منتديات بنات فلسطين - شخـــــص مــا !!!

شخص ما

اقول له

الحياة واسعة مرة، وللسعادة ألف باب وباب وطريق ومسلك
والسما الكبيرة ما راح تضيق على قلبك الصغير لو بغى يطير فيها ويفرح
لا تحشر نفسك في زاوية ضيقة من زوايا الحياة وتقعد تبكي فيها ليل نهار عشان ما عندك وعشان مافيك وعشان ماصار لك..
لا تخلي حاجة صغيرة ناقصتك تعمي عيونك طول الوقت عن آلاف الأشياء الثمينة اللي عندك وتذكر إن اللي ناقصك لا يعدو كونه حكمة وخيرة لك أو ابتلاء تمتحن وتؤجر عليه.
لا تخلي الناس هي اللي تحدد لك تصوّر السعادة ومفهومها ومعناها في صور ومظاهر وماديات وطقوس ووو..

السعادة أقرب من كذا، وأكبر من كذا، وأحلى وأجمل وأعمق وأوسع وأدق وأكثر!
لك سعادتك الخاصّة اللي يجهل أسرارها غيرك.. وما يملك مفاتحها سواك
أبكِ يوم، تذمر لحظة، أشكِ لو بغيت.. مارس بشريتك لا تتجاهل أحزانك العابرة وماراح يعتب عليك أحد..
لكن لا تنصب خيامك تحت الغيمة السوداء المارّة في حياتك واللي تحجب جنّات النعم الأخرى عنك.
لا تقتل حياتك بالمقارنات،
لكل نفس نصيبها المخبوء من حزن وابتلاء ونقص.. لا تثق كثير في المظاهر.
لا تقبل بتعاريف محدودة وفقيرة ونمطية واستهلاكية للسعادة.. تذكّر إنها المكان اللي تقدر توصله بسلّمك الصغير ولو غيرك سعى له بأبراج مشيّدة ويمكن ينهد البرج عليه أو يقضي نحبه قبل لا يوصل له!

استمتع بحميمة التفاصيل الصغيرة.. عفوية الأشياء البسيطة.. دهشة التأملات العميقة
بسّط تنبسط.. واسعِد تَسعد
وسعادتك مع ربك.. وجنّتك في صدرك، والسلام