|
اقتباس:
الله يسسعدك وفعلا كل حكيك صح انا لهلأ م لاقيت حدا يفهم عليا صح بحاول كتير م أتذكر زمان لأنو كتير عانيت فيه مبسسوطة ب حكيك سمره |
تيم انسان مزوء، طبعه غريب وهالاشي لاحظته من رمزياته، على ما يبدو بيحب الاشياء المميزه الغريبه، بيحب يكون مخنلف عن غيره، بس بحسه انسان فاشل، عشان اوصل المعنى مزبوط، فاشل يعني متلا لمن يحكي شغله معينه، اللي ئباله يفهم اشي تاني يعني ما بيوصل المعنى مزبوط، ما بعرف اذا كلامي مزبوط بس انا متأكده انه كلامي في منه "نوعا ما"، وهاي الشغله مش بالايد لإنه الواحد بيحسش ع حاله لمن يكون هيك، بكون مفكر انه وصّل المعنى صح، مش شرط بالحكي حتى بالتصرفات وبالمزح وبكل اشي .. تيم بحسه شخص مبرد ع حاله، يمكن ماشي ع هالمبدأ "يلا كيف ما اجت تيجي"، بحب الناس اللي هيك، بيعملوش حساب لإشي، بس طبعا هالناس بصيرش طبعون هيك بدون سبب، يمكن الواقع يللي عايشين فيه بخليهون هيك .. بحسه انطوائي، بعيد عن الاجتماعيات ما بعرف اذا هاي سبب فشله "بأغلب الاحيان" .. بحسه بحب الهدوء بعيد عن الفوضى والصراع، بحب يكون بقمة الراحه، ما بعرف اذا الناس برا بشوفوا طبعه غريب بس اللي بعرفه انه هوي كتير مبسوط بطبعه .. تيم بحسه بحب الضحك، بحب المزح، ما بستغرب اذا اوئات بكون مزحه تئيل هههه، حاسيته زنخ بالواقع بعرفش ليه بس اكيد زناخته حلوه لانه شب مهضوم .. بحس تيم من الاشخاص اللي ما بيئدر يضل عايش ع شغله معينه، اذا بتصير حادثه معه او موقف رح يتأثر اكيد بس رح يئلب صفحه لإنه "حياة وبدها تستمر"، ما بتوئف عند اشي معين، انا بحسه انه بفكر بهالطريئه .. ان شاء الله يا تيم تعيش ايام حلوه بحياتك وتوصل لهدفك المنشود ويكون مستئبلك ناجح لتطلع من هالواقع يللي حاسيته صعب ومانك مبسوط فيه :137: .. البريئه انسانه جدا بتحب الحياة بس للاسف عايشه بواقع صعب، ومع هيك بتحاول دايما تنسى وتضحك إلا إنه احيانا ببين هدا الاشي عليها، يعني هيي متناقضه بس هدا الاشي مش بإيدها، تصرفات الانسان وحكياته كلها بتعكس واقعه اللي عايشو، البريئه بتحاول تبين للناس انها مبسوطه بس جواتها في ئلب مجروح، يمكن بتعمل هيك لإنه مش حئ حدا يعرف خصوصياتها او يمكن ما بتحب الناس تشوفها ضعيفه، وانا بئلها كوني ع طبيعتك، لإنه متأكده الناس رح تتئبلك زي ما انتي .. البريئه بتحب الصحبه او فيني ائول عندها اشخاص مميزين بحياتها يللي ما فيها تستغني عنون، لمن تكون برفئتون بتكون بقمة السعاده وبتحاول دايما تحافظ عليهون وع علائتها معون وبتخاف تخسرون .. البريئه جواتها في كتير تساؤلات، بحاجه لأجوبه، كل يوم بتسأل حالها اسئله وبتلائيش اجوبه وبتمنى تلائي اجوبه يوم من الايام .. ابنها يمكن من احلى الاشياء بحياتها .. بتمنالك حياة حلوه بالمستئبل، وكوني دايما ع يقين انه الاشياء الحلوه ئد ما طولت اخرتها رح تيجي، والله يخليلك ابنك ويديملك ناسك واحبابك واهلك :137: .. الصياد من اغرب الشخصيات فالمنتدى لدرجه انه ما فيك تعرف اذا كان مبسوط او زعلان، متفائل او متشائم، ناجح او فاشل، وهدا بالنسبه إلي ذكا، ما بعرف اذا بيعمل هيك مخصوص او إنه شخصيته هيك من الاساس .. الصياد رغم هدا كله إلا إني متأكده انه جواته ملان عواطف جواته ئلب دايما بيحس بس ما بيعرف يبين هالاشي، وهاي شغله لا اراديه .. وإذا بدو يطلّع العواطف يللي جواته الشغله بتاخد معه وئت يعني مش بسهوله يحكي عن عواطفه واللي جواته .. الصياد بحسه بحبش كترة الحكي، وبحس كمان وئت المشاكل بكون بقمة البرود مع اللي ئباله، لإنه معندش وئت لهالشغلات، دايما بحاول يكون هادي حتى وهوي بأوئات عصيبه .. حاسيته محبوب من اهله وصحابه، وحاسيته هادي فالواقع متل مهوي هادي هون، بس اكيد بمزح وبفرفش وبياخد وبيعطي بس اغلب الاوئات راكز .. الصياد انسان بحبش يضل عايش ع الماضي، وانا متأكده مرء كتير شغلات معه بحياته بالماضي بس بحبش يضل عايش ع الماضي، دايما بركز ع الحاضر وبفكر بالمستئبل .. وبحس كمان إنه مش اي حدا بيئدر يفهم طبعه .. ان شاء الله بائي ايامك تكون حلوه وانا بتوقع مستئبلك رح يكون ناجح بمختلف المجالات .. عشق عشق بنت بسيطه ومتواضعه، بس بحسها حساسه كتير وبتزعل من اي اشي ويمكن بياخد معها وئت لترضى، ومع هيك هيي بنت فرفوشه بتموت ع الضحك والمزح وبحسها بتحب المقالب كمان، عشق متأثري كتير من ائرب الناس الها لدرجه رح ممكن تزعل وتفوت بحاله نفسيه اذا حدا منون بيتغير معها او بيجرحها .. ودايما بتحاول انو تكون نظره الكل الها ايجابيه لحتى ما تخسر حدا، عشق بحس عندها طموح، حابه توصل لكتير شغلات اكبر من قدراتها، مع انه هدا صعب نوعا ما، بس على ما يبدو ارادتها ئويه، بتمنى توصل للي بدها اياه بحياتها، وكل ايامها تكون حلوه بعيده عن الحزن :137: .. هل كان حبا يمكن كتار بشوفوه بارد، بس اذا منحتك فيه شخصيا رح نرتحله ورح نحس ئديش انه انسان عنده خبره بالحياة، وبحسه انسان امين للاسرار، بحس البنات عينها عليه، ودايما بتحاول معه لتتئرب منه اكتر .. بحسه صبر كتير بحياته وبعدو عم بصبر لانه واثق انه رح يجي يوم ويلائي حاله عايش حياة ناجحه وحلوه، هدا تفاؤل، وما في احلى من الانسان المتفائل، اوئات ممكن نفكره شايف حالو واكيد هوي بشوفش نفسه مغرور لإنه ما بشوف نفسو متل ما الناس بتشوفو، ما بعرف اذا لمن نتعرف عليه رح تتغير نظرتنا لإنه في كتير ناس الكبرياء بدمون مستحيل يروح، مش غلط الاشي، هدا بدل ع الثقه بالنفس، او ثقه زايده عن حدها .. انا شخصيا مرات بحسه مش ع طبيعته هون .. بتمنالك كل التوفيئ بحياتك من كل النواحي .. طبعا ما في معرفه شخصيه ئويه بيني وبين هالخمسه هون، :137:انا كتبت باللي بحسه من خلال مشاركاتون بالمنتدى .. |
اقتباس:
ما عندي شي اقولو الا اني اشكرك بجد على ذكر اسمي هون و اكيد رح يهوون كل شي ربناآ كريم تحيآتي ليكِ |
اقتباس:
عجبني كتير . رآئعة جدا بوصفك الي ورأيك فيا و نظرتك الي . حبيت كلامك . تحياتي الك . يسلمووو .. |
اقتباس:
رائع جدا و لطيف جدا وصفك و نظرتك الي . حبيت كلامك وعجبني . يسلمو كتير سمرة . ربي يسعدك دايما .. |
اقتباس:
اول شي شكرا لإنك اول حدا بذكر اسمي هون . مع إني ما توقعت من أي حدا يحكي عني . . بخصووص كلامك هااد : بس بحسه انسان فاشل، عشان اوصل المعنى مزبوط، فاشل يعني متلا لمن يحكي شغله معينه، اللي ئباله يفهم اشي تاني يعني ما بيوصل المعنى مزبوط، ما بعرف اذا كلامي مزبوط بس انا متأكده انه كلامي في منه "نوعا ما"، . وهاي الشغله مش بالايد لإنه الواحد بيحسش ع حاله لمن يكون هيك، بكون مفكر انه وصّل المعنى صح، مش شرط بالحكي حتى بالتصرفات وبالمزح وبكل اشي .. في كثيير منا بكون يحكي بشغلةة لحدا وهالحدا بفهمها اشي تاني . بتصيير مع الواحد مرة ومرتين وتلاات . . بس مو ع طووول . . وكل إلي حكيتتيه مزبووط بنسبةة كبيرةة . أما إني زنخ بالوواقع هههههه زنخ بسس مع أصحاابي والناس إلي بحبهم :74: . بس مو لدرجةة الزناخةةة الي ما بتنطاااق . :74: . يسسعدك ربي . |
كتير حلو سمرةة ع فكره هيكك بتفيدي الأعضآء الجدآد بالزآت انك بتحكي \\ شوي شوي \\ و بتفككير كمآن يعني مو متسرعةة و عآرفةة شو بتكتبي ^^ وردة |
غجرية . انسانة لطيفة وطيبة لأبعد الحدود . بحسها خدومة جدا و بتحب تساعد الناس . بتحب تريح الاغلب هون و بتحب تشوف راحتهم . من نظرتي اللها بشوف شخصيتها حساسة جدا ع الرغم من انها مبينة عكس هيك من اول نظرة ممكن تشوفها فيها . صاحبة قصة معقدة و هالشي بحسه ظاهر عليها . بحسها جريئة نوعا ما و انها متمردة ع اغلب عادات مجتمعها . يعني فيها روح المغامرة وفيها روح الاكتشاف والفضول . سهل تبكي و سهل ترضا لو كان الشخص الي بيرضيها شخص قريب عن قلبها . لما تدايق من حد بتدايق لفترة طويلة جدا و ممكن تستمر لأيام على هذا الضيق . لكن ممكن بين لحظة ولحظة يزول هالضيق و ترجع افضل من قبل بكتير . متفهمة ذات عقل متفتح مختلف عن طبيعة مجتمعها . حدودها اكبر من مجرد احلام و مجتمع سخيف . فيها ما يكفي من الطاقة الايجابية لجعلها مستمرة لوحدها بمسيرة حياتها . لكنها ببعض الاحيان تحتاج لدفئ يدعمها بكل الاشكال . صديقة حقيقية بنظري . و يعتمد عليها وقد الشدة . رغم اختلاطي القليل جدا فيها بحدود المنتدى . هالشي استنتجته من وجودها هون . و ربي يوفقها دائما بحياتها .. |
سمرة . انسانة لطيفة و صريحة جدا . صراحتها جميلة جدا . الجميل فيها انها بتزين صراحتها ونقدها بشكل يتقبله العقل والقلب . ما بتدجه دج . بالامور الي بتتعلق فيها وبعلاقاتها بحسها متسرعة فيها وبالحكم عليها . لكن بنفس الوقت بالقرارات بتكون بتفكر بدقة جدا . اي قرار بيخرج منها ما بيخرج الا بعد تفكير مطول . عفوية نوعا ما و بتحب تعطي السعادة ع اكبر كمية ممكنة من الناس . الامور الي بتستهويها بتاخدها بجدية تامة و بتلتزم فيها تماما . الامور الي ما بتستهويها بتكون بمحيطها لكنها ما بتبقى معها لفترة طويلة . لكنها بكل الاحوال بتحب تجرب وتستكشف كل شيء من محيطها . عندها اعتقاد بانو الحياة فيها الجيد والسيء . وما بنشوف الجيد الا لما نشوف السيء . ف بتتعامل مع الامور السيئة بشكل بسيط . احيانا بتحس بانكسار بينها وبين نفسها لكنها بتبقى مغطية و متحفظة ع هالشيء بينها وبين نفسها ممكن تشارك بعض من قصصها مع الناس المقربة جدا اللها لكن مسستحيل جدا انها تحكي الاشياء العميقة جواها . حتى لو لاقرب الناس اللها . بتحبش تكون عبئ على حد . ومن هالشي بتلاقيها قليلة الطلبات وبتعتمد ع نفسها بأغلب الامور وحتى بحياتها الخاصة كذلك . سمرة انسانة عفوية وهالشيء بيظهر عليها ما بتحب تخوض المشاكل و لو وقعت بمشكلة يتنسحب جوا نفسها لحتى يهدأ داخلها و بترجع تاني بعد ما ترتاح . ممكن لحتى ما تكبر مشكلتها او لحتى ما تدايق اكتر اكتر من سبب برأيي .. تقريبا هادي اغلب الامور الي بعرفها عنها . ربي وفقها بحياتها دائما .. |
سمره حكيتي عن الصياد كأنك عنجد عايشة معه ، عنجد فسرتي شخصيته صح بالتمام .. من قلبي بهنيكي ع نظرتك يلي م بتخيب |
راح احكي عن تيم كتير بحسك اناني و مستهتر م بتهم بمشاعر يلي حواليك .. م عندك اسلوب تواصل صح مع الناس وهالشي استنتجه من اكتر من موقف معك ، ما فيك توصل احساسك صح او تعبر صح ، م عندك مشكله إنك تجرح يلي قبالك او تحرجه .. انا اول م سجلت هون كنت ماخده عنك نظره حلوة وكنت بحب تواجدك بوقت م كون .. بس صار منك كم موقف إلي صرت اتحاشاك بس مع هيك لسه بحترم وجودك وبحبه ... |
اقتباس:
انا يختي مو بس ما بهتم بمشاعرهم . . انا ما بهتم بكل شي . انا بحالي وباقي الكوون بحاله وهاي مش انانيةة هاي اسمها راحةة بال . وانا الي بقلبي ع راس لسااني يعني ما بعرف أجامل لهيك اغلب كلامي بكوون مسسموم . . ولما كون معصب بحكي كلااام برجع بتندم عليه بعديين وأكثر من مرة حكيت هالحكي . . شكرا لإنك ذكرتيني هون. |
انا ادايقت منك مرتين اولها ع قصه الصور مع انو دارك حكى معي بس ع الخاص مو متلك وشي تاني وقت غيرت اسمي -_- بس مع كده عنجد بحب وجودك لأنك حدا مميز بعيدا عن كل شي وربي يوفقك ب حياتك |
قصة الصور . . دايقتني لإنك مراقبة ولازم تكوني فاهمةة وعارفةة القوانين اكتر مني .. ووقت ما غيرتي الإسم عن جد كان بضحك هههههه :74: . . . الله يسعدك . وانتي كمان الكل بحب يشوووفك هون. . وما بتستاهلي الا كل خير . يرضى عليكي ربنا . |
الصيآد انسآن محترم جداً و بسآعد الكل كمآن و المسآعدةة اللي بقدمهاآ بتكون بمجهود كبير اناآ يوم استلمت اشرآف مآ كنت اعرف شي بالدنيآ و الله ماني عارفي كيف احمد سلمني اشرآف او على اي اسآس ههههه المهم وقتهاآ كل شي بدي يآه كآن الصيآد يعمل فيدوو او صور متحركة ليشرح لياآ الشي اللي ما بعرفوو مآ كآن يتدآيق بس كنت اطلب منو شرح شي و حآلياً اي سؤآل بدي يآه بتوجه لإلوو بتذكر موآقف صآرت و مآ بعرف بصير اضحك و اكتر موقف ضحكني بجد تخيلاآت الأعضآء الموضوع المكرر و اللي تركو احمد و كآن اول ضيف الصيآد ههههه مآ عمري زعلت منوو من شي و مآ عمروو عمل شي سيء لإلي او لغيري يسعدوو ربي .~ |
يختي بختي انا فيه صح |
تتهنوو ريتكو ههههههههه |
رح أختار تيم أنا بعرف الكل لكن ما بحكي عن حد لأني البعض ما بحبه رح أهاجمه لهيك ما بدي أحكي سبق وحيت عن تولين والأن عن تيم من اكثر الناس إلي حبيتهم في المنتدى إنسان بمعنى الكلمة ما بيغلط في حد ولا بيذكر حد بسوء أبداً وبيحترم الجميع 90% من صوره بتروقني للغاية تيم بالنسبة إلي هون محل ثقة ومثل اخ كمان وأحلى شيء فيه نكتي وبيضحك عمري ما حكيت معه إلا نضحك بجد هوا شخص جميل وراقي بمعاملته للغاية وبس |
رح أحكي عن الماج يك إيزل أول ما أجى على المنتدى هذا كنت بكرهه كثير وما بحب أشوفه وبدور أعمل معه مشكلة من تحت الأرض بس من فترة تبين إلي إن أحسن من 85% من الشباب إلي هون بيخاف الله في موضوع بنات الناس حافظ مشاعره وما بحس عنده مراهقة مثل البعض وسرت أحترمه جداً وأحب حضوره |
اقتباس:
حبيب قلبي إنت :64: . ومعتبرك اخووي الصغير الي بسمع الكلمةةة :74: . وإن شاء الله بصيروا صوري يعجبووك 100% :74: . الله يرضى عليك . وشكرا من القلب ي جمييل |
لي عودة طرح عجبني وانا راح احكي بصراحة عن الاعضاء اللي انا اتشرفت بصدق بمعرفتهم شكرا على الطرح |
عشق عشق بنت بسيطه ومتواضعه، بس بحسها حساسه كتير وبتزعل من اي اشي ويمكن بياخد معها وئت لترضى، ومع هيك هيي بنت فرفوشه بتموت ع الضحك والمزح وبحسها بتحب المقالب كمان، عشق متأثري كتير من ائرب الناس الها لدرجه رح ممكن تزعل وتفوت بحاله نفسيه اذا حدا منون بيتغير معها او بيجرحها .. ودايما بتحاول انو تكون نظره الكل الها ايجابيه لحتى ما تخسر حدا، عشق بحس عندها طموح، حابه توصل لكتير شغلات اكبر من قدراتها، مع انه هدا صعب نوعا ما، بس على ما يبدو ارادتها ئويه، بتمنى توصل للي بدها اياه بحياتها، وكل ايامها تكون حلوه بعيده عن الحزن .. تحليل حلو بس انا بالواقع ما بضحك كثير بالعكس بالواقع رح تلاقيني اكثر برودة و يلي بيخليني حساسة يمكن التجارب يلي مرين فيها كيف ممكن الواحد يوفق بين الشغل و الدراسة هاد صعب كثير هاد يلي خلاني يمكن حساسة زيادة بجد بشكرك على هاد التحليل المميز و يلي عجبني كثير |
اقتباس:
ما يحرمني منك ميناس بجد كلماتك بعطوني دفعه وجرعة امل وتفاؤل وانتي بتعرفي ئديش بحبك وبعزك وبعنبرك اخت كتير ئريبه علي وحياتنا كلها لغز بس الاهم انو نحافظ ع ضحكتنا لانها بجد سلاح وئت الشدة بجد وبدون مجامله انتي اعز انسانه ع ئلبي هون بموت فيكي |
سمرة علاقتي بيها جيدة جداً إلها مميزات كثيرة وإلها عيوب أيضاً مميزاتها طيبة ومش متكبرة ذوقها في الطرب بيعجبني كثير نظرتها للحياة حلوة بتحب تساعد الناس إلي حوليها وكثير إجتماعية لأبعد الحدود بحتب تتعرف على كل شيء عيوبها متسرعة وبظن لو عصبت من حد رح تجرحه بكلامها للأسف وصراحة الجارحة وهي للأسف بتفكرها صراحة منيح الصراحة بتنهي عند حدود كرامة الأخرين للأسف بتنظر للأمور من منطق واحد يعني الأشخاص إلي ما حكو معها ولا تعرفو عليها بتحكي عنهم إنطوائياً بتسيء الظن كثير للأسف بتحب تعاتب وحساسه زيادة بتركز على أصغر التفاصيل وأكيد بحترمكِ وكثير كمان إلها معزة عندي |
اقتباس:
وربي يسعدكَُ بريئة كمانَُ ، هالشهادةَُ بعتز فيها كتير لانها من شخصيةَ مميزةَ مثلكَُ ومنيحة مع الكلَُ , واحناَ اخوة بهذا المكانَُ والمساعدة بينا مطلوبةَ وواجب ، وان شاء الله ما بقصر معكَ بأي شيء ، انا عني مش كتير ع تخيل الاعضاء وما بعرف احلل شخصياتهم صراحة ، لاني مش متابع المشاركاتَ بشكل كبير ، لكنَ بتشكركَ ع هيكآ حكي حلوَ من انسانةَُ رائعة مثلكَ .,~ |
ظِلْ.. بنت كتيير جَميلةة وحسَآسة..واكتر شي انها اقرب حدآ لزوقي بالصور.. بحسهآ عندها حزن كتير كبير ومو قادرة تتخطَاه،،وهِي جِداً راقيةة بالتعامل.. وقَلمها جداً مميز وبيلفتني دايماً.. وبَسْ..يخليكِ ي ربْ،،^^ |
عشق الروح بتزكر اول ما فتت المنتدى كنت اكرهو ههههه ليش بجد ما بعرف بس الحمدلله نظرتي اتغيرت هلاء المهم هو انسان فيه شويت غرور بس جواتو طيب تواجدو حلو بالمنتدى ومشاركاتو جميله عجبني موضوعو سفرة المنتدى كتير ربنا يوفئك ابو زين ويسعدك تحياتي |
اقتباس:
وعجبني تحليلكَ لشخصيات الاعضاءَ لانهاَ قريبة للحقيقة بشكل كبير ., ما تركتي اشي الي احكيهَ بعد كل هالحكي لانهَ جدا قريب مش شخصيتي استمتعت بقراءة هذه الاسطر عني , شكرا الك .,~ |
تَيمْ.. شَخص جدا راقي،بزوقه وصوره وتعامله.. مع اني ما بعرفه غير من مشاركاته وهيكا بس بحب صياغة كلماته.. واحلى شِي انو صَريح وهالشي حلو..وكتير بحب تواجده هو وقمرا سوآ.. انو بيلفتوني وبتابعهم وبتمنالهم التوفيق كوومات يمكن وصلت هالشي بس مو عن طريقيْ.. وهو شخص ما بيهمه كلام التانيين عنه هيك بحسه.وانه ما بيهتم لشي بشكل مبالغ فيه.. وبسْ..^^ |
اقتباس:
أنا مغرور وعارف حالي بس مغرور على الناس إلي ما بعرفهم ما بحب ـأكون عفوي مع الكل وبالنسبة أول ما فتي المنتدى أنا ألغيت الخاص علشان ما أكرهك أنا كمان ملك روحي إنتِ طيبة كثير مع إني ما بحكي معكِ ولا بحاول لكن بحترمها كثير وعارف إنو هيا بجد جواتها طفلة لكن عيبك بتحكي كثير وبتثقي بسرعة مثل باقي البنات ويوفقكِ كمان هذه رأيي فيكِ |
اقتباس:
. وفعلا وصلني الي بدك توصليه . . وشكرا من القلب لإهتماامك بالموضووع . . بخصووص هالكلاام . ؛ وهو شخص ما بيهمه كلام التانيين عنه هيك بحسه.وانه ما بيهتم لشي بشكل مبالغ فيه. . فعلا الله وكيلك بسسمع وبطننش . ولا كإني سمعت شي .مرييح راسي :74: . شكرا لذكر إسمي يا انيقةة . وشكرا ع كل كلمةة كتبتيهاا . يرضى عليكي ربنا . |
شكرا عشق الروح لإنك ذكرتني وع الشغلات الحلوه اللي ذكرتا عني والحمد لله كتير بحب اساعد الناس، وبالنسبه للسلبيات يللي ذكرتها بظنها سلبيات "الانسان العصبي"، ومعروف الانسان لمن يعصب بكنش بوعيه، واكيد ما بينفعل بدون سبب ولا بيجرح بدون سبب خصوصا لمن يكون واثق كل الثقه إنه هوي على حق واللي مئابيله عم يظلمه، ممكن اني اتندم بعد عصبيتي وممكن لاء، ع العموم العصبيه بشكل عام سببها التسرع برضه، وهاي اكتر صفه بحاول اني اشيلها من شخصيتي"تسرعي"، بس للاسف الشغله مش بالإيد وبظن كتير بشر ممكن يكونوا متلي لمن يمروا بموقف صعب ويكونوا على حق، سيعتا اللي مئابيلون بيستاهل انون يجرحوه ! كل الشُكر :137: .. |
صمت اللقاء . أنس هذا الأنسان لا استطيع ان اوصفه لأني لا أوفيه حقه إنسان طيب جداً وله قلب رحيم وصراحه احب الشخص هذا بسبب تعامله وأخلاقه الطيبه وللأمانه اذا شفته متواجد استانس لأن تواجده يعني لي الكثير وبالأخير اقول له الله يسعدك ويحفظك ويعافيك وين ماكنت اخي انس |
اقتباس:
ما كنت بعرف أن البنات عينها مني ههههه كلامك جميل وتأكدي هذه طبيعتي وما في أي سبب يخليني أكون عكسها وبالمناسبة التفائل ما بيحتل مساحة كبيرة في حياتي ربما لأني بضع دائماً أسوأ الإحتمالات حتى أكون مستعد لها وانا اتمنى لك كل التوفيق شكراً لك مرة ثانية |
اقتباس:
شكرا اخي الفقير لله على كل الكلام الحلو الي حكيتو عني والانسان الراقي الي مثل حضرتك ما بكتب الا كلام راقي مثلو بجد انت خجلتني بكلامك الرائع عني وانا من النوع الي بحب تواجدك على المنتدى لنك انسان محترم وفارض احترامك على الجميع يتمنالك التوفيق تحياتي الك |
توليين .. هآي خيتي الحبآآآبة ربي يسعدهآآ وين ما كآآنت ووين ما تجهت حبيتهآآ من أول ما دخلت على المنتدى ما بعرف يمكن عشآآن إسمهآآ لفت إنتبآآهي بس دخلت قلبي بسرعه ولمآآ حكيت معهآآ حسيت حآآالي بعرفهآآ من زمآآن طيووبه وغآآمضة شووي بحس إنهآآ بنت وآآعيه وأكبر من سنهآآ هآآد رأيي عن بطتنآآ الحلووة هههه |
اقتباس:
والله ي عشق الروح ابسطني جوابك تقريبا كتبت كل شي ممكن اكتبو عنك يعني انتا من الناس الي بحس حالي ظلمتو لما قيمتك قبل م اعرفك ولكن فعلا هلاء انتا عندي من افضل الاشخاص وشخصيتك رائعه وبشرفني انك حكيت عني |
اقتباس:
انتي اروع من رائعة بالنسبة لقصة خدوم اللي الكل بيحكيها وبتزعجني انا بحب اساعد الكل بالشغلة اللي بفهم فيها هاد واجبي لانو شغلة بفهم فيها ما بمنعها عن اللي يطلبها ما داخلي حزن هو لي اما السعادة لكم وانا بتمنالك كل خير و رضا اانتي انسانة ذوق و واعية وبتستاهلي كل خير الك ذوق خاص روحك مرحة بصراحة بحب كلامك لدرجة لانو كلام عجايز ما تزعلي مني بس لانو كلام اكبار :98: و دايما كلام الكبار كلو حكم و مواعظ و نصايح ودايماا ما تكتبينه له قيمته و منه الفائدة تنتج اشكرك مرة اخرى |
هههههههه ضحكتني ع كلام عجايز بس حلوه حبيتها، اخواتي كبار بالعمر كل واحد فيون عمرو بالاربعينات واهلي ختياريه، يعني كل الوئت عايشه معاهون وبئعد بينون، هدا كله إلو تأثير، وعندي معارف كتير كبار بالعمر، بحب كل انسان كبير وفي اعضاء هون كبار بالعمر تمنيت لو اني بعرفون شخصياً .. شكرا اعلان ع كلماتك الحلوه، وان شاء الله تستفيد من حكياتي واكون عند حسن ظنك دايما .. يسعدك .. :137: |
سفير القلعه انسان محترم، عندو خبره بالحياة ومارر بتجارب كتير بحياته، ثقافته حلوه ودايما كانت تعجبني ردوده، فلسفته كتير عميقه لدرجه إنه احيانا كنت استصعب افهمها، يللي بتدل ع ئديش ناضج فكريا .. ولاحظت شغله فيه إنه انسان حساس، حلوه هالصفه لإنها بتدل ع ئلبه الطيب، بس ما بعرف ئديش مدى حساسيته خصوصاً إنه اذا زادت عن حدها رح تكون سلبيه .. غايب هالفتره وبتمنى يرجع وان ما رجع لظروفه الشخصيه فبتمناله حياة ناجحه وموفقه بمختلف المجالات، وبحب احكي إنه كان ورح يضل من الاعضاء المميزين بنظري :137: .. سمايل ننوش بنت طيوبه كتير، من عفويتها وبساطتها بتخلي الكل يحبها، كتير حلو يكون الانسان محبوب، واضح ئديش بتحب الحياة وبتحب تنبسط وبعيده عن المشاكل والبغض والحزن، بتحب تحكي اللي بئلبها دايما، هدا بيدل ع التواضع والبساطه يللي بشخصيتها، ننوش بتحبش تتئرب من الناس النفسيه لإنها ئليل ما بتمر بلحظات حزينه بحياتها، وإذا مرت بموقف صعب رح تتأثر كتير لإنها مش متعوده بالمره ع الحزن والهموم .. ننوش بنت طموحه، بحس نظرتها للحياة وكل اشي فيها نظره ايجابيه، بنت متفائله، بحسها ماشيه ع هالمبدأ بحياتها "اكيد بكرا احلى"، بنت بتحب الضحك والفرفشه وما بعرف ليش حاسيتها زنخه ههههه بس اكيد زناختها حلوه لانها بنت مهضومه وئريبه للئلب .. بتمنالها حياة كلها سعاده ونجاح وما تدوء الحزن :137: .. وسيم شب محترم، مزوء بتصرفاته وحكياته، بحسه فاهم الحياة بالرغم من صغر سنه وهدا بيدل ع إنه مر بتجارب صعبه بعمر صغير، وهدا الاشي كتير منيح لإنه المواقف الصعبه بالحياة بتخلق انسان صاحب مسؤوليه، وسيم شب صريح، لمن يشوف اشي مش مزبوط بيحكي وبينتقد، واحياناً بحسه إنسان استهزائي .. بحسه بحبش يكون مهزوم بحاول دايما هو اللي ينتصر .. شفت فيه نوع من الغرور .. وسيم شب موهوب على ما اظن، عنده قدرات مميزه، انسان متفائل كتير بالرغم من انه عاش ايام صعبه .. وعلى ما اظن كمان انه الموسيقى كتير بتعنيله بحياته، بس طبعا مش اي موسيقى .. بحس اهله واخواته هني جزء كبير من حياته .. بتمناله كل النجاح والتوفيئ، وانه يئدر يوصل لمبتغاه، بتوقع مستئبله يكون ناجح :137: .. |
| الساعة الآن 07:53 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.