بدك تحب صلاتك ؟
 

بدك تحب صلاتك؟❤
امشي بمبدأ إن الصلاة مش شغلة روتينية إنت مجبر تعملها
ﻷ ...على فكرة إنت رايح تقعد مع ربنا شوي ... تقعد معاه خمس دقايق .. كتير عليه؟ كتير على الي خلقك؟ الي إعطاك كل اشي؟😊.❤
إستعد للصلاة كإنك رايح تقابل حد بتحبه .. روح و إنت متلهف كثيررر .. الي بسألك وين رايح احكيلو (رايح أقعد مع ربنا شوي) .. خليه إحساس داخلي جواتك ... 😊
أول ما ترفع إيدك و تقول الله أكبر .. إبتسم إبتسامة مشتاق بيقابل حد بيحبه .. قول الله أكبر .. و جواتك صوت (جيتك يا حبيبي) .. على فكرة مش هبل إنك تحكي مع ربنا .. هذا الي خلقك .. هذا أقرب من أبوك و أمك .. إقرأ كل كلمة في هدوء (الحمد لله رب العالمين) حبيبك الي خلقك يرد عليك ويحكيلك (حمدني عبدي ) و تكمل .. (الرحمن الرحيم) حبيبك يرد يحكيلك(أثنى علي عبدي ) و تسمع ربك يرد عليك فتضحك و تكمل (مالك يوم الدين) ربنا بيرد عليك (مجدني عبدي :)) وتكمل(إياك نعبد و إياك نستعين) .. يرد ربنا (هذا بيني وبين عبدي ولعبدي ما سأل ) .. فتبتسم أكتر و تيجي لآخر جزء (إهدنا الصراط المستقيم ،صراط الذين أنعمت عليهم،غير المغضوب عليهم ،ولا الضالين ) و حبيبك يرد ( هذا لعبدي ولعبدي ما سأل)
إقراها بالراحة .. إسمع صوته وهو بيهمس جواك..😊.❤.
بعدين في مرحلة الإعتدال من الركوع لما بتحكي (سمع الله لمن حمده) إحمده إنت (ربنا ولك الحمد ،حمدا كثيرا طيبا مباركا فيه)
هلأ ..وقت السجوووود .. الله :)) لما تهمس في بطن الأرض فيسمعك من في السماء .. احكيله (أنا بحبك) احكيله (خليك معي في المحنة الفلانية) احكيله (أنا محتار) احكيله (بدي أقولك شغله و فضفض) ..😊.❤.
والله إحكي مع ربك باللغة العامية ( يارب بدي أحكيلك شغله أنا صار معي موقف .. ) طبعاً ربنا عارف كل دابة نملة على ظهر الأرض .. وعارف الموقف الي إنت بتحكيه ..طبعآ انت رح تخربط في الكلام .. بعدين بترجع تحكي و بتبتسم .. وتخلص كلامك و تفرح ..
بعد ما تخلص صلاة .. سلم عليه مش السلام التقليدي ﻷ هذا حبيبك .. تخيل إنت بتسلم علي حد بتحبه و تحكيله (كان نفسي تقعد معي كمان شوي.. طيب خليك شوي ..رح اشتقتلك .. متى اشوفك مره ثانيه ) طيب هذا ربك .. عارف شو يعني ربك؟ خلصت القعده معه و احكيله ( رح اشوفك مره ثانيه يا حبيبي .. عشان بدي أحكي مواضيع كتيرة ما حكيتها .. رح اجيك في صلاة الفجر.. لنا قعده طويلة ان شاء الله... بحبك يلي اعطتني كل اشي ..) و تروح و إنت حاسس إن ما في مثلك في هاي الدنيا كلها .. مش غرور بس فخر و سعادة و راحة و طمأنينة .. أنا كنت قاعد مع ربنا :)) بعدين أي مشكلة تواجهك ولا رح تهزلك شعرة .. عارف ليش؟ ما إنت رح تركض تشكي لرب العالمين :))
بتحكي بينك وبين حالك (طيب والله غير احكي لربنا لما اشوفه - الي هي الصلاة الجاية) و تحس برااااحة كبيره .. يا حظك إنت بتحكي مع ربنا؟ 😊.❤
يارب يا مقلب القلوب ثبت قلوبنا على دينك وارزقنا الالتزام
يارب اصلح قلوبنا و حالنا يارب❤️🙏

اوه هادا مو هبل وهادا شي اكتير حلو

وكتير حبيت موضوعك والله اكتير


انا اتفالت نورت

من أراد أن يكلمه الله فعليه بالقرآن
ومن أراد أن يكلم الله فعليه بالصلاة
طبعا مش كلام
المعنى انه يطلب من ربنا شو ما بده
لانه ما كان لبشر ان يكلم الله الا وحياً
بارك الله بكِ

محلا الكلام
فعلا الصلاة بتقربك من ربك وبتحل كل مشاكلك

شكرا عيناك قدري

صلاة حياة و نور من ربنا
جزاك الله خيرا
و
جعله الله في ميزان حسناتك

كلو الا صلاتي ما اخليها
:98:
الله يفتح عليكي ي شيخه

بارك الله فيك

جزاك خير ان شالله

جزاكي الله كل خير حبيبتي