|
حابب احكي شي معلش تحملوني بعرف مو هون المكان لكن لازم احكي شي حدا ممكن فكر مره ليش احنا منبكي لما نفقد حدا غالي ام او اخ او صديق او حبيب بتعرفو فكرت كتير انا بالموضوع بالاخر طلع معي شي انه احنا انانيين وكتير كمان احنا ما منبكي عالميت لانه الميت راح ومو سامعنا ولا مفكر فينا احنا منبكي عى انفسنا لانه ما رح نشوفه مره تانيه وكلام نبض هلا ثبتلي اكتر واكتر الي مات الله يرحمه كلنا بدنا ندوق الموت والدنيا قصيره تكه او عضه كوسايه هههههههههه بتكون تحت التراب |
اقتباس:
ههههههههه مؤيد :26: ! |
مؤيد أنتز اصلا يلي بقهرنا شي انو م بنحس بالشي الا بس يروح |
انتز ببلاش ما حزرتي هاي الكلمه عليها ضريبه بدي 5 تقييمات عشان اسامحك عليها t342 |
ههه مفلسةةة |
حاسة الموضوع ئلب شات هون وﻻ شو ؟؟! لو سمحتو تلتزمو بمضمون الموضوع :( |
لونلي هيرت رح احكي شوي عنها هالانسانة اللي حبيتها من قلبي ما عندها تكبر على حد بساطتها بتجنن بكفي احساسها بغيرها واهتمامها بناس غاليين عليها بحب مواضيعها بصراحة وبهتم بردودها واسئلتها فاهمة الحياة صح وبتحسها بكل جوانبها بحبها كتير لهالبنت نقاشاتها حلوة وما بتفشل حدا حتى لو كان ردو جارح ما بتهتم بترد بلطافة وزوء راكزة كتير بحب صورتها الرمزية كتير انيقة بالصور اللي بتصورها بنفسها الله يوفقها بحياتها |
حابة احكي عن الكل بصراحة كل حدن هون رح احكي عنه |
نبض شو بدي احكي عنها مش عارفة حبابة ونشيطة كتير بحب كتاباتها بالرغم اني ما بتابع كتير بس بصراحة بنفع تكون كاتبة بحق بعشق مواضيعها بقسم الصور فضفضتها الخاصة بتعجبني ما بتهتم لحدا واثقة بحالها كتير ومطنشة اي شي غير مبالي بتمنالها ايام حلوة بحياتها |
حبيب العمر مؤيد ما عمري شفت بحياتي اطيب من هيك شخص بخبي الاشيا اللي بتحزنه وما ببان عليه هالشي بضحكته اللي بيرسمها هون دايما وعلى طول اكتر شخص عرفتو هون كمعاملة ما في احلى من هيك معاملة خدوم بالدرجة الاولى لكل عضو بئدر اسميه "مخفف الآلام " اه لا تستغرب متل الاكامول بفرد شكل لكل حد حزين وكئيب والله العظيم بحياتي ما شفت انغش منه اتحمل مسؤولية كبيرة قبل مسؤوليته الخاصة وتحمل تعب ومعاناة ابوه وبرغم كل شي بتلاقيه مبسوط وسعيد على طول بحترمه جدااا هالانسان وعمري ما رح انسى وقفاته معي بايامي الصعبة شكرا مؤيد شكرا من قلبي لالك علمتني درس ما رح انساه بحياتي صحيح كان قاسي بس الواحد بعيش وبموت وهو يتعلم حتى لو خسر ناس غاليين عليه بتمناله الحياة السعيدة مع شريكة حياته المستقبلية |
وسيم صراحته بتجنن ما بحب المجاملة بصراحة صرت خاف من ردوده ما بعرف ليش عندو فلسفة خاصة للحياة بس حضوره اله قوة بالمنتدى لا تزعل وسيم بحب ترد على مواضيع النقاش يمكن في اعضاء ما بيفهمو عليك بس انتقاداتك حلوة وخليك متل ما انت شخصيتك بتجنن وقوية متل ما انت كاتب ناقد سوري من النوع الممتاز بصراحة اكتر انت مكسب كبير للاعضاء وللمنتدى ككل |
البريئة ميناس احكي عن جارتي والله بيتوقف الحكي عنها شو بحبها وبحب وجودها هون واقعيتها حلوة اهم شي الادارة لابقتلها بتتصرف مع الاعضاء بلطافة ما بتكره جد وما عندها خيار وفقوس هاد اه وهاد لا الله يخليلها امير ويكبر ويتربى بعزها بكفي انها خليلية وهالشي بيرفع الراس ي بنت بلدي جدية اكتر من مزحها شوي* خواطرها حلوة مواضيعها راقية شخصيتها جذابة حبها للاعضاء بيجبر الكل يحترمها ويفرض احترامه الها مش عارفة شو احكي كمان كل الكلام قليل عليها |
الله يسعدك حبييبتي ملوكه وانا بحبك كتير وبنبسط لما بشوفك بالمنتدى مش عارفه شو احكي حبيت كلامك عني انا فعلا انسانه بسيطه وبحس بغيري وبحاول اساعد على قد ما بقدر مبسوطه لانك بتحبي صورتي الرمزيه وصوري يلي بصورها ومواضيعي وردودي الله يسعدك يا رب ويوفقك حابه احكي عنك ملوكه من الاشخاص يلي بحب وجودهم هون بالمنتدى طيوبه كتير وحساسه وما بتدخل بحد انسانه بسيطه وحبابه وبحالها بحسها مهمومه وعم تعاني كتير ومش مبسوطه بحياتها بتحب اولادها كتير حسيتها انسانه واقعيه من مشاركاتها بتحب تجاوب على الاسئلة يلي بنزلها بقسم النقاش لانه بتفضفض وبترتاح محتاجه لحد يفهمها ويسمعلها ويمكن ما عم تلاقي هالانسان ما بتحب تزعل حد منها وان حد زعل منها بتتعب كتير بتمنالها السعاده من كل قلبي |
كلامك كتير فرحني والله بكيتيني من كلامك برتاح لما ادخل هون وشوف كم عضو والله بحاول زت وارمي كلشي ورا ضهري لمن افوت عالمنتدى بصراحة المتنفس الوحيد هلأ الي هو المنتدى ووجود اعضاء متلكم الله يخليكي وما يحرمني من كل مواضيعك ووجودك لونلي |
اقتباس:
حكيك كتير بسعدني حبيت نظرتك الي وكتير وانتي من الناس الغالية عندي والله ربي يسسعدك ع طول ويريح بالك |
اقتباس:
بتمنى دايما الراحه ترافقك الله يخليلي اياكي يا رب ابتسمي وارمي ورا ظهرك الله يسعدك يا رب |
اقتباس:
على فكرة ما بجامل انا بتعرفيني حكيت اللي حسيت فيو |
ملاك ما رح رد على كلامك حرف بحرف لكن الانسان الاصيل الي متلك ما بطلع منه الا هيك كلام حلو انا ما عملت الا واجبي تجاهك وتجاه اي انسان انا بقدر ساعده بعدين الي بسمعك بفكر شاريلك فيلا ولا سياره ههههههههههه الله يهدي بالك ويخليلك زوجك وولادك ويتربو بعزك رح احكي عنك كلمتين انتي اشي كبير كنتي وما زلتِ بنظري وعيوني انا مو من النوع الي بغيرني موقف انتي انسانه حبابه ولطيفه وراقيه في التعامل والكل هون بحبك وبحب وجودك كمان صعب اوصفك بكم كلمه حكيتلك انتي اشي كبير عندي بكفي انك وفيه ومو ناكره للجميل متل غيرك موفقه بحياتك وشكرا كتير لكلامك الحلو |
خلص لا تعيطي لاعيطلك لونلي هههه بحبك وخلص اليوم ما رح نعيط مخبيه هالشي لبكرة ااطمني يسعدك ربي بحترمك لدرجة كبيرة |
مؤيد صعب الواحد ينسى ناس واشخاص متلك وصعب حد يوصفك بكم كلمة واللي بيخدم مو شرط يقدم مصاري لااا اللي بيقدمو اكبر من هيك بكتير بتضل بنظري ابن نابلس المحترم لاخر العمر |
بدي احكي عن .... إنسان رائع جميل بكل التفاصيل ب عمره م جرحني ب كلمة وحدة محدا هون زعلان منه محبوب من الكل بمزح بس باحترام وبشوف كل البنات هون خواته يلي بخاف عليهم ما بظن انه ابدا بيوم جرح او أذى حدا هو حدا كتير كتير كتير كبير بقلبي وعيني وعمرها نظرتي اله م تغيرت هو احسن حدا من الشباب عرفته هون وقف معي يالله قديش كان معي ب أصعب اوقات نصحني كان الي اخ واب والله برغم صغر سنه لكن استوعبني بطريقة بتجنن وغير فيا شغلات كتار كتار ربي وحده بعرف قديه معزته بقلبي وبتمنى اله كل خير ويكون ناجح بحياته ويرزقه بنت تستاهل جمال روحه وقلبه شو بحب دلاله الي كأني بنته الصغيرة لك والله بحس اني قطعة من قلبه م بحب يشوفني مدايقة ابدا وبس كون هيكا بعمل المستحيل ل يخليني أضحك احلا هديةة وصلتني منه بيوم بعتلي أغنية بصوته الي كانت مفأجاة حلوة كتير رغم انو متت ضحك يومها بس كتير انبسطت من قلبي لك عارفين شو م كتبت قليل بحقه لانه أكبر من ان يوصفه حرف بكفي انو من سنةة ل هلأ هو زي م هو خيي الصغير الي بحب سعادتي اكتر من سعادته ( القيصر الساهر ) يحميك ربي وين م كنت خيي |
وقت شاركت فهالموضوع حكيت تقريبا عن الجميع .. وحاليا حابه احكي عن هالاكم عضو، ولا مره ذكرتون .. خواطر الصمت .. بحسها اكبر من عمرها، وبحسها مرت بتجارب هي مكنتش قدها او يمكن كان بعد بكير لحتى تمرق فيون نسبةَ لسنها الصغير بس خلتها تعاني وتتحمل لحتى تدرك بإنو الدنيا مش دايما فيها اشياء حلوه وإنه الواحد لازم يتوقع بأي لحظه يصادف اشياء بشعه بحياته متل اللي صادفتون بحياتها، من وقتها وهي عم تبلش توعى ع هالدني .. بس في شغله بتضلها مسيطره يللي هي ألخوف، ما بعرف إذا كان من اللازم يصير معا هالتجارب لحتى ينوجد هالخوف، بس ما في داعي تقلقي لإنه بكرا رح يجي يوم وتصيري اقوى من هالخوف، وانا بحكيكي من تجارب، يمكن هاليوم يجي بعد 5 سنين، يمكن بعد 10 .. وقتها رح تصيري تضحكي ع حالك كيف كنتي وبنفس الوقت تشكري الله إنو خلاكي تمري بكل هالتجارب بحياتك .. شغلة وقت .. وبالنسبه للخوف بحسها متناقضه فيو، يعني بتكره الخوف وبنفس الوقت ميّاله إلو .. وعكلن متل ما ذكرت شغله وقت ورح تلاقي حالها إنسانه تانيه، حاليا بعدو مشوارها طويل ولسه رح تشوف كتير اشياء فالدنيا اللي رح تغيرها، للأقوى بتوقع .. خواطر لاحظت فيها شغله إنها بتحب تكون مميزه ومختلفه، يمكن هي بتكنش حاسه بهالإشي بس دايما بكون واضح من مشاركاتها وبعرفش اذا غيري بلاحظوا متلي وانا شخصيا عنجد بحسها بنت مختلفه فالمنتدى وبحس في تشابه بيني وبينا بهالنقطه، وبتعرف كيف تلفت نظر غيرها ويمكن هي بتقصدش بس هي فعلا ملفته .. بحب شغله فيها إنه لمن بدا تحكي عن شغله وتبدي رأيها، بتطلع كل اللي جواتها تجاه هالشغله او تجاه الموضوع، بتعبر من كل النواحي، حتى لو حكت اكتر من اللازم المهم تحكي اللي عندها، الاشي حلو بس بنفس الوقت بيدل ع شغله معينه، بيدل ع إنه مش لاقيه مين يسمعها فالواقع لهيك فأغلب مشاركاتها بتحس فيون فضفضه او قديش بتكون حابه إنه تفضفض اكتر واكتر بعد بس بتختصر فالاخر، غالبا اللي بصير مع الإنسان فالواقع بيعكس مشاركاته فالمنتديات بدون ما يحس، بس مش مع اي حدا ممكن يصير هالإشي، بيتعلق فالشخص ووحوده فالمنتدى، يعني مش دايما الاشي ممكن يكون واضح .. ولاحظت كمان شغله فيها بإنه اوقات ببعض مشاركاتها بكون فيون رساله، يمكن رح تحكولي كل واحد هيك، يمكن صحيح بس خواطر مختلفه فهالنقطه، هالرساله بتكون موجهه لشخص او لأشخاص ولكن بتوصلها بطريقه غير مباشره، بس بيضل في علامة إستفهام فالنص ما بين تكون هالرساله وصلت او موصلتش .. الله يحميكي ويقوي قلبك .. صمت المشاعر .. قديش طموح هالشب وجواته أماني وقديش الواقع اللي عايشو بعيد عن كل طموحه وامانيه، ومع هيك بتلاقيه صابر يمكن لإنه عندو قناعه او حاسس بإنه رح يجي يوم وحياته تتغير وكل الاماني يللي جواته رح تتحول لواقع، مع إنو إذا بتلاحظوا من مشاركاته بتحسوه إنسان "عايف حاله"، ويمكن في جواته شوية امل بس اللي قصدته إنه عاش مواقف بشعه هالإيام، اللي اثرت عليه فوق إنه كل يوم عم بعاني وعم بفكر الف مره كيف يحقق امانيه ويطلع من هالواقع المر، عشان هيك متل ما بقولوا "اللي فيه مكفيه" .. لاحظتوا شغله؟ ولا مره حكى قديش عمرو، وانا متأكده الكل عندو حب الاستطلاع يعرف عنو ويتعرف عليه، قبل ما يعرفوا قديش عمرو، بس صمت عانى بحياته لهالسبب بخفي عمرو ويمكن رح يضل مخبيه، عانى بسبب إنه كان واضح متل الشمس، واضح مع هالناس اللي غدروه وكان مفكر إنون بستاهلوا او يستحقوا رفقته معون ومحبته إلون، بس طلع العكس، غدروه، فإكتشف الكتمان انسب اشي بهالزمن يللي كلو اقنعه، عشان هيك اللي مفكر يتقرب او يوصل لصمت بدو يتعب لحتى يوصلّو وحتى يمكن مستحيل يقدر لإنه صمت إنسان "صعب المنال" .. حسيته بحبش تصرفات الصبيانيه من قد ما بيهموا الاحترام والزوق والناس اللي صحاب العقليات الكبيري والراقيه، وفيك تقول مانو فاضي للتفاهات، وانا بقول هيك لإنو بالنت وبالواقع ملان تفاهات .. بكون فش احلى منه معك لمن تحترمه ولدرجه إنه ممكن يكون ع طبيعته قدامك وتضلك تشوف ضحكته اللي دايما مخبيها جواته بس مع هذا كله رح يضل حاطط حاجز فالنص بينك وبينه، مهما كان في لغه .. بحب شغله فيه فالمنتدى إنه بيفصفص الموضوع ع الاخر واللي متلو قلال ويمكن اكتر شغله بحبها فيه، صحيح إنه خير الكلام ما قل ودل بس بحب الناس اللي بتعطي الموضوع حقه من كل النواحي، إنو لمن فيك تطلع كل اللي جواتك تجاه الموضوع ليش حتى تختصر جوابك بكلمتين؟! واللي متل هيك بحكوش كتير بحس عندون كبره وغرور نوعا ما، ما بعرف، بالنهايه كل واحد وطبعه .. حسيت شغله فيه بإنو مش كتير بتفرق معه جنس حوآ مع إنه شخصيته جذابه وموشيخت فا ممكن يكون محبوب من قِبل جنس حوا، بعرفش إذا كلامي مزبوط .. الله يعطيك بحياتك ويرزقك كل اشي بتتمناه .. حنين الروح .. انتي مش حنين الروح، انتي "حنين البسمه" .. لإنو اللي بيحبك رح يضل يشتقلك ويشتاق لبسمتك .. مكنتش بعرف انها من المنتدى القديم من 2009 واستغربت اكتر بإنها رجعت من بعد غياب بس لاحظت انها فالمنتدى لجديد من 2013 قليل ما كنت اشوفا اون لاين .. بس بعرفش قديش قعدت غايبه .. حنين دايما نظرتها للأمور ايجابيه حتى لو كانت بعز المشاكل بتلاقيها "عم تضحك"، شو احلى من هيك شخصيه؟ بحسها بتستغرب وبتتمهزأ من الناس اللي بضلون فايتين "بحاله نفسيه بدون سبب" وهي بكنش قصدها هيك فعلا إلا إنه قصدها "الإنسان بقدر يغير حياته من بشعه لحلوه بإيده، فليش يقضيها مهموم ويضل يصعبها طالما بقدر يسعد حالو؟" .. من حنين الواحد بيتعلم إنه يضل يضحك لإنه فش اشي بستاهل بهالدنيا .. بحسها بتاخد الامور ببساطه وبسهوله مستحيل تصعبها لإنه فش اشي مالوش حل .. حنين إنسانه "مخلصه" واللي خلاني اكتشف فيها هالإشي لمن ذكرت اكتر من مره بإنها لساتها محافظه على علاقتها بأشخاص تعرفت عليون من خمس سنين، وخمس سنين مش يوم ولا يومين، خمس سنين هاي فتره طويله، من ضمن الاشخاص اللي ذكرتون دارك ديفل والماجيك، ما بعرف مين ذكرت كمان، مش مهم مين الاشخاص، بدي تركزوا عالفتره "خمس سنين" وهذا اشي نادر بالنسبه إلي لإننا عايشين بزمن معدوم الوفا وقليل ما تلاقي واحد يقدر يحافظ ع تواصلو مع الغير .. هني اللي كسبوا قبل مهي اللي تكسبون لإني بعتبرها بسمه إلون، عنجد كل الاحترام إلها بشحصيتا المميزه .. الله يديم الضحكه ع قلبك وكل ايامك تكون حلوه متل بسمتك .. الملاك البرئ .. اللي ع طول "إبتسامتها من خلف القضبان" .. لإنها مشتهيه الضحكه تطلع من قلب مرتاح ومن نفسيه مرتاحه، فلمن تشوفها بتضحك بتكون ضحكت بصعوبه لإنه جواتها دمعه .. عانت بحياتها وتحملت كتير ويمكن بعدا عم تتحمل بس انا متأكده انها تأكدت من شغله بإنه مش كل اشي بتمناه الانسان ممكن يحصل عليه فتجري الرياح بما لا تشتهي السفن، بس بعد عندها امل بسبب وجود اولادها وامها، يللي هني الاقرب الها فحياتها، الله يديمون ويطول بعمرون .. ملاك يمكن انحرمت من كم شغله بحياتها اللي لاقتون بأشخاص تانيين بحياتها، اشخاص غريبين كانوا وقراب صاروا، تعلقت فيون، ويمكن وجودن سراب فحياتها وهي عارفي إنون سراب لإنه مش دايمين معها مدى الحياة بس مش عم تمنع نفسا منون لإنون ساعدوها وعلموها ويمكن لساتون بدعموها .. بس رح يجي يوم وتدرك بإنه الشكوى لغير الله مذله بعد ما يختفوا من حياتها .. ملاك بحسها إنسانيه بتعرف تتعامل مع اللي قبالها وبحسها حنونه عندها حنيه كبيره، واضح إنه قلبها طيب ولا بعمرها قست ع حدا او جرحت حدا وع الارجح يللي قلبو طيب بكون تعيس الحظ ومالو بخت من حدا .. الله يكون معك ويريح بالك .. غرووب .. بحسها بتطلع عالجميع او ع الاغلب بنفس النظره .. قديش عصبيه هالبنت وقديش حلوي بنفس الوقت، وهالإشي ببينش عليها كتير لإنه دايما بتظهر عكس اللي جواتها يعني الاشي لا إراديا، فاللي ما بعرفها بجهلها .. غروب كتير بتحب الناس اللي بتضل تضحك وبالذات اللي بحبوا التغيير لإنه هي شخصيا بتحبش الروتين مع إنها يوميا عم تعاني من هالروتين وهالاشي عم يعكس وجودها هون لدرجه انه المنتدى بحالو عم تشوفو ممل اوقات، بحسها قويه وبتسكتش عن حقها. بحسها مش كتير بتحب تحتك او تختلط فالناس لإنه مش اي حدا ممكن يركب عقلها، حتى زوقها ممكن تلاقيه صعب، لمن بدا تختار بياخد معا وقت وبتفكر منيح قبل ما تختار، إن كان صوره، شخص، قطعة اواعي، او شو ما كان هالإشي .. الله يوفقك ويحميكي .. خالد عليان .. بحب صراحتك، وبعتبرك الاكثر جرأه من بعد ما كنت اعتبر الماجيك اكتر واحد جرئ بس انحظر، بحب صراحتك ويمكن كتار بشوفوك مستفز بس بحسك بتفكر بهالطريقه بإنه مانك مضطر تجامل لحتى اللي قبالك يكون مبسوط وراضي، بيهمك انت تكون مبسوط وراضي بعدين بتفكر بغيرك ويمكن ما بيهمك غيرك، عشان هيك بعدك زي ما انت وولا مره تغيرت من هالنواحي .. واللي زيك صعب يتقبلوهن لإننا عايشين بزمن مجاملات، لإنك ماشي دغري بتحبش العوج، لهيك دايما بوجهولك انتقادات ويمكن قلال اللي راغبين بوجودك فالمنتدى، ما بعرف إذا كلامي مزبوط من انا متابعه موضوع خلف الكواليس كل الوقت يعني بتابع ردود الاعضاء، من هالموضوع الواحد بقدر يعرف شو بعني وجوده بالنسبه لغيرو .. اوقات يمكن بشوف طريقة حكيك ناشفه، بس الواحد بكنش هيك عالفاضي وحتى لو كنت عم تحكي بطريقة استهزائيه .. طبيعة الحياة وكترة المواقف اليوميه والتجارب المختلفه هني اللي بجبروا الانسان يكون اسلوبه يعني الاشي بصرش بدون سبب، فليش لحتى الواحد يحكم عليك من هالمنطلق؟ المفروض نفهم شو جوات الإنسان، بعدين نحكم عليه .. عكلن ما تفكر كتير فهالموضوع طالما مش عم تتعدى ع حدا وانا شخصيا بشوفك شب محترم وقد حالك وولا مره تعديت ع حدا .. بحس عندو خلفيه سياسيه ويمكن مش كتير بس بحسه بهتم للسياسه او حتى لكل اشي عم بصير حوليه وحولين هالعالم كلو مش بس من ناحية سياسيه من مختلف النواحي، لهيك الاخبار كتير بتهمه لحتى يكون واعي وعندو علم بكل اشي بصير فهالدنيا .. الله يقويك ويوفقك .. محمد .. هالبسيط المتواضع، احلى اشي فيك انك ع طبيعتك .. محمد صحيح بحكيش كتيربس هو عارف وفاهم ومجرب، هالاشي دايما بعكس وجوده ومشاركاته، يعني مفش ولا اشي جديد عليه، حتى ابشع التجارب بتلاقيه عاشها بحياته، لهيك نظرته للأمور جدا عاديه وبتقبل كل اشي بروح رياضيه، مانو صغير وعندو خبره فالحياة .. قليل ما بشوفه معصب، لإنه عارف إنو فش اشي بستاهل فبتوقع معظم اوقاته رايق .. الله يسعدك ويوفقك .. مآسه .. بنت كتير وطنيه وبنفس الوقت دينيه، كتير بعنيلها الوطن وكتير بعنيلها الدين، لهيك إذا بتلاحظوا "اغلب" مشاركاتها بتذكر فيون الدين والوطن، مفش احلى من الإنسان يكون متمسك بدينو اكتر من إنه يكون بعشق وطنه، مآسه كتير صريحه بتبدي رأيها بدون خوف بس عن زوق، يعني بتعرف تصارح اللي قبالها بإحترام، هي بتحاول تظهر جرأتها كإنثى كبيري بالعمر بس طفولتها بتسيطر وبتغطى ع هالاشي لهيك بتبين طفوليه اكتر من إنه تبين انثى بالغه، حبيت فيها شغله بإنه بتقدر تتعامل معها بأريحيه، بتقدر تاخد وبتعطي معها بدون تعقيد او حدود او حتى تفكر تتوجهلها او لأ، مانها هيك بالمره .. الله يحميكي وتوصلي لأعلي المراتب بحياتك .. انفاس طاهره .. مزوقه هالبنت ودايما نظرتي إلها بإنها راقيه، بس انا من فتره شعرت إنها بتعاني من بعض الاشياء فحياتها ، بس بتحبش تبين هالإشي كتير، بتحبش تخوض بخصوصياتها فالمنتدى، لهيك اذا بتشوفوها بتلاقوها بتضحك كل الوقت .. بحسها حابه توصل لأشياء بحياتها بس يمكن الاراده مش كتير قويه بسبب الخوف، بتخاف من إنه تفشل .. وانا بقلها حتى لو فشلتي بكون كتير منيح لحتى تتعلمي من اغلاطك وتصلحيون وتعرفي ايجابياتك وتقويهون، اللي بجربش بيتعملش وحتى اللي ما بيفشل مستحيل يتعلم .. كوني قويه واتكلي ع الله دايما والله يوفقك ويفتحا بوجك دايما .. السماء تحبني .. إنسان مميز بطيبة قلبه وروحه حلوه مع إنه كبير بالعمر نوعا ما ومع هيك بضحك وهالاشي قليل ما نشوفه عند واحد كبير بالعمر لإنه اغلب الكبار بتلاقيون جديين، فهو العكس دايما ع طبيعته ودايما بشوش ودايما بسيط لهيك كسب محبة الجميع تقريبا .. السماء لو بشاركنا اكتر يمكن يطلع منه اشياء حلوه وحتى رح نتعلم منه لإنه واضح انو مارر بتجارب بحياته يعني إنسان بالغ وفهمان بأمور الحياتيه اليوميه، بس مش كتير بحب يعبر وبحكي خوف من إنه يوقع فالحكي ويصير يحكي عن حالو لإنه بحبش يحكي عن حياته واموره الشخصيه لهيك دايما بحاول يختصر فالحكي ومع هيك حكيو بكون مفيد بنفس الوقت .. بحس إرادته قويه، وقت بدو اشي بقدر يحصل عليه، وبحسه إنسان ناجح بحياته رغم إنه عانى من ماضيه، واكيد مانو متشائم كل هالقد لإنه الماضي بيعلم الإنسان .. الله يريح بالك ويوفقك بحياتك .. :137: :137: :137: |
اقتباس:
حبيت كلآمك ونظرتك إلي بالفعل أغلب يلي حكيتي صحيح عني ربي لآ يحرمنآ حضورك ولآ أرآئك آلجميلة كوني بخير ! |
سَمرة دُهشتُ كثيراً كوني كنت من الشخصيات التي قمتي بالتحدث عنهم ولكن اود ان الفت انتباهك لامرٍ ما هو ان جُل ما تحدثتي بهِ كانت امورٌ صحيحة : فعلاً محللة بارعة ومجيدة في تحليل الشخصيات سمرةْ من الشخصيات التي اثارت انتباهي فورَ دخولي هذا الصرحُ العظيمْ ومن ضمِن ما لفت انتباهي في شخصها الكريم هي منطقيتها وفلسفتها في الحياةْ مجيدة للنقاشْ بارعة في التحليلْ مُحبة للجميع : تُحاول مساعدة الاخرين من خلال الاستماع اليهم وفهمِ ما يدورُ بداخلهم لعلها تُخفف عنهم وتقلل من حدة معاناتهمْ تضحكُ خافتةُ ملامِحُ وجهها بتقاسيمُها المزروعة طُهراً كما انها تحاول زرع الابتسامة على شفاه الجميع : غير مكترثة بالحياة وبشقوتِها قدرْ اكتراثِها بتحقيق امانيها والوصول الى اهدافِها مُحبة لعائلتها كثيراً : صريحة جداً وجريئةْ ولكن صراحتها لا تتعدي حدود الوقاحة فهي قدر المُستطاع تحاول ان تكون صريحة مع اكتناف صراحتها جُزءاً من المجاملة البسيطة يـاَ قَديرْة لِيتَ حَرفيِ يَفيِكِ هذاّ الشُعورَ الفَـاخرَ اً المُتَفَرِدُ حُسنــاَ |
اقتباس:
وبهمني أكتر نقدك فبتمنى دائما تعطيني ملاحظات ولو كانت سلبية اما لقبي اضطريت غيرو لصعوبة تقبل الصراحة بهالمكان عندي تعقيب صغير كتير على شغلة بتمنى نتجاوزها ليش بتخافي من ردودي انا ما بقاتلك .. انا انسان بناقشك بالمنتدى متل ما بناقش اي انسان بالواقع يا بتقنعيني يا بقنعك يا اما كل حدا بضل على رايو . . الملاك البريئ بنظري انت انسانة " مترقبة او مترصدة " و هالصفة كتير بتعجبني فيكي لانو هالصفة قليلة عند اللإناث خاصةبسبب تسرعون نوعا ما انت هادئة و لطيفة شخصية مسالمة - قريبة للقلب عندها راي حر و قناعة ثابتة بتدل على شخصية عنيدة خويفة بطبعها بقدر إتقبلها بكل روح رياضية و رحابة صدر و ما بنساها :136: |
ياحبيبتي أنتي سمرةة بجد انبسطت بكلامك عني وكل كلمةة وجهتيها لي أو عبرتي فيها برأيك لشخصي أو نصيحةة صدقيني دخلت قلبي ورح أسمع وأعمل بكل كلمةة وجهت لي .. كلامك فيه من شخصيتي وكأنك بتعرفيني من فترةة قديمةة .. رح أحكي عن الأشياء يلي تكلمتي عنها صحيح أنا ولله الحمد مريت بتجارب وتحملت مسؤوليه بوقت كآن لازم كون فيه أكبر همي مثل كل الشباب دراسةة ولعب وطلعات هي التجارب خلتني شخصيه عاقله متزنه بعرف متى أتكلم ومتى أسكت .. بخصوص الخوف صحيح ونفسي أتخلص من هذآ الخوف اليوم بعد بكرةة بس صدقيني إي بنت مرت بيلي أنا مريت فيه رح أكيد بتكون خايفه لأنه أغلى مابتملك البنت شرفها وسمعتها وأهلها ولما يجي شخص ويدعي حبه لك وإن كآن صادق ويفرض حاله عليكي وتحسي بعدم الأمان إتجاه وتبعدي عن أهلك وبلدك من شان ماتصير مشاكل رح تحسي بالخوف .. ولما تفقدي شخص عزيز عليكي كآن قلبك متعلق بقلبه وكنتي معتمده عليه بكل شئ وتفقديه بطريقةة بشعه وانتي الوحيدةة بهذا الموقف صدقيني رح تحسي بالخوف .. وكثير أشياء واجهتها خوآطر بحياتها ومو حابه أكتب أكثر عن هالاشياء لأنها بجد بتخنقني بس حبيت وصلك مهما كآن الإنسان شخصيته بتبان قويةة وقدحاله فبداخله خوف بيحاول يخبيه .. أما إني بحب كون مميزةة صحيح أنا بحب كون مميزةة بأي شئ بس مميزة بشئ حلو مو بس كون مختلفه عن غيري وشاذه عشان كون مميزةة لا وهذا الكلام كثير بسمعه من صديقاتي وأهلي ومعلميني وهذا الشئ بيسعدني لأنه التميز شغله حلوه بس بعمري لاهنا ولابخارج المنتدى بحاول ألفت نظر غيري إلا إذا بشئ ينفعهم هم وخصوصي نحن كشباب .. حبيبتي انتي وأنا بيشرفني وبيسعدني إني كون يشبهك بشغله صحيح بحب فضفض هنا لأن أغلبنا مابنعرف بعض غير من وراء شاشةة ولأني بالواقع صراحةة مابحب افضفض وأتكلم عن همومي ومشاكلي حتى لأقرب الأشخاص لي فبحاول افضفض هنا لأرتاح شوي وصحيح أنا بحب لما برد ع موضوع بحب أحط كل يلي بعرفه وبينفع غيري يعني مو بس برد وخلص لا بحاول أوصله يله هو محتاج له وأنا بحب ردودك كمان وبتابعه وبستفيد من كل يلي بتقوليه وكل عضو بحاول بستفيد منه شغله .. بخصوص إني بوصل رسالةة صحيح أنا سجلت هنا لأسباب وضعتها لنفسي وأولها إني فيد غيري وإني أحاول أنصح بدون ما اجرح أحد وإني حابه بجد إن نكون شباب واعي محب لديانته وبلده وبلاد المسلمين محب للقراءة والثقافةة والرياضةة وغيرها من الأمور المهمةة حاب نرتقي كشباب وترتفع أوطاننا لأنه بجد مشتهيين تطور ووعي بلداننا العربيةة والشباب هنا ماشاء الله عليهم واعيين وفيهم الخير ولكن محتاجين من يطلع بداخلهم هذآ الخير وأنا أولهم .. مش عارفه شكلي طولت بس حبيت أعلق على كل كلمةة وجهتيها لي .. صدقيني أسعدتني سمرةة شخصيةة مثلك حللت شخصيتي بشكل رآئع وكنك تعرفيني من زمان .. بتشكرك كثير حبيبتي رح أحكي عنك اسمحي لي ..! |
سمرةة سمرةة أول ماسجلت كانت تجذبني بعفويتها وبكلامها ( لهجتها ) حلوةة وبحبها كثير آ وآرائها وفكرها صبيةة مثقفه غير متشدةة وشخصيتها قويةة جديةة أكثر من إنها مرحه وأنا صراحةة بحب هذآ النوع من الأشخاص .. سمرةة عندها طموحات كثيرةة ومن لما كانت صغيرةة وهي بتفكر بهدف واحد بس بحسها ما قدرت توصلها أو بالأحرى هي عملت يلي تقدر عليه بس الظروف لسى ماساعدتها وإن شاء الله رح توصلي يلي نفسك فيه حبيبتي .. سمرةة بتحب ترسم عين صغيرةة في أي مكان تروح عليه هه هي بداخلها طفلةة صغيرةة مصره إنها ماتتخلى عن الشغلات يلي بتحبها هذآ الطفلةة هي مابتحب تفضفض لحد غريب إذا بتفضفض بتحكي مع خواتها وبتنبسط لما بيجوا لبيت العيلةة ومهتمه ببوها وأمها كثير وبصحتهم وأهم شغله يوميه بتعملها لهم هي القهوةة .. عفويةة وبسيطة كثير كثير بتعرفوا ليش لأنها مابتحب تتصنع هي عفويةة حتى إنها مرةة بموضوع نزلت موضوع صور زواج لقريب لها واسعدتنا صراحةة وكأن عشنا معها هاللحظةة الحلوةة وكمان صورة ملابس لها مطويةة قلت في نفسي يالله هالبنوتةة بسيطةة وحبوبةة لأنه صعب أحد يصور ملابسه بس انتي سمرةة بسيطةة وعفويةة وبتحبي الواقعيةة أكثر وبتعيشي بواقعيه وماعندك تكلف وهذا الشئ بحبه بشخصيتك .. كمان صريحةة وبتحط رأيها بيلي هي مقتنعه فيه وبتحاول مثل ماقالت بتحط رأيها بكل الجوانب وأنا بحب هذآ الشئ فيها كمان من شأن مو بس صاحب الموضوع يستفيد كمان أنا أو غيري بيشوف مشاركتها لعله بيستفيد من شئ .. سمرةة كثير متواضعه وحنونه كثير بتسأل عني كوني عندي المناعةة ضعيفةة جداً وبسرعةة بعاني من الأمراض ومرةة بلسم نزلت عني موضوع وتطلب الدعاء لي وكثير أعضاء سألوا عني وأنا بتشكرهم كثير وبدعيلهم والله بكل خير وعرفت ان نحن بنحب بعض وإن اختلفنا ببلداننا وسمرةة هي العضوةة يلي ضلت تسأل عني ونصحتني كثير بالنسبةة لصحتي لأني بصراحةة مهمله كثير بصحتي نصحتني ونبهتني وكل مرةة بتسأل عني وكل ماغيب بلاقي تقييم منها بتسأل عني وعن نصحتي فأنا حبيتها أكثر وأكثر ودخلت قلبي بكل صراحةة بحسها بشغلات بتشبهني وقريبةة من شخصيتي ربي يوفقك ويسعدك ياغاليةة ..! |
سمرة شكرا للنظرة الفاحصة التي حزت عليها ووجهتك نظرك في احب ان اضع بعض اللمحات على ماكتبتي من كلام جميل بحقي انا لا أخاف الماضي او الحديث عنه بل اني استنكفه لانه لن يقدم شيء بعدين انا مو كبير بالعمر ههههه انا عمري 31 وربما الخبرة بالحياة كانت وليدة للتجارب حبيت كل كلمة حكتيها عني ربي يسعدك والك مني وجهة نظر في حضرتكم في وقت لاحق ولشخصيتكم الجميلة ان شاء الله دمت بخير. |
اقتباس:
كل شي احكيتيه و مش عآرفة لسى ايش بدك تحكي غمرتيني بلطفك جآرتي :64: و الله و الله بس شوف هيك حكيآت عني ببتسم و بخجل و مآ بعرف ايش ارد و ايش احكي حبيبة قلبي اناآ بجد بفتخر انك بنت بلدي و انك عم تذكريني هون و تاخدي من وقتك و تحكي عني مبسوطة و الله و الله و بحبك كتير انتي بجد من المميزين بالنسبة لياآ هون ربي يحميكِ و يسسعدك .~ |
اناآ قليل تإحكي عن حد بهالموضوع لكن في كم عضوو رح تكون لياآ عودةة حتى احكي عنهم شوي |
اليوم بدي احكي عن حبيب العمر أو مؤيد كتير هالشب ادمي وكل يوم بيمر عليي بالمنتدى هون او بالمنتدى الئديم عم يكشفلي معدنو الأصيل وأديشو طيوب ومابيحب غير الخير للجميع ومابيحب يشوف حدا زعلان او مزعوج من شي معاملتو كتير حلوةةة وقلمو كتير حلو وهو كمان خفيف دم ومهضوم كتير وكل رد الو او موضوع بياخد الطابع الفكاهي بطريئةةة ما بتأسر ع الموضوع زاتو وهاد كتير حلووو لأنو بيخلينا نئبل الرد او الموضوع او حتى النقد بطريئةةة لطيفةةة كمان بيحب بيووو وبيحترمو كتير وهاد بيدك ع انو اصيل ومربى تربايةةة منيحةةة يفتخر فيها أي أب ربي يديم بيك فوق راسك ولا يحرمك منو ويعافيه نشالله وربي يسعدك ويحماك ويوفئك مع الحبيبةةة ولا يحرمنا وجودك الطيب جورياااات لعيونك |
موضوع جميل ورائع يعكس روح المحبة والترابط بين الأعضاء فاتني الكثير منه ولم يسعفني الوقت لمتابعته سأتحدث عن الجميع هنا واقول لكم جميعاً أحبكم في الله |
بما انو ما حدا معبرني وحاكي عني مع اني صاحبه الموضوع :37: لهيك راح احكي عن حالي :12: ملك روحي فاتت هون وكان هاد اول منتدى لالها وتجربه جديدة من نوعها حبيت الكل هون وحبوني :96: صح انصدمت بناس كانو بوجهي شي وبضهري شي تاني بس الحمدلله امي ورثتني طيبه ئلبها وتسامحها انا بتفئ مع كتير بحكو عني عصبيه / متسرعه / متهورة ووووو بس دائما بحكو الي بعصب وبحكي و بفضفض حتى لو كان غلط بضل اطيب من الكتوم الي بيحقد بكفي هههههههه |
شو نحكي لنحكي يا ملك خلي الطابق مستور احسنلك :13: |
وك يؤبر البي يلي بيحكي عن حالووو فديتو بسسسسس *_^ |
ههههه تبا قصي حبيبه ئلبي شااام شو اعمل ما حدا معبرني ههههههه |
اقتباس:
مش عارف شو احكيلك يا شام كل يوم عن يوم اعجابي بشخصيتك بتكبر الحلو فيكي انك الك طريقه خاصه فيكي ما حدا بقدر يكون متلك بتقدري توصلي الي بدك ياه بعفويه يمكن مره شفت الك رد قاسي كان شاعر جديد عنا وهرب هههههههههه ما بعرف حسيت انك احرجتيه يمكن يومها رديت ورا ردك عشان اطيب خاطره للرجال حسيت يومها انك قويه الشخصيه وما بتخافي تحكي الي عندك انتي من الاعضاء الطيبين الي عملو الهم اسم ومكانه وانا بحترمك جدا وبضمك الى قائمه خواتي الي هون متل غجريه وننوش والبريئه وخواطر وكلهم تقريبا يسعدك ربي ويهنيكي احكيلك شي قسما بالله انا بضحك وبضحك غيري وجواتي ما بعلم فيه الا الله لكن هادا طبعي مابغيره وما بحب اشكي لحدا هون بشوف راحتي ومتنفسي في شي كمان بدي احكي الك ولغيرك انا لما بروح عند خواتي او عند بنات عمي او خالي بصير احكي هاي متل فلانه عنا بالمنتدى اشبه فيكم وحده وحده هادا الشي بدل انه انا معتبر كل البنات الي هون خوات الي وبحبش حدا يزعل منهم حتى الي كان في خلاف بيني وبينه ان كان بنت او شب انا نيتي صآفيه ناحيه الكل لكن انا في صفه مو حلوه لما اشوف رد واعتقد انه بقصدني لازم ارد عليه بالمثل حتى لو كان قاسي لو بدي احكي كل الي جواتي رح يزعل مني كتير عالم بكفي لهون شكرا شام ممنونك انا |
مؤمن هالانسان البسيط الهادي الرايئ الطيب ما بيرفض طلب لحدن مين ما يكون خدوم متل مؤيد وحريص على مصلحة المنتدى نشيط بمواضيعو اكتر اداري نشيط بتواجد وبمشاركات بتمناله التوفيق والايام الحلوة |
ملك روحي من الاعضاء اللي انا بحب اي شي بتقدمو هون سواء مواضيع او ردود او فعالية معينة يمكن مرحة كتير بس بوقت الجد بتلاقيها جدية كتير وسمعت كتير عن عصبيتها ما بعرف انا ما لاحظت هالشي هون بتحب تجيب اشيا جديدة للمنتدى ودائما مواضيعها بالقمة وبتستاهل تكون مراقبة بجد بتمنالها السعادة من قلبي اسمى انا عم حضر حكي عن كم عضو من قبل لادخل عشان النت بكون عندي بطيء بكون كاتبتهم عالمفكرة لما كون لحالي ما حدا بينسى ملك روحي اسوم |
لك روحي ي شيخة ربي يجبر بخاطرك ههههه والله بخصوص عصبيتي انا كمان ما ﻻحزت هالشي ع حالي متلي متلك عم اسمع هههههه وانا كتير كتير بحترمك الملاك وربي بيعلم بيكفي ئلبك و طيبتك وبحب بصمتك بمواضيعي يخليلك ابنك عبود شو مزوءه ^^ |
| الساعة الآن 03:37 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.