|
بختار وسيم من الشباب وهو يختار اي بنت |
قبل ما يبلش القتل والضرب و تنتيف الشعر والبوكسات الاسئلة لازم تكون ضمن الاطار الاجتماعي او فينا نخرج عن هاد الإطار ؟ بقصد .. في نوع محدد للأسئلة او كيف ؟ |
الحوار والنقاش مفتوح عكل حال المشرفه سمره هي ممكن تجاوبك لانها مسئوله عن القسم |
طيب فاذن بختار سمرة مشان تجاوبني ع هالسؤال .. وتكون المنافسة , وتطرح أسئلتا :136: |
صحيح انا المسؤوله عن القسم، بس الموضوع لسمو المشاعر، لمن تيجي بتتأكد وسيم اذا فيك تسأل اي سؤال بيخطر ع بالك او نوع محدد للاسئله، هيي صاحبة الموضوع مش انا :137: .. |
اقتباس:
شفتي الجزء التاني اللي معلم بالأورانج ؟ |
اه شفته، فهمت انك اخترتني، شكرا :137:، بس ما بعرف اذا فيك تسأل اي سؤال بيخطر ببالك، ع كلن فيك تبلش بأسئلتك، ولمن تيجي سمو المشاعر بتأكد منها .. |
انا رح ابلش، بأول سؤال، ليش الشب بشكل عام، بشبع صياعه وتعارف ع بنات "فلتانات" فينا نئول، او مش شرط، المهم بشبع تسليه، ولمن بدو يجي يتزوج بعمل حالو قديس، بصير يدور ع بنت عائله؟ شو هالتناقض؟ |
اقتباس:
بالنهاية البنت يلي بدو يتزوجها الشب بدا تربي و لادو و رح تنحسب عالعيلة مو عليه وحدو ف مو منطقية هالبنت تكون صايعة هاد السؤال عالشق التاني اما عن الشق الاول يعني عن فلتان الشب وصياعتون اولا المجتمع بيلعب دور وفهمان الشرف بالمقلوب يعني فاهم المجتمع انو الشرف = غشاء البكارة لدرجة انو عاطيكون قيمة كتير كبيرة ولازم تفتخرو .. اي اي لا تتفاجئي من كلامي فلنحلل ونستنتج البنت = غشاء البكارة = الشرف الشب = لا غشاء = لا شرف بالتالي الحفاظ على البنت = الحفاظ على الشرف اما صياعة الشب شيء عادي و كأنو الشب بلا شرف بمجرد انو ما عندو غشاء البكارة شو بدكون أحلى من هيك .. انو طلعوا البنات بشرف والشباب بلا شرف باعتراف من المجتمع طب هي مو قيمة كبيرة الكون ؟ اما عن سؤالي .. ليش بتضلو تنكدو بمواضيع المرأة وانو ضايع حقا بمجتمعنا ومستواها هابط وبتقولو مستحيل يزبط وضعا ومن هالحكي .. مع العلم انكون قاعدين لا شغلة ولا عملة ولا بتحالو تعملو شي اصلا حتى يتحسن مستواكون أو مفكرينو رح يتحسن بطول اللسان وطق الحنك و كتر الحكي ؟ |
يعطيكم العافيةة حبيب العمر شكراً لمتابعتك نتالي عيونك حبيبتي |
اقتباس:
بتحكي ع اساس الحقوق شغله سهله تييك تااك ولا هو صار عنا حقوق، شو بدك تتوقع من مجتمع معدوم العداله؟ مفش مساواه بين البنت والشب، وهالاشي مستحيل يكون، انت بتحكي هيك لانك شب، مع انه اوك كلامك مزبوط نوعا ما، إنه البنت فالمجتمع هيي اللي لازم تحرك حالها لحتى تحصل على حقوقها ولو اشي بسيط، بس برضه ما تنساش البيئه اللي بتكون عايشه فيها الها تأثير، خصوصا اذا كانت بيئه "غير منفتحه"، ومعدومة الثقافه والوعي اللازم، لهالسبب بتلائيها مش شاطره غير بالحكي لانه ما بيطلع بإيدها، بس احتمال إذا كان عندا الجرأه والئوه الشخصيه ممكن تكون ائوى من مجتمعها وبيئتها، بس مش ع الاكيد، التشجيع والدعم لا بُد من وجودن كمان .. سؤالي، ليش الزلمي عينو زايغه؟ حتى لو كانت مرته ملكة جمال وحتى لو كان مش محروم من اشي، بشبعش بيضل يتطلع ع غيرها، ليه؟ ولمن يكون مع مرته وتمرء من جنبون بنت حلوه بتلفت نظرو، اما لمن يمرء شب يلفت نظر مرتو مش بمعنى انها حبتو لأ، بمعنى إنه عندو جمال رباني ولفت النظر وهدا اشي عادي، "كل اشي بالدنيا حلو ملفت للنظر ان كان بشر او اي اشي بالدنيا" بس زوجها بئيم ئيامتها، ليه؟ |
بداية حلوة وآراء عجبتني متابعة :81: |
اقتباس:
:136: |
المجتمع الغربي اشي، والعربي اشي تاني، لو بعد خمسين سنه مستحيل نكون متل المجتمع الغربي، لهالسبب حقوق المرأه موجوده بالمجتمع الغربي نوعا ما .. ناطره جوابك ع سؤالي :137: .. |
متآبعة ليكوآ اناآ بصمت ~ |
اقتباس:
على كلن .. ناطر جوابك على سوالي يلي طرحتو بنفسالرد , مشان اعرف كيف بدي جاوبك ! سالتك شو قصدك بالظبط بكلمة عينو زايغة ؟ لان على هاد الاساس بدي جاوبك :136: |
ببحر وبتطلع ع بنات تانيين وهو متزوج، حتى لو كان في احترام بين بعضون واتفاق بس عينه بتضل لبرا، ما بوصل لقناعه انه خلص مرته وبيكفي، ليش؟ |
اقتباس:
هاد كلامك " كل اشي بالدنيا حلو ملفت للنظر ان كان بشر او اي اشي بالدنيا " شي طبيعي اذا شاف بنت حلوة يطلع فيها وهيي كمان شي طبيعي تشوف شب حلو وتطلع عليه هالشي ما بيعني انو عينون زايغة لانو متل ما ذكرتي حضرتك الجمال ملفت للنظر اما عن انو بيقيم الدنيي اذا اتطلعت ع شب حلو ف هاد انسان معاق يا اما جاهلي او داعشي وصراحة ما مرقت عليي انو رجال دايق مرتو لانو نطرها زاح لحظة لما شافت شب حلو لهيك ما بعرف كيف بدي جاوبك .. سؤال بسيط و ظريف حابب اختم فيه النقاش .. ليه حوا بتضل تنق و تزن متل الدبانة وعالفاضي و المليان ؟؟ -_- |
لاء مش متناقضه، طالما عم بحكي عن الزلمي اللي "عينه زايغه" بالذات، ماشي مش مشكله يتطلع ع الاشي الحلو بس لحد معئول، اما يضل يتطلع ومرته حدو؟ هاي ئلة احترام لمرته .. اقتباس:
بتكون مش مبسوطه بعيشتها ولا مرتاحه بالواقع اللي عايشه فيه، فبتضل تنق، لتفش خلئها، او يمكن تحصل على اللي بدها اياه من كتر ما بتزن، نوعا ما، واضحه .. وانا كمان رح اكتفي، انبسطت بالنقاش معك، رح اختار عضو وبرجع، وانت كمان فيك تختار العضو اللي حابب يكون من بعدك، يعطيك العافي :137: .. |
اقتباس:
ونقاشك ممتع و راقي الي عودة مشان اختار عضو :136: |
اسمحلي وسيم انا رح اختار الاعضاء، رح اختار حبيب العمر وملك روحي كمان مره، حسيت ما اخدو وئتون كيف لازم بالنقاش لهيك رح اختارون ونعطيهون فرصة تانيه ليتناقشوا إذا في مجال، بإنتظاركوا :137: .. |
اوك مو مشكلة بانتظارون :136: |
اهاا فكراا رووعة احلا اشي التحدي هههه |
بعد اذنك اختي سمره اعذريني وشوفي حدا غيري لو ملك روحي حابه تناقش حدا هي تختار بنفسها شريك النقاش |
السلام عليكم وانا كمان بعتزر سامحوني موفقين |
ع راحتكوا اكيد :137:، رح اختار الصياد ونوفمبر، بإنتظاركوا :137: .. |
ما قريت الموضوع كآمل لكن نقاش سمره ووسيم جدآ ممتع وشكرا الك ع آختياري سمرة بآنتظار موافقة نوفمبر حتى آبدا .. |
نوفمبر الصياد متحمسة اعرف ارائكم صراحة بالانتظار |
يسلمو سَمرة ع إختياري ؛ مآ بعرف إزآ وصلتلي فكرة الموضوع تمام :124: ؛ بشرفني أشارك الصيآد النقآش ؛ بتحب تبلش ؟! http://www.a5fi.com/vb/images/smilies/1%20%28175%29.gif |
انا ما قريت الموضوع كآمل لكن الي فهمته منه انه النقاش عن قضايا الشباب ومجتمعنآ واكيد بشرفني اتناقش معك ، خليني آبدا المكياج الي بتستخدمه البنات خآصه لما يكون بشكل متمادى فيه بالرغم من انه معروف ان الشباب ما برغبوا هيك بنت خآصه عن الزواج فليش آستخدامه !! |
اقتباس:
؛ انا مش مع الميك أب الأوفر ابداً .. البنآت يلي فاهمين انو هالشي هو يلي بجذب الشب لإلهم .. عندهم مشكلة كتير كبيرة المكياج بيعطي لمسات جمالية و بحكي لمسات يعني شي خفيف .. في فكرة منتشرة عند الأغلب من حوآء .. إنو الشب بيعنيه جمال البنت بالدرجة الأولى ولانو هي فاهمة إنو بالمكيآج بتصير حلوة بتبلش تلون حآلها لعل و عسى تعجب و تنخطب و هيك. انا مش معك بانو معروف الشباب ما برغبوآ هيك بنت عند الزواج .. في شباب عادي بحكيلك بس اتزوجها بخليها تتنقب المهم عجبتني .. ؛ سؤآلي الشب يلي بعآكس هو بكون عارف انو بنزل من عين البنت بس يحكيلها كلمة إعجآب ! أعطيني أسباب المعاكسة !! بس ما تحكيلي عن لبس البنت بدي أسباب تآنية ؛ http://www.a5fi.com/vb/images/smilies/1%20%28175%29.gif |
اقتباس:
حتى بدون ما ينقبهآ لكن بشكل عآم الاغلب ما بقبل جواب سؤالك مش راح احكي انه لبس البنت هو السبب لانه لو كآن هو ما كانت اتعاكست البنت المحجبة ، والمجتمعات الغربية لبسهم عريان وماعندهم هيك ظاهرة انا ما سبق واتصرفت هيك وبستحقر جدا الاشخاص الي بعملوا هيك اشياء اسباب المعاكسة برأيي هي الفراغ العاطفي الي بتعيشه بعض المجتمعات الشرقية وتقليد آعمى للآفلام الي بشوفوهآ و تقليد الشباب لبعضهم واكيد في اسباب تآنية ما بعرفهآ .. سؤالي / كل فترة بتنشر ظاهرات غريبة خاصه بين المراهقين بدأت بالايمو والبويات وصولآ للبس الشباب هذه الايام المشابه بدرجة كبير لبس البنات ان كآن باللون او بالتفاصيل حتى الصغيرة منهآ ايش السبب .؟ |
اقتباس:
؛ المرآهقين بهالفترة ببلش خيآلهم يكبر و يبعد .. مثلا البنات ما بتعجبهآ تفاصيلها كَ بنت بتشوف إنو لاء الشب أحلى من ناحية اللبس و الحرية و تعامل المجتمع معه .. فـ بتبلش تغير مظهرهآ لتصير بتشبهو .. و الشباب نفس الشي بحآولوآ يكونوآ زي البنات لنفس الأسباب يلي ذكرتهآ من اشوي و إنفتآحنا المش محدود ع الثقافة الغربية و وصول المش منيح قبل المنيح إلنا من الأسباب كمان ؛ الإيمو شغلته طويلة و انا ضده نهائياً .. يعني شو أصلهآ ثقافتهم بعرفش أفكارهم من وين جآيبينها ما بعرف .. أسباب ظهوره مجهولة بالنسبة إلي .. ؛ سؤآلي جُملة بدي أكون حآلي ~ شو أصلهآ ! هل فعلا الشب ما بنفع يكّون حآله و هو شآبك رسمي طيب ليش يحب من الأول .. ولا هي عذر هروب ! http://www.a5fi.com/vb/images/smilies/1%20%28175%29.gif |
متابعيتكم موفقين :81: |
اقتباس:
اذا كان قصدك ب شابك رسمي ( متزوج ) بتهيألي صعب جدآ حدا يكون حالوا وهو متزوج لانه وقتها في عندهم مصاريف البيت ومرته وبعدين اولاده ومصاريفهم ف صعب يكون حالوآ ان ما كانش عزابي ، ولو قصدك (خاطب) قليل لما آهل بنت يوافقو ع شاب لسه ما بشتغل او شغلانته بسيطة المعظم بهذا الوقت بده حياة منيحة لبنت ويكون الها بيت لحالها وشغلات كتيرة ، لكن بالنهاية بضلو هذا عذر للهروب فعلاً لانه من البداية لما حب عارف حالو مش مكون حالوا لسه سؤالي / قبل انتشار النت مآ كناش نعرف غير قصة حب رميو وجوليت وقيس وليلى وعنتر وعبلة لكن هالايام صرنا نسمع عن مليون قصة حب ومعظمهآ بتفشل بالنهاية وكل طرف بحط الحق ع التاني ف برأيك ايش سبب انتشار الحب بهدا الشكل وايش السبب الحقيقي بفشله .؟ |
اول مره بشوفكوا تتناقشوا، اسئله واقعيه واجوبه مقنعه، متابعه :137: .. |
اقتباس:
؛ جوآب سؤآلك ؛ إنت ذكرت أشهر و أجمل قصص الحب .. بس من قبل النت كان في ولاد الجيرآن :p .. بس أكيد مش رح تسمع عنهآ لانهآ كانت بتضل بين الـ 2 يلي بحبوآ بعض و بتخلص و بتموت بينهم .. ؛ النت .. النت صار بسهل الحكي بين الشب و البنت كل موآقع التوآصل الإجتمآعي بتسآهم بعرض أفكآر كل وآحد و صوره أكيد و هالشغلآت كفيلة تخلي أي علاقة بين شب و بنت تبلش ؛ فشله .. أحيان بكون ما في تفاهم بين الطرفين .. أو انو الشب بكون بتسلى و بضيع وقت او البنت حتى ممكن تكون تعمل هيك يعني مش كتير فيه ثقة .. كمآن كل وآحد فيهم ببين للتاني أحسن م عندو مش زي المعاملة ع الوآقع .. ؛ سؤآلي الشُغل للبنآت بعد الزوآج ممكن يؤثر ع بيتهآ اشوي مش كتير الناس بشوفوه تقصير .. مع انو هي بتشتغل زي زوجهآ و كمان شغلها كأم شو سر هالنظرة الغير العادلة !! .. http://www.a5fi.com/vb/images/smilies/1%20%28175%29.gif |
اقتباس:
انه يكون بين ال2 وبس لانه الحب مش فضيحة جواب سؤالك/ سر هالنظرة انه الناس بتشوف البنت شغلهآ البيت وآولادها وزوجها قبل ما تتغير مجتمعاتنا ويتاح الها الشغل في مجالات كتيرة مثلهآ مثل الرجل وفي ازواج كتير ما بقدرو انه هي بتتعب مثله بالشغل مآ بعرف اذا هم مآخدين فكرة غلط ع البنت انها مخلوق ما بتعب حتى تقدر تدير بالها ع بيتها وزوجها واولادها وبنفس الوقت تشتغل لازم تغيرو الفكرة الموجوده بالمجتمعات الشرقية انه الست مكانها المطبخ والبيت بس سؤالي / مع انه الاسلام اعطى المراة حقوقهآ كاملة والمزبوطة وطالبت كتير بحقوقهآ وجمعيآت حقوق للمرآة حتى اخدت كتير حتى واتعدت حقوق الرجل كمآن يمكن هذه المشكلة مش موجوده ف مجتمعنآ منهآ قضية الخلع والشقة من حقهآ - لوين بدهآ توصل ف حقوقهآ ايش بدهآ اكثر .؟ |
اقتباس:
؛ جوآب سؤآلك الإسلام أعطآها حقوقهآ و ما بختلف معك ع هالنقطة بس المجتمع يا دوب معطيهآ نصهم .. لسآتنا أسرى للعآدات و التقاليد لسى مجتمعنآ بخاف من كلمة مطلقة و بحتقرهآ لسى في أهل بس تصير بنتهم أرملة ع طول بزوجوهآ و برموآ أولادها لأهل زوجهآ ؛ الخلع تطبقت بمحآكمنآ !! .. بصرآحة ما عندي فكرة ؛ بدهآ توصل للإستقلال الكآمل .. ما يعوود ولا لقب يؤثر عليهآ << مطلقة و هيكـ في كتير عادات و تقاليد بتمنى نتخلص منها .. بجوز وقتهآ نحكي تحققت العدآلة للمرآة بحقوقهآ ؛ سؤآلي شو فكرتك الأفضل عن الزوآج .. الحب نهايته زوآج ولا زوآج نهآيته حب ! و ليش ؟ |
اقتباس:
وما اعطوها حقوقهآ الي اعطهآ اياها الاسلآم جواب سؤالك / ال2 فيهم نسبة النجاح والفشل في حب بآنتهي بالزواج وفي بالفشل وفي زواج تقليدي لكنه ناجح جدآ وبصير بينهم حب وحب قوي والامثلة كتير حولية انا بآيد ال2 سؤالي / قريت مرة انه مشآكل المتزوجين بتصير من الناس الي حوليهم مش منهم نفسه انتِ معك هيك حكي !؟ والاهل الي بخربوآ زواج بنتهم وفي آمثلة كتيرة بالمحآكم بتكون البنت متمسكة بزوجها لكن اهلها بدهم يطلقوهآ آيش سبب هيك شي !؟ |
| الساعة الآن 11:59 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.