وعن اى عيد تتحدون بقلمى 💔
 

مهما كتبت .. فالكلام طويل وخاصة لما يكون عن الأم ..
بدي ابدى في امي المراة العظيمة جدا الي تحملت كصاعب الحياة وشدائدها .. والي تغلبت على السرطان في اول عمرها باذكر كنا صغار وقتها لما انصابت بالمرض اولها كان عبود اخر العنقود ما تجاوز ١٥ سنة من عمره وبتذكر كنت في توجيهي لما صابها المرض .. لكن رغم هيك تغلبت عليه ومارست الحياة بشكل عادي وكانت تروح المدرسة بروحها الطيبة الي ما كان اقوى منها .. امي اجمل واطهر أم بتذكرها بكل تفاضيلها .. لما رجع الها المرض تاني . لكن هالمرة ما طول فيها . لانو راح واخدها منا ..
١١ شهر من عمر هالمرض وعمرها . كانت تقضيهم بمستشفيات الداخل .. كانت كل اسبوعين الها جرعة كيماوي وبتذكر كمان لما زودو الها الجرعة بسبب تفشي المرض في جسمها .. في كل مرة كان يتصل علينا بابا او خالو كنا نتوقع انو امي توفت .. لحد ما اجى فجر الثلاثاء البارد باجوائه وشتاؤه الحزين علينا 18/11/2014 ما بقدر انسى هالتاريخ ..
فاتت امي المستشفى قبل بايام من وفاتها .. وفي ليلة وفاتها كنا عندها نادت علينا ..فرد فرد . جينا عندها فتنا الغرفة الكئيبة الي ريحة الدوا والمرض فيها .. كان وجها شاحب جدااا وكنا عارفين انو هيا اخر أيامها من وجها وجسمها ... قربنا لعندها كلنا .. سارت تدعي النا كل واحد باسمه وكانت متذكرة اسمنا رغم انو المرض اكل كا جسمها . قالت النا الله يرضى عليكم رضى ربي ورضاي ..
طلعنا من الغرفة وسيل الدعوات بترافقنا . ومعها سيل من الدموع في عيوننا ..
صلت امي الفجر بعيونها لانها م كانت تقدر تتحرك .. وفارقت الحياة مع اقامة الفجر وبتذكر كتير هاليوم ..
اجا الطبيب يقلنا امكم توفت وادعولها بالرحمة لانها لاخر نفس كانت بتدعي الكم

غطاها الدكتور بالشاش الابيض .. وجهزوها مشان ياخدوها على تلاجة الموتى ..
بتذكر حالي لما حطيت نفسي ع الحيط وبديت اعيط بصوت عالي .. م قدرت أسدق انو ماما راحت .. ام أنس العظيمة بكل ما فيها راحت في هداك اليوم .. اخذ الله امانته زي م .. راحت ماما لكن مكانها لساتو بقلوبنا .. راحت جنة الله على الأرض .. لكن دايما بندعي الها انو تكون الجنة متستقرها ومنزلتها ..
قديش بدي اكتب م راح اكتب شي من الي عملتو معنا ماما..
ادعوا لام انس الكبيرة كل ما تتذكرو
وعيدك فى الجنه اجمل ياروحى

ايام العمر كلها ما تكفي و تعجز عن تعطي حق الام

الام حياة كاملة

الله يرحمها ويغفر لها ويسكنها فسيح جناته وتلتقي بها بالفردوس بعد عمر طوووويل إن شاءالله

كلماتك مؤثرة جدا

كلمات ينفطر القلب حزناً لها
صدقاً يعجز لساني عن وصف شعوري الآن
نسأل الله ان يتقبلها مع الشهداء و الأنبياء
و ان يجمعكم بهآ في جنات الفردوس الأعلى

كلماتك هاي .؟
ازا كلماتك انقلي الموضوع على قسم الحصريات
او الإبداعات ؛ لحفظ الحقوق


الله المستعان .

الله يرحمها و يغفر لها ويجعل ما اصابها تكفير لذنوبها ولرفع منزلتها بالجنه والفردوس الاعلي

كلمات بتقطع القلب حسّيت فيك لانه نفس معاناه كمان ماما صابها المرض الله يكتب لهم الثواب يارب ، مريت بحاله نفسيه سيئه

كنت بشوف ماما والتعب بعيونها بس الحمدلله ربي شفاها و عفاها يارب لم الشكر و يارب لك الحمد

ي الله بس حدا بجيب سيره مرض سرطان نفسيا بتعب

كلماتك بمنتهى الحزن
موجعه كتير
الله يرحما ويجعل مثواها الجنه ويصبركم ع فراقا
الام ما بتتعوض

تم النقل للحصريات

ربنا يرحمها ويرحم جميع امهاتنا
حبيبتي ريتال كلماتك وجعتلي قلبي جد

ربنايصبرقلبك

ربنا مايحرمكم من امهاتكم ويعطيهم الصحة وطول العمر
نورتوا