منتديات بنات فلسطين - ضيوفنا في شخصيات متشابهة(وردة ليلكية

هلأ أسئل لوردة
اهلين فيكي خيت وبأسئلتك

*بتحبي سوريا؟!
أثرتي ألمي وحسرتي وابكيتي روحي قبل عيني بهالسؤال عن سوريا
في حدا ما بيحب إمه ياللي انجبتو و ربتو
سوريا هي الوطن والام والأرض والعرض
والشي المؤلم هو إطرارنا لأنو نطلع منا ونشرد في بقاع الارض هون وهون
بسبب الفتنة ياللي اشعلوها الجهلاء والجبناء فاكتوينا كل السوريين فيها قتلا وتشريدا وتدميرا
آآآه يا بلدي الله على ايامك يا سوريا ويا حلب كل اللي عم اشعر فيه هو الاختناق في هالغربةالاجبارية هي
بلد اللجوء لو كان جنة بيصبح جهنم لأنو منفى عن الوطن.

*أخوكي جمال (سفير القلعه) علاقتك فيه كصديق ولا بس اخ؟!
علاقتي بخيي علاقة صداقة قوية هو قدوتي واخي ورفيقي وبتشجيع منو اخترت مجال دراستي هندسة العمارة
ودايما هو اللي بيخفف عني وبيساندني بالاوقات الصعبة ولو ما يكون جمال صديق مو بس اخ ما كنت بفوت ع المنتدى وبسجل وبشارك هون معه.

*لو اعطيتك فرصه تكملي تعليمك في باريس وتروحي لحالك هناك وعجبك المكان وفجأة حبيتي شخص بالجامعه وهو كمان حبك
وقرر انه يصارحك بتصارحيه ولا لا؟!
اشو هالفيلم الرومانسي هاد :124::124::6::6:اي دغري بفشلو بكل شي ومنتزوج بالقمر ومنقضي شهر العسل عالمريخ هههههههههههههههههه :121::121: عم بمزح خيت نجي للجد هلق
اول شي تقلك خيت يعني ع فرض انو رحت لدرسة لبرا بباريس ولا بغيرا لشو باريس يعني ههههه تحديدا الحب ما بيجي فجأة بدو معرفة منيحة بالشخص وطباعه واخلاقه
وتانيا: بدي حط نصب عيني الثقة ياللي عاطيني اياها بيي واخي
ورح التفت لدراستي وبعدين اختلاف المجتمع وديانتهن وعاداتهم وتقاليدهن مع اسلامنا وعاداتنا وتقاليدنا رح تحكم
تصرفي هونيك رح اتعامل بحذر شديد وبصورة رسمية ما بتجاوز حدودي وحط ببالي الهدف ياللي انا سافرت لاجلو دراستي
وتحصيلي وبفضل ارتبط بشخص من بلدي او على الاقل يكون عربي مسلم يفهم طبيعتنا وافهم طبيعتو..

*عمرك كنتي حزينة لدرجه انك قررتي تنتقمي من الحياة؟!
شوفي خيت ما شي ممكن يجعل الانسان اكتر حزن من انو يعيش تحت القصف و يودع رفقاتو وجيرانو وقرايبو في نعوش للقبور ذهبوا
حصاد لحرب هنن مالهم ذنب فيها وما في شي بيشعرك بالعجز اكتر من انو تودعي عائلات بأكملها من أهلك وقرايبنك وانتي عاجزة
عن دفع الاذى عنهم لأنو قضاء ربنا ولازم نسلم فيه
ولكن الانسان لازم يكون عندو جلادة وصبر وايمان بربنا عند الشدة وما لازم هالشي يدفعو للتفكير بالانتقام
خلي الظالمين الن رب يحاسبهن على افعالهن وارواح العالم ياللي سفكوها بدون ذنب
وربنا العزيز المنتقم الجبار وحسبي الله ونعم الوكيل ما منقول غير هيك
عاللي ضيعوك يا سوريا.

*عمرك حسيتي انك ضعيفه؟!
أي كتير والسبب واضح عيشنا تحت ظرف الحرب و موت كتيرمن أهلنا وقرايبنا ومعارفنا ومن بعد الخروج من حلب وسوريا الغربة بتركيا والانقطاع عن الدراسة
ولولا امي وبيي وخيي جمال حواليي ما اقدرت اصمد.
أسئلتك غميقة ابنة فلسطين
شكرا جزيلا الك خيت للاستضافة
وم بعرف ازا باقي اسئلة تانية بانتظارك خيتو
تحياتي لالك:27: