي 90 بالميه من شخصيتي لكن في شي انه انا ما بعمل شي بعمد او قصد لالفت انتباه حدا لكن في منه كلامك رح احكي عنك عن شخصيتك |
سمره شخصيه مميزه جدا ما الها شبيه على حد علمي باسلوبها وتفكيرها وردودها جواتها انسانه مبسوطه بحياتها بحسها مدلـله بيتها ومو نائصها شي في واقعها بنت ئد حالها لكن بسيطه في المنتدى ما حصل اي تعارف بيناتنا الا بزكر مره خلاف بسيط ونحل بوقته بحب رايها بالنقاش بتتعمق بالموضوع وبترد وبتعطي اي موضوع حقه ما الها في الاقسام الادبيه ولا شفت مره دخلت عملت رد حسب اعتقادها ولا قلم دخل مزاجها هاي اذواق اكيد هههههههه بحب وجودها بالمنتدى محترمه راقيه قلبها طيب عن نفسي بتشرف تكون انسانه متل سمره معنا بالمنتدى هادا شي قليل جدا مما تستحقه |
اقتباس:
هههههههه مزبوط بالنسبه للشعر ولا ئلم راكب عئلي :28: شو بدي اسوي هدا الموجود :98: شكرا كتير ع حكيك الحلو بحئي، كتير بسطني، كل اللي ذكرته مزبوط، ان كان هون او بالواقع، وانا كمان بنبسط بوجود شخص متلك، روحه حلوه ونقاشاته مميزه هون، يسعدك خيا :137: .. |
موضوع حلو كتير يسلمو أسمى انا رح احكي عن سمره بتذكرني بصديقة لالي كانت هي كمان من عرب 48 وشخصيتها بتشبهها انقطعت اخبارها عني وما بعرف عنها شي سمره انسانه قريبه من قلب بحسها مختلفه عن الكل هون يمكن لانها انسانه واقعيه وبسيطه ومتواضعه وبتتصرف على طبيعتها ما عندها تصنع وواضحه وصريحه ويمكن هالشي يلي حببني فيها متفائله وانسانيه بطبيعتها بتحب الجو العائلي وبنت قد حالها واثقه من نفسها وشخصيتها حلوه وبعتمد عليها بتعجبني افكارها ونقاشاتها بتتعمق بكل شي وبتعطيه حقه عندها قدره على تحليل الشخصيات بتمنالها السعاده والتوفيق بحياتها لانها بتستحق هالشي |
الملاك البريئ خلال فتره قصيره قدرت تثبت وجودها الها اسلوب مختلف عن الجميع بسيطه بريئه طيبه يمكن في شي بحياتها غامض او مش معروف لكن بضل هادا سر من اسرارها ولازم يضل جواها بحسها بتتصنع الفرحه وجواتها حزن عميق اخت رائعه بتمنالها الخير في حياتها الخاصه ووجودها معنا اضاف اشي جديد ومختلف ما بتدخل بحدا ولا بهمها حدا هي بتدخل حسب اعتقادي لتخرج من روتينها اليومي متل اي عضو معنا موفقه اختي ملاك |
لونلي هارت من كتر التشابه بنها وبين ظل بحسهم خوات وتخربشت فيهم عده مرات نفس الاسلوب والهدوء انسانه رائعه خلوقه واثقه من نفسها الها اسلوب خاص جدا انيقه في ردودها واختيارها للصور بعجبني في جواتها حزن ما بتظهره لحدا يكفي انها قدرت تحجز مكان بين المميزات بعتبرها من الاخوات الراقيات الي بتشرف يكونو معنا هون |
الله يخليك مؤيد ويسعدك يا رب اسعدني كلامك بتشكرك كتير على كلامك الحلو ورأيك فيني ومبسوطه اني قدرت احط بصمه ولو بسيطه الي هون بالمنتدى |
موضوع جميل مشكوره ع الطرح تحياتي |
في منه كلامك حبيب العمر واللي حابة احكيه هون بينفع احكي عني بما اني عضوة صح؟ غموضي هو سبب لحتى شوفردود من بعض الاشخاص بيعتبرو كلامي موجه لعضو معين انا صعبة كتير حد ليفهمني بجد بدخل المنتدى لحتى شوف حد يسمعني او يحس عالاقل ملل ما في شي بيني وبين اي عضو هون الا الاخوة وبس وبس بكفي لهون تعبتكم معي يسلمو يمؤيد كلامك بخليني استمر بالمنتدى للافضل شكرا كتير |
| الساعة الآن 12:37 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.