| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
يا ملوك العرب بمناسبة العدوان على فلسطين
يا ملوك العرب عم تتفجر صدور الابطال و القضية قضية أمتكم ملغمة كل الأرض حواليها و صارت محشورة وحدها ورا صخرة بالجبل يا أمة العرب يا صحرا فاضية لأيمتى
 |
| | LinkBack | أدوات الموضوع | انواع عرض الموضوع |
|
#1
07-10-2014
| |||||||||||
| |||||||||||
يا ملوك العرب بمناسبة العدوان على فلسطين يا ملوك العرب عم تتفجر صدور الابطال و القضية قضية أمتكم ملغمة كل الأرض حواليها و صارت محشورة وحدها ورا صخرة بالجبل يا أمة العرب يا صحرا فاضية لأيمتى بدك تضل حاكمتك الغبرة ؟؟ يا ملوك العرب يا براميل الدول الكبيرة و يا قساطل ومجارير ممدودة على خزانات الأمم صباط بعدو بفلسطين بيسوا كل التقل المعفن والهيبة المعششة بحواجبكن العريضة صباط بعدو بالحرب بيسوا كل اجتماعات جامعاتكن و اجتماعات أممكن المؤجلة يا انتو اللي مأجلين من البشرية يا مصبرين وقاعدين بالتاريخ لا بتطلعوا ولا بتخلوا حدا يفوت يا ورقة مجعلكة ومعلوكي ومزتوتي حد التاريخ يا تايهين بالربع الخالي .. الخالي من كل شي , الفلسطيني ما عاد الو علاقة فيكون طالع وحدو عم ينزف وحدو عم يستشهد وحدو يا أمرا العرب يا كل الخطابات المصابة بالسفلس يللي عديتو ماضي وحاضر ومستقبل شعوبكن مطرح ما كنتو تصيفوا و تتعاملوا بالدنانير ما بقا فيكن تصيفواو عملتكن ما بقى تنصرف مصيفكن القديم صار اليوم يتعامل بالدم و انتو بلا دم يا مشحرين بالزفت و مشطفين بالكاز و ما كنتوا تحترقوا الشعب عم يحترق يا تماسيح الرمل الأصفر اللي عم تشتروا اوتيلات بلندن يا تماسيح الرمل الاصفر والنخيل كل اللي حواليكن عم يضحكوا عليكون المصاري اللي بتدفعوها ما بتشتري الناس بتشتري سكوتهن عن هبلكن يا بغال انتو اللي بتعمروا قصور فوق خيم تتناموا بالخيم وتتغطوا بالقصور يا طراريح محشية فلوس نجدوكن الاجانب وتليتونا غبرة قضيتكن قضية الأمة ملغمة كل الارض حواليها وصارت محشورة وحدها ورا صخرة بالجبل يا أمرا وملوك العرب يا لحى السمنة والرز يا سيبة شحمة ودهن يا كياس مدكوكة تمر وعباطة و قصايد وسمن حموي يا بطون بالعة بطون عم بيحاربوكون بفلسطين ليقررولكن مصيركن بس انتو ما عندكن مصير انتو عندكن بطون بتنبطحوا عليها انتو اللي ماشيين بلا كلسات وبلا كرامة يا انتو اللي ما بيتداكش عليكن الا بالدولار يا انتو اللي مصرياتكن مألعطة المصارف والاوطان والشعوب يا ملوك متخصصين بالذل بتوصي عالذل توصاية لشعوبها يا انتو الموظفين بالهزيمة و عم تقبضوا معاشات قضيتكن قضية أمتكن ملغمة كل الارض حواليها وصارت محشورة وحدها ورا صخرة بالجبل صباط بعدو بفلسطين بيسوى كل ساعاتكن الذهبية و صوركن اللي مطبوعة فيها و الخنازير اللي لبسوا الساعات اللي صوركون مطبوعة فيها يا انتو اللي سياراتكن الكبيرة الها حردبات بتجتر يا نملية الخطابات المسوسة والمحمضة يا طبل مفخوت وبعدو عم يزعوط يا سحبة حكي وتفشيط مزركشة مكشكشة مزوزءة صرلا مية سنة بتلت وبتلعي يا صدر قطر ووحل يا صينية قشطة بوحل عم تدبق شهامة وشيم يا مؤتمرات الدجل يا ضحكة رطل كلو خبث وعمالة يا عبايات عابطة بعضها قدام الصور وعابئة منها ريحة المؤامرة ريحة فحل معزة متأمر على شعوب العرب يا أغبى عملا الارض يا زعما العرب يا دود الخل اللي منو وفيه يا خرج معبى عقارب يا جلال معبى شعارات عا ضهر كديش تايه بالصحاري يا ملوك العرب يا تيوس مدهوني بعطر يا بعير بيشرشر ذكى قضيتكن قضية أمتكن ملغمة كل الارض حواليها وصارت محشورة وحدها ورا صخرة بالجبل يا انتو اللي ضاربين طنابكن تحت دراج البيت الأبيض يا ملوك العرب يا عدوى الكلب يا كعب الدنب يا كلاب وحدا فلسطين عم تقاتل عنكون وبلاكون عن مية صحرا ومية جبل والوردة الحمرا بتيبس وبترجع تطلع بفلسطين الجبل وحدو الجبل جبل  المصدر: منتديات بنات فلسطين - من قسم: ะ» فِلِسطِيـטּ وآلقَضِيـةٌ |▪●™ dh lg,; hguvf flkhsfm hgu],hk ugn tgs'dk   |
|
07-10-2014
| #2 | |
 ♥ذَاكِرَة القيثَارَة،،♪ 
 | وكَيف لهم ان يعقِلو فَلسطين.،. تحيآاتي على هيك كلآم...،، | |
| |
|
07-10-2014
| #3 | |
 حنين لرائحة زمن مضى ツ
| كل الدول وكل الشخصيات المهمه ان كانوا بعالم السياسه او غيرون، كلياتون شاطرين بالحكي مش اكتر، بالفعل؟؟ مستحيل، فشو بدنا نتوقع منون؟ يحررووا فلسطين متلا؟ يمكن نلائي ناس مهتمين كتير للمشاكل يللي عم بتصير بغزه، بس بئص ايدي اذا مكنوش 1 بالميه، فكرك هدولي في حدا رح يسمعون؟ اتخيل 1 بالميه من 99، مين رح يهتملون؟ ولا حدا، لإنه اليوم كله همه نفسه، لهيك فلسطين مستحيل تتحرر انا هيك شايفه، بس المشاكل اللي عم بتصير ممكن توئف بعد فتره معينه .. عنجد كلماتك ئويه، بتفش خلئ الواحد، الله يسعدك .. | |
| |
|
07-10-2014
| #4 | |
|
وحياتك يا وسيم اسرائيل اخدت موافقه مصر والسعوديه والامارات قبل تضرب غزه زعماء العرب خناجر في ضهورنا قبل القنابل من الاعداء اشكرك اخي والله غالب على امره | |
| |
|
07-11-2014
| #6 | |
| الدواء الوحيد لحكام العرب هو تقبيل احذيه حكام البيت الاسود ليبقوا على كراسي السلطه الفانيه و ان شاء الله الفرج قريب يا اهل غزه الشكر على الطرح الرائع الوطن والغربة | |
| |
|
07-13-2014
| #7 | ||
|
ساهر في سوريا
| اقتباس:
نورتي | ||
| |
|
07-13-2014
| #8 | ||
|
ساهر في سوريا
| اقتباس:
وانا بشوف انو المحتل بيعرف انو هالارض مو ملكو وبيعرف انو عاجلا ام اجلا رح يطلع منها هي وجهة نظري شكرا الك | ||
| |
|
07-13-2014
| #9 | ||
|
ساهر في سوريا
| اقتباس:
نورت زميل | ||
| |
|
07-13-2014
| #10 | ||
|
ساهر في سوريا
| اقتباس:
مشكور مرورك | ||
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قضية سلب فلسطين كانت من أجل بقاء الحكام العرب في سدة الحكم و91% من سكان جهنم سيكونون من العرب والمتأسلمين | امير القلوب | حـانة الآدباء والفـلاسفة والمفكريـن | 7 | 08-18-2014 06:28 AM |
| العدوان الإسرائيلي على غزة في الإعلام الأميركي | عشق ! | الأפֿـُبآر والـأפـدَآث | 4 | 07-10-2014 07:32 PM |
| تهنئ بمناسبة مرور سنة على تأسيس منتديات بنات فلسطين | وجع الروح | مطار بنات فلسطين - ωoเcoмє | 33 | 03-16-2014 07:56 PM |
| فلسطين لا تسألي أين العرب | رقة قلب | الــشعـر والـشعـراء | 2 | 10-27-2013 11:58 PM |
| تهنئة خاصة ل بنات فلسطين بمناسبة عيد الاضحى...... | نقآء | مطار بنات فلسطين - ωoเcoмє | 9 | 10-11-2013 07:47 PM |
الساعة الآن 05:24 PM
