|
طول و النقآش من بآب الإحترآم و تبآدل الآرآء ماآ بينقفل الموضوع و لاآ لشو هآد قسم للنقآش و أكيد كل عضو و ليه وجهة نظروو و الجميع بيحترم هالشي تحيتي ~ |
بصراحة كنت حابة ادخل هاد النقاش لاكن بعد ما قريت ردود هل كان حبا مش ضايل شى عشان احكى لانو كلامو مزبوط 100% وبشكرو على كلامو ولى عايش بالجنة مش زى الى عايش بالنار |
السلام عليكم جميعا بصراحة نقاش حلو لانه اتضمن شخصيات واعية الاكثر اثارة انه الاحترام موجود . . كلنا بنحكي الحق على السيسي واعوانه وهيك شغلات وهالشي مافي منه نهائيا من الصحة السيسي عنده دولة و بيعمل ليامنها ويحميها اقل شي من فوة ممكنة هلا معظم الشعب المصري معه ومع قراراته واللي بيقول لئله يد في اغتيال قاداتنا قبل يومين وين الدليل كيف بتعيد شي انت ما بتعرف شو اصله الصهاينة مش بحاجة دولة تانية لتتجسس عنها وهي عندها كل التطور بخصوص انظمة واجهزة التجسس هاي الشغلة ما صارت ولا قدروا الصهاينة يصلوا لقادتنا الا من خلالنا احنا من جواتنا احنا مش من ناس خارج البلد والشي اللي بيدور هلا هو تاريخ بيعيد نفسه بس بشخصيات جديدة وزمن جديد خلينا نرجع لورا اشوي كل طلبات المقاومة موجودة ومحققة وكمان طلبات اليهود موجودة كلهااا باتفاقية اوسلو كانت ابتضمن المطار والمعبر والمينا مقابل سلام وكلو موقع فيه وفي اثباتات موجودة بهيك شي يعني متفق عليه مسبقا . . . بالنسبة للناس اللي بعطي قرار بخصوص شعب هي مش موجودة فيه لا حاسة بناره انت بتحكم وبعطي رايك وبتقول بدك حرب استنزاف حرب استنزاف بين مين ومين بين ولا شي وكل شي احنا ما بنملك الا الارادة والحق معنا والطرف التاني بيملك كل شي لا تقلي جبان وغيراته هادا الشي منتهي الكلام فيه طالما مسك احدث طائرات حربية ودبابات وعاملنا حقل تجارب لتطوره معناته الجبن عنده بدأ التلاشي . . . احنا مشكلتنا باعلامنا اعلامنا بيقول اعملنا ورح نعمل انتظرونا بمفاجأتنا بننتظر لنصبح على كارثة وهي اشتشهاد قادتنا وين المفاجأة اللي وعدتونا فيها وين صواريخكم اللي من يوم الهدنة ما شفناها شو الهاون مقابل صاروخ اف 16 وغيراتها احنا مش محتاجين انه نزرع الرعب بقلوب عدونا وبس بدنا فعل بمقدار حكينا . . . . الضقة شو عملت لئلنا اللي احنا بناشد العرب بكل مكان يكونوا معنا طلعوا يوم يومين تلاتة استشهد عندهم 5 قاموا انهاروا وماحدا استرجا يكمل مشواره لا تقوولوا حرس الرئيس الرئيس بالبداية كان مانع الشي بس هلا فاتح بوابه وقلكم اعملوا شو ما بدكم بس للاسف الساناتنا هي اللي بتعمل مش دراعاتنا . . للاسف كل غلطة بتصير ما بتوقع الا بسبب السيسي ومن قبله عباس ليش لانه اعلامنا هيك بيقول متى الغشاوة رح تنزال من عنونا احنا ونقدر نشوف الحقيقة زي ما هي اللي في الضفة ما شافوا ربع اللي بغزة وما شافوا كيف لسلاح اللي بيتكلم فيها اذا حدا عبر عن رأيه لانه قوة حماس موجودة ومسيطرة على المكان . . . هلا اللي بيساوم على دم شعب ما عاش بلاده ما بيحقله ولا ذرة فيها انت بتحكي بدك حرب وتخوض حرب كون قدها وعارف شو ابعادها وين رح تيجي وين رح توصل شو حققت وشو رح تحقق في المرات الجاية مش على حساب ارواح عالم غلابة مش على حساب ناس مش لاقية قوت يومها مش على حساب ناس مخمودة ما بتقدر تحكي شو بدها ملاحظة احنا اتعدينا 2200 شهيد شو ضايل ... ضايل نحرق كل الشعب منشان نكسب اصوات خارج البلد تحياتي للجميع |
الموضوع مش نقاشي ، اول الردود بس كآنت متعلقة بمضمون المووضوع والبآقي ما اله آي علاقة ، ودخلتوآ حركة حماس بالقصة وحكمهآ وانها سبب بالحصار وآنها وآنها وكله من باب الكره لحركة حماس ، وبخصوص الموضوع ، والصحف الاسرائيلية حكت هذا الكلآم ومصر ما خرجت ونفت الكلام ، ف ما حدش يحكي هذا الكلام غلط طالما مصر ما نفتش الكلآم حتى لو كان فبركة اسرائيلية وغلط ، |
اقتباس:
يا ريت كون وضحت بعض الامور مع ذلك منضل اهل واخوه ودم واحد وشعب واحد |
اخي الصياد هو الموضوع ما كان للنقاش من الاصل لكن مع اختلاف الاراء تحول لنقاش وحامي كمان لكن احترامي لكل الاراء ووجهات النظر |
ما تعملو الموضوع ضفة وغزة وﻻ حماس وفتح هاد اصلا الي دمرنا الموضوع انو مصر الها مصلحة بتصفيه حماس ومو هاممها سيل الدم الي بجري بغزة حبيب طرح الموضوع من هاي الزاوية وانا موافقتو الرأي لانو هالشي الاعمى شايفو بعينو طوال شهر اسرائيل ما وصلت لواحد من المقاومة فجأه اصبحت قادرة ع اغتيال قيادات بحماس هالشي غصب عنك بخليك تفكر شوووو صار؟ وكيف صار؟ اي احنا بالضفة عاجزين نعمل شي مو لانو مش حاسيين فيكم وجعنا ووجعكم واحد بس لانو ما في سلاح ما تفكرو عايشين احسن منكم احنا كمان بسجن كبير حول كل قريه او بلدة مستوطنات بعدد راسك وﻻدنا ووﻻدهم مع بعض وشفتو محمد ابو خضير من باب بيتو انخطف طبعا هاد غير امن السلطة الي مانعنا حتى نطلع مظاهراات احنا ما بدنا تستمر الحرب بس بدي ازكركم بشي من 10سنين كنا نحكي حجر مقابل دبابة؟! شو راح يطلع منها ومن سنتين حكينا هاون مقابل طيارات ف16! اليوم المقاومة وصلت تل ابيب بعد شي 5 سنين شو ممكن تعمل المقاومة؟؟! والله ناس تستحق انو نحني روسنا ئدامهم بنفتخر فيكم غزة وبنتعتزر لانو مقصرين تحياتي للكل |
بما انه الموضوع عن السيسي عشان نضل في الموضوع المقاومه صنعت صواريخ وسلاح رغم الحصار وطورت بنادق قنص لكن المصانع العسكريه المصريه بتصنع معكرونه ومعمول وكعك العيد وغسالات مسكين الجيش المصري يحكم باشخاص مجرمين |
محور النقاش كان انو حضرتك اعتبرت الاعضاء مش فاهمين حاجة وانو بنحكي من باب كرهنا للسيسي لأن جميع الآاراءالتى علقت لم تتطرق في فهم كيفية سير المفاوضات في القاهرة وجل الردود إرتكزت في ذم وسب السيسي دون أدنى تفكير بكيف يمكن أن يحدث ذلك والجانب العسكرى لا يتواصل مع المفاوضين بالقاهرة ولما وضحت رأيك اكتر انا وحدة من العالم استغربت بعتزر بس حسيتك مش عايش هون وﻻ حاسس بلي بيصير على أية حال ليس بالضروري أن يصيبك ردي بالشعور بالرضا كل شخص وله رأيه والله يا أخت أنا عايش في قلب الجحيم في عزة أنت صعب تتصوري او تحسي بحجم المعاناة في غزة فكيف إتهمتيني بأني مش حاسس باللي بيصير وأنا في قلب المعاناة في الحقيقة الأدوار إنقلبت أخت بدك غزة متل رام الله او نابلس ازا طلعنا مسيرة الشرطة الفلسطينية بتواجهنا قبل جنود الاحتلال؟ في الحقيقة أعلم أن السلطة في الضفة بتضايق عليكم ربما أني لست موجود في الضفة لكن تأكدي إن كانت الوضع في الضفة صعب فغزة هي الجحيم أنت لست موجودة في غزة وأغلب المعلقين ليسوا من غزة لذلك لن تُدركوا ما أقول شو عملتلنا المفاوضات؟ هينا بالضفة اكبر مثال بنتفرج متل باقي الشعوب وبنحط نظريات والادهي بنحارب المقاومة أفهم من كلامك أننا نوقف مفاوضات وقف إطلاق النار في القاهرة ؟ حسناً نوقف المفاوضات في القاهرة لكن ما هي النتيجة ؟ تطلع طائرات الأف 16 وتضرب في المدنين ويسقط آلاف الضحايا أليس من باب أولى أن نحق دماء أبناء شعبنا ازا استغربت من موقفي درجة انا مصدومة بموقفك درجات سبق وذكرت لك ليس بالضروري أن يشعرك ردي بالرضا كل عضو وله وجهة نظره تحياتي |
بداية احنا فعلا اخوة بنضل مهما كان لا انا فتح ولا انا حماس انا مواطنة من شعب شايف شو بيصير داخل الشارع الفلسطيني الغزي . . . بالنسبة لنقطة الصحافة الاسرائيلية هي اللي نقلت الخبر عادي جدااا لتزيد كرهنا وتزيد الخلافات اللي بينا مع شعبنا المصري الحبيب هاي سياسة خسيئة منها انها تعمل البلبلة بصفوفنا العربية والاسلامية وهي اكيد لو مصر اعطتها اللي بدها اياه ما كانت اعلنت عنها او عن هيك شي خطير بهيك وقت في عندك دول ما بدي اذكر اسمها بتتعامل معها مباشرة بلا خجل لكن اسرائيل ما قالت ولا صرحت بهادا الشي لانه مش من مصلحتها . . . . المعابر سكرت من بعد اختطاف شليط هادا هو السبب الرئيسي لكل الحروب التلاتة من سنة 2009 لحتى 2014 0 . . بالنسبة للبيصير عندكم هو اكيد بياثر علينا واكبر دليل غزة كلها انتفضت منشان اللي بيصير ببلادنا واراضينا هناك عندكم اللي ما شفناها بالنسبة للضرب والحبس اللي بيصير عندكم لا يقل عن اللي بيصير عنا بالايام العادية لو حدا قال شي حقيقي او معارضة للحكومة المتواجدة عنا اكيد احنا وانتوا دم واحد واكيد قليل الاصل اللي بيقول غير هيك واحنا ما بننكر هيك شي بس املنا فيكم اكبر من هيك ليكون قدام الصهاينة جبهتين ويكون الامر اكثر صعوبة عليهم ويخف الضغط على غزة انا اخر كلامي ما بوجه لئلك اخي اكيد لانه اانا وانت وغيراتنا من الشعب الغلبان اللي ما بيقدر يعملشي القرار كله براتنا احنا اقوا منا بايد ناس ما بعرف هي بجد بتحس فينا او لا زي اللي بيعطوا قرارات خارج بلادنا وهي اللي بتقولوبتشور هناك واحنا اللي تحت الضرب هم ما شافوا ربع اللي بيصير عنا وبدهم شي اكبر منا ولا فلسطيني بيحب الراية البيضة بس اكيد في شغلى اسمعها عقل وفي شعب وقرار لناس دمها رح يضل برقبتنا ياريت وجهة نظري كمان صارت واضحة اكتر تحياتي لئلك مؤيد |
اخي احمد يشهد الله كم نعاني لاجلكم كل انسان حكى وجهة نظره من وجعه وحرقه قلبه واستغرابه من التخاذل اخي الكريم اعتقد الموضوع اخد حقه لو بتتكرم تغلقه ولو حبيت خليه خلينا نفتح موضوع تاني احمى من هادا شوي |
كلب ولا يسوا جوا نعال ـ مشكور صديقي |
اقتباس:
ولماذا إتفقنا على أن لا نتفق إن كانت هذه رؤيتك للأمر فرؤيتي مختلفة تماماً عنك يجب أن تدرك تماماً قطاع غزة الذى عدد سكانه مليون و800 ألف ليس كمصر التى عدد سكانها ما يقارب 100 مليون وكذلك تونس يجب ان تعلم تماماً أن مصر لديها جيش يدافع عن شعبها ويجبر الرئاسة على التنحي بينما غزة ليس لها جيش ليدافع عن أبنائها ما إن خرجوا ضد الحكومة فالجيش هو الحكومة بحد ذاته انت من متابعي الآخبار ولم يرد خبر كهذا أنا أصدقك أتعلم لماذا لأن الإعلام والصحافة في غزة يخضع لرقابة وسلطة الحكومة ولا يمكن أن تخرج معلومات كهذه للعالم في قطاع غزة الوضع يختلف أكبر قوة فصائلية في غزة هي حركة حماس وتمتلك 16 ألف مقاتل حماس هي الحكومة وحينما تمتلك الحكومة 16 ألف مقاتل يعمل لخدمتها لن تستطيع باقي فصائل المقاومة الآخرى فعل أي شئ وآهلاً بك إن عدت مرة آخرى |
اقتباس:
يعني هو علشان إختلف الجميع معي أقوم أغلق الموضوع لا أبداً انا مش هيك خالص لا حماس ليست هي المقاومة فقط في سرايا القدس وفي ألوية الناصر صلاح الدين وفي كتائب المقاومة الوطنية وفي لجان المقاومة الشعبية وفي كتائب شهداء الأقصى لذلك المقاومة ليست محسوبة على حماس وحدها بخصوص باقي الكلام الخاص بالصحف الصهيونية هذا دليل فعلاً على عدم تورط مصر في الأمر لأنه لو قدمت فعلاً مصر معلومات للجانب الصهويني لن يتم نشر الخبر ولن تعلم به الصحافة الصهونية ولكن هذه أفعال من بعض الصحف الإسرائليلة لتشويه مصر بخصوص آخر كلامك هذه وجهة نظرك |
اقتباس:
ما بظن الاحتلال غبي درجة يفصح عن المتعاملين معو رد واعي بفش الخلق :136: |
اقتباس:
http://www.yassmen.com/vb/showthread.php?t=23505 أظن ليس له علاقة بأي شئ نقاشي لا من قريب ولا من بعيد وأعتقد أن الجميع يتفق مع كلام الدكتور ناصر اللحام لا أعرف لما تتحدث وكأن هذا الأمر يعيبني أني أغلقت الردود على الموضوع أنت تعلم جيداً أني لست من النوع الذى أغلق المواضيع خشية أن تكون هناك وجهات نظر مخالفة رأيي وتدرك جيداً أن لدي القدرة على المناقشة وطرح رأيي ووجهة نظري في أي موضوع ومع أي عضو |
اقتباس:
لكن في مثل بيقول " اللي بياكل الجلدات مش زي اللي بيعدها " اهل غزة وسط النار وصعب أحد يشعر بمعاناتنا لا أبداً يظل موجود ليش لينغلق إلا إذا انت أردت إغلاقه لأنك صاحب الموضوع وهذا القرار بيرجع لك |
اختلاف وجهات النظر ﻻ يفسد للود قضية بالنهايه كلنا شعب واحد وتحت عصا واحدة شئنا ام ابينا الله يعينكم ويعينا تحيتي |
اقتباس:
النقاش يطول أحياناً ويحتاج منّا أن نتطرق أكثر لنوضح أمور ربما لا يدركها الطرف الآخر بخلاف أننا ضد حركة حماس أو معها إن كنت ترى أن من يقول أن حكم حماس سبب الحصار وسبب المعاناة لأهل قطاع غزة هو شخص يكره حماس فهذا كلام غير موضوعي إطلاقاً ولو قسنا الامر على هذا المنوال فأي شخص يختلف مع وجهة نظرك ورأيك فهو يكرهك كلام مثل الذى تناقلته الصحف الصهيوينة لا يستدعي أن تتدخل حكومة مصر وتقول أنه فبركة إعلامية وتدافع عن نفسها فالحكومات أكبر من أن تلتفت للصحف وتعلق وتنفي وتستنكر كل ما تقوله وإلا فلن يكون هناك شغل أو عمل للحكومة إلا الرد على الصحف فقط |
اقتباس:
ما كان هادا قصدي فقط احببت المزاح فقط معك بالعكس ناصر اللحام من الصحفيين الي انا شخصيا بتابع حلقاته وتحليلاته من قناه لقناه وجهة نظرك باغلاق الموضوع ابدا ما كان مشكله واعجبني جدا المقال |
اقتباس:
مهو اللي يشوف طريقة كلامك وانت بتحكي ما هيصدق أنها مزحة وهيقول شو الموضوع هذا وليش أغلقه هههه يسعد مساك يا حلو |
غزه تحاصرها مصر السيسي العميل لاخوته الصهاينه دور السيسي واعلامه ضد الشعب الفلسطيني في قطاع غزه لم يعد مخفي على احدا يعد عدته ليعد منذ الانقلاب العسكري الدموي الفاشل على الشرعية المصرية بالتحريض على قطاع غزه نيابة عن اخوتة الصهاينة ليلفت نظر الشعب المصري عن انقلابة العسكري الدموي ضد شعبة الثائر علية وهو المقبور حيا في قبرة فهما وجهان لعملة واحدة لعمالتهم للصهاينة ليثبتوا للشعب المصري لا امان ولا استقرار بدون كرسية عودة الطغاه لحماية الصهاينة على حدود مصر ليقبلوا الفلسطينيون الضغوطات ولا قيمة لها فبدات بخيوط المؤامرة تنكشف اكثر فاكثر وما نراة في غزة يدل على ذلك والايام القادمة ستثبت ذلك وليس العكس وبعد كل ذلك يظهر المجرم المنافق السيسي ليتحدث انه يدعم قضية فلسطين وان قضية فلسطين هى القضية الاولى لديه والأغرب انة يجوع الشعب الفلسطيني هل هناك من يصدق قاتل شعبه فهو من المغفلين مهما قويت شوكة الظلم والكذب فلابد من إنتصار الحق مهما كان الزمن والوقت الصراع بين الفلسطنيين و الخونة و ليس بين تنظيمي فتح و حماس ولا نريد ان نروج لهما بفعل البعض منا لزرع الفتن وعكس ذلك والتنسيق الامني يجب تصفيته و القضاء عليه افضل من ترك عباده الله ليعبدوا التنسيق الامني للصهاينه لكن بالمقابل قطاع غزه لم يتخلى عن المقاومه بعكس السلطه المقيمه بقطاع الضفه وهذا موثوق للجميع وبالطبع المستفيدون هم الصهاينه داخل الضفه من قتل واعتقالات يوميه بالتنسيق مع الزابط الامريكي دايتون والسلطه الفاشله بالضفه حسبي الله ونعم الوكيل ولا حول ولا قوة الا بالله العلي العظيم لا نرى اي امل لضمير حكام وملوك العرب ضد الطغاة الصهاينة لنصرة اخوانهم في فلسطين على الظالم مشكور اخي حبيب وعلى الاراء المختلفه من الاعضاء للرد على الموضوع الوطن والغربه |
| الساعة الآن 06:02 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.