قالت ستي 😄❤
 

قالت - ستي❤
لا تضرب و تغمق الجرح
ما بعد العداوة إلا الصلح


قالت ستي❤
- سودة والخدم حواليها وبيضا وكل الشغل عليها


* - سودا زرقا وقاعدة عالتخت ... وبيضا شقرا مالها بخت


* - خود التخينة وأوعى تخاف ... منها مخدة ومنها


قالت ستي
البخت المعدول القرعة ام بربور


قالت ستي
الغربة غربة العباد مو غربة البلاد


قالت - ستي
النذل يلي متعود على الوخامة
ما بناسبو بيت الشرف و الشهامة


قالت - ستي
صاحِب مين برد غيبتك
ولا تصاحب مين يجيب سيرتك


قالت - ستي
حسدونا على ضحكتنا
حتى أجت الأيام و أخذتها


قالت - ستي
دروس الحياة مو ببلاش
دافعين ثمنها من عمرنا كاش


قالت_ ستي
يلي مالو بنات ... ماحدا بيعرف إمتى مات


قالت_ ستي
الحياة بدون أخت متل الطريق بلا زفت


قالت_ ستي
عشر أصهرة ع باب داري ولا كنة تكشف أسراري


قالت _ستي
لو ما كان الطول مهیوب ... ما اخترعو للقصيرة كعوب


قالت_ ستي
قصي من لسانك وزيدي ع التنورة ... منو بتدفي سيقانك ومنو بتضلي مستورة


قالت _ستي
ابن الأصل لو طعميتوا خبز حاف ... بيصون وقليل الأصل لو طعميتوا لحم الكتاف بيخون


قالت _ ستي
فكرناهن رخصوا ... طلعو
ببلاش


قالت_ ستي
دنيا ما عليها عتب ... فيها المصدي وفيها الذهب


قالت ستي...
الله يكفينا شر من رحب فينا وهلا
ومن ورانا حكى علينا وما خلا😏
اي نعم


قالت ستي
الغربة متل الحمام العمومي ... الي برا حيموت ليدخل، والي جوا موطايق الريحة 😄
اي والله


قالت ستي
شيل الريحانه وشمها
وخود البنت على ريحة أمها😍
اي نعم


قالت ستي ...
لا تاكل هم حدا
لأن وقت همك الكل عامل ريجيم

اكتير حلو كلامك عمري ^^

شكرا http://www.bntpal.com/vb/images/smilies/dv%20(3).gif

قال ستي

طرح جميل راق لي

سلمت يداك

صحيح هالحكي
يسلمو سمر
الله يبعتلك ايام حلوة
و
سنين احلى

و الله كلامها كلو صح هههه
يسعدك للإدرآج

يعطيك العافيه
اختيار جميل
تسلم يديك

كويس ما ستي اللي حكت
خود التخينة وأوعى تخاف ... منها مخدة ومنها

له له له
شو جاب الدبب لكرمنا

شكرا الك

راقتني