|
مباحث رفح تتعرف على هوية الطفلة المقتولة مباحث رفح تتعرف على هوية الطفلة المقتولة والتي وُجدت في مقبرة بخانيونس http://images.alwatanvoice.com/news/...9998409231.jpg رام الله - دنيا الوطن أعلنت مباحث رفح مساء الخميس التعرف على هوية الطفلة التي عثر عليها أمس مدفونة في مقبرة معن شرق مدينة خانيونس جنوب قطاع غزة. وقالت المباحث في تصريح صحفي إن الطفلة هي ردينة أحمد محمود من سكان مدينة رفح وتبلغ من العمر عامين ونصف، مشيرة إلى أنها اعتقلت والديها للتحقيق معهما. وكانت الشرطة عثرت الليلة قبل الماضية على الطفلة المذكورة بعدما تلقت بلاغًا من المواطنين يفيد بقيام شخصين مجهولين بدفن شيء في المقبرة. وقال الناطق باسم الشرطة في حديث سابق إن الشرطة تحركت على الفور، وقامت بالبحث وعثرت على جثة طفلة مقتولة تبلغ من العمر عامين تقريبًا، وتم نقلها للمستشفى، ومن ثم للطبيب الشرعي لتحديد طبيعة القتل. نقلا عن وكالة صفا |
لا حول ولا قوة الا بالله معقول ابوها وامها قتلوها ؟ والله شي بقهر اخي الصياد كل تقدير وإحترام مشكور للخبر المحزن |
اقتباس:
وطالما ماقدموا بلاغ بفقدانها ممكن يكونوا هم مشكورة لمرورك وردك |
لا اله الا الله ايش هالاخبار اللي بتسم البدن اهلها قاتلينها...يا حبيبــــــــــــــي فش عندهم احساس طيب لو قلنا انها بنت حرام مثلا ليش مستنيين لحتى تصير سنتين ونص اكيد وراهم اشي هادول الجماعه ..الله يستر منهم كل التحيه |
مش شرط تكون بنت ح.... صارت كتير هيك قصص بس اول مرة تصير بغزة هدول ناس مش مقدرة نعمة الاولاد حدا بضرب ابنه حتى الموت مابهون عليهم اولادهم بالضرب العادي التحقيق بكشف بكرا ايش قصتهم |
اكيد ما حطيت بعقلي انها بنت حرام ..بس قلت لو بت حرام كان قتلوها عالفور مثلا طيب هادي سنتين ونص <وين قلوبهم موديينها<<شكلهم بايعين قلوبهم بدون استرداد يقطع شرهم ما اغبا عقليتهم ...هو هيك الضرب بيكون (خنق حتى الموت...قصاص يعني) بكرا بنشوف ايش قصتهم والله صرنا نسمع قصص يا طيف ألطف بغزة قتل وزنى ولواط و كشف عورات بالسيارات وووو...ألخ حسبي الله عليهم وين ما يكونوا |
المشكلة حتى لو هم قتلينها مافيها قصاص ممكن كم سنة سجن مش اكتر .. هو ع الاغلب مافش عندهم قلوب مش بايعينها اذا هيك قتلو بنتهم اه والله غزة ابصر ايش صايرلها الجرايم كترانة فيها وهذا الظاهر بس وما خفى كان اعظم .. او هو كان موجود من قبل بس ما كان يظهر بالاخبار مثل هالايام |
جد مش عارفين ايش بيصير فيها غزة لحتى صارت هيك اكيد زمان كان في هيك<يعني كانو محترمين يعني بس هلقيت شايفين الاشي صاير علني الله يستر وشكرا عالخبر |
شكلوو بدنا نصير زي مصر .. كل يوم فيه جرمتين تلاته ,, بس المشكلة كلنا مليون ونص بنخلص بسرعة :128: بعين الله ع هالوضع |
لا اله الا الله قتلها لازم يكون في من واراه ايشي كبير بكرة بتبين مشكور ع النقل تحياتي |
شكلو بكلامنا ظلمنا اهل البنت والله اعلم .. نقلا عن دنيا الوطن رام الله - دنيا الوطن أعلنت مباحث محافظة رفح عن كشفها للغز الطفلة التي عثر عليها مدفونة داخل مقبرة الشيخ محمد النجار في منطقة معن بخانيونس مساء الثلاثاء الماضي. وقالت الشرطة على صفحتها بموقع فيس بوك مساء الخميس :"إن الطفلة ردينة أحمد محمود من سكان رفح التي عثر عليها مدفونة بمقبرة في خانيونس تم كشف لغزها وجاري التحقيق في ملابسات الحادث". وأوضحت الشرطة أنه جرى اعتقال والديها للتحقيق معهم. وأضافت أنه بعد التحقيق معهما تبين أن الطفلة مريضة وتعاني من عدة أمراض مزمنة وتحتاج إلي صورة رنين مغناطيسي والوضع المادي يمنعهم من ذلك . وقالت الشرطة إن والدي الطفلة اعترفا أنها وقعت على رأسها وتوفت مباشرة ونظرا لأن الأهل لا يمتلكون ثمن القبر وتكاليف العزاء تم دفنها بالسر . وعثرت الشرطة الفلسطينية في تمام الساعة العاشرة من مساء الثلاثاء الماضي على جثة طفلة تبلغ من العمر عامين ونصف مقتولة ومدفونة في أحد مقابر خانيونس جنوب قطاع غزة. |
معقوله لكن اقولك ايش ما يحكو مش مصدقه عالقليله الجيران يكون عندهم علم او يجي حدا معاهم انا عنيده ومش حصدق .بدهم يطلعوا منها هيك وبرضو الله اعلم شكرا يا ظالمهم |
انا قولت شكلوو ظلمناهم مش اكيد لانه الخبر الاول قال البنت ماتت من الضرب المبرح واهلها بحكو مرض ووقعت ع راسها .. ومامعهم مصاري للقبر والعزاء .. الكلام كله مش داخل راسي وبنستنى نعرف نهاية القصة |
| الساعة الآن 03:16 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.