منتديات بنات فلسطين - روح الله يسامحك

مواطن غزاوي مربى خروف صحى لقى الخروف ميت
أخذه ع الدكتور البيطرى حتى يعرف سبب الوفاه
تفاجأ من قول الدكتور أن الخروف مات بالجلطة.
ادارالمواطن وجهه للخروف ومسك قرونه وأخذ يكلمه بتعجب وحرقه واستغراب.وقال:
جاتلك جلطه ليش بس ؟
خريج هندسه ومش ﻻقي شغل ؟
خريج انجليزى وواقف بتبيع فالسوق ؟
خريج أداب وبتشتغل على تاكسي ؟
خريج حقوق وواقف على باب المحكمة ؟
جمعت كل اللى معك وأعطيته لإبنك عشان يسافر أوروبا وغرق على شواطئ اليونان؟
مديون ومش عارف تسدد ديونك ؟
بتستنى دورك فى بطالة الوكالة كل عشر سنين 6 شهور ؟
بدك تتجوز ومش قادر وما معك تجيب ؟
رحت ترخص سيارة الاقساط الي بتشتغل عليها ولقيت عليها 3 مخالفات باليوم ؟
مش قادر تشتري ملابس لأولادك؟
مفش تعليم مجاني ؟ وظفوا اصحابهم وسابوك ؟
جاتلك جلطه ليش بس ؟
ماخذ قرض ومتورط بالسداد ؟ قبضت الشؤون اتاخرت ؟
جتلك فاتورة كهرباء وما قدرتش تسدد ففصلوا عنك الكهرباء؟ وانت اصلا ما عندك كهربا ؟
حاسس انك غريب ببلدك ؟
الدنيا ملخبطه حولك ومخك بطل يجمع من كثر الي بتشوفه ؟
رفع اﻻسعار مش عاجبك ؟
جاتلك جلطه ليش بس؟
بتقطع عندك الكهربا ؟
بتستنى دور جرة الغاز ؟ مش قادر تدفع رسوم الجامعه ؟ ما اعفوك من الرسوم ؟
جالك فشل كلوى من المياه الملوثه ورحت تغسل قالولك ما فيش مكان إنتظر إما حد يموت وتدخل مكانه؟
بطنك وجعك ورحت المستشفى وقالولك هات علاجك من بره ؟
جاتلك جلطه ليش بس ؟
بتستنى دور المية ؟
نفسك فى اللحمة والكيلو وصل 60 شيكل ؟
نفسك ادخن لقيت علبة الدخان 20 شيكل ؟ بلاش منه الدخان
رحت تدفع فاتورة الاتصالات لاقيت 20 شيكل رسوم اشتراك للابد ؟
دفعوك فاتورة الكهربا غصبن عنك وانت ما عندك كهربا ؟
جاتلك جلطه ليش بس ؟
واقف عالمعبر تسافر الك سنة بتستنى بالدور وفي ناس بتدفع وبتسافر ؟
لاقيت حالك بالعيد مسموم من سندوش شاورما ولا رنجة والحكومة طنشت ؟
عندك ثلاجة نفسك تشرب منها ميه مثلجة ومش قادر ؟
معقول استنيت تاخذ كابونه وانت فقران وبالاخر قالولك انت مش معانا ؟
عملتلك بسطة والبلدية شالتها ؟
جاتلك جلطه ليش ؟
بدك تحويلة للخارج وما عملولك ؟
بدك تسافر من معبر بيت حانون ورفضوك ؟
عبيت كرت بجوالك وطار بسرعه ؟
شاركوك في مالك ؟
قريبك موظف وصار عنده ارض وفيلا وسيارة ؟
كان عندك مطار دمروه ودمروا بيتك وبعدين صاروا يتفاوضوا علي ميناء وحصلوا بمبرز؟
شيخ الجامع خرج عن النص ؟
معاك فزبه وممنوع تروح فيها على البحر يوم الجمعه ؟
شفت فساد كثير ومش قادر تحكي ؟
.
جالك جلطه ليش بس ؟
البنزين غالي ؟
ترخيص العربية غالي ؟
ترخيص البنا غالي ؟
.
جاتلك جلطه ليش بس ؟
يعني بدك تقول إنك بتحس اكثر منا ؟
روح الله يسامحك