|
بالقبر ما في إرسال !! متى بنحس بقيمة الاشياء ؟! متأكد انه الكل رح يجاوب لما نفقدهم ، طيب ليش ؟! جد ليش اذا كلنا بنعرف انه رح نحس بقيمة الشيء بس نفقده فليش مانهتم اكثر بوجودهم و نعتني فيهم و نحبهم ، اذا كلنا فاهمين الشيء هذا ليش ما بنطبقه ؟! و ليش دايماً احنا بنعرف الصح و ما بنطبقه ، و بنعرف انه كل شيء بالدنيا حتى لو جماد بدون روح بدون عنايه بخرب و بنفقده ، فكيف لو انه روح ، ليش احنا هييك ؟! طبع انساني عادي ما تفلسف الامور ، ممم بالله جد ؟! الطبع الانساني عدم الاهتمام ؟!؟! الطبع الانساني بقلك انسى و طنش و فكك منهم ؟! مابتفلسف بس يمكن بحكي من تجربة اه يمكن ، و يمكن حاس بالفقد اه اه اه يمكن ، فكروا شوي بخسائركم بفقدكم ، بحنينكم ، بالشوووق الي خانقكم ، بالناس الي لو مر اسم مشابه لاسمهم قدامكم بتتذكروهم بحزن ، شو كان سبب بعدهم ؟! اما اهتمام من طرف واحد او عدم مبالاة من الطرفين ؟! مابحكي عن الحب وبس لا بحكي عن كل شي كل شي بالكون ... واقفة بتستناني بالشارع معها ورده ، الجو وقته بارد شوي اتصلت فيي و قالت اتاخرت حضرتك ، قلتلها صحيت متأخر هسا بلبس و باجي ع السريع ، قالت انا بالشارع ع فكرة الجو كثير برد لا تتاخر علي ، قلتلها اوك مايهمك باسرع وقت بكون عندك ، قمت لبست ع السريع و طلعت ادور ع باص اروح فيه و انا ناسي انه اليوم سبت و اخر شهر و الناس كلها طالعه تستلم رواتبها و ازززززمة مش طبيعية ، اجى باص و ثلاث و اربع باصات و مالحقت دور فيهم ، و هي تتصل و اقلها بشتنى بباص ، كانت ترن كل شوي و اقلها مافي بااص ، نرفزت و عصبت منها و من الوضع كله رنت علي و صرخت بوجهها مستعجله مابدك تستني روحي ، بقلك مافي باااصات ، ماردت علي حسيت انها انجرحت كثير ، قالت اوك بس توصل بتمر عند ابو محمد في امانه الك عنده ،قلتلها و انتي قالت : نسيت انه اليوم عندي مراجعه بالمستشفى ؟! ابوي بستنى فيي ، بشوفك بكره سلام ، سكرت الخط و من الضياق صرت ادافش لالحق دور و طلعت بالباص ، طول الطريق و انا مستخطي حالي و منكد ، ارن عليها ؟! لا بديش اكبر الموضوع و بدي ابين انه عادي ، طيب ابعث مسج ؟! لا بلاش تكبر راسها و تزعل جد هسا بتروق لحالها و بتبعثلي ، المهم وصلت ابو محمد لقيته ماسك ورده و معها كيس ورساله ، مكتوب فيها مثل هاليوم قبل سنة كان اول مرة بنحكي فيها سوى بحبك . اتضايقت كثير انه ماشفتك كنت مخطط اشوفك و احبك فيه كثيير اذا وصلت لاتفتح الكيس قدام ابو محمد ابعد شوي و شوف شو فيه . بعدت و فتحته ابتسمت كثييير و رنيتلها لقيته مغلق ، للحظه حسيت بالفقد لو ما بعرف انها مع ابوها يمكن ابصر شو كان صار فيي ، بعثتلها مسج ع فكرة !! الكحلي احلى ، و بحبك و بمووت فيكي طمنيني عنك بس تخلصي .. جد ما بنحس بقيمة الاشياء الا لما نفقدها ، بس من غبائنا و عدم اكتراثنا ، كان ممكن انه ما نفقدهم و لا نحس بغيبتهم و لا نندم ع لحظه مرت بدون مانشوفهم ، لو اهتمينا بس شوي ، شووووووي بس كانت رح تفرق معنا كثييير ، فحبوووا بعض و اهتموا ببعض و عيشوا لبعض قبل ما ..... و لليوم ماردت و ماانفتح موبايلها .. مش عشان هي زعلانه مني لا هي قالتلي بالحلم امبارح انا مش زعلانه بس لانه بالقبر مافي ارسال ........ #عبث محمد عاطف خصاونة #غربة_شجر_الجوز #عبث_خصاونه كل ماتجدوه على كتف الغربة ما هو الا #عبث من خيال ، فاتركوا التأوييل و ناموا . |
فعلا ما منحس بالاوقات والاشخاص الجميله الا حين نفقدها حكايه رائعه والها معنى ومعزى اشكرك اختي مكانه الافضل القصص والروايات |
حكاية معبرة ولها مضمون يسلمو حبيبتي علي فكرة انا معجبة بقلمك وشخصيتك فيها قوة وجمال ربي يوفقك كوني بالقرب دوما |
كلنا على يقين بأننا سنعرف قيمة الأشياء فور فقدها وسوف نعاني من هذا الفقد كثيرًا ولكننا للأسف نتقن ونحترف القسوة والغباء بجدارة رائعةُ أنتِ |
للاسف فعلا ما بنحس بقيمة الشيئ الا بعد فوات الاوان قصة مؤثرة وحسيتها كتير واقعية مشكورة الملاك تحيتي وودي |
لا نشعر بقيمة الشي ال عندما نفقده قصة رائعة تحمل عبرة أروع شكرا لك غاليتي على طرحك المميز ودي لروحك |
كلام جميل شكرا خيتي بس احنا فعلا ما بنحس بقيمه اي شيء الا بس نفقده |
|
فعلا حكايه مؤثره ومعبره جدآ سلمتي |
اقتباس:
الشكر موصول لك على تواجدك الرائع تحياتي اقتباس:
الجمال يقطن في روحك عزيزتي كل الود |
اقتباس:
أحسنتي هذا ما أريد ايصاله بطرحي أنرتي متصفحي ودي لكي اقتباس:
أشكرك على مرورك الراقي أسعدتني جدا انرتي |
اقتباس:
الود موصول لروحك على مرورك الجميل عطرتي بتواجد المكاان ودي اقتباس:
و أتشكركِ على وجودك الجميل الراقي انرتي |
اقتباس:
أشكركِ على رووعة مرورك انرتي الطرح كل الود اقتباس:
منورة حبيبتي ودي لروحك |
| الساعة الآن 01:00 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.