|
ورد العمر هاي حصتي بكل ما في الكلمة من معنى من دون مجامله بحسها بئلبها طيبه بتغطي ع الكل حبيبتي ورد العمر ويسعد مساكي |
غجريةة بنوتةة متل العسسل و بحب كتيرـر شوفهآ هون !! كتير رآيئةة و هآديةة كمآن عندهآ زوء بـ التعآمل مع الأعضآء غجريةة الله يسعدكك ي كتكوتةة ♥ ' / تًسلميلي عً هالحكيااتْ الحلوينْ كًثيرْ آنبسًطتْ فيهمْ ، وأنآ كمآأآنْ بحبْ طًلتكْ وبسسْ تًغيبي بً فتقدتك إنتٍ مهضومةة كًثيرْ ومرحًةة وبتفوتي عً اللقلبْ بًحبْ شًخصيتكْ القًوبةة ، وبحبْ صرآأآحتًكْ ربي يسًعدك ويوفئك ي أمورةة ^^ :58: |
اقتباس:
بسسْ أكييدْ بًحترمكْ وبًعزكـ وشًخصيتكْ مهضومةة ، وروحكْ حلوةة ومرحًةة وطيوبةة ، وبحبْ نشآأآطكْ ومعاملتكْ الطًيبةة معْ الكُلْ ربي يسًعدْ ئًلبكْ عً طوولْ / حًبيتْ رايًكْ فيني الجوري لً عيوونكْ ^^ |
http://www.bntpal.com/vb/img/bntpal_1423577520_592.gif عشق من الاعضاء الي بكن ألها كل احترام غض النظر انه مش مذكور او اجت لهون وحكت ما حدا اتذكرني بالعكس ألك محبه كبيره بين الاعضاء عشق كلها حركه ونشيطه مهذبه بكلامها وبتحاسب عليه كلامها راقي بتعاملها وبنفس الوقت باين عليها حساسه ألك كل الاحترام والتقدير عشق والي حكيته قليل لروحك كل الود والورد |
اقتباس:
وانتي كمان حصتي هون بموت فيكي انا ربي ما يحرمني منك ياا رب يا اعز الناس |
وسام شكرا لانك ذكرتني وحكيت عني كل هالاشياء الايجابيه، بتأمل كون دايما عند حسن ظنك وظن الكل .. :137: |
"اعلان" اعلان انسان محترم ومزوء، بحبش يتدخل بحدا، ودايما بحالو، خدوم ولا مره ئال لاء دايما بحب يساعد، لمن اطلب منه تصاميم دغري بيفهم شو بدي، يعني صار يفهم زوئي، وكتير مقدره هالاشي لانه كل تواقيعي هوي عملها، احياناً بلاحظ كتاباته حزينه، جواته في قصه ما بعرف شو سرها، وبحسه متوفق بحياته المهنيه بالواقع .. بتمناله حياة حلوه وناجحه بمختلف المجالات .. :137: |
نبض انسانه محترمه، بتحب الحياة بس بحسها محرومه منها، مش عايشه واقع يللي بترغب تعيشه او يللي بتحلم فيه، بس دايما بتحاول تكون مبسوطه وتدور على الاشياء اللي بتسعدها، ولمن تلائي هاي الاشياء بتحاول تحافظ عليها لإنه بتخاف انه تخسرها، خوف من انه تعيش الحزن، لإنه اذا عاشت الحزن رح اتطول لحتى تطلع منه بسبب النفسيه اللي رح تكون فيها، وبرضه بتتأثر من كل شغله بتصير معها، بحس الماضي كتير بيعنيلها، بس بتحاول ما تتذكره دايما، لحتى تعيش الحاضر وتفكر بالمستئبل، نبض بنت انسانبه والدليل مهنتها بالواقع "معلمة اطفال بالروضه"، بحس محداش فاهم عليها بالزبط مين وكيف وايش هي، ولاحظت انها بتحب الضحك والمزح كتير وهالاشي كتير حلو رغم صعوبة هالحياة، بتمنالها حياة مستئبليه سعيده، وتكون كل ايامها نجاح وفرح بعيده عن المشاكل والحزن .. :137: |
"ايزل" بايع الدنيا بئشرة بصله متل ما بئولوا، من كتر ما هوي فاهم صعوبة هالحياة، بحسه عايف حاله ومش راضي عن حياته ميه بالميه، وبحس ما عاد تفرء معه اشي بهالدنيا، ما بظن في حدا بيفهم عليه، نفسه هي الوحيده فاهميته، لإنه متأكده كتير بصير سوء تفاهم بينه وبين الناس ان كان بالنت او بالواقع، انسان صريح لأقصى درجه، لدرجه انه ما بيهمه اذا صراحته كانت جارحه وهاي صفه سلبيه، بس مش بإيده لإنه اتعود يكون حقااني ودغري وبعرفش يلف ويدور، بحسه ماشي ع هالمبدأ بحياته "طنش تعش تنتعش"، انسان طموح، اوئات بيحلم بشغلات اكبر من قدراته، وهالاشي كتير مميز، اجوبته مستفزه احياناً إلا إنه هدا طبعه ولازم نتئبله زي مهو، لإنه ما فينا نغير من طبع حدا، ايزل زوئه صعب،مش اي اشي بعجبه بحياته ان كان اشياء او اشخاص، بحسه بحبش يتئرب من البنات لإنه بيشوفن "وجع راس" .. ولا مره شفته يضحك، يمكن لإنه انا ما بعرفه بالواقع، بتمناله حياة ناجحه ويئدر يوصل لأهدافه .. :137: |
"نسائم الماضي" بنت حبوبه ومحترمه، بحسها محبوبه كتير بين اهلها وصحابها، بس بحسها متصنعه كتير بلهجتها، يعني بتحكي لهجه مش لهجة اهلها وبلدها، ما بعرف ليه بس مش غلط التغيير بس انا بفضل الانسان يكون ع طبيعته، نسائم افكارها حلوه فالمنتدى،كنت احب مواضيعها كتير بس غايبه هالفتره، ان شاء الله بترجعلنا عن ئريب، نسائم بنت بتحب الضحك، وبتحب تكون مبسوطه، بعتئد نسائم ما بتسامح بسهوله إذا اي شخص بفكر يجرحها وممكن ترجع تجرحه، بحس "الحب" كتير بيعنيلها، او بالاحرى بتعمل المستحيل لحتى تلائي حب حياتها، ما بتستسلم من تجارب فاشله، بالعكس ع طول بتحاول وبتحاول بغض النظر شو كان الفشل بأيش بالزبط وهاي ئوه شخصيه وجرأه، بحسها متوفقه بدراستها وحياتها المهنيه، بظن بتحب الاناقه كتير ويمكن من الاساسيات بحياتها، بحسها كمان بتحب تجرب كل اشي جديد بحياتها حتى لو كان اشي غريب، بتحب تبين حالها، بتحب تكون مميزه ومختلفه عن غيرها، بحس عندها قدرات كبيره .. بتمنالها كل التوفيئ بحياتها المهنيه والشخصيه، وتلئي السعاده الابديه .. :137: |
| الساعة الآن 05:32 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.