منتديات بنات فلسطين - اختار عضو واحكي عنو

منتديات بنات فلسطين (http://www.bntpal.com/vb/index.php)

- فـسحـة الـروح " يوَ๑ـَيآتْ الأξـضآء " (http://www.bntpal.com/vb/forumdisplay.php?f=8)

- - اختار عضو واحكي عنو (http://www.bntpal.com/vb/showthread.php?t=34709)

حابه احكي عن شام

مع إنه تواجدها صار كتير خفيف هالايام،
بس ما بلومها لإنها حياتها اليوميه اهم من عالم النت كله،
وئدرت افهم شخصيتها نوعا ما من مشاركاتها،
شام بنت بالرغم من صغر سنها نوعا ما إلا إنها ئدرت تفهم ئديش طبيعة هالحياة صعبه،
بنت بتعملش حساب لحدا وانا بالنسبه إلي كتير ايجابي هالاشي،
ولاحظت عليها شغله إنها ممكن تجرح اللي ئبالها يللي بيفكر يدايئها ولو حتى بكلمه صغيري،
عالمحل بتوئفه عند حدو وهدا بحد ذاته ئوه شخصيه،
متأكده انها بالواقع بنت مزيحه كتير وفرفوشه بتحب الحياة وبتحب الصحبه ..
الله يسعدها بحياتها المستئبليه ويوفئها بدراستها هالفتره :137: ..

راجعه

:137:

اقتباس:

المشاركة الأصلية كتبت بواسطة سمــره (المشاركة 1159535)

رح ابلش مع ملك روحي ..

ملك روحي انا حبيت وجودها من سيعة ما فاتت ع المنتدى،
لإنه بهديك الفتره تئريبا كانت هي الوحيده اللي تعمل جو،
ومع الوئت ئدرت افهم شخصيتا من مشاركاتها،
انسانه شخصيتا ئويه، بتسكتش عن حئها،
وبحسها ماشيه ع هالمبدأ بحياتها "طنش تعش تنتعش"،
وبحسها جريئه نوعا ما لدرجه انه لمن تفكر تعمل شغله ما بيهمها الناس خصوصا لمن تكون واثقه كل الثقه من الاشي الي عم تعمله،
روحها حلوه بتحب الضحك كتير، ما بعرف اذا عانت بحياتي،
اكيد لا بُد تكون عانت بفتره من فترات حياتها، لإنه ما في انسان بهالدنيا ما دائش الحزن بحياته،
بس الحلو انه ولا مره حسينا بهالاشي، لإنه دايما البسمه مرسومه ع وجا،
واكيد مش تصنع بالمره، لإنها دايما ع طبيعتها، اللي بئلبها ع راس لسانها،
وكمان شغله بحب ردودها بقسم النقاش ..
الله يوفئها بحياتها وتكون كل ايامها سعاده ونجاح :137: ..

بعرف مشاركتي طويله بس ما بحب اتهبل واخبص بالاجوبه،
كل اللي جواتي وعئلاتي طلّعتو،
راجعه احكي عن عضو تاني ..

:137:

الله يسعدك سمرة

وربي خجلتيني

مساكي ورد حبيبتي

اقتباس:

المشاركة الأصلية كتبت بواسطة عصفورة الحب (المشاركة 1159329)

ملك روحي دايما مميزة بمواضيعها وافكارها الحلوة

ربي ما يحرمنا من وجودك هون بالمنتدى

حبيبتي عصفورة

يسلمو ع الحكيات الحلوة بحئي

تسلميلي

ماجيك

صمت اللقاء

ظل

وطن

نبض

ولكل من مر بمتصفحي

يسعد مساكم

وبانتظار مشاركاتكم

بعتتلي لايك وانا كنت افكر بهالموضوع رح اكتب عنها ..

الملاك البريء

هي شكلها امورة ..
ماعمري حكيت معها كتير بس الشي يلي بئلبها عارفتو
انا بصراحه شخصيتها مابعرفها كثير بس شكلها غامضه بس السر المخفي عندها

انا بدي احكي

عن ورد العمر

انسانة محترمة وعندها ذوق

بصراحة بحب تواجدها على المنتدى

كمان تعودت على توجدها

انااكثر شي كان تعامل بيني وبينها على الدردشة

وبجد انسانة راقية كثير

هي مرحة كثير

بس ما بعرف ليش بدها تترك المنتدى

احم احم

الموضوع لزيز كتير

سمو المشاعر بصراحة ما بعرفك كتير

بس اللي بقلبي صعب حد يعرفو لانه متل ما قلتي غموضي هو اللي بميز شخصيتي

بتمنالك التوفيق

ملك يسلمو كتير عالموضوع

واكيد رح احكي عن كل واحد بالايام الجاية

تحياتي

راح احكي عن ﻻﻻ

بنت انا من المعجبين باختياراتها بالصور

بحس الها ذائقة خاصة بتميزها عن الكل

وعندي عتب لالها

بحكيلها وينك ي ملكة الزوووء

اشتئنالك واشتئنا لصورك

ربنا يوفئك

ورداتي

نورتي الملاك البريئ

يسعد مساكي

وبانتظار مشاركتك

كمان مرة ..

ملاك بعرف والله وفاهمتك ومتابعه لكل اشي بتكتبيه
هههههههه بحكي جد