|
رفيعه الشأن الله يرفع من قدرك ومن شأنك اعتبرها اختي الكبيره عزيزه وغاليه عليه اسمع كلامها ونصائحها اتمنالك حياه سعيده وين ما كنتي |
اقتباس:
ربي يسعدك مؤمن كلماتك شهادة اعتز فيها من شخص راقي وجميل انت كمان في منتهي الاخلاق والروح الحلوة يمكن قبل ما كنت اعرفك وكنت شوفك ما شايف حدا امامك والكل خوفني منك هههههههه قال صعب حدا يكلمه بس خلال فترة تواجدي هنا اكتشفت صفاتك الجميلة وراء هالاسم شخص عظيم بكل معني للكلمة والكل يحترمك لانك شخص تستحق كل تقدير واحترام الله يوفقك يارب ويعطيك ما تتمني ويديم عليك الصحة والعافية وشكرا كتير علي كلماتك وذكر اسمي لروحك كل الورد ودي |
اقتباس:
و آكيد كلآمك بيدل ع روحك يلي بتجنن كلك زوء يآ عثل ونآ بحب شوفك دآيمآ هون وردة لعيونكك |
خمر ايلول بنت مميزه، بحب اسلوبها فالكتابه كتير بس للاسف مختفيه هالفتره، واضح ئديش عندها قدرة حلوه فالتصاميم والزخرفه وهدا اشي كتير مميز لانه هالشغله بتميل للشباب اكتر يعني ئليل ما نلائي بنت عندها موهبه بشغل التصاميم فبهنيها، خمر ايلول بحسها بتحب تكون ملفته للنظر وبتحب تكون مختلفه عن الجميع وبتحب تفرجي حالها ومحداش يشبهها بإشي، كبريائها حلو، خمر ايلول بحسها بتحب الرياضه كمان، وبتحب الاناقه كتير ان كان اناقة بنات او اناقة شباب .. قصي قصي شب محترم وانا كتير بحترمه وكتير بعزه متل خوي الكبير، دايما بحب مشاركاته بقسم النقاش خاصةً لإنه بحسه عنده خبره بالحياة، والنقاشات عادةً بدها انسان فاهم الحياة، يمكن ميكنش فاهمها ميه بالميه بس ع الائل يكون مارر بتجارب كتيره بحياته وقصي هيك، بلائيه انسان حساس وهدا بيدل ع إنه إنسان عاطفي، قصي بيتمنى يلائي انسان يفهمه بهالحياة، ما بيثق بأي حدا بسهوله، وبحس عنده معجبات كتير بحياته، حلو الانسان يكون محبوب بس للاسف هوي ما بيعجب بأي حدا، وبحسه ذكي يعني بيفكر منيح ئبل ما يعمل اي اشي او ئبل ما يحكي اي اشي، وبحسه ذكي بكمان شغله يللي هي انه بيئدر يحلل شخصية الواحد من اول مره وياخد عنه انطباع وبيطلع بمحله، مميزه هالشغله، وقصي بحسه إنسان صبور كتير بحياته بغض النظر عن الواقع يللي عايش فيه .. قمرآ بنت بتجنن، ئلبها طيب ومزوئه ومحترمه وانا بعزها كتير بس صرلي فتره محكيتش معاها، فالبداية مكنش في معرفه بيني وبينها بس بالصدفه صار في لغه من وئتا حبيتها متل اختي ودايما كنت اسألها عن احوالها بس هالفتره مش عم بطل كتير، إلها معزه خاصه عندي، قمرآ بنت هاديه كتير ورومنسيه كمان، بتحب الضحك بس ئليل ما بتضحك بسبب ظرف معين ومع هيك بتحاول تتفائل وتفتح صفحه جديده بحياتها ويمكن الشغله تاخد معها وئت لإنها ئلبها معلئ بالماضي .. عادل الحباب انسان محترم، ما طلع منه اشي بشع لا سمح الله، دايما ردوده مزوئه، بحسه انسان رومنسي، وبحسه مبسوط بحياته نوعا ما، شخصيته هون هاديه كتير، وبحسه انسان بعيد عن المشاكل يعني دايما باله هادي ان كان بالنت او حتى بالواقع .. سمو المشاعر بنت محترمه، بحس شخصيتها ئويه، دايما بتحكي اللي عندها وبتعملش حساب لحدا، الحب من الاشياء المهمه بحياتها ودايما بتحاول توصلو لتحافظ عليه لانه الحب من الاشياء اللي بتسعدها، سمو بنت بشوشه بتحب الضحك كتير بس اوئات بشوفها حزينه، بس بشكل عام جوفها حلو .. مؤمن بحسه درويش يعني بسيط وما في احلى من الانسان البسيط اللي عايش حياة بسيطه لإنه بكون بقمة التواضع وانا جدا بحترم هالنوعيه من الناس، مؤمن صحيح بسيط بس وئت الجد بكون بقمة الجديه، بحس رفئته حلوه بالواقع وممكن تحسه امين للاسرار، لاحظت شغله انه بحبش يتعمق كتير عن حياته الشخصيه انه بتضلها من خصوصياته حبيت هالصفه فيه، مؤمن بيحب الضحك كتير بس ئليل ما بيضحك ما بعرف ليش، بحسه كتير بيهتم للسياسه والاخبار .. لمسة خيال بنت منيحه ومحترمه بتئربش ع حدا ودايما بحالها بس بتكون مفش احلى منها وع طبيعتها مع اللي بتعرفون وبيعرفوها معرفه ئويه، بحسها اغلب الاوئات ديئانه خلائها يعني بعجبهاش العجب وبحسها كمان بنت عصبيه كتير، بتعملش حساب لحدا، وبحس كمان انو جواتها في كتير حكي بس ما بعرف اذا في حدا بتحكيله بحياتها او الحكي بيضل جواتها .. الفقير لله سعودي محترم ومميز وانا بحب وجوده حتى لو ما بعرفه شخصيا، بلائيه انسان ئلبه طيب ع نياته، ومهضوم بيحب الضحك، بحس عنده هوايات كتير بحياته، ويمكن مبسوط بحياته او فيني ائول رضيان، وبحس بيحب يجرب كل اشي جديد بحياته يعني المئصود بيعرف كيف يمضي وئت ويتسلى، بحس الدين بيعنيله كتير بحياته يعني اي سؤال او مشاركه بيحاول يذكر فيها دينه، الفقير لاحظت عليه بيحب الضحك وبحب الناس اللي بتضحك، هدا بيدل ع بساطته كونه بعيد عن الغرور .. دقة قلب بنت طيوبه كتير، بتحب الاناقه وكل اشي بيتعلئ فالبنات، وبتحب الضحك كمان بس اوئات بحسها بتكنش ع بعضها، دقة قلب انسانه طيبه ولا مره ئللت احترام محترمه الكل ومزوئه مع الكل ان كان بتعاملها او بحكيها وبحسها بتحب اللون الزهري والفوشي كتير .. عازف الاهات شب بسيط بس كنت احسه مغلوب ع امره يعني مخنوق ومش مبسوط بحياته، ومع هيك اوئات كنت اشوفه بيضحك، عازف الاهات بحسه انسان محروم، اما من ايش محروم بالزبط؟ ما بعرف، مشاركاته هون هي يللي اكدتلي هالاشي انه عندو نئص بشغلات كتير بحياته ومع هيك بتلائيه انسان راضي بالمكتوب، عازف ما بظن انه في انسان بيفهمو بحياته وما بعرف إذا كل هالشغلات مأثري ع تصرفاته سلبياً وما بظن انه تصرفاته بإيده لإنه الواقع بيجبر الانسان، صحيح هوي مختفي وما بعرف اذا بيرجع بس حبيت احكي عنه .. lala بنت مزوئه بمشاركاتها، كنت مفكريتها عايشه برات البلاد بس عرفت انها هون مش برات البلاد، بحسها غريبه كتير ويمكن بتلائيها مش شايفي حدا من متر، ما لاحظتش عليها انها بتحب تاخد وتعطي يعني دايما بحالها والانطوائيه اكتر من اللازم مش حلوه لازم تكون بحدود معينه، عندها كبرياء كبير، لالا بنت هاديه كتير وغامضه كتير كمان، مئدرتش اعرف او افهم اشي عن حياتها فالواقع .. رجل المستحيل ما بعرفه بس بحب ئوة شخصيته، وبحسه انسان بشوش بيحب الضحك كتير بس ممكن اتلائيه عصبي وممكن يتلائم مع اللي بيغلطوا معه وبيسكتش عن حقه كمان يعني بشوفه شب جرئ .. هدوء انثى بنت غريبه من ئد ما هي متعلئه بالاشياء الحزينه، بتحس إنه صار اشي بحياتها واثر ع نفسيتها كتير لدرجه انه يا دوب تشوفها عم تضحك مع انه هالاشي كتير سلبي وانه المفروض لازم تتفائل بحياتها وما تخلي الحوادث المواقف تأثر عليها بس على ما يبدو جواتها انسانه حساسه لهالسبب بتضلها بحاله نفسيه .. adam شب محترم ودايما بحاله بس دايما حزين بعرفش ليه، ما بعرف كيف طبيعة حياته بالواقع بس مشاركاته دايما حزينه لا بُد انها بتعكس شخصيته، آدم ما بيصدء ويلائي انسان بيضحك لحتى يضحكه ويطلعه من الحزن يللي جواته .. رفبعة الشأن بنت محترمه صحيح مفش لغه بيني وبينها بس بحسها محترمه وسبئ وطلبت منها تحذفلي شغله من مدونتي وساعدتني وحذفتلي، وهدا بيدل ع انها مزوئه بتعاملها مع الغير وما بتئصر مع حدا .. ابو الوليد بحسه إنسان ايماني وبحسه إنسان بيحب يتعلم كل اشي من حياته ومن التجارب اللي بمر فيها بغض النظر ان كانت تجارب حلوه او بشعه، ابو الوليد انسان بيحبش كترة الحكي، ودايما بحب يحكي بالمختصرالمفيد مش اكتر .. وردة ليلكيه بنت محترمه كتير ومثقفه يعني بتحس انه عندها خبره بالحياة متل اخوها سفيرالقلعه، اختصاصها العلمي شوي غريب هندسة عمار هالموضوع ميال للشباب اكتر وهدا بيدل ع جرأتها وئوتها لإنه مش اي بنت بتئدر تتعلم هيك موضوع .. وآخر عضوه حابه احكي عنها بهالموضوع هيي عطر الاندلس كانت انسانه بقمة الاحترام والرقي، كانت جدا متمسكه بدينها واخلاقها، وانا شخصيا كنت معجبه بشخصيتها الهاديه الرزينه ودايما كنت اذكرها بمشاركاتي ولساتني عم بذكرها دايما، ويوم عرفت بموتها انصدمت لانه متوقعتش انه يموت اي شخص من المنتدى هون، الله يرحمها .. وبتمنى للكل حياة سعيده موفئه وناجحه بمختلف المجالات .. :137: :137: :137: :137: وكنت بتمنى احكي عن البائي بس ما ئدرت اعرف او افهم شخصياتون وخصوصاً إنه الاغلبيه اعضاء جدد .. |
سمو المشاعر بنت محترمه، بحس شخصيتها ئويه، دايما بتحكي اللي عندها وبتعملش حساب لحدا، الحب من الاشياء المهمه بحياتها ودايما بتحاول توصلو لتحافظ عليه لانه الحب من الاشياء اللي بتسعدها، سمو بنت بشوشه بتحب الضحك كتير بس اوئات بشوفها حزينه، بس بشكل عام جوفها حلو يسعدك ربي ع زكر اسمي.. حكيك تمام.. مابخاف غير من يلي خلئني.. ب يسعدك ربي ع |
اقتباس:
حبيبتي تسلمي من زوقك بس مافهمت الكلام يلي بالاحمر ؟ ويسلمو تاني لزكر اسمي ^^ |
اقتباس:
مبسوطة انو اول مشاركة لالك هون لتحكي عني انا بس ليش لتشد شعرك هههه اترك شعراتك بحالهم هم كلهم اصلا شعرتين ونص :96: ويوفئك انت كمان ورداتي |
عادل الحباب انسان محترم، ما طلع منه اشي بشع لا سمح الله، دايما ردوده مزوئه، بحسه انسان رومنسي، وبحسه مبسوط بحياته نوعا ما، شخصيته هون هاديه كتير، وبحسه انسان بعيد عن المشاكل يعني دايما باله هادي ان كان بالنت او حتى بالواقع .. تسلمي على هذا الكلام الجميل وربي يبعد همك كل سوء وتكوني بصحه وعافيه تحياتي الك |
مؤمن.. هو شخصية جدية بعض الشيء.. اسلوبه واخلاقه وطيبته.. هالشب بميزو.. بتمنالو السعادة |
lala بنت مزوئه بمشاركاتها، كنت مفكريتها عايشه برات البلاد بس عرفت انها هون مش برات البلاد، بحسها غريبه كتير ويمكن بتلائيها مش شايفي حدا من متر، ما لاحظتش عليها انها بتحب تاخد وتعطي يعني دايما بحالها والانطوائيه اكتر من اللازم مش حلوه لازم تكون بحدود معينه، عندها كبرياء كبير، لالا بنت هاديه كتير وغامضه كتير كمان، مئدرتش اعرف او افهم اشي عن حياتها فالواقع .. اممم شكراً حبيبتي انو حكيتي عنِيْ، ب انو مو شآيفة حدا من متر،حرام والله انا عآدي، وانا ما باخد وبعطي مع حدآ لانو صراحةة ما بعرف افتح حديث مع حدا :$ والغموض الكل شايفه فيآ الا انآ.هههه بس انا مو غآمضة عادية بس ما بحكي كتير لهيكآ، ربي يسعدك ^^ |
شكراً لالك سمره انتي اخت مميزه ورائعه صاحبه راي نقاشي ومميزه بتواقيعك وكل شي اتمنالك التوفيق وشكراً مره تانيه لالك |
اقتباس:
انتي عضوه مميزه ورائعه كل التوفيق اتمني لك بحياتك |
يسلمك ربي من كل شر.. رح احكي عن.. سمو المشاعر مي يعني.. :49: انتي شخصية امورة وبتحبي الناس انجرحت من اقرب حدا كان بحياتك كلها.. هلأ بدي نبهك على شي واحد خليكي متل ماكنتي قوية وبتكرهي جنسهم وعيشي لحالك.. |
ونآ بدي آحكي عن مؤمن حدن كتير منيح وطيوب كمآن بس بحب الصورة الرمزيةة يلي كآنت زمآن بحسهآ رآكبةة ع شخصيتو و تفكيرو و لمآ مره نزل موضوع العضو المدلل طلع مرح كمآن و بس شكرآ الله يسعدو بحيآتو الوآقعيةة |
بدي آحككي عن أميرة بـ كلمتي نـآ بعرفهآ من وقت قصصير بس البنوتةة كتير مزوئةة و فهمآنه و بتحب الكل و روحهآ بتجنن و كتير مؤدبةة الله يسعدهآ و تحقق يلي ببآالهآ ♥ |
وانا بدي كمان احكى عن سمايل ننوش العسولة بنوتة مرحة روحها كتيررر حلوة دائما بتضحك ... وما بدى احسدك هههه :98: طيوبة كتيرر مواضيعها كتير حلوة ومبسوطة لانى اتعرفت ع بنوتة مرحة متلهااا واكيييد حبيبتى بتمنالك كل التوفيق بحياتك الله يسعدك وموفقة.. |
اقتباس:
حبيبتى الله يسعدك بس بجد اتفاجأت انا كنت بحكى عنك وانتى كمان بنفس الوقت صدفة حلوة كتيررر ههه حبيبتى وانا كمان حبيتك كتيرر الله يوفقك ويسعدك ربي |
اقتباس:
القلوب عند بعضهآآ :138: لآ مآ بتحسديني انتي روحكك بتجنن و بتتمنى الخير إالي و لكل كمآن :* الله يسعدكك ع كللآم يلي حكيتي عني كلك زوء حبيبتي الله يسعدلي ئلبكك و يوفقكك كمآن وردة لعيونكك |
رح احكي عن سمايل ننوش.. هاي البنت تبهدلت من مديرته كتيرررررر وهي اعترفت ههههه وامورة وحبابة.. واصلاتن لو انها مو مجنونة ومشاكسة متلي كان ما حبيتها هههههه |
شآم بنت محترمة بتمتلك شخصية نآدرةة او لإجيت عَ المنتدى و بلشت اتفتل بين الموآضيع شفت ردود لإلهاآ كآينة تتخآنق مع أعضآء ههه ردودهاآ كآنت جريئة و قوية كتير في البدآية صرآحة استغربت بنت و بهالجرأةة هآي بس اللي اكتشفتوو انو البنت الجريئة و القوية بتعيش و مع الوقت تقربت منهاآ و شفت اديش هياآ بنت طيبة و روحهاآ حلوةة بحب توآقيعهاآ بحسهاآ طفولية نقآشهاآ حلوو كونهاآ جريئة حبيتهاآ من كل قلبي هالبنت ربي يسعدهاآ دووم .~ |
اقتباس:
شايفة كيييييييييييف منوستي لهيك عايشةةة لهلأ يسعدلي ياكي منوستي الحلوةةةة خدي هي :15: :49: ورديلي ياها :40: انتي الأطيب والأحلى والأغلى ربي يسعدك ي طيبةةةة وتشوفي أميروووو في أحسن الأحوال |
سمرةةةةة وئت شفت اسمك شو عجبني حسيتو في شي شرقي وأصيل متل الأرض الطيبة بطبعي مابحب تابع حدا لكن انتي عنجد فرضتي عليي اني تابعك بمواضيعك حتى لو مارديت عليها وتابع ردودك الموضوعية والواقعية بقسم النقاش كمان لمست فيكي جانب انساني وهاد الشي بحبو كتير عنجد بدي خبرك شي كمان بلكي ماسمحت الزروف اني ئلك ياه من ئبل أنا كتير بحبك و كتير برتاح وئت لائي اسمك ولائيكي موجودة بالملتئى ووئت شوفك مو موجودة بالمتواجدين اخر 24 ساعة بنزعج وصير اسأل وئول لحالي ي رب تكون بخير شو بدي احكي عنك مو عرفانه لو حكيت مخلوءة راقية وادمية وانسانة بكون ما كفيتك لهيك سامحيني سلفا ربي يسعدك ويوفئك |
انا راح احكي عن عشق اول مرة حكيت معها حسيتها جامدة بعدين طلعت طيبة وبتدخل القلب عطول بتحب الضحك والفرفشة بس هيا مابتفوت كتير زي قبل وبحسها حدا وطني كتير رمزياتها وتوقيعا بدلو ع هيك بس هيكاا ^^ |
رح احكي عن.. رانيا امووورة وحبابة وهلأ زوجتني لمعذب البنات.. حبابه نورت برجعته.. بحبك انا.. عن.. همسه امورة شعنونة هي كانت من الشهود ع الزواج.. حبابه شعنونة.. حبك انا.. دقة قلب.. هادية امورة اهلاقها عاليه حبابه هاد يلي بعرفو وان شاء الله بعرف اكتر عنها |
عروستنا الاموووره سمو المشاعر الي خكفت رجل احلامي ئهئ ئهئ الي كنت ذايبه في غرته بس ان كيدهن لعظيم ابصر شو عامله فيه لنسحر فيه المهم اني وفقت راسين على مخده ههههههههه متل زا بيقولو هلا جد هي عسسسسسسل كتييييير وقمر وحبابه وكل الصفات الحميده فيها وهاي هديه الزواج مها ايويها... يا قاعدة على المراتب قعدة البنا أيويها... والكحل بعيونك زقفتلوا غنا أيويها... حط القدم على القدم ما اسمعتلو رنا ايويها... ويجعل البطن يلي حملك مسكنو الجنة ايويها... جيت اغني وقبلي ما حدا غنا ايويها... بقاع وادي فيه الطير يستنا ايويها... وريتك با محمد بهل العروس تتهنا ايويها... وتضل سالم ويضل الفرح عنا لولولولولولويييييش ههههه 😙 |
هههههههههههههههههههههههههههه.... النصيب يختي خلص ماتبكي حبي انتي.. هههههههههه تسلمي حبي وانتي قمرا كمانا للوووولللليش |
ههههههه يسلمووو سمووو وانتي حبابة وامورة طيوبة اخلاقك عالية وكفاية انو انا وانتي متشابهين بشي ههههههههه* مبروك ياعثل هههههه سلميلي ع معذب البنات هههه * واويها زي مقالت رانيا هههههههه |
هههههههه الله يبارك فيكي.. بس بغار عليه مارح وصل السلام هههههههههههه تسلميلب |
اقتباس:
بس حكتلك مو رح خآف خلصصت مدرسةة ههههه الله أدم جنوني لكي تبقي سمو تحبني ههههههه يسلمو حبيبتي ع كلآمك ونتي حبآبةة كمآن وردة |
هههههههههههههه ان كيدهن عظيم هههههههههههههه يا الله شو بتحكو ال شو :34: خكفت رجل احلامي ئهئ ئهئ الي كنت ذايبه في غرته |
هههههههههههه والله يا مؤيد انت متل الاطرش بالزفه هههههه القصه وما فيها امبارح كان عرس اختنا سمو المشاعر على اخونا معذب البنات هو كان بحبني الي وكان الو غره كثير حلوه كنت بحبها بس سمو المشاعر قلبتلو مخوا وتركني وراح تزوجها وانا زفيتهم هههههههه بحكي عن حبيب العمر انسان رائع بمعنى الكلمه اخ لطيف وبضحك كتير مهضوم ئلبو طيب اخ جدا رااائع اتمنالك التوفيق اخي مؤيد |
سمرة .. بنت فهمانة ومثقفة جدا وتقريبا أكتر بنت هنآ بحسهآ بالثقآفة العآلية هاى .. وواضح انها صريحة جدا وجريئة أكتر وقلبها طيب وبتحب تساعد الجميع .. ربي يحميكيَ أختيَ .. أحترآميَ .. |
سأتحدث اليوم عن أخت غالية وعزيزة جداً الأخت / نبض في الحقيقة نبض إسم حين يتجلى تحتار النفحات من أي الجهات تنثر نسيمها عليه وفي الواقع كل كلمات الحب والتقدير لا تفيها حقها و سنبقى مقصرين مهما قلنا فيها من مدح وثناء و لا أعلم بأي كلمات يمكن أن أصف تميزها ورٌقيها فكل الكلمات التي أعرفها قليلة في حقها حبها للشعر وإحساسها المرهف ومشاعرها الجياشة مع حبها واحترامها للجميع جعلوا منها علماً لامعاً في أفق هذا الصرح الرائع بل هي أحد دعائمه الأولى مبدعة دائما وقلمها لا يمل كلماتها تدخل القلب بلا استإذان وتتربع على عرشه ومن خلال كتاباتها يتبين انها تمتلك شخصية قوية وفكر متألق ومبدع وراقي في النهاية أقول لها أنتِ تعاني من حساسية مفرطة في معظم الأشياء من حولك ومع كثير من الأشخاص وقلبك طيب لابعد الحدود مما يسبب لك المشاكل والمتاعب طوال الوقت وثقتك عمياء فيمن حولك لهذا الصدمات تكون قوية ومؤثرة عليكِ وكل ذلك يجعلك دائماً في دائرة الوجع والألم الحزن والآه |
قصي ايها الانيق وصاحب الحرف الجميل والحضور الاجمل اسعدتني حروووفك جدا واكثر مما تتخيل يكيفك انك وحدك من استطاع الغوص لاعماق ذاتي واستطاع ان يفهمني بدون ان اتحدث رب صدفة جمعتني بك ^^ |
اقتباس:
ههههههههه وعطفنا اعظم ههههه ششايف ي عمو هو بدو اياني وهي بدها تسررئو. ئي خليها تنساه.. مؤيد.. أنيق راقي أخ محترم مافي منه تنين |
صباحوو قصي.. هالشب بميزو هدوء الزايد أحياناً واسلوبه الراقي.. بحبا مناقشته.. لا نو جدي بالمناقشات وانا بحب الجدية بالمناقشات.. قصي.. ربي يسعدك ويحقق الي ببالك.. :81: |
هل كان حبآ شو بدي احكي لأحكي بالبداية كنت شوفه حدا مغرور بس مع الأيام شفته حدا متواضع كتير بس كتوم ع حياته و هادا شي كتير حلو لأنو مش كل الناس بتستاهل تعرف حياتنا أحمد بحسه إنسان فيك تثق فيه وتطلبه عند الأزمة ، عنده وعي كبير بالحياة و فاهمها صح . أحمد من أكتر الأقلام يلي بحبها هنآ وبحب ذائقته الشاعرية جدا جدا وبنبسط جدا بس يعجبه شي كتبته بحس حالي كتبت شي حلو بجد وربي يسعدك أحمد |
قمرآ بنت بتجنن، ئلبها طيب ومزوئه ومحترمه وانا بعزها كتير بس صرلي فتره محكيتش معاها، فالبداية مكنش في معرفه بيني وبينها بس بالصدفه صار في لغه من وئتا حبيتها متل اختي ودايما كنت اسألها عن احوالها بس هالفتره مش عم بطل كتير، إلها معزه خاصه عندي، قمرآ بنت هاديه كتير ورومنسيه كمان، بتحب الضحك بس ئليل ما بتضحك بسبب ظرف معين ومع هيك بتحاول تتفائل وتفتح صفحه جديده بحياتها ويمكن الشغله تاخد معها وئت لإنها ئلبها معلئ بالماضي .. / ولـآ أجملْ منْ هيكآ بنوتةة شفتْ بٍ حيااتي ي سَمره كأنهآ ئلبي مو بسس ئطعةة منو ، يسًعدها ويخليهآ شو بحبهآ وم بنبسطْ إلـآ تً أحكيهآ |
دارك.. شخص بحكيلو انت اغلى شخص بحياتي.. انت شخص اغلى من الغلا.. بروحك الحلووة واسلوبك وحكياتك واحلى الاوقات يلي ئضيناها هون.. انت شخص بعزو وبحترمو وبتمنالو السعاده.. بالنسبة للغموض غامض كان بس بعد ماعرفتو صار رائععع كثير.. ربي يسعدو وبخليه.. يا احلى اخ بهاادني |
اقتباس:
هههههههههههه يلا مبروك هي طلعنا بعروسين من المنتدى بس على علمي اشاعه هاي شكرا الك رانيا وانتي اخت لطيفه حبوبه ودمك عسل شربات موفقه اختي انتي كمان |
| الساعة الآن 07:59 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.