رسالة مهمة الى قاتل محمود_شقفة https://scontent.fjrs1-1.fna.fbcdn.n...dd&oe=5D39F1F9 https://scontent.fjrs1-1.fna.fbcdn.n...8e&oe=5D72224C طيب لما نويت تقتله .. ما اطلعت بعينه وهو بموت ؟ ما اتأثرت بملمس إيدو الصغيرة ؟ لما نويت على قتله .. ماوقفك صوته وهو بقولك : عمو وين ماخدني ؟ عمو شو بدك تعمل فيا ؟ بعد م طلعت روحه بين إيديك .. حسيت بفرق بين الماضي والحاضر ! كيف كان محمود وكيف صار ! شو كنت إنتا وشو صرت ! لما دفنته لتخفي اللي ارتكبته وحشيتك .. حسيت قديش جسم صغير ؟ أدركت انك قتلت ملاك صغير ؟ بتعرف شو يعني " روح " و" حياة " ؟ وإنتا شايله عكتافك رايح تدفنو.. ماتخيلتش ابنك مقتول ومحمول عالاكتاف وشعورك لما ابنك بموت ؟ مافكرتش إنك حامل روح حتطاردك كَلعنة في الدنيا والاخرة ؟ طيب ما تخيلت نفسك انتا محمول عالأكتاف !! وانتا بتدفن فيه.. إيديك ماتجمدو من فظاعة الامر ؟ سمعت صوت إمه وهي بتبكي عليه ؟ شفت دموعها ؟ اطلعت على محمود نظرة اخيرة لتودعه؟ طيب ليش ماخليت اهله يودعوه ؟ حرام .. تلاقيهم مشتهيين يبوسوه ويحضنوه مرة ! وإنتا بتحط التراب عليه.. اختبرت نفسه يمكن يكون لسا فيه روح وبتنفس . لما خلصت , اتنهدت إنه وأخيرا أتممت مهمتك ؟ اكيد جرت العادة انك تقول " الحمدلله " كل م تنتهي من شغلة , ياترى هل قلت الحمدلله بعد ما خلصت , الحمدلله اني قتلته ودفنته , الحمدلله صرت مجرم بطلت إنسان ! لما قمت , قريت الفاتحة ع قبره ؟ كتبت : "هنا دفنت المرحوم محمود شقفة الصغير " ! عنجد حسيت برجليك قادرين يحملوك ؟ لسه فيك روح ؟ طيب أكيد نظرت تحتك واتخيلت محمود طلع إيده من تحت التراب ووقفك , وقالك "عمو بدي أروح أنا خايف " ... وانتا ماشي .. كم مرة درت وجهك وراك تتأكد إنه محمود ما بيلحقك, تتأكد انه خلاص صار ماضي ! كم كانت سرعة دقات قلبك ؟ إلك قلب عنجد ؟ طيب مافكرتش ولو مرة : " إيش الفايدة من موت محمود؟ إيش كان حيصير لو مامات ؟ إيش كان حيصير لو محمود الملاك الصغير لسا عايش؟ " حسبي الله ونعم الوكيل ..!! |
حسبي الله ونعم الوكيل فيه بجد اثر فينا كتير هالطفل الله ينتقم منو يارب ويصبر اهل الطفل |
حسبي الله ونعم الوكيل فيه ابن الحرام اقسم بربي قشعر بدني فيديوهات اهله و امه خصوصا لما بتحكي عن ابنها يا االله خصوصا انوجاي بعد عطش وبعد 5 بنات حسبي الله عليه يعطيك العافية مؤيد عالطرح |
لككك كيف قدر؟!! وربي ما عم استوعب كيف فيه يقتل طفل لا وكمان وقح و عامل حالو بدور عليه حسبي الله ونعم الوكيل فيه |
حسبنا الله و نعم الوكيل المفروض الحكومة تتحمل المسؤولية لو شرع ربنآ يطبق لكآن جرائم القتل بتنتهي الله يكون بالعون نسأل الله ان يلهم أهله الصبر و السلوان تقديري . |
حرق قلوبنا الله ينتقم منه حسبي الله ونعم الوكيل |
طيب هوه ليش قتلو ؟؟ طيب شو ما كان السبب شو استفاد من قتلو ؟؟ وخاصه انو كان متضامن مع والد الطفل يعني ما كان في عداوه ؟؟ اذا ما كان هالشخص مريض وفاقد للاهليه يجب التفنن بقتله يعني حرام ينقتل شنق لازم بالمنشار اشكرك على الطرح |
اقتباس:
اقتباس:
اقتباس:
شكرا ملك اقتباس:
شكرا ام الامير اقتباس:
اقتباس:
انه هو شاكك انه ابو الطفل مبلغ الحكومه انه اخوه للقاتل بتاجر بالمخدرات وحب ينتقم من ابن الرجال وكل الشغله مجرد شك والله اعلم شو في اسباب تانيه مهو شو الي بخلي انسان يقتل طفل بهالبرود وبهالبساطه شي غريب فعلا شكرا اخي |
حسبي الله ونعم الوكيل ماعندو رحمة ابدا، الله ينتقم منو |
حسبي الله ونعم الوكيل فيه هاد بدل ما يحارب المحتل قتل نفس بريئة ..روح طاهرة قتل طفل ما له بدنيا بشيء يلي هيك عنجد لازم يموته وين قلب وضميره وين انسانيته وين كان عقله لما اجى نفس يقتل طفل صغير الله ينتقم منه ..وانشاء الله يلاقي اشد انواع العذاب حسبي الله عليك |
الساعة الآن 11:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.