| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
 |
| | LinkBack | أدوات الموضوع | انواع عرض الموضوع |
02-19-2014
| #51 | |
 جُلَنار ♥! 
 |  1/ من هي حواء عرفينا عن نفسك ؟ تالا.. 2/ لو اردتي ان تعطي آدم درجه في حياة حواء فكم ستعطيه من عشره ؟ 10 آأدم جزء مهم جداً في حياآة حواأآء 3/ باعتقادك لماذا يكره آدم المرأة الأكثر منه ثقافة ووعي أو مركزها الاجتماعي أعلى منه ..؟؟؟!! لأنه دائماآً يرى بنفسة الشخصية الأقوى والأساسيةة 4/ ماهو ترتيب آدم في حياتك و حسب الاولويه أبا ...و أخا ...و زوجا ...و ولدا؟ أب , زوج , إبن , أخ ! 5/ هل طيبة أدم نقطة ضعف أمامك أم شيء تقدرينه بلا أستغلال ؟ أقدره بالطبع , أستغله بتاتاً !! 6/ كيف تتعاملين مع آدم في لحظات غضبه ؟ أصمِت ! 7/ هل وددت يوما أن تكوني آدم ......؟؟؟ لاآ , ونعم ! 8/ هل حبك لآدم يجعلك ضعيفه ....؟ نَعم .. 9/ ماهو الشيء الذي يمتلكه آدم .. وتتمنى حواء إمتلاكه؟ الحُرية المطلقة في التصرفاآت , 10/ متى تضحي حواء ما باستطاعتها من اجل ادم؟ حين تحبه بصدق . 11/ أيهما تفضل حواء آدم القوي أم الذكي؟ ولماذا ؟ الذكي دائماً قوي لكن القوي ليس بالضرورة أن يكون ذكي ..< لذا أفضل الذكي > ! 12/ هل تفضل حواء الزواج عن حب ام الزواج التقليدي ؟ التَّقليدي .. 13/ ما موقف حواء أذا خانها آدم ؟ الرَّحيل ! 14/ هل تجارب آدم السابقه تهمك عند الارتباط به حتى و ان كانت صفحه و طويت ...؟ لاأآ .. 15/ ما هي اقصر الطرق الى قلب ادم برأيك ..؟؟ ممممم كل أآدم إلو طريقة معينة 16/ ما ردة فعلك عندما يقول لك حبيبك : أحبك نعم أتزوجك لا ؟ أترُكك نعم !! أحبك لا ؟ 17/ ما هي اكثر كلمه تكرهين سماعها من آدم ...؟؟ مش حَسيبك أبداً.. 18/ هل تقبلين بتعدد الزوجات أي ان يكون لك ضره أو ان تكوني انت ضره لأمرأة اخرى ....؟ لا فأنا لا أتقاسم أشيائي مع أحد .. 19/ هل يزعجك أن مجتمعنا مجتمع ذكوري أي أن الكلمه العليا فيه لآدم ؟ لاآ فلن أنسى أن أبي رجلاً ويهمني أن يعتلي رأيه القمم ,.. 20/ ما العمر المناسب لحواء للزواج حسب رأيك ؟ 20-25 21/ هل شخصية آدم تطغى على شكله بالنسبه اليك ام العكس ؟ نعم لا يهمني المظهر .. يهمني الجوهر أكثر 22/ هل من الممكن ان يبقى في قلبك شيئا من حب قديم حتى و ان تزوجت ؟ نعم ,, الحب مشاعر ولا يمكننا التحكم بهاآ 23/ هل تزعجك صراحة ادم ؟ لا 24/ ماذا تفعل حواء لو تقدم شخص تحبه ورفض أهلها هذا الشخص ؟ برفض مع أنه بكون كتير مزعوجة لكن ما باليد حيلة 25/ لماذا تكره حواء زواج أدم عليها ؟ ذكرت سابقاً أنا لا أتقاسم أشيائي مع أحد 26/ برأيك متى يكره أدم حواء؟؟؟ حين ترحل بلا مبرر 27/ ماهي الصفة التي لا تتنازل عنها حواء في أدم؟؟؟؟ الطيبة 28/ ما هي أجمل هديه تتمناها حواء من أدم ولماذا؟؟؟ قلبه 29/ دمعة أدم ماذا تعني لك؟؟؟؟نننننننننننننننن شيء عظيم و لا أحبذ رؤيته 30/ ما هو تصرفك مع آدم الذي تحبيه ولا تفهميه؟؟؟ 31/ الرومانسية والكرم أيهما تفضلين في أدم ؟؟؟ الرومنسية 32/ من هو أدم المسؤول في رأيك؟؟؟ 33/ ماذا تعني لك غيرة أدم الشديدة؟؟؟ بكرهها 34/ لو تزوجتي أدم يعشق قول "لالالا" ماذا ستفعلين؟؟؟ بتركة 35/ لماذا يحب أدم الخروج من المنزل والذهاب الى الأصدقاء في نظرك؟؟؟ يخلص من الحاح مرته 36/ ما أكثر شي حواء تكره في نفسها ؟ طيبتها 37/ ما الذي ينقص أدم هذا العصر في نظرك؟؟؟ الصدق 38/ ما هي مواصفات أدم التي تتمنيها لفارس أحلامك؟؟؟ بس يقدر قيمتي 39/ من هو أدم الذي يقدر حواء في نظرك ؟؟؟ لا يقول لها أحبك .. يفعل ما يثبت ذلك 40/ ماذا ستكون ردت فعلك أذا كان أهتمام ادم بالأنترنت والمنتديات أكثر من الأهتمام بـ حواء"أنت"؟؟؟ أناآ أكتر شي بكرهه بحياتي الإهمال وصدق أنا الي بيهملني ببيعة بدون تردد 41/ هل تعتقدين بأن أدم سيقف في وجه طموحاتك؟؟؟ ممكن لاكن لن يؤثر في 42/ كيف ستكون ردت فعلك عندما يكون فارس أحلامك من المدخنين؟؟؟؟ عاآدي .. بعتبرها حرية شخصية ,, 43/ ما هي الأشياء التي يجب أن يفعلها أدم تجاه حواء ليسعدها ؟؟ ن يهتم بها حتى لو بلغوا من العمر عِتياً 44/ نصيحه توجهينها الى أدم؟؟؟ لاأطلب منك الكثير فقط أريدك أن تكون كآدم الذي تتمناه لشقيقتك !! 45/ ما أكثر شي تكرهه حواء في آدم ؟ الإهماآل والمبررات الكذابة 46/أهمسي بما تشائين فلقد فك أسرك ؟ " أناآ أُنثى كالبقية , لكن بإختلاف بسيط أكره الإهمال فهو مزعج جداً بالسبة إلي إن أردتني أبدي إهتمامك أولا قبل أن تظهر لي محابس الخطوبة " شكرأً يا عزيزي ع الإستضافة الحلوة أسئلة رائعة أتمنى أن أكون وفقت في الإجابة  : | |
 |
|
02-19-2014
| #52 | |
 
|
اخت مجرد نبض أجوبة قد ثبتت معنى وقوة شخصيتك شخصية صريحة جدا فهمانة جدا ترى بحياتها الكثير من الصدق والاهتمام أعجبتني شخصيتك الرائعة من ناحية الصدق لأدم موجود فعلا الصدق ,, ولكن لا نراه بسبب الضغوطات هنا ,, يعطيك ِ العافية خيتو أبدعتي بصراحتك وشخصيتك ودي | |
| |
|
02-20-2014
| #54 | ||
 حنين لرائحة زمن مضى ツ
| اقتباس:
شكرا خيا لإنك اخترتني، كتير إنبسطت، ياني إسا انا فاضيه ورايئه عشان اجاوب  نبدا 1/ من هي حواء عرفينا عن نفسك ؟ انا أثار  ..2/ لو اردتي ان تعطي آدم درجه في حياة حواء فكم ستعطيه من عشره ؟ 5 طبعا، لإنه آدم بكملش حياته بدون حوا وحوا نفس الاشي، هو 5 وانا 5 وهيك منكمل بعضنا .. 3/ باعتقادك لماذا يكره آدم المرأة الأكثر منه ثقافة ووعي أو مركزها الاجتماعي أعلى منه ..؟؟؟!! لإنه هيك بكونوا اهله معلمينه من وهو صغير، يعني حسب البيئه اللي بعيش فيها الشب، مش كل الشباب نفس العئليات، الاهل يللي بحكوا لابنون تبكيش انت زلمي متخفش انت زلمي وئوّي ئلبك والزلمي ببكيش وبخفش، ع اساس إنه هو إنسان معندش ئلب وبيحسش متلا، كل هدا الحكي اللي بظل يسمعه بصير يتعود وهيك ببلش يحس إنه الزلمي دايما افضل من المره .. عشان هيك الافضل الشب لمن يفكر يتزوج يختار وحده من نفس مستواه، اذا كان فئير يتزوج فئيره واذا كان غني يدور ع غنيه، لإنه اذا فكر يتزوج غنيه وهو وضعه المادي نص نصن رح تظل مرته تسمعه حكي بلا طعمه لإنه هيك طبع المره ثرثاره .. 4/ ماهو ترتيب آدم في حياتك و حسب الاولويه أبا ...و أخا ...و زوجا ...و ولدا؟ حسب عن مين عم تحكي، إذا عم تحكي عن الاب، الاب ممكن يكون اخ وصديق لاولاده بنفس الوئت، اما اذا عم تحكي عن الحبيب والزوج، هون آدم بكون كل اشي بالنسبه للبنت بحياتا، بكون اب وزوج واخ وصديق وإبن .. 5/ هل طيبة أدم نقطة ضعف أمامك أم شيء تقدرينه بلا أستغلال ؟ لاء ولا مره بتكون نئطة ضعف مستحيل، بالعكس رح اشوف حالي إنه بعرف إنسان متله، لإنه الطيبه مش موجوده كتير بهالايام اللي عايشينا، ومن ناحه تاني بفتخر لإنه انا كمان طيبه متل مهو طيب، كل واحد بحكي مع اللي زيه .. 6/ كيف تتعاملين مع آدم في لحظات غضبه ؟ مش رح احكي معه ليروء، لإنه ان حكيت معه يمكن رح يعصب اكتر وتكبر المشكله، اتركه ع راحته وبعد شوي برجع احكيه، لإنه طبع الشب بحبش البنت اللي بتظل تضغط عليه، بغض النظر مين كان هالشب اخ او حبيب او زوج او اب، البنت إذا كانت بتعزه فلازم تتركه ع راحته دايما .. 7/ هل وددت يوما أن تكوني آدم ......؟؟؟ مش انا بوي هههههههههههههههه، اول ما خلئت بوي فكرني ولد سماني علي ، بس لمن اتأكد اني بنت اتحسر هههههههههههه، لإنه انا عندي 7 خوات و3 شباب وكلياتون متزوجين، يعني البنات اكتر فالبيت، ورغم هيك انا دايما بساعد بوي لإني الصغيره فالبيت، بحسسه إنه مش شرط اكون شب لحتى اساعده، مبسوطه إني بنت  8/ هل حبك لآدم يجعلك ضعيفه ....؟ بالعكس بئويني، كل ما حبينا بعض اكتر كل ما ئوينا اكتر، لإنه دايما رح احس إنه في عندي إنسان وئت احتاجه بكون موجود وهو نفس الاشي وئت يحتاجي بيلائيني، فمن شو بدي اكون ضعيفه؟ 9/ ماهو الشيء الذي يمتلكه آدم .. وتتمنى حواء إمتلاكه؟ يمكن الئوه، بس برجع بفكر طالما البنت هي بنت، شو يعني بنت؟ يعني انثى، انوثه وئوه مع بعضون؟ ولا مره بتزبط .. 10/ متى تضحي حواء ما باستطاعتها من اجل ادم؟ لمن يكون بمشكله مستحيل يطلع منها، بهالحاله لازم اساعده وإلا ليش انا موجوده بحياته؟ 11/ أيهما تفضل حواء آدم القوي أم الذكي؟ ولماذا ؟ الذكي اكيد، لإنه الذكي بيفكر وبستعمل عئلاته دايما، وممكن يكون ئوي بأي لحظه من ذكائه .. 12/ هل تفضل حواء الزواج عن حب ام الزواج التقليدي ؟ زواج حب طبعا، لإنه الوحده لازم تفكر دايما بالمستئبل، وتعمل حسابها ايش ممكن يصير بكرا، واللي بتظل عايشه ع الحاضر مش رح تغدر تكمل حياتا، اذا اتزوجت شب عن زواج تقليدي شو اللي بدو يضمنلي إنه رح يحبني بالمستئبل؟ يمكن مش رح يحبني، حتى لو كنا عايشين مبسوطين وفيه استقرار وفي راحه وفي تفاهم واحترام بين بعض رح يظل يكون في فراغ عاطفي، وهدا إلو تأثير كبير، سيعتا شو هالعيشه هاي؟ العاطفه وجودا مهم بالحياة الزوجيه .. 13/ ما موقف حواء أذا خانها آدم ؟ رح يصغر من عيني لإني ولا بحياتي بكون توقعت يعمل هيك اشي .. 14/ هل تجارب آدم السابقه تهمك عند الارتباط به حتى و ان كانت صفحه و طويت ...؟ انا لازم اكون كتاب مفتوح إلو، إذا هو حب يحكيلي عن ماضيه لازم اسمعه، واذا محبش يحكيلي لازم اتركه ع راحته ومستحيل افتح الموضوع، ع الحالتين لازم اشجعه ينسى كل اشي بشع مر فيه بحياته، ودايما احاول اعيشه لحظات حلوه معي .. 15/ ما هي اقصر الطرق الى قلب ادم برأيك ..؟؟ الانسانيه، اذا انا إنسانيه من بعد هالصفه بيجي كل الصفات الحلوه، سيعتا اكيد رح يبلش يحطني في باله او ينجذب إلي ويحبني .. 16/ ما ردة فعلك عندما يقول لك حبيبك : أحبك نعم أتزوجك لا ؟ صعبه، بس إذا انا بحبه لازم احترم رغبته، ولازم ائدر الظروف اللي هو عايش فيها، هيك رح يحبني اكتر، حتى لو مش رح يكون إلي، هيك ع الائل رح يتظل يتذكر إنه في إنسانه مميزه بحياته، إنسانه فش حدا بشبها، حتى لو اتزوج غيري، اذا هو مبسوط انا لازم انبسطله اكتر واتمناله السعاده والخير دايما بكل بساطه لإني بحبه .. 17/ ما هي اكثر كلمه تكرهين سماعها من آدم ...؟؟ فش كلمه معينه، كل كلمه انا بكرها وبحبش اسمعا هو لازم يعمل حساباته إنه ممنوع يحكيهون .. 18/ هل تقبلين بتعدد الزوجات أي ان يكون لك ضره أو ان تكوني انت ضره لأمرأة اخرى ....؟ لاء بئبلش طبعا، يا انا يا هي، مش انانيه بس حئي .. 19/ هل يزعجك أن مجتمعنا مجتمع ذكوري أي أن الكلمه العليا فيه لآدم ؟ اكيد بزعجني، لإنه يمكن البنت تكون افهم وائوى منه، مش كل شب بكون رجل بمعنى الكلمه .. 20/ ما العمر المناسب لحواء للزواج حسب رأيك ؟ 25، بتكون فهمت الحياة ويكون عندا خبرة بكل اشي .. 21/ هل شخصية آدم تطغى على شكله بالنسبه اليك ام العكس ؟ اكيد ممكن، لإنه الانسان بئلبه مش بشكله، عشان هيك ممنوع نحكم ع الواحد من شكله، يمكن يكون شكله بشع بس جواته إنسان طيب، او يمكن شكله شاذ بس يطلع إنسان كله مفهوميه .. 22/ هل من الممكن ان يبقى في قلبك شيئا من حب قديم حتى و ان تزوجت ؟ اللي بيحب بنساش، حتى لو رح اعيش ايام حلوه مع شب تاني بالمستئبل، لا بُد اتذكر الحب الاول، لإنه الحب الاول ولا بعمره بيموت، بظل فالئلب .. 23/ هل تزعجك صراحة ادم ؟ اذا انا صريحه مستحيل يزعجني بالعكس رح انبسط اكتر، لإنه صريح متلي، سبئ وئلت كل واحد بحكي مع اللي زيه، إذا انا بنت كذابه رح اكره صراحته اشي طبيعي .. 24/ ماذا تفعل حواء لو تقدم شخص تحبه ورفض أهلها هذا الشخص ؟ ظلم بحد ذاته، بعرفش شو ممكن يصير بس بحاول ادور ع طريئه، واذا ملئيتش ولا طريئه معناتو هدا شنصي بالحياة ولازم ارضى لإنه الحياة شنص، اما اخاطر واضحي؟ مستحيل لإنه يمكن وئتها تنيناتنا رح نخسر بعض .. 25/ لماذا تكره حواء زواج أدم عليها ؟ لإنه بتحبش حدا يشاركها الانسان اللي بتحبه، او الانسان اللي بتشوفه بالنسبه إلها كل اشي بحياتا، مش بس زوج، اشي طبيعي بدا تتدايئ لإنه حئّا.. 26/ برأيك متى يكره أدم حواء؟؟؟ لمن تعمل شغله وآدم بكرها هالشغله، فكيف بدو يرجع يحبّا؟ 27/ ماهي الصفة التي لا تتنازل عنها حواء في أدم؟؟؟؟ كرامتي اكيد .. 28/ ما هي أجمل هديه تتمناها حواء من أدم ولماذا؟؟؟ هو نفسه وحبه إلي احلى هديه .. 29/ دمعة أدم ماذا تعني لك؟؟؟؟ رح اكتشف ئديش في جواته إنسان طيب وطفل صغير .. متل ما انا عندي ئلب وبحس وبشعر وببكي وهو كمان نفس الاشي لإنه إنسان متلي، البكى ولا بعمرو كان عيب .. 30/ ما هو تصرفك مع آدم الذي تحبيه ولا تفهميه؟؟؟ لازم افهمه، وإلا شو رح استفيد من حبي إلي؟ رح اظلني اتعب بحياتي .. 31/ الرومانسية والكرم أيهما تفضلين في أدم ؟؟؟ مش عارفه، لإنه الرومانسيه صفه حلوه والكرم كمان صفه حلوه .. 32/ من هو أدم المسؤول في رأيك؟؟؟ حسب شو وجوده بحياتي، في عندك الاخ وفي الحبيب وفي الاب وفي الصديئ، كل واحد بختلف عن التاني .. 33/ ماذا تعني لك غيرة أدم الشديدة؟؟؟ نيالي، بحبني كتير، سيعتا شو بدي احسن من هيك إنسان؟ وين رح الائي متله؟ لهيك لازم احافظ عليه، وممنوع اخسره مش يمكن ما الائيش متله؟ 34/ لو تزوجتي أدم يعشق قول "لالالا" ماذا ستفعلين؟؟؟ رح احترم رغبته، إذا كنت بحبه لازم اعمل ايش هو بيحب وايش هو بدو، بدو اطوي الورئه؟ بطويها، هيك بكسبه اكتر ورح يحبني اكتر، لإنه هدا اكتر اشي الشب بتمناه حياته، بس هدا بئلش يطنشني، لازم نتعوّد ع شغله واللي هي نحترم آرارء بعض، وإذا هو مش هيك، سيعتا انا لازم اعلمه ورح يصير هيك، وهيك رح نكون احلى تنين .. 35/ لماذا يحب أدم الخروج من المنزل والذهاب الى الأصدقاء في نظرك؟؟؟ لحتى يغير جو وبنفس الوئت هدولي اهله من حئه يشوفون متل ما انا بحب اهلي وبشتئلون وهو كمان نفس الاشي، عندو اهل وصحاب لازم احترم هدا الاشي وممنوع اكون انانيه .. 36/ ما أكثر شي حواء تكره في نفسها ؟ اذا عم تسأل بشكل عام اكتر شغله ممكن تكرها البنت لمن تكون بلا كرامه او مش نظيفه واكيد المعنى وصلك، اما اذا ئصدك عني انا مش عارفه يمكن بكره صراحتي الزايده عن حدّا .. 37/ ما الذي ينقص أدم هذا العصر في نظرك؟؟؟ فش اشي معين، لإنه كل شب مختلف عن التاني، وكل شب بكون فيه اشي بكون نائصه بشخصيته .. 38/ ما هي مواصفات أدم التي تتمنيها لفارس أحلامك؟؟؟ سبئ وئلت الانسانيه، من بعدا بتيجي كل الصفات الحميده .. 39/ من هو أدم الذي يقدر حواء في نظرك ؟؟؟ بكون "إنسان" وشخص مميز .. لإنه مش كل شب هو إنسان .. 40/ ماذا ستكون ردت فعلك أذا كان أهتمام ادم بالأنترنت والمنتديات أكثر من الأهتمام بـ حواء"أنت"؟؟؟ الشغله بتتعلئ في هون، اذا هو مش مدايئني ولا مره بتدخل فيه بالعكس بتركه ع راحته، اما اذا مدايئني لدرجه إنه اهمل امري هون ببلش الشغل انا وشطارتي بنسيه النت .. 41/ هل تعتقدين بأن أدم سيقف في وجه طموحاتك؟؟؟ ممكن يوئف وممكن لاء، إذا كان الحب موجود مستحيل نوئف بوجه بعض، كل واحد فينا رح يكون جنب التاني كل الوئت .. 42/ كيف ستكون ردت فعلك عندما يكون فارس أحلامك من المدخنين؟؟؟؟ ائل من عادي، ليش امنعه من إشي هو بحبه؟ شغله وبحب يعملا لازم احترما وانا كمان نفس الاشي يتئبّل الشغلات اللي انا بحبا، إذا زودها بالدخان سيعتا هون بيجي دوري إنه لازم احاول ئديش بغدر اقنعه مش امنعه، في فرء بين إنه اقنعه وبين إنه امنعه .. 43/ ما هي الأشياء التي يجب أن يفعلها أدم تجاه حواء ليسعدها ؟؟ يحبني اول اشي ويتئبلني متل ما انا وهيك رح نكون اسعد تنين، مش بس انا اللي اكون مبسوطه .. 44/ نصيحه توجهينها الى أدم؟؟؟ كون "إنساني"، وئتا رح تحس ئديش رح تكون إنسان مميز بحياتك وبحياة غيرك، بإنسانيتك بتعيش مبسوط وبإنسانيتك بتبني مستئبل حلو .. 45/ ما أكثر شي تكرهه حواء في آدم ؟ لمن يعمل شغله انا بكرها، اشي طبيعي رح اصير اكرهه .. 46/أهمسي بما تشائين فلقد فك أسرك ؟ هريتني بالاسئله ههههههههههههههههه  بس بنفس الوئت حبيتون لإني انا كتير صريحه وبحب الاسئله الصعبه والمعئده اللي بتحتاج صراحه، شكرا كمان مره خيا لإنك اخترتني  .. | ||
| |
|
02-20-2014
| #55 | |
|
اولا يعطيك ِ العافية اخت سمره ع اجوبتك الصريحة والرائعة لك ِ شخصية رائعة متفاهمة وعقل كبير تقدري تفهمي أدم بشخصيتك أجوبتك اعجبني كتيرا لصراحتك وتناسقك بالحياة ,, وبالنسبة للسؤال الرابع هذا , / ماهو ترتيب آدم في حياتك و حسب الاولويه أبا ...و أخا ...و زوجا ...و ولدا؟ القصد انك ترتبي ,, من الاول للاخير اكتر شخص بتحبيه وبعدو مين يعني مثلا ابا .. اخا .. زوجا .. ولدا ,, كدا ,, يعني ويعطيك ِ العافية مرة أخري | |
| |
|
02-21-2014
| #57 | |
| حلـم أسمـر
|
ممنونتك كتير ع اختيارك إلي بموضوعك أخي 1/ من هي حواء عرفينا عن نفسك ؟ مخلوءة بحبا للحرية كتير وشو بكره انو حدا يتحكم في حياتي مندون مايقنعني بوجهة نظرو اسمي ( ريتاج ) 2/ لو اردتي ان تعطي آدم درجه في حياة حواء فكم ستعطيه من عشره ؟ هلأ وبالوئت الحالي 0 / 10 3/ باعتقادك لماذا يكره آدم المرأة الأكثر منه ثقافة ووعي أو مركزها الاجتماعي أعلى منه ..؟؟؟!! الله فضل آدم على المرأة بالقوامة وهي هيا ثقافتو يللي مقتنع فيا انو مميز عنها وهاد حقو يللي عطاه الله الو ( القوامة والإنفاق) مو أكتر لكن هو عمم هي الفكرة بكل جوانب حياتو وهيك علموه من وهو صغير انو للرجال الكلمة الأولى والأخيرة وإنو لازم يكون الأقوى ع اختو وع مرتو حتى لو كان بلا وعي او ثقافة او مصريات لهيك هو بيرفض أي شي يميز المرأة عنو ( نفسيات ~ _* ) خصوصا انو لو المرأة أفضل منو ثقافة ووعي ومركز اجتماعي رح تكون أفضل منو انفاق ع حالها ولهيك بتكسر في الميزة الوحيدة يللي الله ميزو فيها عنها فشي طبيعي يغار ويرفض هالشي ويكرها 4/ ماهو ترتيب آدم في حياتك و حسب الاولويه أبا ...و أخا ...و زوجا ...و ولدا؟ أخ / زوج / ولد 5/ هل طيبة أدم نقطة ضعف أمامك أم شيء تقدرينه بلا أستغلال ؟ مو بكل المواقف اوئات كتير بتكون طيبتو هي الوسيلة الوحيدة يللي ئدامي كرمال يغفرلي أي غلط ممكن أغلطو بس مو لدرجة الاستغلال وهو بيئدر يعميل كنترول ع طيبتو وئت يشوفني بستغلا 6/ كيف تتعاملين مع آدم في لحظات غضبه ؟ ماجربت هالموقف بس بعتئد اني رح حاول اني هديه ولو بالئليل وبعملو كاسة عصير لكن لو الغضب شديد بتركو ياخود وئتو وبعدين بفهام منو شو صار هاد لو الغضب مو مني لكن لو مني انا بسكوت بضعف ( حيل حوا لكسب المواقف ~_* هههههههههههه ) ومابحرك ساكن مشان سيطر ع الوضع ويمشي الحال 7/ هل وددت يوما أن تكوني آدم ......؟؟؟ نعم وخصوصاً هالايام ( 0 _ o ) 8/ هل حبك لآدم يجعلك ضعيفه ....؟ نعمممم بس ئدامو مو بكون ضعيفة مع اي حدا 9/ ماهو الشيء الذي يمتلكه آدم .. وتتمنى حواء إمتلاكه؟ الحرية 10/ متى تضحي حواء ما باستطاعتها من اجل ادم؟ عندما تعشقه 11/ أيهما تفضل حواء آدم القوي أم الذكي؟ ولماذا ؟ الذكي ( الذكاء هو أساس القوة ) شو نفع انو يكون قوي ومو عرفان شلون يتعامل معي او مع مواقف الحيات وصعابها ؟ 12/ هل تفضل حواء الزواج عن حب ام الزواج التقليدي ؟ الله وكيلك هالأيام مابفضل فكرة الزواج من الأساس لا عن حب ولا تقليدي 13/ ما موقف حواء أذا خانها آدم ؟ مابيستاهل مني أي موقف بعملو ديليت من زاكرتي وشو ما عمل مابسامحو ولا بتعامل معو وهاد مابيعني اني مارح اتألم أو أزعاال لكن وئت وبيمر 14/ هل تجارب آدم السابقه تهمك عند الارتباط به حتى و ان كانت صفحه و طويت ...؟ تهمني كرمال أعرف شخصيتو وشو الخطأ يللي وئعت في يللي ئبلي واتجنبو لكن التجارب السابقة مابتأثر على صلب الارتباط 15/ ما هي اقصر الطرق الى قلب ادم برأيك ..؟؟ احترامو وتئديرو واني كون انا الطرف الأضعف منو ( كلما ضعفت المرأة أمام الرجل كلما زادت مكانتها في قلبه ) وهاد هو يللي البنت بدا ياه 16/ ما ردة فعلك عندما يقول لك حبيبك : أحبك نعم أتزوجك لا ؟ بتألم كتير وبنجرح بس بخبي احساسي وبفضل اني اسكت وتركو وبطالعو برات حياتي وما بسمحلو انو يفوت فيا مرة تانية لأنو لو حكاها بيكون مافي احترام لعلائتنا من الأساس 17/ ما هي اكثر كلمه تكرهين سماعها من آدم ...؟؟ اي كلمة ممكن تحسسني بقسوتو 18/ هل تقبلين بتعدد الزوجات أي ان يكون لك ضره أو ان تكوني انت ضره لأمرأة اخرى ....؟ اني كون ضرة لأ مابئبلها ومابحب كون سبب في جرح حدا ( شو عملت المخلوءة مرتو حتى اجرحا ؟ ) لكن انو يكون إللي ضرة ممكن في حالة واحدة بس لو انا عندي سبب يمنعني من الانجاب وكل محاولاتي للإنجاب فشلت ويكون هو بدو يكون أب ومابيقدر يتحكم بشعورو مابمنعو لكن مابعرف رح اتحمل انو يكون مع مخلوء تانية غيري مابزن علاقتي معو رح تضل لأنو الغيرة شي صعب كتير 19/ هل يزعجك أن مجتمعنا مجتمع ذكوري أي أن الكلمه العليا فيه لآدم ؟ اي مزعوجة كتير بالرغم من هالشي رغم كل تقدم اتقدمتو المرأة وتفوقت على الرجل وصار معروف دورها بس بنزعج من بعض المجتمعات يللي كل شي عندون رجااال وبس 20/ ما العمر المناسب لحواء للزواج حسب رأيك ؟ 22 21/ هل شخصية آدم تطغى على شكله بالنسبه اليك ام العكس ؟ اي شخصيتو الأهم عندي انا مابتعامل مع فيس انا بتعامل مع جوهر ومضمون 22/ هل من الممكن ان يبقى في قلبك شيئا من حب قديم حتى و ان تزوجت ؟ الحب مافي حدا بينساه لكن بيتجاوز عنو ومع الوئت حياتي مع زوجي رح تنسيني كلشي والبنت الواعية يللي ماتحط زوجها بوضع مقارنة مع حب قديم عاشتو 23/ هل تزعجك صراحة ادم ؟ مابتجرحني صراحتو لكن اهم شي انو يفرق بين الصراحة والتجريح سوا كانت الصراحة تخصني او تخص اي حدا غيري 24/ ماذا تفعل حواء لو تقدم شخص تحبه ورفض أهلها هذا الشخص ؟ انا بطبعي جكر كتير وهي حياة رح تطول مو رحلة منمضي فيها شهر شهرين ومنرجع منها بحاول معون بكل الطرق لبين يئبلو لكن لو ضل الرفض شبدي اعمل؟ بسلم أموري لالله 25/ لماذا تكره حواء زواج أدم عليها ؟ وليش يتزوج لو الله منح الزوجة رخصة تعدد الزوجات انت بتئبلها ؟ بتئبل تتزوج عليك مرتك ؟ بدي اعرف رأيك بعدين جاوبك 26/ برأيك متى يكره أدم حواء؟؟؟ وئت يللي بيصير ادم عندا ولاشي ومابتعمل حساب لوجودو بحياتا 27/ ماهي الصفة التي لا تتنازل عنها حواء في أدم؟؟؟؟ الله وكيلك الرجوووووووووووووولة بكل معانيها وفي فرق بين الرجولة و ( االذكورة ) مشان في ناس ماعم بتفرق بين الرجولة والذكورة كل رجل ذكر ولكن ليس كل ذكر رجل 28/ ما هي أجمل هديه تتمناها حواء من أدم ولماذا؟؟؟ قلبه وكلمته الطيبة وانو يكون حنون عليها مايخليها تندم ع زواجها منو او ارتباطها في 29/ دمعة أدم ماذا تعني لك؟؟؟؟ انو بيحبني ووثقان فيا للدرجة يللي بتخلي دمعتو تنزل ئدامي وانو شو حاسس معي بالأمان ومو خيفان من وجوده معي وهاد الشي لازم اني ئابلو بالتئدير واحترمو كتير 30/ ما هو تصرفك مع آدم الذي تحبيه ولا تفهميه؟؟؟ بفضل ماكفي معو لانو الحب مو كلشي ولحالو مارح يعمر بيت ولا حياة 31/ الرومانسية والكرم أيهما تفضلين في أدم ؟؟؟ الرومانسية بحد زاتا كرم ويللي عندو كرم بمشاعرو ومعناويتو بيكون عندو كرم بكل مادياتو ( الأهم انو مايبخل على حوا وحوا وئت بتشوفو مابيبخل عليها مابزن رح تضيعلو مصرياتو ) الرجل بحر والمرأة جسر هيك إمي بتحكي 32/ من هو أدم المسؤول في رأيك؟؟؟ يللي بيحس بأهميته ودورو بكل المواقف حتى لو كانت مواقف بسيطة 33/ ماذا تعني لك غيرة أدم الشديدة؟؟؟ الحب مافي غيرو لو مابيحبني ما بيغار ولو ما غار مابيكون رجال ولا بيكون عشئان 34/ لو تزوجتي أدم يعشق قول "لالالا" ماذا ستفعلين؟؟؟ وشو يللي بيجبرني تزوج مخلوء مابيعرف من الحروف غير حرفين ( ل . ا ) وئت يكون في تفاهم يكون في حب لو مافي تفاهم شو نفع الحب لحالو ولو مابحبو ماني مجبورة ئبلو زوج 35/ لماذا يحب أدم الخروج من المنزل والذهاب الى الأصدقاء في نظرك؟؟؟ الرجولة تعني الحرية والرجال من وهو صغير بيعيش الحرية بحياتو ومع رفئاتو فما رح تئدر حوا انها تئيدو ومو لازم تكون مكرهتو حياتو مشان يطلااع مع رفئاتو هاد الشي عادي بس مو كل الوئت لو كل الوئت بدا تشوف شي جديد شي تغيير بحياتون كرمال الملل 36/ ما أكثر شي حواء تكره في نفسها ؟ الطيبة والسذاجة ببعض الأوئات 37/ ما الذي ينقص أدم هذا العصر في نظرك؟؟؟ الله وكيلك ومندون زعل ( الرجولة ) والإحساس بالمسؤولية 38/ ما هي مواصفات أدم التي تتمنيها لفارس أحلامك؟؟؟ انو يكون واعي وحنون ومثقف و زكي ويعرف شلون يتعامل معي وانو يكون فهمان شو معنى الرجولة وشو معنى اني اتروك عيلتي ورفئاتي كرمالو وانو يكون مسؤول 39/ من هو أدم الذي يقدر حواء في نظرك ؟؟؟ الواعي ويللي بيعرف ان حواء هي كل حياتو من يوم ما خلئ لبين يموت هي الإم والاخت والزوجة ورفيئة حياتو ومشوار عمرو وهي بنتو يللي رح تكون حنونة عليه وئت يختير 40/ ماذا ستكون ردت فعلك أذا كان أهتمام ادم بالأنترنت والمنتديات أكثر من الأهتمام بـ حواء"أنت"؟؟؟ بهاد الموقف خص نص رح كون قاسية كتير عليه رح واجهو بضعفو وانو مسلم حالو لعالم الخيال وانو مو على قدر المسؤولية يللي بيهرب منها بالواقع كرمال يعيش شبوبيتو ورجولتو بعالم خيالي 41/ هل تعتقدين بأن أدم سيقف في وجه طموحاتك؟؟؟ لو انو افضل مني بالطموحات مابزن انو رح يمنعني من طموحاتي لكن لو هو الأقل اي بزنو يمنعني 42/ كيف ستكون ردت فعلك عندما يكون فارس أحلامك من المدخنين؟؟؟؟ شو بكره الدخان وريحتو لكن مابتركو بحاول معو وبدعيلو بانو الله يبعد عنو هالعادة السيئة وبحاول معو بكل الطرق 43/ ما هي الأشياء التي يجب أن يفعلها أدم تجاه حواء ليسعدها ؟؟ الله قال ( لو كنت فظاً غليظ القلب لانفضوا من حولك ) وقال ( كلمة طيبة كشجرة طيبة أصلها ثابت وفرعها في السماء ) والرسول اللهم صلي وسلم عليه قال ( الكلمة الطيبة صدقة ) ولو مالها تأثير ماكانت صدقة 44/ نصيحه توجهينها الى أدم؟؟؟ يا ادم حواء مخلوءة رقيقة وحساسة كتير وكتير عم بتضعف ئدامك حاجتك تئويها عليك بأفعالك وبمعاملتك معها حاجتك تحولها من ملاك لفرعون 45/ ما أكثر شي تكرهه حواء في آدم ؟ القسوة 46/أهمسي بما تشائين فلقد فك أسرك ؟ غداً في الأصيل سأذهب وحيدة وسوف أجول بدنيا جديدة وليس معي سوى أدمعي وذكرى هواك وهوايا معي سأذهب سجينة كأني رهينة لبعض النقود فجفف دموعك وافسح لي مكاناً بين ضلوعك لعلي أعود كحطام سفينة أمد إليك أصابع حزينة فخذها إليك فبين يديك تبغي السكينة وممنونتك كتير ع الاستضافة يعطيك العافية وما ننحرم من جديدك المميز وأطروحاتك الرائعة | |
| |
|
02-21-2014
| #58 | |
|
أخت ريتاج لك ِ شخصية راائعة جدا مميزة بأسلوبك وكلامك الحلو جميل أجوبتك وأعجبتني وربنا يوفقك وتحققي كل الا تتمنيه وتكسبي الحرية للابد ,, يعيطك ِ العافية خيتو يسعدني بأجوبتك | |
| |
|
02-21-2014
| #59 | |
| / لماذا تكره حواء زواج أدم عليها ؟ وليش يتزوج لو الله منح الزوجة رخصة تعدد الزوجات انت بتئبلها ؟ بتئبل تتزوج عليك مرتك ؟ بدي اعرف رأيك بعدين جاوبك هذا سؤال عام وبناخد رأيك فيه ,, بالنسبة ألي انا الزواج مو عيب ولا حرام ولكن يجب ان يمشو ع قواعد الشروط وهي ان يعدلو بين زوجاتهم ,, وان لا يظلموهم والزواج ع زوجته بحق وليس لاجل التمتع ,, هكذا انا أؤمن بهيك زواج ,, وما فيها بتقبل او بتقبلي ,, كل انسان وله رأي ومفهوم بهيك حياة ,, | |
| |
|
03-05-2014
| #60 | |
  
| فكرة رااائعة وكتير جاوبتت عليهاا راج اجاوب ع بعض منها بعدين اكمل باقي لاسالة لي انها طويلة انتظروني | |
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عصير التفاح الأخضر , عصير التفاح الاخضر له فوائد صحية كثيرة , | رفيعة الشأن | صِحِتِكـَ تِهُمٍنٍآ | 6 | 11-02-2013 08:34 PM |
| عصير القصب وفوائده , فوائد عصير القصب , اهميه عصير القصب | حيرتني | صِحِتِكـَ تِهُمٍنٍآ | 6 | 09-12-2013 11:14 PM |
| طريقة عمل عصير الجلاب -طريقة تحضير عصير الجلاب2013 | لمشتاقة لروحي | װ..مطبخ بنات فلسطين]●ะ< | 9 | 09-05-2013 07:37 PM |
| عصير نعناع بالليمون - طريقة عمل عصير النعناع بالليمون | حيرتني | װ..مطبخ بنات فلسطين]●ะ< | 17 | 08-24-2013 07:21 PM |
| معلومات شاملة عن عصير الرمان,فوائد عصير الرمان الجمة,فوائد وعجائب عصير الرمان | رفيعة الشأن | ثقف نفسك | 15 | 08-08-2013 09:25 PM |
الساعة الآن 08:22 PM
