دور ع اللي بيناسبك من الأول
 

ازا بدك بنت محجبة دور عالمحجبة و ازا بدك اياها بتلبس جلباب دور عليها بس لا تفكر تاخد بنت مو محجبة و تشترط عليها تلبسه .

ازا بدك اياها موظفة ،، تحديدا معلمة بدوام قصير و عطلة صيف و شتا و شغل مو مختلط عادي دورلك بشي مدرسة بس لا تضيع وقتك و انت بتقنع موظفة بمجال تاني انها تصير معلمة .

ازا بدك اياها موظفة مشان تساعدك لانه الحياة بدها تعاون و مشاركة، لا تستغرب و تنصدم بحياتك ازا سالتك تساعدني بالجلي وللا تقعد مع الولاد (( المشاركة مبدأ عام مو محصور بالراتب و المصروف))

و ازا العكس ما بدك بنت موظفة دور على بنت أساسا قاعدة بالبيت او ما عندها طموح وظيفي و مو مهتمة ، بس ما تشترط على موظفة بتنام و بتصحى و هي بتحلم بالشغل انها تقعد بالبيت ، لانه غالبا راح تختار شغلها ..

ازا بدك اياها نحيفة دور عليها ، بس لا تروح للمليانة و تحكيلها لو تنحفي شوي !!

مافي داعي تعمل فرمته للبنت اللي قدامك و تنزل شخصية جديدة بما يتناسب معك ، دور ع اللي بناسبك من الاول .
✋

فعلا كلامك سليم وهادف

كل الحب لانتقائك غلاتي

دمتي بسعادة

تحياتي الك

حلو كتير
مع اني ما بسمع لجورج
شكرا لحضورك

الطيور على أشكالها تبحث حتى يستطيعوا الطيران في نفس الصوب
مساءك سعيد

بدك مين يفهم بسس
موضوع رائع جداً جداً
الف شكر .